ಆಂಗ್ಲರ ವಿರುದ್ಧ ಅಫ್ಘಾನಿಸ್ತಾನದ ಮರೆಯಲಾಗದ ಗೆಲುವು – ಭಾರತೀಯ ಕ್ರಿಕೆಟ್ ದಿಗ್ಗಜರಿಂದಲೂ ಅಭಿನಂದನೆ

2019ರ ವರ್ಲ್ಡ್​​ಕಪ್​ ಚಾಂಪಿಯನ್​ ಇಂಗ್ಲೆಂಡ್​​ಗೆ ಈ ಗತಿ ಬರುತ್ತೆ ಅಂತಾ ಯಾರೂ ಊಹಿಸಿರಲಿಲ್ಲ ಬಿಡಿ. ಈಗ ಅಫ್ಘಾನಿಸ್ತಾನ ಟೀಂನ ತಾಕತ್ತು ಏನು ಅನ್ನೋದು ಇಡೀ ಜಗತ್ತಿಗೇ ಗೊತ್ತಾಗಿದೆ. ಮುಂದಿನ ದಿನಗಳಲ್ಲಿ ಯಾವುದೇ ತಂಡಗಳು ಕೂಡ ಅಫ್ಘಾನಿಸ್ತಾನವನ್ನ ವೀಕ್ ಟೀಮ್ ಎಂದು ಪರಿಗಣಿಸಲು ಸಾಧ್ಯವೇ ಇಲ್ಲ. ಜೊತೆಗೆ

ಇದನ್ನೂ ಓದಿ: ಅಫ್ಘಾನಿಸ್ತಾನ ವಿರುದ್ಧ ಸೋತು ಸುಣ್ಣವಾದ ಹಾಲಿ ಚಾಂಪಿಯನ್ ಇಂಗ್ಲೆಂಡ್ –ಆಂಗ್ಲರ ಅವಮಾನಕರ ಸೋಲಿಗೆ ಸಿಕ್ಕಾಪಟ್ಟೆ ಟ್ರೋಲ್

2011ರಲ್ಲಿ ಐರ್​ಲ್ಯಾಂಡ್​ ಮತ್ತು ಬಾಂಗ್ಲಾದೇಶದ ವಿರುದ್ಧ ಇಂಗ್ಲೆಂಡ್​ ಸೋತಿತ್ತು. 2015ರಲ್ಲಿ ಮತ್ತೊಮ್ಮೆ ಬಾಂಗ್ಲಾದೇಶದ ಎದುರು ಇಂಗ್ಲೆಂಡ್ ಸೋಲನುಭವಿಸಿತ್ತು. ಈಗ 2023ರಲ್ಲಿ ಅಫ್ಘಾನಿಸ್ತಾನದ ವಿರುದ್ಧ ಸೋತಿದ್ದಾರೆ. ಇಂಗ್ಲೆಂಡ್​ ವಿರುದ್ಧ ಅಫ್ಘಾನಿಸ್ತಾನದ ಗೆಲುವು ನಿಜಕ್ಕೂ ತುಂಬಾನೆ ಸ್ಪೆಷಲ್. ಇಲ್ಲಿ ಆರಂಭದಲ್ಲೇ ಇಂಗ್ಲೆಂಡ್​​ನ ಲೆಕ್ಕಾಚಾರಗಳೆಲ್ಲಾ ಬುಡಮೇಲಾಗಿದೆ. ಟಾಸ್ ಗೆದ್ದ ಇಂಗ್ಲೆಂಡ್ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತ್ತು. ಸೆಕೆಂಡ್​ ಇನ್ನಿಂಗ್ಸ್​ ವೇಳೆ ದೆಹಲಿಯಲ್ಲಿ ಅರುಣ್​ ಜೇಟ್ಲಿ ಮೈದಾನದಲ್ಲಿ ಹನಿ ಬೀಳಬಹುದು ಎಂಬ ಲೆಕ್ಕಾಚಾರವಿತ್ತು. ಒಂದು ಹನಿ ಕೂಡ ಗ್ರೌಂಡ್​ನ ಹುಲ್ಲಿನ ಮೇಲೆ ಬೀಳಲಿಲ್ಲ. ಹೀಗಾಗಿ ಆಫ್ಘನ್ನರ ಬೌಲರ್ ನಿಜವಾಗಲೂ ಕಮಾಲ್ ಮಾಡಿದ್ದರು.

