ನೋಡಿರಿ
ಮನೆಗೆ ಬರ್ತಿದ್ದಂತೆ ಎಲ್ಲಿ ನಮ್ಮ ಟಗರು ಮರಿ ಎಂದು ಗಿಲ್ಲಿಗೆ ಬಾರಿಸಿದ ತಂದೆ! – ಗಿಲ್ಲಿಗೆ ಎಣ್ಣೆ ಸ್ನಾನ ಮಾಡಿಸಿದ ಅಮ್ಮ!
ಬಿಗ್ಬಾಸ್ ಮನೆಯಲ್ಲಿ ಗಿಲ್ಲಿನಟ ಸಖತ್ ಹೈಲೈಟ್. ಗಿಲ್ಲಿ ಮಾತು, ಕಾಮಿಡಿಗೆ ಅದೆಷ್ಟೋ ಜನ ಫಿದಾ ಆಗಿದ್ದಾರೆ. ಇದೀಗ ಗಿಲ್ಲಿ ತಂದೆ ತಾಯಿ ದೊಡ್ಮನೆಗೆ ಬಂದಿದ್ದಾರೆ. ಮಗನ ಮೇಲೆ ಅಮ್ಮ ಪ್ರೀತಿಯ ಮಳೆ ಸುರಿಸಿದ್ದು, ಹೊಸ ಅವತಾರದಲ್ಲಿ ಗಿಲ್ಲಿ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ಬೆಂಗಳೂರಿಂದ ಗೋಕರ್ಣ ಹೊರಟಿದ್ದ ಬಸ್ನನಲ್ಲಿ ಅಗ್ನಿ ದುರಂತ – 9 ಮಂದಿ ಸಜೀವ ದಹನ
ಬಿಗ್ ಬಾಸ್ ನಲ್ಲಿ ಫ್ಯಾಮಿಲಿ ರೌಂಡ್ ನಡೆಯುತ್ತಿದೆ. ಈಗಾಗಲೇ ಅನೇಕ ಸ್ಪರ್ಧಿಗಳ ಕುಟುಂಬಸ್ಥರು ಬಂದು ಹೋಗಿದ್ದಾರೆ. ಈಗ ಗಿಲ್ಲಿ ಸರದಿ. ಗಿಲ್ಲಿ ಮನೆಯಿಂದ ಅವರ ಅಪ್ಪ ಹಾಗೂ ಅಮ್ಮ ಬಿಗ್ ಬಾಸ್ ಮನೆಗೆ ಬಂದಿದ್ದಾರೆ. ಗಿಲ್ಲಿ ಮಾತ್ರ ಅಲ್ಲ ಅವರ ಅಪ್ಪ ಅಮ್ಮ ಕೂಡ ತುಂಬಾ ತಮಾಷೆ ವ್ಯಕ್ತಿತ್ವದವರು ಅನ್ನೋದು ಪ್ರೋಮೋ ನೋಡಿದ್ರೆ ಗೊತ್ತಾಗುತ್ತದೆ. ಬಿಗ್ ಬಾಸ್ ಮನೆಗೆ ಬರ್ತಿದ್ದಂತೆ ಅವರ ಅಪ್ಪ, ಎಲ್ಲಿ ನಮ್ಮ ಟಗರು ಮರಿ ಹುಡುಕ್ತಾರೆ. ನಂತ್ರ ಇಲ್ಲೆ ಇದೆ ಅಂತ ಕೋಲಿನಲ್ಲಿ ಹೊಡೆಯುತ್ತಾರೆ. ಅಪ್ಪನ ಹೊಡೆತ ತಪ್ಪಿಸಿಕೊಳ್ಳೋ ಪ್ರಯತ್ನವನ್ನು ಗಿಲ್ಲಿ ಮಾಡ್ತಿದ್ದಾರೆ.
ಅಪ್ಪ – ಅಮ್ಮನನ್ನೂ ಗಿಲ್ಲಿ ಬಿಡೋದಿಲ್ಲ. ಅವರನ್ನು ಕೂಡ ತಮಾಷೆ ಮಾಡ್ತಿದ್ದಾರೆ. ಅವರ ಅವ್ವ ಬರ್ತಿದ್ದಂತೆ, ಕೂದಲಿಗೆ ಬಣ್ಣ ಹಚ್ಚಿಕೊಂಡು ಚೆನ್ನಾಗಿ ಬರಬಹುದಿತ್ತಲ್ವ ಅಂತಾರೆ. ಅದಕ್ಕೆ ನಿನ್ನ ತಲೆ ನೋಡ್ಕೋ ಅಂತ ಅವರ ಅಮ್ಮ ಹೇಳ್ತಾರೆ. ಅಷ್ಟೇ ಅಲ್ಲ ಮಗನಿಗೆ ಎಣ್ಣೆ ಹಚ್ಚಿ, ಸ್ನಾನ ಮಾಡಿಸಿ, ಬಿಳಿ ಬಟ್ಟೆ ಹಾಕಿ, ಹಣೆಗೆ ತಿಲಕ ಇಡ್ತಾರೆ.
