ಆಸ್ಟ್ರೇಲಿಯಾ ವಿರುದ್ಧ ಮೊದಲ ಟಿ-20 ಪಂದ್ಯ – ಸೂರ್ಯಕುಮಾರ್ ಯಾದವ್ ಟೀಂ ಇಂಡಿಯಾದ ಕ್ಯಾಪ್ಟನ್

ಆಸ್ಟ್ರೇಲಿಯಾ ವಿರುದ್ಧದ ವಿಶ್ವಕಪ್ ಫೈನಲ್ ಮ್ಯಾಚ್ನಲ್ಲಿ ಸೋತಿದ್ದಾಯ್ತು. ಈಗ ಟಿ-20 ಸೀರಿಸ್ ಶುರುವಾಗ್ತಿದೆ. ವಿಶಾಖಪಟ್ಟಣದಲ್ಲಿ ಫಸ್ಟ್ ಮ್ಯಾಚ್ ನಡೀತಿದೆ. ಸೂರ್ಯಕುಮಾರ್ ಯಾದವ್ ಟೀಂ ಇಂಡಿಯಾದ ಕ್ಯಾಪ್ಟನ್ ಆಗಿದ್ದಾರೆ. ವರ್ಲ್ಡ್ಕಪ್ನಲ್ಲಾಡಿದ ಬಹುತೇಕ ಎಲ್ಲಾ ಸೀನಿಯರ್ಸ್ಗಳಿಗೂ ರೆಸ್ಟ್ ನೀಡಿ ಯಂಗ್ಸ್ಟರ್ಸ್ಗಳನ್ನೇ ಆಸ್ಟ್ರೇಲಿಯಾ ವಿರುದ್ಧ ಅಖಾಡಕ್ಕಿಳಿಸಲಾಗುತ್ತಿದೆ. ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಮೊದಲ ಟಿ-20 ಮ್ಯಾಚ್ ಕುರಿತು ಮಾಹಿತಿ ಇಲ್ಲಿದೆ.

ಇದನ್ನೂ ಓದಿ: ಸೆಂಚೂರಿಗಾಗಿ ಸ್ವಾರ್ಥಿಯಾದರಾ ವಿರಾಟ್ ಕೊಹ್ಲಿ?- SELFISH ಟ್ಯಾಗ್‌ಲೈನ್ ಕೊಹ್ಲಿಗೆ ಯಾಕೆ?

ಟೀಂ ಇಂಡಿಯಾದ ಕ್ಯಾಪ್ಟನ್ ಆಗಿ ಸೂರ್ಯಕುಮಾರ್ಗೆ ಇದು ಮೊದಲ ಮ್ಯಾಚ್. ಸೂರ್ಯಕುಮಾರ್ಗೆ ಈಗ ಕ್ಯಾಪ್ಟನ್ಸಿ ಟೆಸ್ಟ್ ನಡೀತಿದೆ. ಅದು ಕೂಡ ಆಸ್ಟ್ರೇಲಿಯಾ ಟೀಂ ವಿರುದ್ಧ. ಈ ಸೀರಿಸ್ ಸೂರ್ಯಕುಮಾರ್ ಕ್ರಿಕೆಟ್ ಭವಿಷ್ಯದ ಪಾಲಿಗೆ ತುಂಬಾನೆ ಇಂಪಾರ್ಟೆಂಟ್ ಆಗಲಿದೆ. ಅತ್ತ ಮ್ಯಾಥ್ಯೂ ವೇಡ್ ಆಸ್ಟ್ರೇಲಿಯಾ ಟೀಂನ್ನ ಲೀಡ್ ಮಾಡ್ತಿದ್ದಾರೆ. ಸುಮಾರು ಒಂದು ವರ್ಷಗಳ ಬಳಿಕ ಮ್ಯಾಥ್ಯೂ ವೇಡ್ ಇಂಟರ್ನ್ಯಾಷನಲ್ ಸೀರಿಸ್ ಆಡ್ತಿದ್ದಾರೆ.

