ಮಜ್ಜಿಗೆ ಕುಡಿಯೋದ್ರಿಂದ ನಿಜಕ್ಕೂ ತೂಕ ಇಳಿಕೆಯಾಗುತ್ತಾ? – ತಜ್ಞರು ಹೇಳೋದೇನು?

ಊಟದ ನಂತ್ರ ಅನೇಕರು ಮಜ್ಜಿಗೆ ಕುಡಿಯುತ್ತಾರೆ. ಮಜ್ಜಿಗೆ ಕುಡಿದ್ರೆ ಆರೋಗ್ಯಕ್ಕೆ ಒಳ್ಳೆಯದು, ಜೀರ್ಣ ಶಕ್ತಿ ಹೆಚ್ಚುತ್ತೆ ಅಂತ ಹೇಳಲಾಗುತ್ತೆ. ಆದ್ರೆ ಇನ್ನೂ ಕೆಲವರು ಮಜ್ಜಿಗೆ ಕುಡಿದ್ರೆ ತೂಕ ಇಳಿಕೆಯಾಗುತ್ತೆ ಅಂತ ಹೇಳುತ್ತಾರೆ. ಹಾಗಾದ್ರೆ ಯಾವ ಹೊತ್ತಲ್ಲಿ ಮಜ್ಜಿಗೆ ಕುಡಿದ್ರೆ ತೂಕ ಇಳಿಯುತ್ತೆ ಅನ್ನೋ ಮಾಹಿತಿ ಇಲ್ಲಿದೆ.

ಇದನ್ನೂ ಓದಿ: ಸಾಯಬೇಕು ಅನ್ನುವಷ್ಟು ನೋವಾಗಿದೆ ಎಂದ ಸ್ಟಾರ್ ಕ್ರಿಕೆಟರ್ – ಪತ್ನಿಯಿಂದ ದೂರಾಗಿದ್ಯಾಕೆ ಎಂಬ ವಿಚಾರ ತಿಳಿಸಿದ ಯುಜ್ವೇಂದ್ರ ಚಾಹಲ್

ಮಜ್ಜಿಗೆ ಕುಡಿಯೋದ್ರಿಂದ ದೇಹಕ್ಕೆ ಸಾಕಷ್ಟು ಲಾಭಗಳಿವೆ. ಮಜ್ಜಿಗೆಯಲ್ಲಿ ಪ್ರೋಬಯೋಟಿಕ್ ಜಾಸ್ತಿ ಇದೆ, ಕ್ಯಾಲೋರಿ ಕಡಿಮೆ. ಬೇಸಿಗೆಯಲ್ಲಿ ಮಜ್ಜಿಗೆ ಕುಡಿದ್ರೆ ತಂಪಾಗಿರುತ್ತೆ, ದೇಹದ ಶಾಖ ಕಡಿಮೆ ಮಾಡುತ್ತೆ ಎಂದು ಹೇಳಲಾಗುತ್ತದೆ. ತೂಕ ಇಳಿಸೋಕೆ, ಹೊಟ್ಟೆ ಸಮಸ್ಯೆಗಳಿಗೆ ಸಹಾಯ ಮಾಡುತ್ತೆ ಅಂತಲೂ ಹೇಳ್ತಾರೆ.

