ನೋಡಿರಿ
ಶ್ರೀಲಂಕಾ ವಿರುದ್ಧ ಸತತ ಸೋಲುಂಡ ಇಂಗ್ಲೆಂಡ್ – ಆಂಗ್ಲರ ವಿರುದ್ಧ ಲಂಕಾ ಪಡೆಯ ಪಾರುಪತ್ಯ
ಈ ಬಾರಿಯ ವಿಶ್ವಕಪ್ನಲ್ಲಿ ಇದುವರೆಗೆ 5 ಪಂದ್ಯಗಳನ್ನಾಡಿರುವ ಹಾಲಿ ವಿಶ್ವ ಚಾಂಪಿಯನ್ ಇಂಗ್ಲೆಂಡ್ ತಂಡ 4 ಪಂದ್ಯಗಳಲ್ಲಿ ಸೋಲು ಕಂಡಿದೆ. ಬಾಂಗ್ಲಾದೇಶ್ ವಿರುದ್ಧ ಮಾತ್ರ ಗೆದ್ದಿರುವ ಇಂಗ್ಲೆಂಡ್, ನ್ಯೂಝಿಲೆಂಡ್, ಅಫ್ಘಾನಿಸ್ತಾನ್, ಸೌತ್ ಆಫ್ರಿಕಾ ಹಾಗೂ ಶ್ರೀಲಂಕಾ ವಿರುದ್ಧ ಸೋತು ಸುಣ್ಣವಾಗಿದೆ. ಏಕದಿನ ವಿಶ್ವಕಪ್ನಲ್ಲಿ ಇಂಗ್ಲೆಂಡ್ ತಂಡವು ಶ್ರೀಲಂಕಾ ವಿರುದ್ಧ ಕೊನೆಯ ಬಾರಿಗೆ ಗೆದ್ದಿರುವುದು 1999ರಲ್ಲಿ. ಇದಾದ ಬಳಿಕ ನಡೆದ ಐದು ವಿಶ್ವಕಪ್ನಲ್ಲೂ ಆಂಗ್ಲರ ವಿರುದ್ಧ ಲಂಕಾ ಪಡೆ ಪಾರುಪತ್ಯ ಮೆರೆಯುತ್ತಾ ಬಂದಿದೆ.
ಇದನ್ನೂ ಓದಿ: ಐಸಿಸಿ ಏಕದಿನ Ranking ಪಟ್ಟಿ ರಿಲೀಸ್ -ನಂಬರ್ 1 ರೇಸ್‌ನಿಂದ ಗಿಲ್ ಜಸ್ಟ್ ಮಿಸ್
ವರ್ಲ್ಡ್ಕಪ್ನಲ್ಲಿ ಹೇಗೆ ಟೀಂ ಇಂಡಿಯಾ ಪ್ರತಿ ಬಾರಿಯೂ ಪಾಕಿಸ್ತಾನವನ್ನ ಸೋಲಿಸುತ್ತೋ ಅದೇ ರೀತಿ, ಕಳೆದ 5 ವಿಶ್ವಕಪ್ಗಳಲ್ಲಿ ಶ್ರೀಲಂಕಾ ತಂಡ ಇಂಗ್ಲೆಂಡ್ನ್ನ ಮಣಿಸುತ್ತಲೇ ಇದೆ. 2007ರಲ್ಲಿ ವೆಸ್ಟ್ಇಂಡೀಸ್ನಲ್ಲಿ ನಡೆದ ವಿಶ್ವಕಪ್ನಲ್ಲಿ ಇಂಗ್ಲೆಂಡ್ನ್ನ ಶ್ರೀಲಂಕಾ ಸೋಲಿಸಿತ್ತು. 2011ರಲ್ಲೂ ಶ್ರೀಲಂಕಾ ಮುಂದೆ ಇಂಗ್ಲೆಂಡ್ ಸೋತಿತ್ತು. 2015ರಲ್ಲೂ ಇದೇ ಕಥೆಯಾಗಿತ್ತು. 2019ರಲ್ಲಿ ಇಂಗ್ಲೆಂಡ್ ವರ್ಲ್ಡ್ಕಪ್ ಗೆದ್ರೂ ಕೂಡ ಶ್ರೀಲಂಕಾದ ವಿರುದ್ಧದಲ್ಲಿ ಮಾತ್ರ ಸೋಲನುಭವಿಸಿತ್ತು. ಈಗ 2023ರಲ್ಲಿ ಶ್ರೀಲಂಕಾ 5ನೇ ಬಾರಿಗೆ ಇಂಗ್ಲೆಂಡ್ನ್ನ ವರ್ಲ್ಡ್ಕಪ್ನಲ್ಲಿ ಮಣಿಸಿದೆ.