ಇನ್ನು ಭಾರತ ಮತ್ತು ಆಸ್ಟ್ರೇಲಿಯಾ ಟಿ-20ಯಲ್ಲಿ ಎಷ್ಟು ಬಾರಿ ಮುಖಾಮುಖಿಯಾಗಿವೆ. ಎರಡೂ ಟೀಂಗಳ ಟ್ರ್ಯಾಕ್ ರೆಕಾರ್ಡ್ ಏನು ಅನ್ನೋ ಬಗ್ಗೆಯೂ ಒಂದಷ್ಟು ಮಾಹಿತಿ ಇಲ್ಲಿದೆ.

ಭಾರತ-ಆಸ್ಟ್ರೇಲಿಯಾ 26 ಬಾರಿ ಮುಖಾಮುಖಿ
15 ಮ್ಯಾಚ್ಗಳಲ್ಲಿ ಟೀಂ ಇಂಡಿಯಾ ಗೆದ್ದಿದೆ
10 ಮ್ಯಾಚ್ಗಳಲ್ಲಿ ಆಸ್ಟ್ರೇಲಿಯಾ ಗೆಲುವು ದಾಖಲಿಸಿದೆ
ಭಾರತ-ಆಸ್ಟ್ರೇಲಿಯಾ ಮಧ್ಯೆ ಕಳೆದ 5 ಟಿ-20 ಮ್ಯಾಚ್ಗಳಲ್ಲಿ
3 ಮ್ಯಾಚ್ಗಳನ್ನ ಭಾರತ ಗೆದ್ದಿದೆ, 2 ಮ್ಯಾಚ್ಗಳನ್ನ ಆಸೀಸ್ ಗೆದ್ದಿದೆ

ಹೀಗಾಗಿ ಟ್ರ್ಯಾಕ್ರೆಕಾರ್ಡ್ ತೆಗೆದು ನೋಡಿದ್ರೆ ಟೀಂ ಇಂಡಿಯಾವೇ ಫೇವರೇಟ್ ಅಂತಾನೆ ಹೇಳಬಹುದು. ಆದ್ರೆ ಕ್ರಿಕೆಟ್ನಲ್ಲಿ ಯಾವಾಗ ಏನಾಗುತ್ತೆ ಅಂತಾ ಹೇಳೋಕೆ ಸಾಧ್ಯವೇ ಇಲ್ಲ. ಅದು ಕೂಟ ಆಸ್ಟ್ರೇಲಿಯಾ ಟೀಂನಂಥಾ ಎದುರಾಳಿ ಇರೋವಾಗ. ಹಾಗಿದ್ರೆ ಆಸ್ಟ್ರೇಲಿಯಾ ವಿರುದ್ಧದ ಫಸ್ಟ್ ಟಿ-20 ಮ್ಯಾಚ್ಗೆ ಟೀಂ ಇಂಡಿಯಾದ ಪ್ಲೇಯಿಂಗ್-11 ಹೇಗಿದೆ ಅನ್ನೋದನ್ನು ನೋಡೋಣ.

ಟೀಂ ಇಂಡಿಯಾ PLAYING-11?

ಯಶಸ್ವಿ ಜೈಸ್ವಾಲ್
ರುತುರಾಜ್ ಗಾಯಕ್ವಾಡ್
ಇಶಾನ್ ಕಿಶನ್
ಸೂರ್ಯಕುಮಾರ್ ಯಾದವ್
ತಿಲಕ್ ವರ್ಮಾ
ರಿಂಕು ಸಿಂಗ್
ಶಿವಮ್ ದುಬೆ
ವಾಷಿಂಗ್ಟನ್ ಸುಂದರ್
ರವಿ ಬಿಷ್ಣೋಯಿ
ಅರ್ಶ್ದೀಪ್ ಸಿಂಗ್
ಪ್ರಸಿಧ್ ಕೃಷ್ಣ

