ನೋಡಿರಿ
ನದಿ ನೀರಲ್ಲಿ ಆನೆ ಮರಿಯ ಆಟ – ಮನಸ್ಸಿಗೆ ಮುದ ನೀಡುತ್ತದೆ ಈ ಆನಂದದಾಯಕ ದೃಶ್ಯ!
ಬಿಸಿಲಿನ ಝಳ ಹೆಚ್ಚಾಗಿದೆ. ಮನೆಯಿಂದ ಹೊರಬರಲಾಗದ ಪರಿಸ್ಥಿತಿ ನಿರ್ಮಾಣವಾಗಿದೆ. ಎಸಿ, ಫ್ಯಾನ್‌ ಕೆಳಗೆ ಕೂರುವಂತೆ ಆಗಿದೆ. ಇನ್ನು ಪ್ರಾಣಿ, ಪಕ್ಷಿಗಳ ಕತೆ ಕೇಳಬೇಕೆ? ನೆರಳು, ನೀರಿಗಾಗಿ ಹುಡುಕಾಡುತ್ತಿರುತ್ತವೆ. ಇದೀಗ ಇಲ್ಲೊಂದು ಆನೆ ಮರಿ ನೀರಿನಲ್ಲಿ ಆಟವಾಡುತ್ತಿದೆ. ಇದರ ಮುದ್ದಾದ ವಿಡಿಯೋ ಭಾರಿ ವೈರಲ್‌ ಆಗಿದೆ.
ಇದನ್ನೂ ಓದಿ: ಎಲ್ಲಾ ಮೋಸ.. ಇದು ಚೈಲ್ಡ್ ವುಡ್ ಸ್ಕ್ಯಾಮ್! – ಮಗುವಿಗೆ ಔಷಧಿ ಕುಡಿಸಲು ಪೋಷಕರ ಹೊಸ ಟ್ರಿಕ್!
ಈಗಂತೂ ಸುಡು ಸುಡು ಬಿಸಿಲು. ಪ್ರಾಣಿಗಳಿಗೆ ನೀರು ಎಲ್ಲಾದ್ರೂ ಕಂಡ್ರೆ ಸಾಕು ನೀರಲ್ಲಿ ಕಾಲ ಕಳೆಯುತ್ತವೆ. ಇನ್ನು ಆನೆಗಳಿಗೆ ನೀರಂದ್ರೆ ಬಲು ಇಷ್ಟ ಅವುಗಳು ನೀರಿಗಿಳಿದು ಆಟವಾಡಲು ಶುರು ಮಾಡಿದರೆ ಮೇಲೆ ಬರುವುದೇ ಇಲ್ಲ. ಅದರಲ್ಲೂ ಮರಿಯಾನೆಗಳು ನೀರಿನಲ್ಲಿ ಸ್ವಲ್ಪ ಹೆಚ್ಚೇ ಖುಷಿಯಿಂದ ಆಟವಾಡುತ್ತವೆ. ಮುದ್ದು ಮುದ್ದಾಗಿರುವ ಮರಿ ಆನೆಗಳ ಆಟ, ತುಂಟಾವನ್ನು ನೋಡುವುದೇ ಕಣ್ಣಿಗೊಂದು ಹಬ್ಬ. ಇದೀಗ ಇಲ್ಲೊಂದು ಆನೆ ಮರಿ ನದಿ ನೀರಿನಲ್ಲಿ ಆಟವಾಡುತ್ತಿದೆ. ಮುದ್ದಾದ ಆನೆ ಮರಿಯ ಆಟ ಎಲ್ಲರ ಹೃದಯ ಗೆದ್ದಿದೆ.
ಈ ವಿಡಿಯೋವನ್ನು ಭಾರತೀಯ ಅರಣ್ಯಧಿಕಾರಿ ಪರ್ವೀನ್ ಕಸ್ವಾನ್ (@ParveenKaswam) ತಮ್ಮ ಅಧೀಕೃತ ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. “ಡ್ಯೂಟಿಯ ವೇಳೆ ಈ ಮುದ್ದಾದ ಮರಿ ಆನೆ ನದಿ ನೀರಿನಲ್ಲಿ ಆನಂದಿಸುತ್ತಿರುವ ದೃಶ್ಯ ಕಣ್ಣಿಗೆ ಬಿದ್ದಿತು” ಎಂಬ ಶೀರ್ಷಿಕೆಯನ್ನು ಬರೆದುಕೊಂಡಿದ್ದಾರೆ. ವೈರಲ್‌ ಆದ ವಿಡಿಯೋದಲ್ಲಿ ಪುಟಾಣಿ ಆನೆಯೊಂದು ನದಿ ನೀರಿಗಿಳಿದು, ಒಬ್ಬಂಟಿಯಾಗಿ ಆಟವಾಡುತ್ತಾ, ಎಂಜಾಯ್ ಮಾಡುತ್ತಿರುವ ಮುದ್ದಾದ ದೃಶ್ಯವನ್ನು ಕಾಣಬಹುದು.
