ನೋಡಿರಿ
ಗ್ರಾಹಕರಿಗೆ ಬೆಲೆ ಏರಿಕೆ ಬರೆ! – ಏಪ್ರಿಲ್‌ನಿಂದ ಔಷಧಗಳ ದರ ಹೆಚ್ಚಳ..!
ನವದೆಹಲಿ: ದಿನದಿಂದ ದಿನಕ್ಕೆ ಪೆಟ್ರೋಲ್, ಡೀಸೆಲ್, ಅಡುಗೆ ಎಣ್ಣೆ, ಗ್ಯಾಸ್‌ ದರ ಸೇರಿದಂತೆ ಅಗತ್ಯ ವಸ್ತುಗಳ ಬೆಲೆ ಏರಿಕೆಯಿಂದ ಜನ ಕಂಗಾಲಾಗಿದ್ದಾರೆ. ಇದೀಗ ಗಾಯದ ಮೇಲೆ ಬರೆ ಎಳೆದಂತೆ ದಿನನಿತ್ಯ ಬಳಕೆ ವಸ್ತುಗಳ ಜೊತೆಗೆ ವಿವಿಧ ಔಷಧಗಳ ಬೆಲೆಯೂ ಏರಿಕೆಯಾಗಲಿದೆ.
ನೋವು ನಿವಾರಕಗಳು, ಸೋಂಕು ನಿವಾರಕಗಳು, ಹೃದಯಕ್ಕೆ ಸಂಬಂಧಿಸಿದ ಔಷಧಗಳು ಮತ್ತು ಆ್ಯಂಟಿಬಯೋಟಿಕ್‌ಗಳು ಸೇರಿದಂತೆ ಅಗತ್ಯ ಔಷಧಿಗಳ ಬೆಲೆ ಏಪ್ರಿಲ್‌ 1 ರಿಂದ ಏರಿಕೆಯಾಗಲಿವೆ ಅಂತಾ ಔಷಧ ಬೆಲೆ ನಿಯಂತ್ರಕ ರಾಷ್ಟ್ರೀಯ ಔಷಧೀಯ ಬೆಲೆ ಪ್ರಾಧಿಕಾರ (ಎನ್ ಪಿಪಿಎ) ತಿಳಿಸಿದೆ.
ಇದನ್ನೂ ಓದಿ: ಪಾಪಿ ಪಾಕಿಸ್ತಾನಕ್ಕೆ ಬೆಲೆ ಏರಿಕೆ ಬಿಸಿ – ರಾತ್ರೋರಾತ್ರಿ 1 ಲೀ. ಪೆಟ್ರೋಲ್ ಗೆ 22. 20 ರೂ ಹೆಚ್ಚಳ!
ವಾರ್ಷಿಕ ಸಗಟು ಬೆಲೆ ಸೂಚ್ಯಂಕದಲ್ಲಿ (ಡಬ್ಲ್ಯುಪಿಐ) ಬದಲಾವಣೆಗೆ ಅನುಗುಣವಾಗಿ ಔಷಧ ಕಂಪನಿಗಳಿಗೆ ಬೆಲೆ ಹೆಚ್ಚಳಕ್ಕೆ ಅನುಮತಿ ನೀಡಲು ಸರ್ಕಾರ ಸಿದ್ಧವಾಗಿದೆ. ಹೀಗಾಗಿ ಡಬ್ಲ್ಯುಪಿಐ ನಲ್ಲಿನ ವಾರ್ಷಿಕ ಬದಲಾವಣೆಯು 2022 ರಲ್ಲಿ 12.12% ಕ್ಕೆ ಕಾರ್ಯನಿರ್ವಹಿಸುತ್ತದೆ ಎಂದು ಎನ್ ಪಿಪಿಎ ತಿಳಿಸಿದೆ. ಇನ್ನು 384 ಅಣುಗಳ ಬೆಲೆಗಳು, 27 ಚಿಕಿತ್ಸೆಗಳಲ್ಲಿ ಸುಮಾರು 900 ಸೂತ್ರೀಕರಣಗಳಿಗೆ ಅನುಗುಣವಾಗಿರುತ್ತವೆ. ಇದು 12% ಕ್ಕಿಂತ ಹೆಚ್ಚಾಗುವ ನಿರೀಕ್ಷೆಯಿದೆ ಎನ್ನಲಾಗಿದೆ.
ಇನ್ನು, ನಿಗದಿತವಲ್ಲದ ಔಷಧಗಳಿಗೆ ಇದು ಸತತ ಎರಡನೇ ಬಾರಿಗೆ ಬೆಲೆ ಹೆಚ್ಚುತ್ತಿದ್ದು, ಅಗತ್ಯ ಔಷಧಿಗಳ ರಾಷ್ಟ್ರೀಯ ಪಟ್ಟಿಯ ಭಾಗವಾಗಿರುವ 384 ಅಣುಗಳನ್ನು ನಿಗದಿತ ಔಷಧಿಗಳೆಂದು ಕರೆಯಲಾಗುತ್ತದೆ. ಅವುಗಳ ಬೆಲೆಗಳನ್ನು ಎನ್ ಪಿಪಿಎ ನಿಯಂತ್ರಿಸುತ್ತದೆ. ಉಳಿದ ನಿಗದಿತವಲ್ಲದ ಔಷಧಿಗಳ ಬೆಲೆ ನಿಯಂತ್ರಣದಿಂದ ಹೊರಗಿದೆ. ಪ್ರತಿ ವರ್ಷ 10% ವಾರ್ಷಿಕ ಹೆಚ್ಚಳವನ್ನು ಅನುಮತಿಸಲಾಗಿದೆ. 2021 ರಲ್ಲಿ, ಡಬ್ಲ್ಯುಪಿಐ ಬದಲಾವಣೆಗೆ ಅನುಗುಣವಾಗಿ ಔಷಧಗಳ ನಂತರದ ಹೆಚ್ಚಳವು 10% ಕ್ಕಿಂತ ಹೆಚ್ಚಿದೆ.
