ನೋಡಿರಿ
ಆಹಾರ ವ್ಯರ್ಥ ಮಾಡೋ Top 10 ದೇಶಗಳು – ಭಾರತಕ್ಕೆ ಎಷ್ಟನೇ ಸ್ಥಾನ?
ಫುಡ್ ವೇಸ್ಟ್ಗೆ ಕಾರಣಗಳೇನು?
ಏನಿಲ್ಲಾ ಅಂದ್ರೂ ಬದುಕಬಹುದು.. ಆದ್ರೆ ಹೊಟ್ಟೆಗೆ ಹಿಟ್ಟಿಲ್ಲ ಅಂದ್ರೆ ಬದುಕೋಕೆ ಆಗಲ್ಲ.. ಪ್ರತಿಯೊಬ್ಬ ಮನುಷ್ಯನಿಗೆ ಆಹಾರ ಅತೀ ಮುಖ್ಯ.. ಕೆಲವರು ಒಂದೊಂದು ಹೊತ್ತಿನ ಊಟಕ್ಕೂ ಪರದಾಡುತ್ತಾರೆ.. ಆದ್ರೆ ಕೆಲವರೇ ಬೇಕಾ ಬಿಟ್ಟಿಯಾಗಿ ತಿನ್ನೋ ಆಹಾರವನ್ನ ವೆಸ್ಟ್ ಮಾಡ್ತಾರೆ. ಆಹಾರ ವ್ಯರ್ಥ ಮಾಡೋದು ಪರಿಸರ ಮತ್ತು ಜಾಗತಿಕ ಆಹಾರ ಭದ್ರತೆ ಮೇಲೆ ಪರಿಣಾಮ ಬೀರುವ ಗಂಭೀರ ಸಮಸ್ಯೆಯಾಗಿದೆ. ಪ್ರತಿ ವರ್ಷ, ಲಕ್ಷಾಂತರ ಟನ್ ಆಹಾರವನ್ನು ವ್ಯರ್ಥ ಮಾಡಲಾಗುತ್ತದೆ. ಇದು ಹಸಿರುಮನೆ ಅನಿಲ ಹೊರಸೂಸುವಿಕೆ, ಸಂಪನ್ಮೂಲಗಳ ವ್ಯರ್ಥ ಮತ್ತು ಆರ್ಥಿಕ ನಷ್ಟಕ್ಕೆ ಕಾರಣವಾಗುತ್ತದೆ. ಹಾಗಿದ್ರೆ ಯಾವೆಲ್ಲಾ ದೇಶಗಳಲ್ಲಿ ಅತೀ ಹೆಚ್ಚು ಆಹಾರವನ್ನವೆಸ್ಟ್ ಮಾಡ್ತಾರೆ ಅನ್ನೋ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ಪಿಂಕ್‌ ಟೆಸ್ಟಲ್ಲಿ ಭಾರತದ ಪ್ಲಾಫ್‌ ಶೋ! – ರೋಹಿತ್ ಶರ್ಮಾ ತಲೆದಂಡ ಫಿಕ್ಸ್
ಅಭಿವೃದ್ಧಿ ಹೊಂದಿದ ಹಾಗೂ ಹೊಂದುತ್ತಿರುವ ದೇಶಗಳಲ್ಲಿ ಅತೀ ಹೆಚ್ಚು ಆಹಾರವನ್ನ ವೆಸ್ಟ್ ಮಾಡಲಾಗುತ್ತೆ. ಬೇಕಾಬಿಟ್ಟಿಯಾಗಿ ಆಹಾರ ಖರೀದಿ, ಸರಿಯಾದ ಶೇಖರಣೆ ಇಲ್ಲದೇ ಇರೋದು, ಅತಿಯಾದ ಖರೀದಿ ಸೇರಿದಂತೆ ಸಾಕಷ್ಟು ಕಾರಣಗಳಿಂದ ಆಹಾರ ವೆಸ್ಟ್ ಆಗುತ್ತಿವೆ.. ಹಾಗಿದ್ರೆ ಯಾವೆಲ್ಲಾ ದೇಶಗಳಲ್ಲಿ ಹೆಚ್ಚು ಆಹಾರವನ್ನ ವೆಸ್ಟ್ ಮಾಡಲಾಗುತ್ತೆ ಅನ್ನೋದನ್ನ ನೋಡೋಣ ಬನ್ನಿ
