ಕೆಕೆಆರ್ ವಿರುದ್ಧದ ಪಂದ್ಯದಲ್ಲಿ ಫೇಲ್ಯೂರ್ – ಚೆನ್ನೈ ವಿರುದ್ಧ ಆಡಲ್ವಾ ಪಡಿಕ್ಕಲ್?

ಕೋಲ್ಕತಾದ ಈಡನ್ ಗಾರ್ಡನ್ಸ್ ನಲ್ಲಿ ನಡೆದ ಉದ್ಘಾಟನಾ ಪಂದ್ಯದಲ್ಲಿ ಆರ್ ಸಿಬಿ ಇಂಪಾಕ್ಟ್ ಪ್ಲೇಯರ್ ಆಗಿ ದೇವದತ್ ಪಡಿಕ್ಕಲ್​ಗೆ ಚಾನ್ಸ್ ನೀಡಿತ್ತು. ಸುಯೇಶ್ ಶರ್ಮಾ ಅವರ ಬದಲಿಗೆ ದೇವದತ್ ಪಡಿಕ್ಕಲ್ ರನ್ನ ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಬ್ಯಾಟಿಂಗ್​ಗೆ ಕಳಿಸಿತ್ತು. ಆದ್ರೆ ಕೊಟ್ಟ ಅವಕಾಶವನ್ನ ಬಳಸಿಕೊಳ್ಳದ ಪಡಿಕ್ಕಲ್ ಈಗ ಮುಂದಿನ ಪಂದ್ಯಕ್ಕೆ ಬೆಲೆ ತೆರಬೇಕಾಗಿದೆ. ಚೆನ್ನೈ ವಿರುದ್ಧದ ಮ್ಯಾಚ್​ನಲ್ಲಿ ಬೆಂಚ್ ಕಾಯೋ ಸ್ಥಿತಿ ನಿರ್ಮಾಣವಾಗಿದೆ.

ಇದನ್ನೂ ಓದಿ : ಭುವನೇಶ್ವರ್ & ಬೆಥೆಲ್ ಚೆನ್ನೈ ವಿರುದ್ಧ ಕಣಕ್ಕೆ? – ಚೆಪಾಕ್ ಪಿಚ್ ಯಾರಿಗೆ ಪ್ಲಸ್ ಆಗಲಿದೆ?

ಕೊಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 7 ವಿಕೆಟ್​ಗಳಿಂದ ಗೆದ್ದು ಬೀಗಿದೆ. ಆರ್​​ಸಿಬಿ ತಂಡದ ಪರ ಎಲ್ಲ ಆಟಗಾರರು ಬೊಂಬಾಟ್ ಪ್ರದರ್ಶನ ನೀಡಿದ್ರು. ಆದರೆ, ಕನ್ನಡಿಗ ದೇವದತ್​ ಪಡಿಕ್ಕಲ್​ ಮಾತ್ರ ಎಲ್ಲರ ಮುಂದೆ ಡಲ್ ಎನಿಸಿದ್ರು. ಮೂರನೇ ಸ್ಲಾಟ್​ನಲ್ಲಿ ಕ್ರೀಸ್​ಗೆ ಬಂದ ಪಡಿಕ್ಕಲ್ ಸಿಡಿಸಿದ್ದು ಬರೀ 10 ರನ್ ಗಳನ್ನ ಮಾತ್ರ. 10 ಬಾಲ್ ಗಳನ್ನ ಫೇಸ್ ಮಾಡಿ 10 ರನ್ ಗಳಿಸಿ ವಿಕೆಟ್ ಒಪ್ಪಿಸಿದ್ರು. ಸೋ ಆಡುವ ಅವಕಾಶ ಸಿಕ್ರೂ ಅಷ್ಟೊಂದು ಸಮರ್ಥವಾಗಿ ಬಳಿಸಿಕೊಳ್ಳಲಿಲ್ಲ. ಹೀಗಾಗಿ ಮುಂದಿನ ಪಂದ್ಯದಲ್ಲಿ ಚಾನ್ಸ್​ ಸಿಗೋದು ಡೌಟ್​ ಆಗಿದೆ. ಕಳೆದ ಸೀಸನ್​​ನಲ್ಲಿ ಲಕ್ನೋ ಸೂಪರ್​ ಜೈಂಟ್ಸ್​ ತಂಡದ ಪರ ಆಡಿದ್ದ ಪಡಿಕ್ಕಲ್​ಗೆ ಹೆಚ್ಚಿನ ಅವಕಾಶಗಳು ಸಿಕ್ಕಿರಲಿಲ್ಲ. ಇವರಿಗೆ ಸಿಕ್ಕ ಅವಕಾಶಗಳನ್ನು ಸದುಪಯೋಗ ಮಾಡಿಕೊಳ್ಳಲಿಲ್ಲ. ಹೀಗಾಗಿ ಲಕ್ನೋ ತಂಡ ಕನ್ನಡಿಗ ಪಡಿಕ್ಕಲ್​​ ಅವರನ್ನು ರಿಲೀಸ್​ ಮಾಡಿತ್ತು.

