ಕತಾರ್ ವಿಶ್ವಕಪ್: ಫುಟ್ಬಾಲ್ ಸ್ಟಾರ್​ಗಳ ಟ್ಯಾಟೂ ಕ್ರೇಜ್!
ದೇಹದಲ್ಲಿ ಏಸುಕ್ರಿಸ್ತ, ಸಿಂಹ, ಓಂ ನಮಃ ಶಿವಾಯ!

ಯುವಕರಿಗೆ ಟ್ಯಾಟೋ ಹಾಕಿಸಿಕೊಳ್ಳೋದು ಅಂದ್ರೆ ಅದೇನೋ ಕ್ರೇಜ್. ಚಿತ್ರ ವಿಚಿತ್ರ ಟ್ಯಾಟೂಗಳನ್ನ ಮೈಯಲ್ಲಿ ಹಾಕಿಸ್ಕೊಂಡು, ಶೋ ಮಾಡಿಕೊಂಡು ಓಡಾಡುತ್ತಾ ಇರುತ್ತಾರೆ.   ಈಗ ಕತಾರ್​​ನಲ್ಲಿ ನಡೀತಿರೋ ವಿಶ್ವಕಪ್ ಫುಟ್ಬಾಲ್​ ಟೂರ್ನಿಯಲ್ಲೂ ಆಟಗಾರರ ಟ್ಯಾಟೂ ಕಣ್ಣು ಕುಕ್ಕುವಂತೆ ಮಾಡ್ತಿದೆ. ಅರ್ಜೆಂಟೀನಾದ ಲಿಯೋನೆಲ್ ಮೆಸ್ಸಿ, ಬ್ರೆಜಿಲ್​​ನ ನೈಮಾರ್ ಸೇರಿದಂತೆ ಸ್ಟಾರ್​​ ಆಟಗಾರರ ದೇಹದಲ್ಲಿ ನಾನಾ ನಮೂನೆಯ ಟ್ಯಾಟೂ ಮಿಂಚುತ್ತಿದೆ.

ಮೆಸ್ಸಿ ಯೇಸುಕ್ರಿಸ್ತನ ಹಚ್ಚೆ:

ಅರ್ಜೆಂಟೀನಾದ ಲಿಯೋನೆಲ್ ಮೆಸ್ಸಿ ತಮ್ಮ ಭುಜದ ಮೇಲೆ ಯೇಸುಕ್ರಿಸ್ತನ ಹಚ್ಚೆ ಹಾಕಿಸಿಕೊಂಡಿದ್ದಾರೆ. ಜೊತೆಗೆ ತಾಯಿ, ಪತ್ನಿ, ಮಕ್ಕಳ ಹೆಸರನ್ನು ಕೂಡ ಹಚ್ಚೆ ಹಾಕಿಸಿಕೊಂಡಿದ್ದಾರೆ. ಮೆಸ್ಸಿ ಸೊಂಟದ ಬಳಿ ತುಟಿಯ ಟ್ಯಾಟೋ ಕೂಡ ಕಂಡುಬಂದಿದೆ.

ನೈಮಾರ್ 40 ಹಚ್ಚೆ:

ಬ್ರೆಜಿಲ್​ನ ಸ್ಟಾರ್ ಆಟಗಾರ ನೈಮಾರ್ ಅಂತೂ ತಮ್ಮ ದೇಹದಲ್ಲಿ ಒಟ್ಟು 40 ಹಚ್ಚೆಗಳನ್ನು ಹಾಕಿಸ್ಕೊಂಡಿದ್ದಾರೆ. ಕೈಯಲ್ಲಿ ತಾಯಿ ಮತ್ತು ಸಹೋದರಿಯ ಟ್ಯಾಟೂವನ್ನ ನೈಮಾರ್ ಹಾಕಿಸಿಕೊಂಡಿದ್ದಾರೆ.

ಹಚ್ಚೆಗಳ ರಾಜ:

ಡಚ್ ಫುಟ್ಬಾಲ್ ಆಟಗಾರ ಮೆಂಫಿಸ್ ಡಿಪ್, ಬೆನ್ನಿನ ಮೇಲೆ ಸಿಂಹದ ಟ್ಯಾಟೂ ಹಾಕಿಸಿಕೊಂಡಿದ್ದಾರೆ. ಇವರನ್ನ ಹೆಚ್ಚೆಗಳ ರಾಜ ಅಂತಾನೆ ಕರೆಯಲಾಗುತ್ತೆ.

ಓಂ ನಮಃ ಶಿವಾಯ: 

ಇಂಗ್ಲೆಂಡ್  ಫುಟ್ಬಾಲ್ ತಂಡದ ಆಟಗಾರ ಥಿಯೋ ವಾಲ್ಕಾಟ್, ಹಿಂದೂ ಧರ್ಮದಿಂದ ಪ್ರಭಾವಿತರಾಗಿದ್ದಾರೆ. ಹೀಗಾಗಿ ತಮ್ಮ ಬೆನ್ನಿನ ಮೇಲೆ ಓಂ ನಮಃ ಶಿವಾಯ ಅಂತಾ ಹಚ್ಚೆ ಹಾಕಿಸಿಕೊಂಡಿದ್ದಾರೆ.