ನೋಡಿರಿ
ವಿರಾಟ್ ಕೊಹ್ಲಿ ಸೆಂಚುರಿ ಹೊಡೆಯಲು ಅಂಪೈರ್ ಕಾರಣವಾದ್ರಾ ? – ನಿಯಮದ ಪ್ರಕಾರ ಅಂಪೈರ್ ಮಾಡಿದ್ದೇನು?
ನಂಬರ್ 48.. ಇನ್ನೆರಡು ಸೆಂಚೂರಿ ಹೊಡೆದ್ರೆ ಲೆಜೆಂಡರಿ ಸಚಿನ್ ತೆಂಡೂಲ್ಕರ್ ರೆಕಾರ್ಡ್ನ್ನ ವಿರಾಟ್ ಕೊಹ್ಲಿ ಬ್ರೇಕ್ ಮಾಡ್ತಾರೆ. ಆ ಎರಡು ಸೆಂಚೂರಿ ಕೂಡ ಈ ವರ್ಲ್ಡ್ಕಪ್ನಲ್ಲೇ ಬರೋದು ಗ್ಯಾರಂಟಿ. ವಿಶ್ವಕಪ್ ಟೂರ್ನಿಯಲ್ಲೇ ಕೊಹ್ಲಿ ಈ ದಾಖಲೆ ಬರೆದ್ರೆ ಅದಕ್ಕಿರೋ ತೂಕವೇ ಬೇರೆಯಾಗಿರುತ್ತೆ. ಟೀಂ ಇಂಡಿಯಾವನ್ನ ಗೆಲ್ಲಿಸೋಕೆ ರನ್ ಮಾಡುತ್ತಲೇ ವಿರಾಟ್ ಕೊಹ್ಲಿ ಈಗ ತೆಂಡೂಲ್ಕರ್ ಸೆಂಚೂರಿ ರೆಕಾರ್ಡ್ನ್ನ ಕೂಡ ಚೇಸ್ ಮಾಡ್ತಿದ್ದಾರೆ.
ಬಾಂಗ್ಲಾದೇಶ ವಿರುದ್ಧದ ಮ್ಯಾಚ್ನಲ್ಲಂತೂ ಕೊಹ್ಲಿ ಸೆಂಚೂರಿ ಬೆನ್ನತ್ತಿದ ರೀತಿ ತುಂಬಾನೆ ಎಂಟರ್ಟೈನ್ ಆಗಿತ್ತು. ಈ ಮಧ್ಯೆ ಒಂದಷ್ಟು ಮಂದಿ ಕೊಹ್ಲಿ ಸ್ವಾರ್ಥಿ. ಸೆಂಚೂರಿಗೋಸ್ಕರ ಆಡಿದ್ರು. ಸಿಂಗಲ್ ತೆಗೆಯದೇ ಇದ್ದಿದ್ದು ಸರಿಯಲ್ಲ ಅಂತಾನೂ ಹೇಳ್ತಿದ್ದಾರೆ. ಕೊಹ್ಲಿ ಸೆಂಚೂರಿಗೆ ಅಂಪೈರ್ ಹೆಲ್ಪ್ ಮಾಡಿದ್ರು. ಕೊಹ್ಲಿ ಸೆಂಚೂರಿ ಬಾರಿಸಲಿ ಅಂತಾ ಅಂಪೈರ್ ವೈಡ್ ಕೊಟ್ಟಿಲ್ಲ ಅಂತೆಲ್ಲಾ ಹೇಳಲಾಗ್ತಿದೆ. ಆದ್ರೆ ಅಂಪೈರ್ ವೈಡ್ ಕೊಡದೇ ಇರೋದಕ್ಕೆ ಅಸಲಿ ಬೇರೆಯೇ ಇದೆ.
