ನೋಡಿರಿ
ಚಂದ್ರನಿಗೆ ಇನ್ನಷ್ಟು ಹತ್ತಿರ ಸಮೀಪಿಸಿದ ಚಂದ್ರಯಾನ – 3 ಗಗನನೌಕೆ – 2.6 ಲಕ್ಷ ಕಿ.ಮೀ. ಕ್ರಮಿಸಿದ ಲ್ಯಾಂಡರ್
ನವದೆಹಲಿ: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ ಚಂದ್ರಯಾನ-3 ಗಗನನೌಕೆಯು ಭೂಮಿಯಿಂದ ದೂರವಾಗಿ ಚಂದ್ರನಿಗೆ ಹತ್ತಿರವಾಗುತ್ತಿದೆ. ಭೂಮಿಯನ್ನು ಯಶಸ್ವಿಯಾಗಿ ಐದು ಸುತ್ತು ಹೊಡೆದು ಕಕ್ಷೆಯನ್ನು ಪೂರ್ಣಗೊಳಿಸಿ ಈಗ ಚಂದ್ರನ ಕಕ್ಷೆಯತ್ತ ಹೊರಟಿದೆ. ಲೂನರ್ ಟ್ರಾನ್ಸ್ಫರ್ ಟ್ರಾಜೆಕ್ಟರಿ ಪಥದಲ್ಲಿ ಗಗನನೌಕೆ ಸಾಗುತ್ತಿದೆ.
ಚಂದ್ರಯಾನ – 3 ನ ಲ್ಯಾಂಡರ್ ಬರೋಬ್ಬರಿ 2.6 ಲಕ್ಷ ಕಿ.ಮೀ. ದೂರವನ್ನು ಕ್ರಮಿಸಿದ್ದು, ಪ್ರಯಾಣದ ಮೂರನೇ ಎರಡರಷ್ಟು ಭಾಗವನ್ನು ಯಶಸ್ವಿಯಾಗಿ ಪೂರೈಸಿದೆ. ಬಾಹ್ಯಾಕಾಶ ನೌಕೆ ಸುಮಾರು 2.6 ಲಕ್ಷ ಕಿಲೋಮೀಟರ್ ಗಳನ್ನು ಕ್ರಮಿಸಿ ಮಹತ್ವದ ಮೈಲಿಗಲ್ಲನ್ನು ಸಾಧಿಸಿದೆ.
ಇದನ್ನೂ ಓದಿ: ದೇಶ ತೊರೆಯುತ್ತಿದ್ದಾರೆ ಪಾಕಿಸ್ತಾನಿ ಪ್ರಜೆಗಳು – 6 ತಿಂಗಳಲ್ಲಿ ಬರೋಬ್ಬರಿ 8 ಲಕ್ಷ ಜನ ಪಲಾಯನ!
ಇಸ್ರೋ ಶನಿವಾರ ಬೆಳಗ್ಗೆ 7:00 ಗಂಟೆ ಹೊತ್ತಿಗೆ ಚಂದ್ರನ ಕಕ್ಷೆಗೆ ಬಾಹ್ಯಾಕಾಶ ನೌಕೆಯನ್ನು ಸೇರಿಸಲು ನಿಗದಿಪಡಿಸಿದ್ದಾರೆ. ಈ ನಿರ್ಣಾಯಕ ಹಂತವು ಯಶಸ್ವಿ ಆದಲ್ಲಿ ನಿರೀಕ್ಷಿತ ಸಮಯಕ್ಕೆ ಚಂದಿರನ ಅಂಗಳದಲ್ಲಿ ಲ್ಯಾಂಡ್ ಆಗಲಿದೆ.
LOI ಪ್ರಕ್ರೀಯೆ ಒಂದು ನಿರ್ಣಾಯಕ ಮನ್ಯೂವರ್ ಆಗಿದ್ದು ಚಂದ್ರನ ಕಕ್ಷೆಯನ್ನು ಸೇರಿಸಲು ಬಾಹ್ಯಾಕಾಶ ನೌಕೆಯ ಟ್ರಜೆಕ್ಟರಿ ಹೊಂದಿಸಲಾಗುತ್ತದೆ. ಇದು ಗಮನಾರ್ಹವಾದ ಇಂಧನದ ಸುಡುವಿಕೆಯನ್ನು ಒಳಗೊಂಡಿರುತ್ತದೆ. ಇದನ್ನು ಸಾಮಾನ್ಯವಾಗಿ ಕೆಮಿಕಲ್ ರಾಕೆಟ್ ಎಂಜಿನ್ ನಿರ್ವಹಿಸುತ್ತದೆ. ಇದು ಬಾಹ್ಯಾಕಾಶ ನೌಕೆಯ ವೇಗವನ್ನು ಹೆಚ್ಚಿಸುತ್ತದೆ.
LOI ಮನ್ಯೂವರ್ ಯಶಸ್ವಿಯಾಗಿ ಪೂರ್ಣಗೊಂಡ ನಂತರ, ಚಂದ್ರಯಾನ್-3ಅನ್ನು ಚಂದ್ರನ ಸುತ್ತಲಿನ ಕಕ್ಷೆಯಲ್ಲಿ ಸೇರಿಸಲಾಗುತ್ತದೆ. ಬಾಹ್ಯಾಕಾಶ ನೌಕೆ ನಂತರ ಚಂದ್ರನ ಮೇಲ್ಮೈಯನ್ನು ತಲುಪಲು ಸಂಕೀರ್ಣ ಮನ್ಯೂವರ್ ಸರಣಿಯನ್ನು ಪ್ರಾರಂಭಿಸುತ್ತದೆ. ಇವುಗಳಲ್ಲಿ ಲ್ಯಾಂಡರ್ನ ಬೇರ್ಪಡಿಕೆ, ಡಿಬೂಸ್ಟ್ ಮನ್ಯೂವರ್ ನಡೆದು ಅಂತಿಮವಾಗಿ ಚಂದ್ರನ ಮೇಲ್ಮೈಯಲ್ಲಿ ಮೃದುವಾದ ಲ್ಯಾಂಡಿಂಗ್ ಆಗುವ ಹಂತ ಸೇರಿವೆ.