ಈ ವರ್ಷ ದೇವದತ್ ಪಡಿಕ್ಕಲ್ ಆರ್ ಸಿಬಿಗೆ ರೀ ಎಂಟ್ರಿ ಕೊಟ್ಟಿದ್ದಾರೆ. ಬೆಂಗಳೂರು ಟೀಮ್​ನಲ್ಲಿ ಇರೋದೇ ಇಬ್ಬರು ಕನ್ನಡಿಗರು. ಒಂದು ಮನೋಜ್ ಬಾಂಢಗೆ ಇನ್ನೊಂದು ಪಡಿಕ್ಕಲ್. ಬಾಂಢಗೆಗೆ ಇನ್ನೂ ಒಂದು ಅವಕಾಶ ಸಿಕ್ಕಿಲ್ಲ. ಇತ್ತ ಪಡಿಕ್ಕಲ್ ಕೊಟ್ರೂ ಬಳಸಿಕೊಳ್ತಿಲ್ಲ. ಪಡಿಕ್ಕಲ್ ರನ್ನ RCB 2 ಕೋಟಿಗೆ ಖರೀದಿಸಿದೆ. ಆದರೆ ಅವರಿಗೆ ಆಡುವ ಬಳಗದಲ್ಲಿ ಅವಕಾಶ ಸಿಗೋದು ತುಂಬಾ ಕಡಿಮೆ. ಇದಕ್ಕೆ ಕಾರಣ ಅವರ ಕಳಪೆ ಫಾರ್ಮ್. ಕಳೆದ ಸೀಸನ್​​ನಲ್ಲಿ ಲಕ್ನೋ ಸೂಪರ್ ಜೈಂಟ್ಸ್​ ಪರ ನೀಡಿದ ಪ್ರದರ್ಶನ ಅಷ್ಟಕಷ್ಟೇ. RCB ಮಿಡಲ್ ಆರ್ಡರ್ ಬ್ಯಾಟರ್ ಆಗಿ ಲಿಯಾಮ್ ಲಿವಿಂಗ್​​ಸ್ಟೋನ್​​​, ಟಿಮ್ ಡೇವಿಡ್ ಮತ್ತು ಕೃನಾಲ್ ಪಾಂಡ್ಯ ಅವರಂತಹ ಬಲಿಷ್ಠ ಬ್ಯಾಟ್ಸ್‌ಮನ್‌ಗಳ ದಂಡು ಇದೆ. ಇಂತಹ ಪರಿಸ್ಥಿತಿಯಲ್ಲಿ ಪಡಿಕ್ಕಲ್​​ಗೆ ಅವಕಾಶ ಸಿಗೋದು ಕಷ್ಟ.

