ನೋಡಿರಿ
ಬಂತು ಬಂತು ನೊರೆ ಮಳೆ.. ಮಳೆಯ ಜೊತೆ ನೊರೆ ಸುರಿದಿದ್ದೆಲ್ಲಿ?
ಮಳೆಯ ಜೊತೆ ಎಲ್ಲಿ ನೋಡಿದರೂ ನೊರೆಯೋ ನೊರೆ.. ಸೋಪು ಹಾಕಿ ಉಜ್ಜಿದಾಗ ಬರುವಂತಹ ನೊರೆ ಮಳೆ ಸುರಿದಲ್ಲೆಲ್ಲಾ ಎದ್ದಿದೆ. ಮಳೆ ಬಂತು ಅಂತಾ ಖುಷಿಯಿಂದ ಹೊರಗೆ ನೋಡಿದ ಜನರು ನೊರೆ ಎದ್ದಿರುವುದನ್ನು ಕಂಡು ಅಚ್ಚರಿ ಮತ್ತು ಆತಂಕಕ್ಕೆ ಒಳಗಾಗಿದ್ದಾರೆ.
ನೊರೆ ಮಳೆ ಬಂದಿದ್ದೆಲ್ಲಿ?
ತೆಲಂಗಾಣದ ಶಿರಡಿ ನಗರ ಮತ್ತು ಕುಕಟ್ಪಲ್ಲಿಯ ಧರಣಿ ನಗರದಲ್ಲಿ ಬುಧವಾರ ಭಾರಿ ಮಳೆ ಸುರಿದಿದೆ. ರಸ್ತೆಗಳ ಮೇಲೆ ಮಳೆಯ ನೀರಿನ ಜೊತೆ ಭಾರಿ ಪ್ರಮಾಣದಲ್ಲಿ ಬಿಳಿ ಬಣ್ಣದ ವಸ್ತು ಜಮಾವಣೆಗೊಂಡಿತ್ತು. ನೋಡಲು ಅಕ್ಷರಶಃ ಸೋಪಿನ ನೊರೆಯಂತೆ ಕಾಣುತ್ತಿದೆ. ಆದರೆ ಇಲ್ಲಿ ಆಗಿರುವ ಘಟನೆಯೇ ಬೇರೆ!
ಏನಿದು ವಿಚಿತ್ರ ಘಟನೆ?
ನಗರದಲ್ಲಿ ಬುಧವಾರ ಸುರಿದ ಭಾರಿ ಮಳೆಯ ನಡುವೆಯೇ ಶಿರಡಿ ನಗರ ಮತ್ತು ಕುಕಟ್ಪಲ್ಲಿಯ ಧರಣಿ ನಗರದ ಬೀದಿಗಳಲ್ಲಿ ಭಾರಿ ರಾಸಾಯನಿಕ ನೊರೆ ಸಂಗ್ರಹವಾಗಿದೆ. ಕಾಲೋನಿಗಳ ಪಕ್ಕದಲ್ಲಿ ಹಾದುಹೋಗುವ ಮಳೆ ನೀರು ಚರಂಡಿಗಳ ಮೂಲಕ ಹತ್ತಿರದ ಕೈಗಾರಿಕೆಗಳ ರಾಸಾಯನಿಕ ತ್ಯಾಜ್ಯದೊಂದಿಗೆ ಬೆರೆತು ನೊರೆ ರೂಪುಗೊಂಡಿದೆ ಎಂದು ಸ್ಥಳೀಯರು ತಿಳಿಸಿದ್ದಾರೆ. ಭಾರಿ ಮಳೆಯಿಂದಾಗಿ ಉಂಟಾದ ನೊರೆಯಿಂದ ಸ್ಥಳೀಯರಿಗೆ ಸಾಕಷ್ಟು ತೊಂದರೆ ಉಂಟಾಗಿದೆ.
ತೆಲಂಗಾಣದ ಕೇಂದ್ರ ಜಿಲ್ಲೆಗಳು, ಉತ್ತರ ಮತ್ತು ಪೂರ್ವ ಜಿಲ್ಲೆಗಳಲ್ಲಿ ಭಾರಿ ಮಳೆಯಾಗುವ ಸಾಧ್ಯತೆ ಇರುವುದರಿಂದ ಹವಾಮಾನ ಇಲಾಖೆ ಯೆಲ್ಲೋ ಅಲರ್ಟ್ ಘೋಷಿಸಿದೆ. ಹೈದರಾಬಾದ್ ಹವಾಮಾನ ಕೇಂದ್ರದ ನಿರ್ದೇಶಕಿ ನಾಗರತ್ನ ಮಾತನಾಡಿ, “ಪ್ರಸ್ತುತ, ಹವಾಮಾನ ಪರಿಸ್ಥಿತಿಯು ಉತ್ತರ ಆಂಧ್ರಪ್ರದೇಶ ಮತ್ತು ದಕ್ಷಿಣ ಒಡಿಶಾದ ಕರಾವಳಿಯ ವಾಯುವ್ಯ ಮತ್ತು ಪಕ್ಕದ ಪಶ್ಚಿಮ ಮಧ್ಯ ಬಂಗಾಳ ಕೊಲ್ಲಿಯಲ್ಲಿ ಕಡಿಮೆ ಒತ್ತಡವಿದೆ ಮತ್ತು ಅದರ ಸಂಬಂಧಿತ ಮೇಲ್ಭಾಗದ ವಾಯು ಪರಿಚಲನೆಯು ಸರಾಸರಿ ಸಮುದ್ರ ಮಟ್ಟದಿಂದ 7.6 ಕಿ.ಮೀ ವರೆಗೆ ವಿಸ್ತರಿಸಿದೆ.
