ನೋಡಿರಿ
ENG ಚೆಂಡಾಡಿದ ಸಿರಾಜ್ & ದೀಪ್.. 6 ಜನ DUCK.. ಹೇಗಿತ್ತು ಅಟ್ಯಾಕ್? – ಗೆಲುವಿಗೆ ಹತ್ತಿರವಾಯ್ತಾ ಟೀಂ ಇಂಡಿಯಾ?
ಬರ್ಮಿಂಗ್ ಹ್ಯಾಮ್ನಲ್ಲಿ ನಡೆಯುತ್ತಿರೋ 2ನೇ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ಆಟಗಾರರು ಬ್ಯಾಟಿಂಗ್ ಮತ್ತು ಬೌಲಿಂಗ್ ಎರಡ್ರಲ್ಲೂ ಮಿಂಚು ಹರಿಸಿದ್ದಾರೆ. ಅದ್ರಲ್ಲೂ ಡಿಎಸ್ ಪಿ ಮೊಹಮ್ಮದ್ ಸಿರಾಜ್ ಬೌಲಿಂಗ್ ಬಿರುಗಾಳಿಗೆ ಆಂಗ್ಲರ ಪಡೆ ಧೂಳೀಪಟವಾಗಿದೆ.
ಇದನ್ನೂ ಓದಿ: ಕಿಚ್ಚ ಸುದೀಪ್ ಹೊಸ ಸಿನಿಮಾ ಅನೌನ್ಸ್! – 6 ತಿಂಗಳಲ್ಲೇ ತೆರೆಗೆ ಅಪ್ಪಳಿಸಲಿದೆ ಕೆ 47!
ಬರ್ಮಿಂಗ್ಹ್ಯಾಮ್ನ ಎಡ್ಜ್ಬಾಸ್ಟನ್ನಲ್ಲಿ ನಡೆಯುತ್ತಿರುವ ಇಂಗ್ಲೆಂಡ್ ವಿರುದ್ಧದ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಟೀಮ್ ಇಂಡಿಯಾ ಮೊದಲ ಇನಿಂಗ್ಸ್ನಲ್ಲಿ 587 ರನ್ ಕಲೆ ಹಾಕಿತ್ತು. ಇಂಗ್ಲೆಂಡ್ ಮೊದಲ ಇನಿಂಗ್ಸ್ನಲ್ಲಿ 407 ರನ್ಗಳಿಸಿ ಆಲೌಟ್ ಆಗಿದೆ. ಇಂಗ್ಲೆಂಡ್ ಪರ 84 ರನ್ಗಳಿಗೆ 5 ವಿಕೆಟ್ಗಳು ಉರುಳಿದ್ವು. ಆದ್ರೆ 6ನೇ ವಿಕೆಟ್ಗೆ ಜೊತೆಯಾದ ಹ್ಯಾರಿ ಬ್ರೂಕ್ ಮತ್ತು ಜೇಮಿ ಸ್ಮಿತ್ ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸಿದ್ರು. ಇಬ್ಬರ ಪಾರ್ಟ್ನರ್ಶಿಪ್ನಲ್ಲಿ 300+ ಸ್ಕೋರ್ ಮಾಡಿದ್ರು. ಬಟ್ ಕೊನೆಗೂ ಮೊಹಮ್ಮದ್ ಸಿರಾಜ್ ಮತ್ತು ಆಕಾಶ್ ದೀಪ್ ಇಂಗ್ಲೆಂಡ್ ಪಡೆಯನ್ನ ಬೇಟೆಯಾಡುವಲ್ಲಿ ಯಶಸ್ವಿಯಾದ್ರು.
ಇಂಗ್ಲೆಂಡ್ ಪರ 0 ಸುತ್ತಿದ ಆರು ಪ್ಲೇಯರ್ಸ್!