ಗಿಲ್ಲಿ ಅಪ್ಪ – ಅಮ್ಮನ ಜೊತೆ ಮಾತನಾಡಿ ಇಡೀ ಬಿಗ್ ಬಾಸ್ ಸ್ಪರ್ಧಿಗಳು ಖುಷಿಯಾಗಿದ್ದಾರೆ. ಮನೆಯಲ್ಲಿರುವಂಗೆ ಗಿಲ್ಲಿ ಇಲ್ಲೂ ಇದ್ದಾರೆ ಅಂತಾ ಅವರ ಅಮ್ಮ ಹೇಳಿದ್ದಾರೆ. ಅಪ್ಪ – ಅಮ್ಮನ ಮುಂದೆ ಚಿಕ್ಕವ್ವ ಅಂತ ಅಶ್ವಿನಿ ಅವರನ್ನು ಪರಿಚಯ ಮಾಡ್ತಾರೆ ಗಿಲ್ಲಿ. ಅಪ್ಪನ ಎರಡನೇ ಹೆಂಡ್ತಿ ಅಂತ ಅಶ್ವಿನಿ ಅವರನ್ನು ಪರಿಚಯ ಮಾಡಿಸ್ತಾರೆ. ಅಪ್ಪನ ಮುಂದೆ ಇಷ್ಟೆಲ್ಲ ಮಾತನಾಡ್ತಿರಲಿಲ್ಲ, ಈಗ ಹೆಚ್ಚು ಮಾತನಾಡ್ತಿದ್ದಾನೆ ಅಂತ ಗಿಲ್ಲಿ ಅಮ್ಮ ಮಗನ ಬಗ್ಗೆ ಹೇಳಿದ್ದಾರೆ.
ಕಲರ್ಸ್ ಕನ್ನಡದ ಪ್ರೋಮೋ ನೋಡಿ ಫ್ಯಾನ್ಸ್ ಖುಷಿಯಾಗಿದ್ದಾರೆ. ಹಳ್ಳಿಯವರು ಅಂದ್ರೆ ಸುಮ್ಮನೇನಾ? ಈವತ್ತಿನ ಎಪಿಸೋಡ್ ಮಜವಾಗಿರುತ್ತೆ. ಗಿಲ್ಲಿ ಕುಟುಂಬ ನೋಡೋಕೆ ಖುಷಿಯಾಗುತ್ತೆ ಅಂತ ಫ್ಯಾನ್ಸ್ ಕಮೆಂಟ್ ಮಾಡಿದ್ದಾರೆ.
ಬಿಗ್ ಬಾಸ್ ಮನೆಗೆ ಬಂದ ಗಿಲ್ಲಿ ಆರಂಭದಿಂದಲೂ ತಮ್ಮ ತಮಾಷೆ ಮೂಲಕ ವೀಕ್ಷಕರನ್ನು ಹಿಡಿದಿಟ್ಟುಕೊಂಡಿದ್ದಾರೆ. ಗಿಲ್ಲಿ ಕೆಲ್ಸ ಮಾಡಲ್ಲ, ಬೇರೆಯವರ ಬಗ್ಗೆ ತಮಾಷೆ ಮಾಡಿ ಮನಸ್ಸಿಗೆ ನೋವು ಮಾಡ್ತಾರೆ ಎನ್ನುವ ಆರೋಪ ಇದ್ರೂ ಗಿಲ್ಲಿ ಹವಾ ಮಾತ್ರ ಕಡಿಮೆ ಆಗಿಲ್ಲ.ಈ ಬಾರಿ ಬಿಗ್ ಬಾಸ್ ವಿನ್ನರ್ ಗಿಲ್ಲಿ ಎನ್ನುವ ಮಾತುಗಳು ದೊಡ್ಡ ಮಟ್ಟದಲ್ಲಿ ಕೇಳಿ ಬರ್ತಿವೆ.
