ನೋಡಿರಿ
ಗ್ಯಾಸ್ ಖಾಲಿಯಾಗುತ್ತೆ ಅನ್ನೋ ಚಿಂತೆ ಬೇಡ.. ರಾಕೆಟ್ ಸ್ಟೌವ್ ಕಂಡು ಹಿಡಿದ ಬೆಂಗಳೂರಿನ ವ್ಯಕ್ತಿ!
ಇಸ್ರೇಲ್ ಹಾಗೂ ಇರಾನ್ ನಡುವಿನ ಯುದ್ಧ ಕ್ಷಣ ಕ್ಷಣಕ್ಕೂ ತೀವ್ರಗೊಳ್ಳುತ್ತಿದೆ. ಯುದ್ದದ ಎಫೆಕ್ಟ್ ಕರ್ನಾಟಕದ ಅಡುಗೆ ಮನೆಗೂ ತಟ್ಟಿದೆ. ಭಾರತದಲ್ಲಿ ವಾಣಿಜ್ಯ ಹಾಗೂ ಅಡುಗೆ ಅನಿಲ ಸಿಲಿಂಡರ್ ಕೊರತೆಯ ಆತಂಕ ದಿನದಿಂದ ದಿನಕ್ಕೆ ಜಾಸ್ತಿ ಯಾಗಿದೆ. ಹೀಗಾಗಿ ಈ ಅಭಾವ ತಪ್ಪಿಸಲು ಕೆಲವರು ಸೌದೆ ಒಲೆಗೆ ಒತ್ತು ನೀಡುತ್ತಿದ್ದಾರೆ. ಇದ್ರ ನಡುವೆ ಬೆಂಗಳೂರಿನ ವ್ಯಕ್ತಿಯೊಬ್ಬರ ರಾಕೆಟ್ ಸ್ಟೌವ್ ಹೋಟೆಲ್ ಗಳಿಗೆ ಆಸರೆಯಾಗಿದೆ.
ಇದನ್ನೂ ಓದಿ: LPG ಗ್ಯಾಸ್ ವಿತರಣೆಗೆ ರಾಜ್ಯ ಸರ್ಕಾರದಿಂದ ಹೊಸ ಗೈಡ್ಲೈನ್ಸ್! – ಯಾರೆಲ್ಲಾ ಬುಕ್ ಮಾಡಬಹುದು?
ಎಲ್ಪಿಜಿ ಪೂರೈಕೆ ಸಮಸ್ಯೆಯಿಂದಾಗಿ ರೆಸ್ಟೋರೆಂಟ್ಗಳು ಮುಚ್ಚಿವೆ. ಮನೆ ಬಳಕೆಗೆ ಬಳಸುವ LPG ಕೂಡ ಬುಕ್ ಆಗ್ತಿಲ್ಲ. ಹೀಗಾಗಿ ಅನೇಕರು ಎಲೆಕ್ಟ್ರಿಕ್ ಸ್ಟೌವ್ ಕೂಡ ಬುಕ್ ಮಾಡ್ತಿದ್ದಾರೆ. ಇವೆಲ್ಲದ್ರ ನಡುವೆ ಬೆಂಗಳೂರು ನಿವಾಸಿ ಇಂಧನ ಉಳಿತಾಯಕ್ಕೆ ಹೊಸ ಸ್ಟೌವ್ ಕಂಡುಹಿಡಿದಿದ್ದಾರೆ. ಇದೀಗ ರಾಕೆಟ್ ಸ್ಟೌವ್ ಅನ್ನು ಮಾದರಿಯಾಗಿ ಬಳಸಿದ್ದಾರೆ.
ಈ ಹಿಂದೆ ತೈಲ ಮತ್ತು ನೈಸರ್ಗಿಕ ಅನಿಲ ನಿಗಮದಲ್ಲಿ ಕೆಲಸ ಮಾಡಿದ್ದ 65 ವರ್ಷದ ಅಶೋಕ್ ಅರ್ಸ್ ಇಂಧನ ಉಳಿತಾಯದ ರಾಕೆಟ್ ಸ್ಟೌವ್ ಅನ್ನು ಅಭಿವೃದ್ಧಿಪಡಿಸಿದ್ದಾರೆ. ರಾಕೆಟ್ ಸ್ಟೌವ್ ಒಂದು ಸಣ್ಣ ಮರದ ಸ್ಟೌವ್ ಆಗಿದ್ದು, ಇಂಧನವನ್ನು ಹೆಚ್ಚು ಪರಿಣಾಮಕಾರಿಯಾಗಿ ಬಳಸಲು ವಿನ್ಯಾಸಗೊಳಿಸಲಾಗಿದೆ. ಇದು ವಿಶೇಷ L- ಆಕಾರದ ಕೋಣೆ ಯನ್ನು ಹೊಂದಿದ್ದು ಅದು ಗಾಳಿಯ ಹರಿವನ್ನು ಉತ್ತಮವಾಗಿ ಸಾಗಿಸಿ ಬಲವಾದ ಶಾಖವನ್ನು ಸೃಷ್ಟಿಸುತ್ತದೆ.
ಈ ವಿನ್ಯಾಸದಿಂದಾಗಿ, ಒಣ ಎಲೆಗಳು, ತೆಂಗಿನ ಚಿಪ್ಪುಗಳು ಮತ್ತು ಇತರ ತ್ಯಾಜ್ಯ ವಸ್ತುಗಳಂತಹ ಸಣ್ಣ ವಸ್ತುಗಳನ್ನು ಇಂಧನವಾಗಿ ಬಳಸಬಹುದು. ಇವು ಸಾಮಾನ್ಯ ಸ್ಟೌವ್ಗಳಿಗೆ ಹೋಲಿಸಿದರೆ ಹೆಚ್ಚು ಹೆಚ್ಚಿನ ತಾಪಮಾನದಲ್ಲಿ ಉರಿಯುತ್ತವೆ. ಪ್ರತಿ ಸ್ಟೌವ್ಗೆ ಸುಮಾರು 3,000 ರೂ. ಇದನ್ನು ಮೊದಲು ಗ್ರಾಮೀಣ ಮನೆಗಳಿಗಾಗಿ ತಯಾರಿಸಲಾಗಿದ್ದರೂ, ಪ್ರಸ್ತುತ LPG ಪೂರೈಕೆ ಸಮಸ್ಯೆ ಗಳಿಂದಾಗಿ ಬೆಂಗಳೂರಿನ ಕೆಲವು ರೆಸ್ಟೋರೆಂಟ್ಗಳಲ್ಲಿ ಇದನ್ನು ಬಳಕೆ ಮಾಡುತ್ತಿದ್ದಾರೆ.