ಇಂಗ್ಲೆಂಡ್ನ ಮೊದಲ ಇನ್ನಿಂಗ್ಸ್ನಲ್ಲಿ ಕೇವಲ ಐದು ಬ್ಯಾಟ್ಸ್ಮನ್ಗಳು ಮಾತ್ರ ರನ್ಗಳಿಸಲು ಸಾಧ್ಯವಾಯ್ತು. ಅದ್ರಲ್ಲೂ ಆರು ಆಟಗಾರರು ಸೊನ್ನೆ ಸುತ್ತಿದ್ದಾರೆ. ಇಬ್ಬರು ಬ್ಯಾಟ್ಸ್ಮನ್ಗಳು 300ಕ್ಕೂ ಹೆಚ್ಚು ರನ್ ಗಳಿಸಿದ್ದಾರೆ. ಹ್ಯಾರಿ ಬ್ರೂಕ್ ಅವರ 158 ಮತ್ತು ವಿಕೆಟ್ ಕೀಪರ್ ಜೇಮೀ ಸ್ಮಿತ್ ಅಜೇಯ 185 ರನ್ಗಳು ಸೇರಿವೆ. ಇದರ ಹೊರತಾಗಿ 6 ಬ್ಯಾಟ್ಸ್ಮನ್ಗಳು ಶೂನ್ಯಕ್ಕೆ ಪೆವಿಲಿಯನ್ ಸೇರಿದರು. ಇದರಿಂದಾಗಿ ಆತಿಥೇಯ ತಂಡವು ಕೆಟ್ಟ ದಾಖಲೆ ಬರೆದಿದೆ. ಟೆಸ್ಟ್ ಇತಿಹಾಸದಲ್ಲಿ 400ಕ್ಕೂ ಅಧಿಕ ರನ್ ಗಳಿಸಿಯೂ 6 ಬ್ಯಾಟ್ಸ್ಮನ್ಗಳನ್ನು ಡಕೌಟ್ ಆಗಿದ್ದು ಇದೆ ಮೊದಲು. ಹಾಗೇ 29 ವರ್ಷಗಳ ಟೀಮ್ ಇಂಡಿಯಾ ಬೌಲರ್ಗಳು ಟೆಸ್ಟ್ ಕ್ರಿಕೆಟ್ನಲ್ಲಿ ಇತಿಹಾಸ ಸೃಷ್ಟಿಸಿದ್ದಾರಎ. ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲೇ ಭಾರತೀಯ ಬೌಲರ್ಗಳು ಇನಿಂಗ್ಸ್ವೊಂದರಲ್ಲಿ ಆರು ಮಂದಿಯನ್ನು ಸೊನ್ನೆಗೆ ಔಟ್ ಮಾಡಿರುವುದು ಕೇವಲ ಎರಡು ಬಾರಿ ಮಾತ್ರ. 1996 ರಲ್ಲಿ ಸೌತ್ ಆಫ್ರಿಕಾ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಟೀಮ್ ಇಂಡಿಯಾ ಬೌಲರ್ಗಳು 6 ಮಂದಿಯನ್ನು ಶೂನ್ಯಕ್ಕೆ ಔಟ್ ಮಾಡಿದ್ದರು. 29 ವರ್ಷಗಳ ಬಳಿಕ ಭಾರತೀಯ ಬೌಲರ್ಗಳು ಮತ್ತೊಮ್ಮೆ ಇನಿಂಗ್ಸ್ವೊಂದರಲ್ಲಿ ಆರು ಮಂದಿಯನ್ನು ಸೊನ್ನೆಗೆ ಔಟ್ ಮಾಡಿದ್ದಾರೆ.
ಸಿರಾಜ್ & ದೀಪ್ ದಾಳಿಗೆ ಆಂಗ್ಲರ ಪಡೆ ಸರ್ವಪತನ!