ದೆಹಲಿಯ ಪಿಚ್​ನಲ್ಲಿ 285 ರನ್​ ಏನೂ ಚೇಸ್​ ಮಾಡೋಕೆ ಸಾಧ್ಯವೇ ಆಗದಂತಹ ಟಾರ್ಗೆಟ್​ ಆಗಿರಲಿಲ್ಲ. ಬ್ಯಾಟ್ಸ್​ಮನ್​ಗಳಿಗೆ ಫೇವರ್ ಆಗಿರುವಂತಹ ಪಿಚ್ಚೇ ಆಗಿತ್ತು. ಆದರೆ, ಆಂಗ್ಲರು ಅಫ್ಘಾನಿಸ್ತಾನದ ಎದುರು ಸೋತು ಸುಣ್ಣವಾಗಿ ಹೋದರು. ಇಂಗ್ಲೆಂಡ್​ ವಿರುದ್ಧದ ಪಂದ್ಯದ ವೇಳೆ ಸ್ಟೇಡಿಯಂನಲ್ಲಿದ್ದ ಭಾರತೀಯರೆಲ್ಲಾ ಅಫ್ಘಾನಿಸ್ತಾನವನ್ನೇ ಬೆಂಬಲಿಸಿದರು. ಆಫ್ಘನ್​​ ಗೆಲುವನ್ನು ಇಡೀ ಭಾರತವೇ ಸಂಭ್ರಮಿಸಿದೆ.  ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್, ಸುರೇಶ್ ರೈನಾ, ಇರ್ಫಾನ್ ಪಠಾಣ್, ವಿರೇಂದ್ರ ಸೆಹ್ವಾಗ್, ರವಿಶಾಸ್ತ್ರಿ ಸೇರಿದಂತೆ ಮಾಜಿ ಕ್ರಿಕೆಟಗರು ಅಫ್ಘಾನಿಸ್ತಾನ ತಂಡವನ್ನ ಅಭಿನಂದಿಸಿದ್ದಾರೆ.

Wonderful all-round effort by Afghanistan led by a solid knock from @RGurbaz_21.

Bad day for @ECB_cricket.
Against quality spinners, you have to read them from their hand, which the England batters failed to do. They read them off the pitch instead, which I felt led to their… pic.twitter.com/O4TACfKh21

— Sachin Tendulkar (@sachin_rt) October 15, 2023

ಇವೆಲ್ಲಕ್ಕಿಂತ ಹೆಚ್ಚಾಗಿ ಅಫ್ಘಾನಿಸ್ತಾನದಲ್ಲಿ ಭೀಕರ ಭೂಕಂಪಕ್ಕೆ ಸಾವಿರಾರು ಮಂದಿ ಬಲಿಯಾಗಿದ್ದು, ಭೂಕಂಪದಿಂದ ಕಣ್ಣೀರಿಡುತ್ತಿರುವ ಆಫ್ಘನ್ನರ ಮುಖದಲ್ಲಿ ಒಂದಷ್ಟು ನಗು ತರಿಸುವ ಕೆಲಸವನ್ನ ಅಫ್ಘಾನಿಸ್ತಾನ ಕ್ರಿಕೆಟ್ ತಂಡ ಮಾಡಿದೆ. ಈ ಎಲ್ಲಾ ಕಾರಣಗಳಿಂದಾಗಿ ಅಫ್ಘಾನಿಸ್ತಾನದ ಈ ಗೆಲುವನ್ನ ಮರೆಯಲು ಸಾಧ್ಯವಿಲ್ಲ.