ಚೀನಾದಲ್ಲಿ ಅತೀ ಹೆಚ್ಚು ಆಹಾರ ವ್ಯರ್ಥ
ಜಾಗತಿಕವಾಗಿ ಹೆಚ್ಚು ಆಹಾರವನ್ನು ವ್ಯರ್ಥ ಮಾಡುವ ಪಟ್ಟಿಯಲ್ಲಿ ಚೀನಾ ಮೊದಲ ಸ್ಥಾನದಲ್ಲಿದೆ. ಚೀನಾದಲ್ಲಿ ಆಹಾರ ತ್ಯಾಜ್ಯದ ಒಟ್ಟು ಪ್ರಮಾಣ 91 ಮಿಲಿಯನ್ ಟನ್ಗಳನ್ನು ಮೀರಿದೆ. ಹೆಚ್ಚಿನ ಜನಸಂಖ್ಯೆ ಹೊಂದಿರುವ ದೇಶವಾದ ಚೀನಾದಲ್ಲಿ ಹೆಚ್ಚಿನ ಪ್ರಮಾಣದ ಆಹಾರ ವ್ಯರ್ಥವಾಗುವುದರಲ್ಲಿ ಯಾವುದೇ ಆಶ್ಚರ್ಯವಿಲ್ಲ.
ಭಾರತದಲ್ಲಿ 68 ಮಿಲಿಯನ್ ಟನ್ ಫುಡ್ ವೇಸ್ಟ್
ಈ ಪಟ್ಟಿಯಲ್ಲಿ ಭಾರತ 2 ನೇ ಸ್ಥಾನದಲ್ಲಿದೆ. ಭಾರತದ ಒಟ್ಟು ಆಹಾರ ತ್ಯಾಜ್ಯದ ಪ್ರಮಾಣ 68 ಮಿಲಿಯನ್ ಟನ್ಗಳನ್ನು ಮೀರಿದೆ. ಚೀನಾದಂತೆಯೇ, ಭಾರತದ ಹೆಚ್ಚಿನ ಜನಸಂಖ್ಯೆಯು ಆಶ್ಚರ್ಯಕರವಾಗಿ ಹೆಚ್ಚಿನ ಪ್ರಮಾಣದ ಆಹಾರವನ್ನು ವ್ಯರ್ಥಕ್ಕೆ ಕಾರಣವಾಗಿದೆ.
ಅಮೆರಿಕದಲ್ಲಿ 19 ಮಿಲಿಯನ್ ಟನ್ ಆಹಾರ ವೇಸ್ಟ್
ಅಮೆರಿಕದಲ್ಲಿ ಆಹಾರ ತ್ಯಾಜ್ಯದ ಒಟ್ಟು ಪ್ರಮಾಣ 19 ಮಿಲಿಯನ್ ಟನ್ಗಳನ್ನು ಮೀರಿದೆ. ಆಹಾರ ವ್ಯರ್ಥವಾಗಲು ಜನಸಂಖ್ಯೆ ಕಾರಣ ಎಂದು ಇತರ ದೇಶಗಳು ಹೇಳಿದರೆ, ಅಮೆರಿಕ ಈ ಕಾರಣವನ್ನು ಹೇಳಲು ಸಾಧ್ಯವಿಲ್ಲ. ಪ್ರಪಂಚದ ಶಕ್ತಿಶಾಲಿ ರಾಷ್ಟ್ರವೆಂದು ಪರಿಗಣಿಸಲ್ಪಟ್ಟಿರುವ ಅಮೆರಿಕ, ವಿಶ್ವದ ಅತಿದೊಡ್ಡ ಆಹಾರ ಗ್ರಾಹಕ ರಾಷ್ಟ್ರವಾಗಿರುವುದು ಇದಕ್ಕೆ ಪ್ರಮುಖ ಕಾರಣವೆಂದು ಹೇಳಲಾಗುತ್ತೆ.
