ನೋಡಿರಿ
ಡಿಯಾಗೋ ದುರಂತ ಅಂತ್ಯಕ್ಕೆ ಕಾರಣವಾಯ್ತಾ ಲ್ಯಾಂಬೋರ್ಗಿನಿ – ಸಾವಲ್ಲೂ ಒಂದಾದ ಅಣ್ಣ, ತಮ್ಮ!
10 ದಿನಗಳ ಹಿಂದೆ ಮದುವೆಯಾಗಿದ್ದ ಲಿವರ್ಪೂಲ್ ಫುಟ್ಬಾಲ್ ಆಟಗಾರ ದುರಂತ ಅಂತ್ಯ ಕಂಡಿದ್ದಾರೆ. ಲಿವರ್ಪೂಲ್ ಫುಟ್ಬಾಲ್ ಆಟಗಾರ ಡಿಯೋಗೊ ಜೋಟಾ ಜುಲೈ 3ರಂದು ಸ್ಪೇನ್ನಲ್ಲಿ ರಸ್ತೆ ಅಪಘಾತದಲ್ಲಿ ನಿಧನರಾಗಿದ್ದಾರೆ.
ಇದನ್ನೂ ಓದಿ: ಪ್ರತಿ ಬಾಲ್ಗೂ ಹ್ಯಾರಿ ಬ್ರೂಕ್ ಬ್ರೇಕ್ – ಸಿಡಿದೆದ್ದ ರಿಷಭ್ ಪಂತ್, ರವೀಂದ್ರ ಜಡೇಜಾ ವಾರ್ನಿಂಗ್
ಈ ಘಟನೆ ಪೋರ್ಚುಗಲ್ನ ಝಮೊರಾ ಪ್ರಾಂತ್ಯದಲ್ಲಿ ಈ ದುರ್ಘಟನೆ ಸಂಭವಿಸಿದೆ. ಡಿಯಾಗೊ ಜೋಟಾ (28) ತಮ್ಮ ಸಹೋದರ ಆ್ಯಂಡ್ರೆ ಸಿಲ್ವಾ (25) ಅವರೊಂದಿಗೆ ಪ್ರಯಾಣಿಸುತ್ತಿದ್ದರು. ಈ ಅಪಘಾತದಲ್ಲಿ ಲ್ಯಾಂಬೋರ್ಗಿನಿ ಕಾರು ನಿಯಂತ್ರಣ ತಪ್ಪಿ ಬೆಂಕಿಗೆ ಆಹುತಿಯಾಯಿತು. ಅವರ ನಿಧನವು ಪೋರ್ಚುಗೀಸ್ ಫುಟ್ಬಾಲ್ ಜಗತ್ತಿಗೆ ಆಘಾತವನ್ನುಂಟು ಮಾಡಿದೆ. ಅವರು ಎಫ್ಎ ಕಪ್ ಮತ್ತು ಲೀಗ್ ಕಪ್ ಕೂಡ ಗೆದ್ದಿದ್ದಾರೆ.
ಕಾರು ಇನ್ನೊಂದು ವಾಹನವನ್ನು ಓವರ್ಟೇಕ್ ಮಾಡುವಾಗ ಟೈರ್ ಸಿಡಿದಿರಬಹುದು. ಇದೀಗ ಈ ದುರಂತಕ್ಕೆ ಕಾರಣ ಎಂದು ಹೇಳಲಾಗ್ತಿದೆ. ಆದರೆ, ಕಾರು ಚಲಾಯಿಸುತ್ತಿದ್ದವರು ಯಾರು ಎಂದು ಇನ್ನೂ ತಿಳಿದುಬಂದಿಲ್ಲ ಎಂದು ಪೊಲೀಸರು ಹೇಳಿದ್ದಾರೆ.
