ಡ್ರೈವಿಂಗ್ ಲೈಸೆನ್ಸ್‌ಗೆ ಹೊಸ ನಿಯಮ! – ಜೂನ್ 1 ರಿಂದ RTO ಎದುರು ಟೆಸ್ಟ್ ಮಾಡಬೇಕಿಲ್ಲ!

ವಾಹನ ಸವಾರರಿಗೆ ಗುಡ್‌ನ್ಯೂಸ್‌ ವೊಂದಿದೆ. ಇನ್ನುಮುಂದೆ ಲೈಸನ್ಸ್‌ ಪಡೆಯುವುದು ಸುಲಭದ ಕೆಲಸವಾಗಿದೆ. ರಸ್ತೆ ಸಾರಿಗೆ ಹಾಗೂ ಹೆದ್ದಾರಿ ಸಚಿವಾಲಯ ಹೊಸ ನಿಯಾಮಳಿ ರೂಪಿಸಿದ್ದು, ಡ್ರೈವಿಂಗ್ ಲೈಸೆನ್ಸ್ ಪಡೆಯುವ ವಿಧಾನವನ್ನೇ ಬದಲಿಸಿದೆ. ಈ ಹೊಸ ನಿಯಮ ಜೂನ್ 1 ರಿಂದ ಜಾರಿಯಾಗಲಿದೆ.

ಇದನ್ನೂ ಓದಿ: ಅಪಘಾತದಿಂದ ಗಾಯಗೊಂಡ ಯುವತಿಯರು – ನೋವಿನಲ್ಲೂ ಸೆಲ್ಫಿಗೆ ಪೋಸ್ ಕೊಡಲು ಮರೆಯದ ಮಹಿಳಾ ಮಣಿಗಳು!

ಹೌದು, ಇಷ್ಟು ದಿನ ಡ್ರೈವಿಂಗ್‌ ಲೈಸನ್ಸ್‌ ಪಡೆಯಲು ವಾಹನ ಕಲಿತು ಆರ್‌ಟಿಒ ಎದರು ಪರೀಕ್ಷೆ ಪಾಸ್ ಮಾಡಬೇಕಿತ್ತು. ಇನ್ನುಮುಂದೆ ಆರ್‌ಟಿಒ ಎದರು ಪರೀಕ್ಷೆ ಪಾಸ್ ಮಾಡಬೇಕಿಲ್ಲ. ಆರ್‌ಟಿಒ ಎದುರು ಡ್ರೈವಿಂಗ್ ಟೆಸ್ಟ್ ಮಾಡದೇ ಲೈಸೆನ್ಸ್ ಪಡೆಯಲು ಅವಕಾಶ ಮಾಡಿಕೊಡಲಾಗಿದೆ.

ಹೊಸ ನಿಯಮದಲ್ಲೇನಿದೆ?

ರಸ್ತೆ ಸಾರಿಗೆ ಹಾಗೂ ಹೆದ್ದಾರಿ ಸಚಿವಾಲಯದ ಹೊಸ ನಿಯಮದ ಪ್ರಕಾರ, ಡ್ರೈವಿಂಗ್ ಪರೀಕ್ಷೆಯನ್ನು ಖಾಸಗಿ ಸಂಸ್ಥೆಗಳು ಮಾಡಲಿದೆ. ಸರ್ಕಾರದಿಂದ ಅಧಿಕೃತ ಪರವಾನಗೆ ಪಡೆದ ಖಾಸಗಿ ಸಂಸ್ಥೆಗಳೇ ಲೈಸೆನ್ಸ್ ನೀಡಲಿದೆ. ಜೂನ್ 1, 2024ರಿಂದ ಡ್ರೈವಿಂಗ್ ಲೈಸೆನ್ಸ್ ಪಡೆಯಲು, ಈ ಖಾಸಗಿ ತರಬೇತಿ ಸಂಸ್ಥೆಗಳಲ್ಲಿ ಕಾರು, ದ್ವಿಚಕ್ರ ವಾಹನ ಅಥವಾ ಇತರ ವಾಹನ ಕಲಿತು, ಅದೇ ಸಂಸ್ಥೆಯ ಅಧಿಕಾರಿಗಳ ಮುಂದೆ ಟ್ರೈಯಲ್ ನೀಡಬೇಕು. ಖಾಸಗಿ ಸಂಸ್ಥೆಗಳ ಸಿಬ್ಬಂಧಿಗಳು ಅಥವಾ ಅಧಿಕಾರಿಗಳು ಡ್ರೈವಿಂಗ್ ಲೈಸೆನ್ಸ್ ಪ್ರಮಾಣಪತ್ರ ನೀಡಲಿದ್ದಾರೆ.

ಇನ್ನು ಟ್ರಾಫಿಕ್ ನಿಯಮ ದಂಡದಲ್ಲೂ ಮಹತ್ತರ ಬದಲಾವಣೆ ಮಾಡಲಾಗಿದೆ. ಈ ಪೈಕಿ ಅತೀವೇಗದ ಪ್ರಯಾಣಕ್ಕೆ 1,000 ರೂಪಾಯಿಂದ 2,000 ರೂಪಾಯಿ ಇದೆ. ಆದರೆ ಅಪ್ರಾಪ್ತರು ವಾಹನ ಚಲಾಯಿಸಿದರೆ ಬರೋಬ್ಬರಿ 25,000 ರೂಪಾಯಿ ದಂಡ ವಿಧಿಸಲಾಗುತ್ತದೆ. ಇಷ್ಟೇ ಅಲ್ಲ ಕಾರು ಮಾಲೀಕರ ರಿಜಿಸ್ಟ್ರೇಶನ್ ರದ್ದಾಗಲಿದೆ. ಇತ್ತ ಅಪ್ರಾಪ್ತ 25 ವರ್ಷಗಳ ವರೆಗೆ ಲೈಸೆನ್ಸ್ ಪಡೆಯುವಂತಿಲ್ಲ.

ಇನ್ನು ಸರ್ಕಾರದಿಂದ ಲೈಸೆನ್ಸ್ ನೀಡಲು ಅಧಿಕೃತ ಪರವಾನಗೆ ಪಡೆಯುವ ಸಂಸ್ಥಗಳಿಗೂ ಮಾನದಂಡ ರೂಪಿಸಲಾಗಿದೆ. ಇದೇ ವೇಳೆ ಲೈಸೆನ್ಸ್, ಅರ್ಜಿ ಸೇರಿದಂತೆ ಶುಲ್ಕ ವಿಧಿಸುವಲ್ಲೂ ಸರ್ಕಾರ ನಿಯಮ ರೂಪಿಸಿದೆ.