ಇಂಗ್ಲೆಂಡ್ ತಂಡದ ಬ್ಯಾಟರ್ಗಳ ಮೇಲೆ ದಾಳಿ ಮಾಡಿದ ಮೊಹಮ್ಮದ್ ಸಿರಾಜ್ ಹಾಗೂ ಆಕಾಶ್ ದೀಪ್ ವಿಕೆಟ್ಗಳ ಬೇಟೆಯಾಡಿದ್ರು. ಟೀಮ್ ಇಂಡಿಯಾದಲ್ಲಿ ಜಸ್ಪ್ರಿತ್ ಬೂಮ್ರಾ ಅನುಪಸ್ಥಿತಿಯಲ್ಲಿ ಈ ಇಬ್ಬರು ಸದ್ದು ಮಾಡಿದ್ರು. ಇನ್ನಿಂಗ್ಸ್ನ 2ನೇ ದಿನದಿಂದಲೇ ವಿಕೆಟ್ ರುಚಿ ನೋಡಿದ್ದ ಸಿರಾಜ್ ಮೂರನೇ ದಿನವೂ 5 ವಿಕೆಟ್ಗಳನ್ನ ಉರುಳಿಸಿದರು. ಓಪನರ್ ಝಾಕ್ ಕ್ರಾಲಿ, ಜೋ ರೂಟ್, ಕ್ಯಾಪ್ಟನ್ ಬೆನ್ ಸ್ಟೋಕ್ಸ್, ಬ್ರೈಡನ್ ಕಾರ್ಸೆ, ಜೋಶ್ ಟಂಗ್ ಹಾಗೂ ಶೋಯೆಬ್ ಬಶೀರ್ರನ್ನ ಪೆವಿಲಿಯನ್ಗೆ ಅಟ್ಟಿದರು. ವಿಶೇಷ ಎಂದರೆ ಬೆನ್ ಸ್ಟೋಕ್ಸ್, ಬ್ರೈಡನ್ ಕಾರ್ಸೆ, ಜೋಶ್ ಟಂಗ್ ಹಾಗೂ ಶೋಯೆಬ್ ಬಶೀರ್ ಈ ಮೂವರನ್ನು ಸಿರಾಜ್ ಡಕೌಟ್ ಮಾಡಿ ಎಲ್ಲರ ಗಮನ ಸೆಳೆದರು. ಹಾಗೇ ಸಿರಾಜ್ಗೆ ಸಖತ್ ಸಾಥ್ ಕೊಟ್ಟ ಆಕಾಶ್ ದೀಪ್ ಕೂಡ ವಿಕೆಟ್ಗಳನ್ನ ಉರುಳಿಸಿದ್ರು. ಆಲಿ ಪೋಪ್ ಹಾಗೂ ಡಕೆಟ್ ಇಬ್ಬರನ್ನು ಶೂನ್ಯಕ್ಕೆ ಔಟ್ ಮಾಡಿದ್ದರು. 158 ರನ್ಗಳಿಂದ ಬ್ಯಾಟಿಂಗ್ ಮಾಡುತ್ತಿದ್ದ ಹ್ಯಾರಿ ಬ್ರೂಕ್ಗೆ ಬಿಗ್ ಬ್ರೇಕ್ ಹಾಕಿದ್ದೇ ಆಕಾಶ್ ದೀಪ್. ಹಾಗೇ ಕ್ರಿಸ್ ವೋಕ್ಸ್ರನ್ನ ಔಟ್ ಮಾಡಿ ಸಂಭ್ರಮಿಸಿದರು.
ಇಂಗ್ಲೆಂಡ್ ನಲ್ಲಿ ಸಿರಾಜ್ ಮೊದಲ ಫೈಫರ್!