ಇದು ಆಸ್ಟ್ರೇಲಿಯಾ ವಿರುದ್ಧಧ ಫಸ್ಟ್ ಟಿ-20 ಮ್ಯಾಚ್ಗೆ ಟೀಂ ಇಂಡಿಯಾದ ಸಂಭ್ಯಾವ್ಯ ತಂಡ. ಈ ಮ್ಯಾಚ್ನ ಸೆಂಟರ್ ಆಫ್ ಅಟ್ರಾಕ್ಷನ್ ಅಂದ್ರೆ ರಿಂಕು ಸಿಂಗ್. ಈ ಹಿಂದೆ ಐರ್ಲೆಂಡ್ ವಿರುದ್ಧದ ಸೀರಿಸ್ನಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ರಿಂಕು ಸಿಂಗ್ ಡೆಬ್ಯೂ ಮಾಡಿದ್ರು. ಇದಾದ ಬಳಿಕ ಈಗ ಆಸ್ಟ್ರೇಲಿಯಾ ವಿರುದ್ಧ ಅತ್ಯಂತ ಇಂಪಾರ್ಟೆಂಟ್ ಸೀರಿಸ್ನಲ್ಲಿ ಆಡ್ತಿದ್ದಾರೆ. ಈಗ ನಿಜವಾಗಿಯೂ ರಿಂಕು ಸಿಂಗ್ಗೆ ಅಗ್ನಿಪರೀಕ್ಷೆಯಾಗಲಿದೆ. ರಿಂಕು ಈಗಾಗ್ಲೇ ಟಿ-20 ಸ್ಪೆಷಲಿಸ್ಟ್ ಅಂತಾ ಗುರುತಿಸಿಕೊಂಡಿದ್ದಾರೆ. ಪಿನಿಷರ್ ರೋಲ್ನ್ನ ನಿಭಾಯಿಸ್ತಾ ಇದ್ದಾರೆ. ಈ ಸೀರಿಸ್ನಲ್ಲಿ ರಿಂಕು ಸಿಂಗ್ ಬೆಸ್ಟ್ ಪರ್ಫಾಮೆನ್ಸ್ ನೀಡಿದ್ರೆ, ಟಿ-20 ಟೀಂನಲ್ಲಿ ಪರ್ಮನೆಂಟ್ ಸ್ಥಾನ ಪಡೆದುಕೊಳ್ಳೋದು ಅಲ್ಮೋಸ್ಟ್ ಗ್ಯಾರಂಟಿ. 2024ರಲ್ಲಿ ನಡೆಯುವ ಟಿ-20 ವರ್ಲ್ಡ್ಕಪ್ನಲ್ಲಿ ರಿಂಕು ಸಿಂಗ್ನಂಥಾ ಪ್ಲೇಯರ್ನ ಅವಶ್ಯಕತೆ ಟೀಂ ಇಂಡಿಯಾಗೆ ಇದೆ.