ಟೀಂ ಇಂಡಿಯಾ ಗೆಲ್ಲೋಕೆ 15 ರನ್ಗಳು ಬೇಕಿತ್ತು. ವಿರಾಟ್ ಕೊಹ್ಲಿ ಸೆಂಚೂರಿ ಆಗೋಕೂ 15 ರನ್ ಬೇಕಿತ್ತು.. ಕೊಹ್ಲಿ ಸೆಂಚೂರಿಗೆ ಬೇಕಾಗಿದ್ದ ರನ್ ಮತ್ತು ಭಾರತದ ಗೆಲುವಿಗೆ ಬೇಕಾಗಿದ್ದ ನಂಬರ್ ಮಧ್ಯೆ ಕೊನೆವರೆಗೂ ಹೆಚ್ಚು ವ್ಯತ್ಯಾಸ ಏನೂ ಇರಲಿಲ್ಲ. ಹೀಗಾಗಿ ವಿರಾಟ್ ಕೊಹ್ಲಿ ಸೆಂಚೂರಿ ಹೊಡೆಯೋದು ಅಷ್ಟು ಸುಲಭವಾಗಿರಲಿಲ್ಲ.
ಅಷ್ಟೇ ಅಲ್ಲ, ವಿರಾಟ್ ಕೊಹ್ಲಿ ಬಾಂಗ್ಲಾ ವಿರುದ್ಧ ಸೆಂಚೂರಿ ಮಾಡಬೇಕು ಅನ್ನೋ ಪ್ಲ್ಯಾನ್ನಲ್ಲೇ ಇರಲಿಲ್ಲ. 15 ರನ್ ಬೇಕಿದ್ರೂ, ಶತಕ ಹೊಡಿಬೇಕು ಅಂತಾ ಅಂದುಕೊಂಡೇ ಇರಲಿಲ್ಲ. ಆದ್ರೆ, ಎಲ್ಲರೂ ಕೂಡ ಕೊಹ್ಲಿ ಸೆಂಚೂರಿಗೆ ಇಬ್ಬರು ಕಾರಣ ಅಂತಿದ್ದಾರೆ. ಕೆಎಲ್ ರಾಹುಲ್ ಮತ್ತು ಅಂಪೈರ್ ರಿಚರ್ಡ್. ಕೊಹ್ಲಿ ಸೆಂಚೂರಿಯಾಗೋಕೆ ಕೆಎಲ್ ರಾಹುಲ್ ನೆರವು ನೀಡಿದ್ದಾರೆ ಅನ್ನೋದ್ರಲ್ಲಿ ಯಾವುದೇ ಡೌಟ್ ಇಲ್ಲ. ಆದ್ರೆ ಇದ್ರಲ್ಲಿ ಅಂಪೈರ್ ಪಾತ್ರ ಏನೂ ಇಲ್ಲ. ಚೇಸಿಂಗ್ನಲ್ಲಿ ಭಾರತಕ್ಕೆ ಅತೀ ಹೆಚ್ಚು ಪಂದ್ಯಗಳನ್ನ ಗೆಲ್ಲಿಸಿಕೊಟ್ಟಿರುವ ದಾಖಲೆ ಕೂಡ ಕೊಹ್ಲಿ ಹೆಸರಲ್ಲೇ ಇದೆ. ಹೀಗಾಗಿ ವಿರಾಟ್ ಕೊಹ್ಲಿ ತಾನು ಸ್ವಾರ್ಥಿ ಅಲ್ಲ ಅನ್ನೋದನ್ನ ಸಾಬೀತುಪಡಿಸಬೇಕಾದ ಅವಶ್ಯಕತೆಯೇ ಇಲ್ಲ.
ಇನ್ನು ಅಂಪೈರ್ ರಿಚರ್ಡ್ ಅವರ ವೈಡ್ ಡಿಸೀಶನ್ ಬಗ್ಗೆ ಒಂದಷ್ಟು ಕ್ಲಾರಿಟಿ ನೀಡ್ಲೇಬೇಕು. ಮ್ಯಾಚ್ ಮುಗಿದ ಬಳಿಕ ಸೋಷಿಯಲ್ ಮೀಡಿಯಾದಲ್ಲಿ ಅಂಪೈರ್ ರಿಚರ್ಡ್ ಫುಲ್ ಟ್ರೆಂಡಿಂಗ್ನಲ್ಲಿದ್ರು. ಬಾಂಗ್ಲಾ ಬೌಲರ್ ವೈಡ್ ಎಸೆದ್ರೂ ವೈಡ್ ನೀಡದೆ ಕೊಹ್ಲಿ ಶತಕಕ್ಕೆ ಕಾರಣವಾದ್ರು. ಕೊಹ್ಲಿ ಸೆಂಚೂರಿ ಹೊಡೆಯಲಿ ಅಂತಾನೆ ಅಂಪೈರ್ ವೈಡ್ ಕೊಟ್ಟಿಲ್ಲ ಅಂತಾ ಎಲ್ಲರೂ ಮಾತನಾಡ್ತಿದ್ರು.. ಕಾಮೆಂಟ್ಸ್ ಮಾಡ್ತಿದ್ರು..
