ನೋಡಿರಿ
ಡೆತ್ ಓವರ್ ಸ್ಪೆಷಲಿಸ್ಟ್ ಡೇವಿಡ್ – ಸಿಕ್ಸರ್ ಗಳಲ್ಲೇ ದಾಖಲೆ ಬರೆದ ಟಿಮ್
2 ವರ್ಷಗಳ ಬಳಿಕ ಕೆಕೆಆರ್ ವಿರುದ್ಧ ಭರ್ಜರಿ ಗೆಲುವು. 6,155 ದಿನಗಳ ನಂತ್ರ ಚೆನ್ನೈ ಭದ್ರಕೋಟೆ ಛಿದ್ರ. ಆರಂಭದಲ್ಲೇ ಹಳೇ ಲೆಕ್ಕಗಳನ್ನೆಲ್ಲಾ ಚುಕ್ತಾ ಮಾಡಿ ಮೂರನೇ ಪಂದ್ಯಕ್ಕೆ ರೆಡಿಯಾಗಿರೋ ಆರ್ಸಿಬಿ ಗುಜರಾತ್ ಬೇಟೆಗೆ ಸರ್ವಸನ್ನದ್ಧವಾಗಿದೆ. ಈ ಮ್ಯಾಚ್ನಲ್ಲೂ ಟಿಮ್ ಡೇವಿಡ್ ಪವರ್ ಹಿಟ್ಟರ್ ಆಗ್ತಾರಾ ಅಂತಾ ಫ್ಯಾನ್ಸ್ ಕಾಯ್ತಿದ್ದಾರೆ.
ಇದನ್ನೂ ಓದಿ : ಬೆಂಗಳೂರಿನಲ್ಲಿ ಆಲಿಕಲ್ಲು ಸಹಿತ ಅಬ್ಬರಿಸಲಿದೆ ಮಳೆ – ಕರ್ನಾಟಕದ ಹಲವೆಡೆ ಮಳೆ ಪೂರ್ವ ಮುಂಗಾರು ಆರ್ಭಟ ಶುರು
ಚೆನ್ನೈ ವಿರುದ್ಧದ ಪಂದ್ಯದಲ್ಲಿ 7ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ಗೆ ಬಂದ ಟಿಮ್ ಡೇವಿಡ್ ಕೇವಲ 8 ಎಸೆತಗಳಲ್ಲಿ ಅಜೇಯ 22 ರನ್ ಗಳಿಸಿದರು. ಸ್ಯಾಮ್ ಕರನ್ ಎಸೆದ 20ನೇ ಓವರ್‍‌ನಲ್ಲಿ ಡೇವಿಡ್ ಸ್ಪೋಟಕ ಬ್ಯಾಟಿಂಗ್ ಪ್ರದರ್ಶನ ಮಾಡಿದರು. ಬ್ಯಾಕ್ ಟು ಬ್ಯಾಕ್ 3 ಸಿಕ್ಸರ್ ಗಳನ್ನ ಬಾರಿಸಿದ್ರು. ಈ ಮೂಲಕ ಐಪಿಎಲ್ ಡೆತ್ ಓವರ್ಗಳಲ್ಲಿ ಅತಿಹೆಚ್ಚು ಸಿಕ್ಸರ್ ಬಾರಿಸಿದ ದಾಖಲೆ ಟಿಮ್ ಡೇವಿಡ್ ಹೆಸರಿನಲ್ಲಿದೆ. ಈವರೆಗೆ ಐಪಿಎಲ್ ಡೆತ್ ಓವರ್ಗಳಲ್ಲಿ ಡೇವಿಡ್ ಒಟ್ಟು 28 ಸಿಕ್ಸರ್ ಬಾರಿಸಿ ನಂಬರ್ 1 ಪ್ಲೇಸ್ ನಲ್ಲಿದ್ದಾರೆ.