ಇನ್ನು ವರ್ಲ್ಡ್ಕಪ್ ಚಾಂಪಿಯನ್ಸ್ ಆಸ್ಟ್ರೇಲಿಯಾ ಟೀಂ ಬಗ್ಗೆಯೂ ಒಂದಷ್ಟು ಹೇಳಲೇಬೇಕು. ಸದ್ಯ ಮಾರಲಿ ಟೀಂ ಇಂಡಿಯಾಗಿಂತ ಆಸ್ಟ್ರೇಲಿಯಾವೇ ಸ್ಟ್ರಾಂಗ್ ಟೀಂ. ಯಾಕಂದ್ರೆ ಈಗಷ್ಟೇ ವರ್ಲ್ಡ್ಕಪ್ ಗೆದ್ದಿದ್ದಾರೆ. ಹೀಗಾಗಿ ಆಸ್ಟ್ರೇಲಿಯನ್ ಪ್ಲೇಯರ್ಸ್ಗಳ ಎನರ್ಜಿಯೇ ಈಗ ಡಿಫರೆಂಟ್ ಲೆವೆಲ್ನಲ್ಲಿರುತ್ತೆ. ಇನ್ನೊಂದು ವಿಚಾರ ಏನಂದ್ರೆ, ವರ್ಲ್ಡ್ಕಪ್ ವಿನ್ನಿಂಗ್ ಟೀಂನಲ್ಲಿದ್ದವರು ಕೂಡ ಈ ಟಿ-20 ಸೀರಿಸ್ನಲ್ಲಿ ಆಡ್ತಿದ್ದಾರೆ. ಟ್ರಾವಿಸ್ ಹೆಡ್, ಸ್ಟೀವ್ ಸ್ಮಿತ್, ಗ್ಲೆನ್ ಮ್ಯಾಕ್ಸ್ವೆಲ್, ಮಾರ್ಕಸ್ ಸ್ಟೋನಿಸ್ ಮತ್ತು ಆ್ಯಡಮ್ ಜಾಂಪಾ ಈಗ ಟಿ-20ಯಲ್ಲೂ ಆಡ್ತಾರೆ. ಅದ್ರಲ್ಲೂ ಟ್ರಾವಿಸ್ ಹೆಡ್ ವರ್ಲ್ಡ್ಕಪ್ ಫೈನಲ್ನಲ್ಲಿ 140 ಕೋಟಿ ಭಾರತೀಯ ಕನಸನ್ನ ನುಚ್ಚು ನೂರು ಮಾಡಿದ್ದು ಹೇಗೆ ಅನ್ನೋದನ್ನ ಬಿಡಿಸಿ ಹೇಳಬೇಕಾದ ಅವಶ್ಯಕತೆಯೇ ಇಲ್ಲ ಬಿಡಿ. ಇನ್ನು ಗ್ಲೆನ್ ಮ್ಯಾಕ್ಸ್ವೆಲ್ ಬಗ್ಗೆಯಂತೂ ಹೇಳೋದೆ ಬೇಕಾಗಿಲ್ಲ. ಎಲ್ಲರೂ ಚಾಂಪಿಯನ್ ಪ್ಲೇಯರ್ಸ್ಗಳೇ. ಆದ್ರೆ ಟೀಂ ಇಂಡಿಯಾದ ಟಿ-20 ಸ್ಕ್ವಾಡ್ನಲ್ಲಿರುವ ಬಹುತೇಕ ಮಂದಿ ವರ್ಲ್ಡ್ಕಪ್ನಲ್ಲಿ ಆಡಿಲ್ಲ. ಸೂರ್ಯಕುಮಾರ್ ಯಾದವ್ ಬಿಟ್ರೆ ಮತ್ತಿನ್ಯಾರಿಗೂ ಚಾನ್ಸ್ ಸಿಕ್ಕಿರಲಿಲ್ಲ. ಇಶಾನ್ ಕಿಶನ್ ಮತ್ತು ಪ್ರಸಿಧ್ ಕೃಷ್ಣ ಟೀಂನಲ್ಲಿದ್ರಷ್ಟೇ. ಒಂದೇ ಒಂದು ಮ್ಯಾಚ್ ಆಡಿರಲಿಲ್ಲ. ಹೀಗಾಗಿ ವರ್ಲ್ಡ್ಕಪ್ ವಿನ್ನಿಂಗ್ ಮೆಂಬರ್ಸ್ಗಳನ್ನ ಹೊಂದಿರುವ ಆಸ್ಟ್ರೇಲಿಯಾ ಟೀಂ ಜೊತೆಗೆ ನಮ್ಮ ಯಂಗ್ ಟೀಂ ಯಾವ ರೀತಿ ಪರ್ಫಾಮ್ ಮಾಡುತ್ತೆ ಅನ್ನೋದನ್ನ ನೋಡಬೇಕಿದೆ.