ಅಂದ್ಹಾಗೆ ಮಜ್ಜಿಗೆಯಲ್ಲಿ ಕ್ಯಾಲೋರಿ ಕಡಿಮೆ, ಕ್ಯಾಲ್ಸಿಯಂ, ಪ್ರೋಟೀನ್, ವಿಟಮಿನ್ B2, B12, ಪೊಟ್ಯಾಶಿಯಂ, ಫಾಸ್ಪರಸ್, ಅಯೋಡಿನ್, ಝಿಂಕ್, ಪ್ರೋಬಯೋಟಿಕ್ಸ್ ಇದೆ. ಪ್ರೋಬಯೋಟಿಕ್ಸ್ ಹೊಟ್ಟೆ ಆರೋಗ್ಯಕ್ಕೆ ಒಳ್ಳೆಯದು. ಮಜ್ಜಿಗೆ ಕುಡಿದ್ರೆ ಮೂಳೆಗಳು ಗಟ್ಟಿಯಾಗುತ್ತೆ. ಮಜ್ಜಿಗೆ ತೂಕ ಇಳಿಸೋಕೆ ಹೇಗೆ ಸಹಾಯ ಮಾಡುತ್ತೆ? ಮಜ್ಜಿಗೆಯಲ್ಲಿ ಲ್ಯಾಕ್ಟೋಬಾಸಿಲಸ್ ಅಸಿಡೋಫಿಲಸ್, ಬೈಫಿಡೋಬ್ಯಾಕ್ಟೀರಿಯಂ ಬೈಫಿಡಮ್ ಬ್ಯಾಕ್ಟೀರಿಯಾ ಇದೆ. ಇವು ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತೆ. ಮಜ್ಜಿಗೆ ಕುಡಿದ್ರೆ ಹೊಟ್ಟೆ ತುಂಬಿದ ಭಾವನೆ ಬರುತ್ತೆ, ಹಸಿವು ಕಡಿಮೆ ಆಗುತ್ತೆ. ಮಜ್ಜಿಗೆಯಲ್ಲಿ ಪ್ರೋಟೀನ್ ಇದೆ, ಇದು ಜೀರ್ಣವಾಗೋಕೆ ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತೆ. ಹೀಗಾಗಿ ಬೇಗ ಹಸಿವು ಆಗಲ್ಲ, ಕ್ಯಾಲೋರಿ ಕಡಿಮೆ ತೆಗೆದುಕೊಳ್ಳುತ್ತೀವಿ. ಇದರಿಂದ ತೂಕ ಇಳಿಯುತ್ತೆ.

ತೂಕ ಇಳಿಸಬೇಕು ಅಂದ್ರೆ ಹಗಲುಗಿಂತ ರಾತ್ರಿ ಮಜ್ಜಿಗೆ ಕುಡಿಯೋದು ಒಳ್ಳೆಯದು. ರಾತ್ರಿ ಮಜ್ಜಿಗೆ ಕುಡಿಯೋದ್ರಿಂದ ಏನು ಲಾಭ ಅಂತ ನೋಡೋಣ. ಮಜ್ಜಿಗೆಯಲ್ಲಿರೋ ಪ್ರೋಟೀನ್ ಮತ್ತು ಕ್ಯಾಲ್ಸಿಯಂ ಹಸಿವು ಕಡಿಮೆ ಮಾಡುತ್ತೆ. ಹೀಗಾಗಿ ಮಧ್ಯರಾತ್ರಿ ಜಂಕ್ ಫುಡ್ ತಿನ್ನೋ ಆಸೆ ಕಡಿಮೆ ಆಗುತ್ತೆ. ಇದರಿಂದ ತೂಕ ಇಳಿಯುತ್ತೆ. ಮಜ್ಜಿಗೆಯಲ್ಲಿ ಟ್ರಿಪ್ಟೊಫಾನ್ ಅನ್ನೋ ಅಮೈನೋ ಆಸಿಡ್ ಇದೆ. ಇದು ಚೆನ್ನಾಗಿ ನಿದ್ದೆ ಮಾಡೋಕೆ ಸಹಾಯ ಮಾಡುತ್ತೆ. ಚೆನ್ನಾಗಿ ನಿದ್ದೆ ಬರದಿದ್ರೆ ಕಾರ್ಟಿಸೋಲ್ ಹಾರ್ಮೋನ್ ಜಾಸ್ತಿ ಆಗುತ್ತೆ, ಇದು ಕೊಬ್ಬು ಹೆಚ್ಚಿಸುತ್ತೆ. ರಾತ್ರಿ ಜೀರಿಗೆ, ಕರಿಮೆಣಸು ಹಾಕಿದ ಮಜ್ಜಿಗೆ ಕುಡಿದ್ರೆ ಜೀರ್ಣಕ್ರಿಯೆ ಚೆನ್ನಾಗಿ ಆಗುತ್ತೆ.