ನೋಡಿರಿ
ಹನುಮಂತನಿಗೆ ನಿಯತ್ತು ಇಲ್ವಾ? – ಫಿಕ್ಸಿಂಗ್ ಆಟಕ್ಕೆ ಚೈತ್ರಾ ಕೆಂಡ
ಗೌತಮಿ ಡೌವ್ ರಾಣಿ ಯಾಕೆ?
ಬಿಗ್‌ಬಾಸ್ ರಿಯಾಲಿಟಿ ಶೋನ ಈ ಸೀಸನ್ ಹೇಳಿಕೊಳ್ಳುವಂತಾ ಸೌಂಡ್ ಮಾಡಿರಲಿಲ್ಲ. ಆದ್ರೆ, ಯಾವಾಗ ಹಳ್ಳಿ ಹೈದ ಹನುಮಂತ ದೊಡ್ಮನೆಗೆ ಕಾಲಿಟ್ನೋ, ಅಲ್ಲಿಂದ ಬಿಗ್‌ಬಾಸ್ ಶೋನ ರೇಂಜೇ ಚೇಂಚ್ ಆಗಿ ಹೋಗಿದೆ. ಹನುಮಂತನ ಕಾಮಿಡಿ, ಹನುಮಂತನ ಹಾಡು, ಜೊತೆಗೆ ಹನುಮಂತನ ಡ್ಯಾಶ್ ಡ್ಯಾಶ್ ಸೌಂಡ್.. ಹೀಗೆ ಹನುಮಂತ ಇದ್ದಲ್ಲಿ ನಗು ಇದ್ದೇ ಇದೆ. ಇದೀಗ ಹನುಮಂತ ಉರುಳಿಸಿದ ದಾಳಕ್ಕೆ ಮನೆಮಂದಿ ಸರಿಯಾಗಿಯೇ ಸಿಕ್ಕಿಕೊಂಡಿದ್ದಾರೆ. ಇದೀಗ ಹನುಮಂತನ ನಿಯತ್ತನ್ನೇ ಪ್ರಶ್ನೆ ಮಾಡ್ತಿದ್ದಾರೆ. ಜೊತೆಗೆ ಬಿಗ್‌ಬಾಸ್ ಹೌಸ್‌ನಲ್ಲಿ ಫಿಕ್ಸಿಂಗ್ ಗೇಮ್ ನಡೀತಿದ್ಯಾ ಅನ್ನೋ ಅನುಮಾನವೂ ಶುರುವಾಗಿದೆ.
ಇದನ್ನೂ ಓದಿ: HDK, ನಿಖಿಲ್‌ಗೆ FIR ಸಂಕಷ್ಟ – ಏನಿದು ಕೇಸ್‌, ಎಷ್ಟು ಸ್ಟ್ರಾಂಗ್?
ಆಟಗಳಲ್ಲಿ ತಂಡಗಳು ಇರುವಾಗ ಪ್ಲಾನಿಂಗ್, ಸ್ಟ್ರಾಟೆಜಿ ಮಾಡಿಕೊಳ್ಳುವುದು ಕಾಮನ್. ಗೆಲ್ಲಬೇಕು ಅಂದ್ರೆ ಟೀಮ್ ಸ್ಟ್ರಾಟಜಿ ಇರಲೇಬೇಕು. ಆದ್ರೆ, ಬಿಗ್‌ಬಾಸ್ ಕೊಟ್ಟಿರುವ ಚಟುವಟಿಕೆಯಲ್ಲಿ ಮ್ಯಾಚ್ ಫಿಕ್ಸಿಂಗ್ ನಡೆದಿದ್ಯಾ? ಅನ್ನೋ ಪ್ರಶ್ನೆ ಈಗ ಎದುರಾಗಿದೆ. ಹಸಿರು ಬಣ್ಣ ತಂಡದ ಉಗ್ರಂ ಮಂಜು ಹಾಗೂ ಹಳದಿ ಬಣ್ಣದ ತಂಡದ ಶಿಶಿರ್ ಮಧ್ಯೆ ಮಾತಾಗಿರುವುದು, ಒಪ್ಪಂದ ಆಗಿರುವುದು ಸತ್ಯ ಎನ್ನಲಾಗ್ತಿದೆ. ಇದರಿಂದಲೇ ಗೌತಮಿ ಜಾಧವ್ ಹಾಗೂ ಚೈತ್ರಾ ಕುಂದಾಪುರ ರೊಚ್ಚಿಗೆದ್ದಿದ್ದಾರೆ. ಅಷ್ಟೇ ಯಾಕೆ, ಹನುಮಂತನ ವಿರುದ್ಧ ಚೈತ್ರಾ ಕುಂದಾಪುರ ಸಿಡಿದೆದ್ದೆದ್ದಾರೆ. ಹಳ್ಳಿ ಹೈದ ಮುಗ್ಧ ಹನುಮಂತನ ನಿಯತ್ತಿನ ಬಗ್ಗೆ ಪ್ರಶ್ನೆ ಮಾಡಿದ್ದಾರೆ ಚೈತ್ರಾ ಕುಂದಾಪುರ.