ಎರಡನೇ ಪಂದ್ಯದ ಮೊದಲ ಇನಿಂಗ್ಸ್ ನಲ್ಲಿ 19.3 ಓವರ್ ಎಸೆದ ಸಿರಾಜ್ ಕೇವಲ 70 ರನ್ ನೀಡಿ 6 ವಿಕೆಟ್ ಉರುಳಿಸಿದ್ದಾರೆ.. ಇದು ಇಂಗ್ಲೆಂಡ್ ನಲ್ಲಿ ಸಿರಾಜ್ ಅವರ ಮೊದಲ ಫೈಫರ್ ಎಂಬುದು ವಿಶೇಷ. ಇಂಗ್ಲೆಂಡ್, ಆಸ್ಟ್ರೇಲಿಯಾ, ವೆಸ್ಟ್ ಇಂಡೀಸ್ ಹಾಗೂ ಸೌತ್ ಆಫ್ರಿಕಾದಲ್ಲಿ ಇನಿಂಗ್ಸ್ ವೊಂದರಲ್ಲಿ 5 ವಿಕೆಟ್ ಗಳನ್ನು (ಫೈಫರ್) ಕಬಳಿಸಿದ ಭಾರತದ 2ನೇ ವೇಗಿ ಎಂಬ ದಾಖಲೆಯನ್ನು ಸಿರಾಜ್ ತಮ್ಮದಾಗಿಸಿಕೊಂಡರು. ಇದಕ್ಕೂ ಮುನ್ನ ಇಂತಹದೊಂದು ಸಾಧನೆ ಮಾಡಿದ್ದು ಜಸ್ಪ್ರೀತ್ ಬುಮ್ರಾ ಮಾತ್ರ. ಬುಮ್ರಾ ಕೂಡ ಇಂಗ್ಲೆಂಡ್, ಆಸ್ಟ್ರೇಲಿಯಾ, ವೆಸ್ಟ್ ಇಂಡೀಸ್ ಹಾಗೂ ಸೌತ್ ಆಫ್ರಿಕಾದಲ್ಲಿ ಇನಿಂಗ್ಸ್ ವೊಂದರಲ್ಲಿ 5 ವಿಕೆಟ್ ಕಬಳಿಸಿ ಮಿಂಚಿದ್ದಾರೆ.
ಸದ್ಯ ಸಿರಾಜ್, ಆಕಾಶ್ ದೀಪ್ ಬೌಲಿಂಗ್ ನೆರವಿನಿಂದ ಟೀಮ್ ಇಂಡಿಯಾ ಮೊದಲ ಇನ್ನಿಂಗ್ಸ್ನಲ್ಲಿ 180 ರನ್ಗಳ ಮುನ್ನಡೆ ಕಾಯ್ದುಕೊಂಡಿದೆ. ಹಾಗೇ ಎರಡನೇ ಇನ್ನಿಂಗ್ಸ್ ಆರಂಭವಾಗಿದೆ. 2ನೇ ಇನ್ನಿಂಗ್ಸ್ ಬ್ಯಾಟಿಂಗ್ ಆರಂಭಿಸಿರುವ ಟೀಮ್ ಇಂಡಿಯಾ ಓಪನರ್ ಯಶಸ್ವಿ ಜೈಸ್ವಾಲ್ 28 ರನ್ಗೆ ವಿಕೆಟ್ ಒಪ್ಪಿಸಿದ್ದಾರೆ. 64 ರನ್ಗಳಿಗೆ ಮೊದಲ ವಿಕೆಟ್ ಕಳೆದುಕೊಂಡ ಭಾರತದ ಪರ ಕ್ರೀಸ್ನಲ್ಲಿ ಕನ್ನಡಿಗರಾದ ಕೆ.ಎಲ್ ರಾಹುಲ್ (28) ಹಾಗೂ ಕರುಣ್ ನಾಯರ್ (07) ಇದ್ದು ಇಂದು ಬ್ಯಾಟಿಂಗ್ ಕಂಟಿನ್ಯೂ ಮಾಡ್ತಾರೆ. ಇನ್ನು ಟೀಮ್ ಇಂಡಿಯಾ ಒಟ್ಟು 244 ರನ್ಗಳ ಲೀಡ್ ಪಡೆದು ಬ್ಯಾಟಿಂಗ್ ಮಾಡುತ್ತಿದೆ. ಒಟ್ನಲ್ಲಿ ಕಳೆದ ಪಂದ್ಯದಲ್ಲಿ ಅಷ್ಟೇನು ಸೌಂಡ್ ಮಾಡದೇ ಇದ್ರೂ ಈ ಸಲ ಡಿಎಸ್ಪಿ ಮೊಹಮ್ಮದ್ ಸಿರಾಜ್ ಧಮಾಕೇಧಾರ್ ಪರ್ಫಾಮೆನ್ಸ್ ನೀಡಿದ್ದಾರೆ. ಹಾಗೇ ಆಕಾಶ್ ದೀಪ್ ಕೂಡ ಸಿಕ್ಕ ಚಾನ್ಸ್ ನಲ್ಲಿ ತಮ್ಮ ಸಾಮರ್ಥ್ಯ ಪ್ರೂವ್ ಮಾಡಿದ್ದಾರೆ.
