ನೋಡಿರಿ
ಕರೆಂಟ್ ಬಿಲ್ ಕಟ್ಟಬೇಡಿ..! – ಮನೆ ಮನೆಗೆ ತೆರಳಿ ರೇಣುಕಾಚಾರ್ಯ ಪ್ರಚಾರ..!
ಕಾಂಗ್ರೆಸ್ ನಾಯಕರು ಮೇಲಿಂದ ಮೇಲೆ ಸಭೆ ನಡೆಸುತ್ತಾ ಗ್ಯಾರಂಟಿಗಳ ಜಾರಿಗೆ ಶತಪ್ರಯತ್ನ ಮಾಡುತ್ತಿದ್ದಾರೆ. ಆದರೆ, ಬಿಜೆಪಿ ನಾಯಕರು ಇದನ್ನೇ ತಮ್ಮ ಅಸ್ತ್ರವಾಗಿಟ್ಟುಕೊಂಡು ಜನರನ್ನು ಎತ್ತಿಕಟ್ಟುವ ಕೆಲಸ ಮಾಡುತ್ತಿದ್ದಾರೆ. ಈಗಾಗಲೇ ಕರೆಂಟ್ ಬಿಲ್ ಕಟ್ಟಬೇಡಿ ಅಂತಾ ಕೆಲವೊಂದು ಊರುಗಳಲ್ಲಿ ಬಿಜೆಪಿ ನಾಯಕರು ಡಂಗುರ ಕೂಡಾ ಹೊಡೆಸಿದ್ದರು. ಆದರೆ, ಹೊನ್ನಾಳಿ ಕ್ಷೇತ್ರದ ಮಾಜಿ ಶಾಸಕ ರೇಣುಕಾಚಾರ್ಯ ಮಾತ್ರ ಯಾರು ಹೇಗೆ ಬೇಕಾದರೂ ಹೇಳಿಕೊಳ್ಳಲಿ ತಾನೂ ಮಾತ್ರ ಸೀದಾ ಸಾದಾ ಅಂತಾ ತೋರಿಸಿಕೊಳ್ಳುವ ಭರದಲ್ಲಿ ಕಾಂಗ್ರೆಸ್ ವಿರುದ್ಧ ಮತ್ತೊಮ್ಮೆ ಪ್ರಚಾರದಲ್ಲಿ ಬ್ಯುಸಿಯಾಗಿದ್ದಾರೆ.
ಇದನ್ನೂ ಓದಿ: ಇನ್ನು ಮುಂದೆ ಈ ರಾಜ್ಯದಲ್ಲೂ 100 ಯೂನಿಟ್‌ ವಿದ್ಯುತ್‌ ಉಚಿತ!
ಕರೆಂಟ್ ಬಿಲ್ ಕಟ್ಟಬೇಡಿ, ಬಸ್ನಲ್ಲಿ ಓಡಾಡುವ ಮಹಿಳೆಯರು ಟಿಕೆಟ್ ಪಡೆಯಬೇಡಿ ಎಂದು ಹೊನ್ನಾಳಿ ಕ್ಷೇತ್ರದ ಮಾಜಿ ಶಾಸಕ ರೇಣುಕಾಚಾರ್ಯ ಮನೆ ಮನೆಗೆ ಹೋಗಿ ಪ್ರಚಾರ ಮಾಡುತ್ತಿದ್ದಾರೆ. ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿರುವ ಹೊನ್ನಾಳಿ ಕ್ಷೇತ್ರದ ಮಾಜಿ ಶಾಸಕ ರೇಣುಕಾಚಾರ್ಯ ಗ್ಯಾರಂಟಿಗಳನ್ನ ಜಾರಿ ಮಾಡದಿದ್ರೆ ಪೊರಕೆ ಚಳುವಳಿ ಮಾಡೋಣ ಎಂದು ಕರೆನೀಡಿದ್ದಾರೆ. ಮನೆ ಮನೆಗೆ ಹೋಗಿ ಮಹಿಳೆಯರನ್ನು ಮಾತಾಡಿಸ್ತಾ, ನೀವೂ ಬರ್ತೀರಾ ತಾನೇ ಎಂದು ತನ್ನ ಹೋರಾಟಕ್ಕೆ ಬೆಂಬಲ ಕೂಡಾ ಕೇಳುತ್ತಿದ್ದಾರೆ. ಯಾರಾದರೂ ಕರೆಂಟ್ ಬಿಲ್ ಕೇಳಿದರೆ, ಬಸ್ನಲ್ಲಿ ಟಿಕೆಟ್ ಕೇಳಿದರೆ ನನಗೊಂದು ಕಾಲ್ ಮಾಡಿ. ನಾನೇ ಬಂದು ಮಾತನಾಡುತ್ತೇನೆ ಅಂತಾ ಕಾಂಗ್ರೆಸ್ ವಿರುದ್ಧ ಪ್ರಚಾರ ಮಾಡುತ್ತಾ ತನ್ನ ಸೋಲಿನ ಕಹಿ ಮರೆಯುವ ಪ್ರಯತ್ನ ಮಾಡುತ್ತಿದ್ದಾರೆ.
