ನೋಡಿರಿ
ಲ್ಯಾಂಬೋರ್ಗಿನಿ ಕಾರ್ನಲ್ಲಿ ಹಿಟ್‌ಮ್ಯಾನ್ ವೇಗದ ಡ್ರೈವಿಂಗ್ – ರೋಹಿತ್ ಶರ್ಮಾಗೆ ಫೈನ್, ಮೂರು ನೋಟೀಸ್
ಈ ಬಾರಿಯ ವರ್ಲ್ಡ್ಕಪ್ನಲ್ಲಿ ಟೀಂ ಇಂಡಿಯಾ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ರಿಷಬ್ ಪಂತ್ ಯಾಕೆ ಆಡ್ತಿಲ್ಲ ಅನ್ನೋದು ಎಲ್ಲರಿಗೂ ಗೊತ್ತೇ ಇದೆ. ಅತೀ ವೇಗವಾಗಿ ಕಾರು ಚಲಾಯಿಸಿ ಆ್ಯಕ್ಸಿಡೆಂಟ್ ಆಗಿ ಪಂತ್ ಬದುಕುಳಿದಿದ್ದೇ ದೊಡ್ಡದು. ಅಂದು ಆಕ್ಸಿಡೆಂಟ್ ಆಗಿಲ್ಲದೇ ಇರ್ತಿದ್ರೆ ಇಂದು ಪಂತ್ ವರ್ಲ್ಡ್ಕಪ್ ಆಡುತ್ತಿದ್ದರು. ಆದರೆ, ಪಂತ್ಗೆ ಏನಾಯ್ತು ಅನ್ನೋದನ್ನ ನಮ್ಮ ಕ್ಯಾಪ್ಟನ್ ರೋಹಿತ್ ಶರ್ಮಾ ಮರೆತಂತೆ ಕಾಣ್ತಿದೆ.
ಬಾಂಗ್ಲಾದೇಶ ವಿರುದ್ಧದ ಪಂದ್ಯಕ್ಕೆ ರೋಹಿತ್ ಶರ್ಮಾ ಮುಂಬೈನಿಂದ ತಮ್ಮ 4.2 ಕೋಟಿ ರೂಪಾಯಿ ಮೊತ್ತದ ಲ್ಯಾಂಬೋರ್ಗಿನಿ ಕಾರ್ನಲ್ಲಿ ಪುಣೆಗೆ ತೆರಳಿದ್ದರು. ಖುದ್ದು ರೋಹಿತ್ ಶರ್ಮಾ ಅವರೇ ಕಾರನ್ನು ಡ್ರೈವ್ ಮಾಡಿದ್ದಾರೆ. ಹೇಳಿಕೇಳಿ ಲ್ಯಾಂಬೋರ್ಗಿನಿ. ಹೈಸ್ಪೀಡ್ ಕಾರು. ಒಂದು ರೇಂಜಿಗೆ ಸ್ಪೀಡ್ ಹೋಗೋದೇನೊ ಸರಿ. ಆದರೆ, ರೋಹಿತ್ ಶರ್ಮಾ 200 ರಿಂದ 215 ಕಿಲೋ ಮಿಟರ್ ಸ್ಪೀಡ್ನಲ್ಲಿ ಕಾರು ಡ್ರೈವ್ ಮಾಡಿದ್ದಾರೆ. ಇದು ಟ್ರ್ಯಾಫಿಕ್ ಪೊಲೀಸರ ಸ್ಪೀಡ್ ಟ್ರ್ಯಾಕಿಂಗ್ ಸಿಸ್ಟಮ್ನಲ್ಲಿ ದಾಖಲಾಗಿದ್ದು, ಇದೀಗ ರೋಹಿತ್ಗೆ ಶರ್ಮಾ ಒಟ್ಟು ಒಟ್ಟು ಮೂರು ಫೈನ್ ಹಾಕಿ ನೋಟಿಸ್ ನೀಡಲಾಗಿದೆ. ಕಾರಿನ ನಂಬರ್ ಪ್ಲೇಟ್ ಐಡೆಂಟಿಪೈ ಮಾಡಿದಾಗ ಈ ಕಾರು ರೋಹಿತ್ ಶರ್ಮಾಗೆ ಸೇರಿದ್ದು ಅನ್ನೋದು ಗೊತ್ತಾಗಿದೆ. ಮುಂಬೈ-ಪುಣೆ ಎಕ್ಸ್ಪ್ರೆಸ್ ವೇ ಮಧ್ಯೆ ಒಟ್ಟು 3 ಕಡೆ ರೋಹಿತ್ ಅತೀ ವೇಗವಾಗಿ ಕಾರು ಚಲಾಯಿಸಿದ್ದಾರೆ. ಅಹ್ಮದಾಬಾದ್ನಲ್ಲಿ ಪಾಕ್ ವಿರುದ್ಧದ ಪಂದ್ಯದ ಬಳಿಕ ರೋಹಿತ್ ಹೆಲಿಕಾಪ್ಟರ್ನಲ್ಲಿ ಮುಂಬೈಗೆ ತೆರಳಿದ್ರು. ಅಲ್ಲಿ ಎರಡು ದಿನ ಕುಟುಂಬಸ್ಥರ ಜೊತೆಗಿದ್ದು ಬಳಿಕ ಬಾಂಗ್ಲಾ ಮ್ಯಾಚ್ಗೆ ತಮ್ಮ ಲ್ಯಾಂಬೋರ್ಗಿನಿ ಕಾರಿನಲ್ಲಿ ಪುಣೆಗೆ ಡ್ರೈವ್ ಮಾಡಿದ್ರು. ಇನ್ನು ರೋಹಿತ್ ಕಾರಿನ ನಂಬರ್ ಪ್ಲೇಟ್ನಲ್ಲಿ ಜೆರ್ಸಿ ನಂಬರೇ ಇದೆ.. ನಂಬರ್-45.. ಈಗ ಟೀಂ ಇಂಡಿಯಾವನ್ನ ಮುನ್ನಡೆಸ್ತಿರೋ ಮಿಸ್ಟರ್-45 ಈ ರೀತಿ ಅತಿ ವೇಗದಲ್ಲಿ ಕಾರು ಚಲಾಯಿಸಿರೋದಕ್ಕೆ ಭಾರಿ ಟೀಕೆ ಕೂಡ ಕೇಳಿ ಬರ್ತಿದೆ. ವರ್ಲ್ಡ್ಕಪ್ ಟೈಮ್ನಲ್ಲಿ ಯಾವುದೇ ಪೊಲೀಸ್ ಎಸ್ಕಾರ್ಟ್ ಕುಡ ಇಲ್ಲದೆ ರೋಹಿತ್ ಕಾರಿನಲ್ಲಿ ಪ್ರಯಾಣಿಸಿರೋದು ಒಂದಷ್ಟು ಚರ್ಚೆಗೆ ಗ್ರಾಸವಾಗಿದೆ. ರೋಹಿತ್ ಸೇಫ್ ಆಗಿ ಪುಣೆ ತಲುಪಿದ್ದಾರೆ ಅನ್ನೋದೇನೊ ನಿಜ. ಹಾಗಂತಾ ಈ ರೀತಿ ಹೈಸ್ಪೀಡ್ನಲ್ಲಿ ಕಾರು ಚಲಾಯಿಸೋದು ಯಾವುದೇ ಕಾರಣಕ್ಕೂ ಸೇಫ್ ಅಲ್ಲ. ಅದಕ್ಕೆ ಸಾಕ್ಷಿ ನಮ್ಮ ರಿಷಬ್ ಪಂತ್. ತಮ್ಮ ಸಹ ಆಟಗಾರನ ಪರಿಸ್ಥಿತಿಯೇ ಹೀಗೆ ಆಗಿರೋವಾಗ ರೋಹಿತ್ ಅದನ್ನ ಸ್ವಲ್ಪ ಮನದಲ್ಲಿಟ್ಟುಕೊಳ್ಳಬೇಕಿತ್ತು. ಇದು ಕೇವಲ ರೋಹಿತ್ ಶರ್ಮಾಗಷ್ಟೇ ಅಲ್ಲ, ಎಲ್ಲರಿಗೂ ಅನ್ವಯವಾಗುತ್ತೆ.