ಜಪಾನ್‌ನಲ್ಲಿ ಆಹಾರ ತ್ಯಾಜ್ಯದ ಒಟ್ಟು ಪ್ರಮಾಣ 8 ಮಿಲಿಯನ್ ಟನ್
ಜಪಾನ್‌ನಲ್ಲಿ ಆಹಾರ ತ್ಯಾಜ್ಯದ ಒಟ್ಟು ಪ್ರಮಾಣ 8 ಮಿಲಿಯನ್ ಟನ್ಗಳನ್ನು ಮೀರಿದೆ. ಜಪಾನ್ ಜನನಿಬಿಡ ದೇಶವಾಗಿರೋ ಕಾರಣಕ್ಕೆ ಹೆಚ್ಚಿನ ಪ್ರಮಾಣದ ಆಹಾರ ವ್ಯರ್ಥವಾಗಲು ಕಾರಣವಾಗಿದೆ.
ಜರ್ಮನಿಯಲ್ಲಿ 6 ಮಿಲಿಯನ್ ಟನ್ ಆಹಾರ ವೇಸ್ಟ್
ಜರ್ಮನಿಯಲ್ಲಿ ಆಹಾರ ತ್ಯಾಜ್ಯದ ಒಟ್ಟು ಪ್ರಮಾಣ 6 ಮಿಲಿಯನ್ ಟನ್ಗಳನ್ನು ಮೀರಿದೆ. ಇತರ ಯುರೋಪಿಯನ್ ದೇಶಗಳಂತೆ, ಅದರ ಗಾತ್ರ ಮತ್ತು ಸಂಪತ್ತು ಎರಡೂ ಅತಿಯಾದ ಆಹಾರ ತ್ಯಾಜ್ಯಕ್ಕೆ ಕಾರಣವಾಗುತ್ತವೆ.
ಆಹಾರ ವ್ಯರ್ಥ ಮಾಡೋ ದೇಶಗಳು
ಫ್ರಾನ್ಸ್‌ನಲ್ಲಿ ಆಹಾರ ತ್ಯಾಜ್ಯದ ಒಟ್ಟು ಪ್ರಮಾಣ 5 ಮಿಲಿಯನ್ ಟನ್ಗಳನ್ನು ಮೀರಿದೆ. ಆಹಾರ ಮತ್ತು ಬೇಯಿಸಿದ ವಸ್ತುಗಳ ಮೇಲಿನ ಪ್ರೀತಿಗೆ ಹೆಸರುವಾಸಿಯಾಗಿದೆ ಫ್ರಾನ್ಸ್. ಇಂಗ್ಲೆಂಡ್‌ನಲ್ಲಿ ಆಹಾರ ತ್ಯಾಜ್ಯದ ಒಟ್ಟು ಪ್ರಮಾಣ 5 ಮಿಲಿಯನ್ ಟನ್ಗಳನ್ನು ಮೀರಿದೆ. ರಷ್ಯಾದಲ್ಲಿ ಆಹಾರ ತ್ಯಾಜ್ಯದ ಒಟ್ಟು ಪ್ರಮಾಣ 4 ಮಿಲಿಯನ್ ಟನ್ಗಳನ್ನು ಮೀರಿದೆ ಸ್ಪೇನ್‌ನಲ್ಲಿ ಆಹಾರ ತ್ಯಾಜ್ಯದ ಒಟ್ಟು ಪ್ರಮಾಣ 3 ಮಿಲಿಯನ್ ಟನ್ಗಳನ್ನು ಮೀರಿದೆ. ಸ್ಪೇನ್ ತನ್ನ ಆಚರಣೆಗಳು ಮತ್ತು ಆಹಾರಕ್ಕಾಗಿ ಹೆಸರುವಾಸಿಯಾಗಿದೆ, ಆದರೆ ಆ ಆಹಾರದ ಬಹುಪಾಲು ವ್ಯರ್ಥವಾಗುತ್ತದೆ. ಆಸ್ಟ್ರೇಲಿಯಾದಲ್ಲಿ ಆಹಾರ ತ್ಯಾಜ್ಯದ ಒಟ್ಟು ಪ್ರಮಾಣ 2 ಮಿಲಿಯನ್ ಟನ್ಗಳನ್ನು ಮೀರಿದೆ. ಈ ದೇಶಗಳಲ್ಲಿ ಆಹಾರವನ್ನ ವ್ಯರ್ಥ ಮಾಡೋ ಟಾಪ್‌ 10 ದೇಶಗಳಾಗಿವೆ.