ಮೆಗಾ ಹರಾಜಿಗೂ ಮುನ್ನ 2 ಕೋಟಿಯ ಮೂಲ ಬೆಲೆಯೊಂದಿಗೆ ಮೆಗಾ ಹರಾಜಿನಲ್ಲಿ ಹೆಸರನ್ನು ನೋಂದಾಯಿಸಿಕೊಂಡಿದ್ದ ಆಸ್ಟ್ರೇಲಿಯಾದ ಆಲ್ರೌಂಡರ್ ಟಿಮ್ ಡೇವಿಡ್ ಅವರನ್ನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ 3 ಕೋಟಿ ರೂ.ಗೆ ಖರೀದಿ ಮಾಡಿತ್ತು. ಹರಾಜಿಗೂ ಮುನ್ನ ಮುಂಬೈ ಇಂಡಿಯನ್ಸ್ ಡೇವಿಡ್ ಅವರನ್ನು ಬಿಡುಗಡೆಗೊಳಿಸಿತ್ತು. ಡೇವಿಡ್ ಅವರು ಮುಂಬೈ ಇಂಡಿಯನ್ಸ್‌ಗೆ ಸೇರುವ ಮೊದಲು 2021 ರಲ್ಲಿ ಆರ್ಸಿಬಿ ತಂಡ ಸೇರುವ ಮೂಲಕ ಐಪಿಎಲ್ ಕರಿಯರ್ ಸ್ಟಾರ್ಟ್ ಮಾಡಿದ್ರು. 2023 ರಲ್ಲಿ 16 ಪಂದ್ಯಗಳನ್ನು ಆಡಿದ್ದ ಡೇವಿಡ್ ಸುಮಾರು 160 ರ ಸ್ಟ್ರೈಕ್ ರೇಟ್‌ನಲ್ಲಿ 231 ರನ್ ಗಳಿಸಿದ್ದರು. 2024ರಲ್ಲಿ 13 ಪಂದ್ಯಗಳನ್ನು ಆಡಿ 155 ಕ್ಕಿಂತ ಹೆಚ್ಚು ಸ್ಟ್ರೈಕ್ ರೇಟ್‌ನಲ್ಲಿ 241 ರನ್ ಗಳಿಸಿದ್ದರು.
ಎರಡು ಮ್ಯಾಚ್ಗಳನ್ನ ಗೆದ್ದಿರೋ ಆರ್ಸಿಬಿಯಲ್ಲಿ ಒಬ್ರಿಗಿಂತ ಒಬ್ರು ಪವರ್ ಹಿಟ್ಟರ್ಗಳಾಗಿ ಕಾಣ್ತಿದ್ದಾರೆ. ಫಿಲ್ ಸಾಲ್ಟ್ ಮತ್ತು ವಿರಾಟ್ ಕೊಹ್ಲಿ ಜೋಡಿ ಪವರ್ ಪ್ಲೇನಲ್ಲಿ ಧಮಾಕೇಧಾರ್ ಪರ್ಫಾಮೆನ್ಸ್ ನೀಡ್ತಿದೆ. ಇವ್ರಿಬ್ಬರ ಪವರ್ ಹಿಟ್ಟಿಂಗ್ ನಿಂದ ಪವರ್ ಪ್ಳೇನಲ್ಲಿ ಉತ್ತಮ ಸ್ಕೋರ್ ಕಲೆ ಹಾಕ್ತಿದ್ದಾರೆ. ಆ ನಂತ್ರ ಬರೋ ರಜತ್ ಪಾಟೀದಾರ್ ಅಂತೂ ಸಿಕ್ಸ್, ಫೋರ್ಗಳ ಮೇಲೆಯೇ ಕಾನ್ಸಂಟ್ರೇಟ್ ಮಾಡ್ತಿದ್ದಾರೆ. ಇನ್ನು ದೇವದತ್ ಪಡಿಕ್ಕಲ್ ಫಸ್ಟ್ ಮ್ಯಾಚಲ್ಲಿ ನಿರಾಸೆ ಮಾಡಿದ್ರೂ ಚೆನ್ನೈ ವಿರುದ್ಧದ ಮ್ಯಾಚಲ್ಲಿ ಭರವಸೆ ಮೂಡಿಸಿದ್ದಾರೆ. ಇವ್ರ ಜೊತೆಗೆ ಜಿತೇಶ್ ಶರ್ಮಾ, ಲಿವಿಂಗ್ ಸ್ಟೋನ್ ಕೂಡ ಅಗ್ರೆಸ್ಸಿವ್ ಬ್ಯಾಟಿಂಗ್ ಇಂಟೆಂಟ್ ತೋರಿಸಿದ್ದಾರೆ. 7ನೇ ಸ್ಲಾಟ್ನಲ್ಲಿ ಕಣಕ್ಕಿಳಿದಿದ್ದ ಟಿಮ್ ಡೇವಿಬ್ ಸಿಕ್ಸರ್ಗಳ ಮೂಲಕವೇ ಲಾಸ್ಟ್ ಓವರ್ಗಳಲ್ಲಿ ಡೀಲ್ ಮಾಡ್ತಿದ್ದಾರೆ. ಕೃನಾಲ್ ಪಾಂಡ್ಯ ಕೂಡ ಆಲ್ರೌಂಡರ್ ಆಗಿರೋದ್ರಿಂದ ಒಂದಷ್ಟು ರನ್ಸ್ ನಿರೀಕ್ಷೆ ಮಾಡ್ಬೋದು. ಹೀಗಾಗಿ ನಂಬರ್ 1ನಿಂದ ನಂಬರ್ 8ವರೆಗೂ ಬ್ಯಾಟಿಂಗ್ ಸಾಮರ್ಥ್ಯ ಇದ್ದು ಆರ್ ಸಿಬಿ ಟೀಂ ಹ್ಯಾಟ್ರಿಕ್ ವಿಕ್ಟರಿ ನಿರೀಕ್ಷೆಯಲ್ಲಿದೆ.