ದೇವದತ್ ಪಡಿಕ್ಕಲ್​ ಆರ್​ಸಿಬಿ ಸೇರುತ್ತಿರುವುದು ಇದೇ ಮೊದಲಲ್ಲ. 2020ರ ಐಪಿಎಲ್‌ನಲ್ಲಿ ಮೊದಲ ಬಾರಿಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಪಡಿಕ್ಕಲ್​ ಪ್ರತಿನಿಧಿಸಿದ್ದರು. ತನ್ನ ಚೊಚ್ಚಲ ಐಪಿಎಲ್ ಸೀಸನ್​​ನಲ್ಲೇ 5 ಅರ್ಧ ಶತಕಗಳ ಸಹಾಯದಿಂದ 473 ರನ್​ ಚಚ್ಚಿದ್ರು. 2021ರ ಸೀಸನ್​​ನಲ್ಲಿ ಪಡಿಕ್ಕಲ್​​ ಒಂದು ಶತಕ ಮತ್ತು ಅರ್ಧಶತಕದ ಸಹಾಯದಿಂದ 411 ರನ್​​ ಬಾರಿಸಿದ್ರು. 2 ಸೀಸನ್​ನಲ್ಲೂ ಆರ್​​ಸಿಬಿ ಪರ ಉತ್ತಮ ಪ್ರದರ್ಶನ ನೀಡಿದ್ರೂ ಇವರನ್ನು 2022ರ ಮೆಗಾ ಹರಾಜಿಗೆ ಮುನ್ನ ಬಿಡುಗಡೆ ಮಾಡಲಾಗಿತ್ತು. 2022ರ ಐಪಿಎಲ್​ನಲ್ಲಿ ರಾಜಸ್ಥಾನ್​ ಪರ 376 ರನ್ ಬಾರಿಸಿದ್ದ ಪಡಿಕ್ಕಲ್, ಐಪಿಎಲ್ 2023ರಲ್ಲಿ 261 ರನ್ ಮಾತ್ರ ಕಲೆ ಹಾಕಿದ್ದರು. 2024ರಲ್ಲಿ ಲಕ್ನೋ ತಂಡ ಸೇರಿದ್ದ ಪಡಿಕ್ಕಲ್ 7 ಪಂದ್ಯಗಳನ್ನು ಆಡಿ ಕೇವಲ 38 ರನ್ ಗಳಿಸಲಷ್ಟೇ ಶಕ್ತರಾಗಿದ್ದರು. ಹೀಗಿದ್ರೂ ಬೆಂಗಳೂರು ತಂಡ ಖರೀದಿ ಮಾಡಿ ಚಾನ್ಸ್ ಕೊಡ್ತಿದೆ. ಆದ್ರೂ ಪಡಿಕ್ಕಲ್ ಅದನ್ನ ಸಮರ್ಥವಾಗಿ ಬಳಸಿಕೊಳ್ತಿಲ್ಲ. ದೇವದತ್ ಪಡಿಕ್ಕಲ್ ಅವರು ಇದುವರೆಗೂ ಐಪಿಎಲ್‌ನಲ್ಲಿ 65 ಪಂದ್ಯಗಳನ್ನು ಆಡಿದ್ದು, ಅದರಲ್ಲಿ ಒಂದು ಶತಕ, 9 ಅರ್ಧಶತಕ ಸಹಿತ 1569 ರನ್ ಗಳಿಸಿರುವ ದಾಖಲೆ ಹೊಂದಿದ್ದಾರೆ.

ಇನ್ನು ಪಡಿಕ್ಕಲ್ ಈ ಬಾರಿಯ ಹರಾಜಿನಲ್ಲಿ ಮೊದಲಿಗೆ ಅನ್ ಸೋಲ್ಡ್ ಆಗಿದ್ರು. ಆ ನಂತ್ರ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿಯು ಕರ್ನಾಟಕ ಮೂಲದ ದೇವದತ್ ಪಡಿಕ್ಕಲ್ ಅವರನ್ನು ಮೂಲ ಬೆಲೆಗೆ ತನ್ನ ತೆಕ್ಕೆಗೆ ಸೆಳೆದುಕೊಳ್ಳುವಲ್ಲಿ ಯಶಸ್ವಿಯಾಗಿತ್ತು. ಇದೀಗ ಮೊದಲನೇ ಪಂದ್ಯದಲ್ಲೇ ಇಂಪ್ಯಾಕ್ಟ್ ಆಟಗಾರನಾಗಿ ಕಣಕ್ಕಿಳಿಸಿದೆ. ಬಟ್ ಚೆನ್ನೈ ವಿರುದ್ಧದ ಮ್ಯಾಚ್ ಆರ್​ಸಿಬಿ ಪಾಲಿಗೂ ಪ್ರತಿಷ್ಠೆಯಾಗಿದ್ದು ಈ ಪಂದ್ಯದಲ್ಲಿ ಅವಕಾಶ ಸಿಗೋದು ಡೌಟಿದೆ. ಒಟ್ನಲ್ಲಿ ಆರ್​ಸಿಬಿಯಲ್ಲಿ ಕನ್ನಡಿಗರಂದ್ರೆ ಅಷ್ಟಕ್ಕಷ್ಟೇ. ಅಂತಾದ್ರಲ್ಲಿ ಸಿಕ್ಕಿರೋ ಚಾನ್ಸ್​ನಲ್ಲೂ ಆಡಿಲ್ಲ ಅಂದ್ರೆ ಫ್ರಾಂಚೈಸಿಯವ್ರು ಕಂಪ್ಲೀಟ್ ಸೈಡ್​ಲೈನ್ ಮಾಡಿಬಿಡ್ತಾರೆ. ಸೋ ಮುಂದಿನ ಪಂದ್ಯಗಳಲ್ಲಾದ್ರೂ ಪಡಿಕ್ಕಲ್ ಅಬ್ಬರಿಸಲೇಬೇಕಿದೆ.