ನೋಡಿರಿ
ಸಿಎಸ್ಕೆಯ 14 ಕೋಟಿ ಆಟಗಾರ ಪ್ರಶಾಂತ್ ವೀರ್ ಆಟಕ್ಕೆ ಧೋನಿ ಫಿದಾ
ಸಿಎಸ್ಕೆಯ 14 ಕೋಟಿ ಆಟಗಾರನಾದ ಪ್ರಶಾಂತ್ ವೀರ್ ಆಟಕ್ಕೆ ಧೋನಿ ಫಿದಾ ಆಗಿದ್ದಾರೆ. ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಸೋಷಿಯಲ್ ಮೀಡಿಯಾದಲ್ಲಿ ಒಂದು ವಿಡಿಯೋ ಹಂಚಿಕೊಂಡಿದ್ದು, ಇದರಲ್ಲಿ ಆಟಗಾರರ ಅಭ್ಯಾಸ ನಡೆಯುತ್ತಿದೆ. ಅಭ್ಯಾಸ ಅವಧಿಯಲ್ಲಿ ತಂಡದ ಯುವ ಆಟಗಾರರ ಹೊಡೆತಗಳನ್ನು ಧೋನಿ ಸೂಕ್ಷ್ಮವಾಗಿ ವೀಕ್ಷಿಸಿ ಶ್ಲಾಘಿಸಿದ್ದಾರೆ. ವಿಡಿಯೋದಲ್ಲಿ ಧೋನಿಯ ಪ್ರತಿಕ್ರಿಯೆಯನ್ನು ನೋಡಿದರೆ, ಈ ಆಟಗಾರರು ಈ ಸೀಸನ್ನಲ್ಲಿ ಸಿಎಸ್ಕೆ ಪರ ಸ್ಥಿರವಾಗಿ ಆಡಬಲ್ಲರು ಅನ್ನೋದು ಗೊತ್ತಾಗುತ್ತೆ.
ವಿಡಿಯೋ ಆರಂಭದಲ್ಲಿ, ಪ್ರಶಾಂತ್ ವೀರ್ ಆಫ್-ಸೈಡ್ ಕಡೆಗೆ ಅದ್ಭುತವಾದ ಹೊಡೆಯುತ್ತಾರೆ, ಅದಕ್ಕೆ ಧೋನಿ ‘ಶಾಟ್’ ಅಂತ ಹೇಳ್ತಾರೆ. ಮುಂದಿನ ಎಸೆತದಲ್ಲಿ, ಪ್ರಶಾಂತ್ ವೀರ್ ಸ್ಕೂಪ್ ಶಾಟ್ ಆಡುತ್ತಾರೆ, ಅದಕ್ಕೆ ಧೋನಿ ಬೌಂಡರಿ ಅಂತ ಹೇಳ್ತಾರೆ. ಕೊನೆಯಲ್ಲಿ, ಪ್ರಶಾಂತ್ ವೀರ್ ಸ್ಟ್ರೈಟ್ ಡ್ರೈವ್ ಹೊಡೆಯುತ್ತಾರೆ. ಇದನ್ನು ನೋಡಿ ಧೋನಿ ಕೂಡ ಪ್ರಶಾಂತ್ ವೀರ್ ಅವರನ್ನು ಹೊಗಳುತ್ತಾರೆ. ಈ ವಿಡಿಯೋ ಈಗ ಸಖತ್ ವೈರಲ್ ಆಗ್ತಿದೆ.
ಇದನ್ನೂ ಓದಿ: ಚೆನ್ನೈ ತಂಡದಲ್ಲಿ ಸಂಜುಗೆ ಹೊಸ ಅನುಭವ – ಚೇಟಾ ಕೈ ಖಾಲಿ.. ಖಾಲಿ.. ಹೇಗಿರಲಿದೆ ಫೀಲ್ಡಿಂಗ್?
ಪ್ರಶಾಂತ್ ವೀರ್, ಧೋನಿಯೊಂದಿಗಿನ ತಮ್ಮ ಸಂಭಾಷಣೆಯ ಕಥೆಯನ್ನು ವಿವರಿಸಿದ್ದಾರೆ. ಧೋನಿ ತಮಗೆ ಹಣ ಉಳಿಸಲು ಸಲಹೆ ನೀಡಿದ್ದರು. ಅನಿರೀಕ್ಷಿತವಾಗಿ ಇಷ್ಟೊಂದು ಹಣ ಬಂದಿರುವಾಗ ನಿಮ್ಮ ಪಾದಗಳನ್ನು ನೆಲದ ಮೇಲೆ ಇಟ್ಟುಕೊಳ್ಳಿ, ಆಗಸದಲ್ಲಿ ಹಾರಲು ಬಯಸಬೇಡಿ ಎಂದು ಕಿವಿಮಾತು ಹೇಳಿದರು ಎಂದು ಪ್ರಶಾಂತ್ ವೀರ್ ಹೇಳಿಕೊಂಡಿದ್ದಾರೆ.
ಪ್ರಶಾಂತ್ ವೀರ್ ಉತ್ತರ ಪ್ರದೇಶ ಪರ ದೇಶೀಯ ಕ್ರಿಕೆಟ್ ಆಡುತ್ತಾರೆ. ಎಡಗೈ ಸ್ಪಿನ್ನರ್ ಆಗಿರುವುದರ ಜೊತೆಗೆ, ಪ್ರಶಾಂತ್ ವೀರ್ ಕೂಡ ಅತ್ಯುತ್ತಮ ಬ್ಯಾಟ್ಸ್ಮನ್. ಪ್ರಶಾಂತ್ ವೀರ್ ಇದುವರೆಗೆ 3 ಪ್ರಥಮ ದರ್ಜೆ ಪಂದ್ಯಗಳು, 8 ಲಿಸ್ಟ್ ಎ ಮತ್ತು 9 ಟಿ20 ಪಂದ್ಯಗಳನ್ನು ಆಡಿದ್ದಾರೆ. ಪ್ರಥಮ ದರ್ಜೆಯಲ್ಲಿ, ಪ್ರಶಾಂತ್ 7 ರನ್ಗಳಿಗೆ 2 ವಿಕೆಟ್ಗಳನ್ನು ಕಬಳಿಸಿದ್ದಾರೆ. ಪ್ರಶಾಂತ್ ಆಲ್ರೌಂಡರ್ ಆಗಿ ವಿಭಿನ್ನ ಗುರುತನ್ನು ಹೊಂದಿದ್ದಾರೆ.