ಇನ್ನು ಶ್ರೀಲಂಕನ್ ಕ್ರಿಕೆಟ್ ಟೀಂ ಬಗ್ಗೆ ಒಂದು ವಿಚಾರವನ್ನ ಹೇಳಲೇಬೇಕು. ಇಂಗ್ಲೆಂಡ್ಗಿಂತ ಹೆಚ್ಚು ಫೈಟಿಂಗ್ ಸ್ಪಿರಿಟ್ನ್ನ ಶ್ರೀಲಂಕಾದ ಯಂಗ್ ಟೀಂ ತೋರಿಸ್ತಾ ಇದೆ. ಅದ್ರಲ್ಲೂ 36 ವರ್ಷದ ಆ್ಯಂಜಲೋ ಮ್ಯಾಥ್ಯೂಸ್ ಕಮ್ಬ್ಯಾಕ್ ಮಾಡ್ತಾರೆ ಅಂತಾ ಯಾರು ಕೂಡ ಅಂದುಕೊಂಡಿರಲಿಲ್ಲ. ಇಂಗ್ಲೆಂಡ್ ವಿರುದ್ಧದ ಮ್ಯಾಚ್ ಈ ಬಾರಿಯ ವರ್ಲ್ಡ್ಕಪ್ನಲ್ಲಿ ಮ್ಯಾಥ್ಯೂಸ್ ಆಡಿರುವ ಮೊದಲ ಪಂದ್ಯ. 2020ರ ಮಾರ್ಚ್ನಲ್ಲಿ ಆ್ಯಂಜಲೊ ಮ್ಯಾಥ್ಯೂಸ್ ತಮ್ಮ ಕೊನೆಯ ಅಂತಾರಾಷ್ಟ್ರೀಯ ವಂಡೇ ಮ್ಯಾಚ್ ಆಡಿದ್ರು. ಅದಾದ ಬಳಿಕ ಶ್ರೀಲಂಕಾ ಪರ ಯಾವುದೇ ವಂಡೇ ಮ್ಯಾಚ್ ಆಡಿರಲಿಲ್ಲ. ಮ್ಯಾಥ್ಯೂಸ್ ಕ್ರಿಕೆಟ್ ಕೆರಿಯರ್ ಅಂತ್ಯವಾಯ್ತು ಅಂತಾನೆ ಎಲ್ಲರೂ ಅಂದುಕೊಂಡಿದ್ರು. ಈ ಬಾರಿವ ವರ್ಲ್ಡ್ಕಪ್ನಲ್ಲಿ ಟಾಪ್-15 ಸ್ಕ್ವಾಡ್ನಲ್ಲಿ ಕೂಡ ಮ್ಯಾಥ್ಯೂಸ್ ಹೆಸರು ಇರಲಿಲ್ಲ. ಮ್ಯಾಥ್ಯೂಸ್ ರಿಸರ್ವ್ಡ್ ಪ್ಲೇಯರ್ ಆಗಿದ್ರು. ಆದ್ರೆ ಪತಿರಣ ಗಾಯಗೊಂಡಿದ್ರಿಂದಾಗಿ ಮ್ಯಾಥ್ಯೂಸ್ರನ್ನ ಭಾರತಕ್ಕೆ ಕರೆತರಲಾಯ್ತು. ಇಂಗ್ಲೆಂಡ್ ವಿರುದ್ಧ ಈ ಬಾರಿಯ ವರ್ಲ್ಡ್ಕಪ್ನ ತಮ್ಮ ಫಸ್ಟ್ ಓವರ್ನಲ್ಲೇ ಮ್ಯಾಥ್ಯೂಸ್ ವಿಕೆಟ್ ಪಡೆದ್ರು. 5 ಓವರ್ಗಳಲ್ಲಿ 14 ರನ್ ನೀಡಿ ಒಟ್ಟು 2 ವಿಕೆಟ್ ಗಳಿಸಿದ್ದಾರೆ. ಇನ್ನು ಶ್ರೀಲಂಕಾ ಕ್ಯಾಪ್ಟನ್ ಕುಸಾಲ್ ಮೆಂಡಿಸ್ ಕೂಡ ಅಷ್ಟೇ, ಇಂಗ್ಲೆಂಡ್ ವಿರುದ್ಧದ ಮ್ಯಾಚ್ನಲ್ಲಿ ತಮ್ಮ ಬುದ್ಧಿವಂತಿಕೆ ಪ್ರದರ್ಶಿಸಿದ್ದಾರೆ. 7 ಓವರ್ಗಳ ಅಂತರದಲ್ಲಿ ಒಟ್ಟು 5 ಬಾರಿ ಬೌಲಿಂಗ್ ಚೇಂಜ್ ಮಾಡಿದ್ದಾರೆ. ಅಂದ್ರೆ 7 ಓವರ್ಗಳ ಒಳಗೆ ಐವರು ಬೌಲರ್ಸ್ಗಳನ್ನ ಬಳಸಿದ್ರು. ಈ ಮೂಲಕ ಇಂಗ್ಲೆಂಡ್ ಬ್ಯಾಟ್ಸ್ಮನ್ಗಳನ್ನ ಸೆಟ್ ಆಗೋಕೆ ಬಿಟ್ಟಿಲ್ಲ. ಆದ್ರೆ ಇಂಥಾ ಸ್ಮಾರ್ಟ್ ಥಿಂಕಿಂಗ್ನಲ್ಲಿ ಜಾಸ್ ಬಟ್ಲರ್ ಫೇಲ್ ಆಗಿದ್ದಾರೆ. ಹೀಗಾಗಿ ಮತ್ತೊಂದು ಹೊಡೆತ ತಿಂದು ಈಗ ಇಂಗ್ಲೆಂಡ್ ಟೀಂ ಲಂಡನ್ ಫ್ಲೈಟ್ ಹತ್ತಲು ರೆಡಿಯಾಗಿದೆ.