ಡಿಯೋಗೊ ಜೋಟಾ ಕಳೆದ ಜೂನ್ ಅಲ್ಲಿ ತನ್ನ 10 ವರ್ಷದ ಗೆಳತಿಯನ್ನು ಮದುವೆಯಾಗಿದ್ದರು. ಇವರಿಗೆ ಮೂವರು ಮಕ್ಕಳಿದ್ದಾರೆ. ಮದುವೆ ದಿನದಂದು ಅವರ ಹೆಂಡತಿ ರೂಟ್ ಕಾರ್ಡೋಸೊ ನನ್ನ ಕನಸು ನನಸಾಯಿತು ಎಂದು ಇನ್ಸ್ಟಾದಲ್ಲಿ ಬರೆದು ಪೋಸ್ಟ್ ಹಂಚಿಕೊಂಡಿದ್ದರು. ಆದರೆ ಮದುವೆಯಾದ ಕೆಲವೇ ದಿನಗಳಲ್ಲಿ ಹೆಂಡತಿ ಹಾಗೂ ಮೂವರು ಮಕ್ಕಳನ್ನ ಡಿಯೋಗೊ ಜೋಟಾ ಅಗಲಿದ್ದಾರೆ.
ಪೋರ್ಚುಗೀಸ್ನ ಪೋರ್ಟೋ ನಗರದಲ್ಲಿ ಡಿಯೋಗೊ ಜೋಟಾ ಜನಿಸಿದ್ದರು. 2016 ರಲ್ಲಿ ಅಟ್ಲೆಟಿಕೊ ಮ್ಯಾಡ್ರಿಡ್ಗೆ ತೆರಳುವ ಮೊದಲು ಪ್ಯಾಕೋಸ್ ಡಿ ಫೆರೀರಾ ಅವರ ಯೂತ್ ಶ್ರೇಣಿಯ ಮೂಲಕ ತನ್ನ ಫುಟ್ಬಾಲ್ ಪ್ರಯಾಣ ಪ್ರಾರಂಭಿಸಿದ್ದರು. ಸಣ್ಣ ವಯಸ್ಸಿನಲ್ಲೇ ಫುಟ್ಬಾಲ್ನಲ್ಲಿ ಅಚ್ಚರಿಯ ರೀತಿ ಬೆಳವಣಿಗೆ ಕಂಡಿದ್ದರು. ಲಿವರ್ಪೂಲ್ ಟೀಮ್ನಲ್ಲಿ ತನ್ನ ಕ್ಲಬ್ ವೃತ್ತಿಜೀವನದ ಉತ್ತುಂಗವನ್ನು ಜೋಟಾ ತಲುಪಿದ್ದರು.
ಲಿವರ್ಪೂಲ್ ತಂಡದ ಹೊಸ ಮ್ಯಾನೇಜರ್ ಆರ್ನೆ ಸ್ಲಾಟ್ ಅವರ ಅಡಿ 2024/25ರ ಪ್ರೀಮಿಯರ್ ಲೀಗ್ ಪ್ರಶಸ್ತಿಯನ್ನು ಎತ್ತಿ ಹಿಡಿಯುವಲ್ಲಿ ಲಿವರ್ಪೂಲ್ ಯಶಸ್ವಿಯಾಗಿತ್ತು. ಈ ಟೂರ್ನಿಯಲ್ಲಿ ಡಿಯೋಗೊ ಜೋಟಾ ಅವರು ಅತ್ಯುನ್ನತ ಪ್ರದರ್ಶನ ನೀಡಿದ್ದರು. ಇದರಿಂದ ಅತಾರಾಷ್ಟ್ರೀಯ ಮಟ್ಟದಲ್ಲೂ ಜೋಟಾ ಉತ್ತಮ ಸಾಧನೆ ಮಾಡಿದರು. 2019 ಮತ್ತು 2025ರ UEFA ನೇಷನ್ಸ್ ಲೀಗ್ನಲ್ಲಿ ಪೋರ್ಚುಗಲ್ನ ವಿಜಯಶಾಲಿ ತಂಡಗಳಲ್ಲಿ ಡಿಯೋಗೊ ಜೋಟಾ ಭಾಗವಹಿಸಿ ಒಳ್ಳೆಯ ಆಟ ಆಡಿದ್ದರು.