ಆದ್ರೆ ನಿಮಗೆ ಗೊತ್ತಿರಲಿ.. ಇದು ರಿಯಾಲಿಟಿ ಅಲ್ಲ.. ಬಾಂಗ್ಲಾ ಬೌಲರ್ ಉದ್ದೇಶಪೂರ್ವಕವಾಗಿಯೇ ವೈಡ್ ಎಸೆದ್ರು ಅನ್ನೋ ಕಾರಣಕ್ಕೆ ಅಂಪೈರ್ ವೈಡ್ ಕೊಟ್ಟಿಲ್ಲ.. ಕೊಹ್ಲಿ ಸೆಂಚೂರಿ ಬಾರಿಸಲಿ ಅಂತಾ ವೈಡ್ ಕೊಟ್ಟಿಲ್ಲ ಅಂತಾ ಯಾರಾದ್ರೂ ಅಂದುಕೊಂಡಿದ್ದರೆ ಅದು ತಪ್ಪು. ಅಂಪೈರ್ ತೀರ್ಮಾನದಿಂದ ಖುಷಿಯಾಗಿದ್ದು ಹೌದು. ಭಾರತೀಯರೆಲ್ಲರೂ ಅಂಪೈರ್ನ್ನ ಹೀರೋ ಮಾಡ್ತಿದ್ದಾರೆ. ಆದರೆ, ಇಲ್ಲಿ ಅಂಪೈರ್ ರಿಚರ್ಡ್ ಕೊಹ್ಲಿಗೆ ಫೇವರ್ ಆಗಿಯೂ ಇರಲಿಲ್ಲ.. ರೂಲ್ಸ್ನ್ನ ಕೂಡ ಬ್ರೇಕ್ ಮಾಡಿಲ್ಲ. ಬಾಲ್ ಲೆಗ್ ಸೈಡ್ಗೆ ಹೋದ್ರೂ ವೈಡ್ ನೀಡದೇ ಇರೋದಕ್ಕೆ ಒಂದು ಪ್ರಮುಖ ಕಾರಣ ಇದೆ. ಕ್ರಿಕೆಟ್ ಕುರಿತ ಎಂಸಿಸಿ ರೂಲ್ಸ್ನಲ್ಲಿ ಒಂದಷ್ಟು ಬದಲಾವಣೆಗಳಾಗಿವೆ.
ಬೌಲರ್ ಬಾಲ್ ಎಸೆಯೋ ಮುನ್ನ ಬ್ಯಾಟ್ಸ್ಮನ್ ಕ್ರೀಸ್ನಲ್ಲಿ ಒಂದು ಪೊಸೀಷನ್ನಲ್ಲಿ ನಿಂತಿರುತ್ತಾರೆ. ಬಾಲ್ ಎಸೆಯುತ್ತಲೇ ಬ್ಯಾಟ್ಸ್ಮನ್ ತನ್ನ ಪೊಸೀಷನ್ ಚೇಂಜ್ ಮಾಡಿದಾಗ ಬಾಲ್ ಜಸ್ಟ್ ಲೆಗ್ಸೈಡ್ನಿಂದ ಪಾಸ್ ಆದರೂ ಅದು ವೈಡ್ ಆಗುವುದಿಲ್ಲ. ಇಲ್ಲಿ ಕೊಹ್ಲಿ ವಿಚಾರದಲ್ಲೂ ಆಗಿರೋದು ಇದೇ. ಇಲ್ಲಿ ವಿರಾಟ್ ಕೊಹ್ಲಿ ಪೊಸೀಶನ್ ಚೇಂಜ್ ಮಾಡಿದ್ರಿಂದಾಗಿ ಅಂಪೈರ್ ವೈಡ್ ಕೊಟ್ಟಿಲ್ಲ ಅಷ್ಟೇ.