ಕುರಿಗಾಹಿ ಹನುಮಂತ ಲಮಾಣಿ ತೆಗೆದುಕೊಂಡ ನಿರ್ಧಾರದಿಂದ ಚೈತ್ರಾ ಕುಂದಾಪುರ ಕಿಡಿಕಾರಿದ್ದಾರೆ. ಟಾಸ್ಕ್ ಅನುಸಾರ ಬೃಹತ್ ಚೆಂಡನ್ನು ಗೋಲ್ ಒಳಗೆ ಹಾಕಬೇಕಿತ್ತು. ಈ ವೇಳೆ ಹಸಿರು ಬಣ್ಣ ತಂಡದ ಮಂಜು – ಹಳದಿ ಬಣ್ಣ ತಂಡದ ಶಿಶಿರ್ ಮಧ್ಯೆ ಫಿಕ್ಸಿಂಗ್ ಆಗಿರುವ ಹಾಗಿದೆ. ಗೆಲ್ಲುವ ತಂಡ ಒಂದು ತಂಡವನ್ನ ಆಟದಿಂದ ಹೊರಗೆ ಇಡಬೇಕು’ ಎಂಬ ನಿಯಮ ಬೇರೆ ಇರೋದ್ರಿಂದ ಮಂಜು – ಶಿಶಿರ್ ಫಿಕ್ಸಿಂಗ್ ಮಾಡಿಕೊಂಡು ಆಟವಾಡುತ್ತಿದ್ದಾರೆ ಅಂತ ಚೈತ್ರಾ ಕುಂದಾಪುರ ಹಾಗೂ ಗೌತಮಿ ಜಾಧವ್ ಕೆಂಡ ಕಾರಿದ್ದಾರೆ. ನಮ್ಮನ್ನ ಕಳಿಸೋಕೆ ಎರಡೆರಡು ಟೀಮ್ ಒಟ್ಟಾಗಿದ್ದಾರೆ ಅಂತ ಚೈತ್ರಾ ಕುಂದಾಪುರ ಕೂಗಾಡಿದ್ದಾರೆ. ಇನ್ನೂ, ಈ ತರಹ ಆಟ ಆಡೋಕೆ ಆಟಗಳು ಆಡಬೇಕಾ? ಅಂತ ಗೌತಮಿ ಜಾಧವ್ ಕೂಡಾ ಸಿಟ್ಟಾಗಿದ್ದಾರೆ. ಈ ವೇಳೆ ಹಳದಿ ಬಣ್ಣದ ತಂಡ ಜಯಗಳಿಸಿದೆ ಅಂತ ಕ್ಯಾಪ್ಟನ್ ಹನುಮಂತ ಲಮಾಣಿ ಘೋಷಿಸಿದ್ದಾರೆ. ಇದರಿಂದ ಬೇಸತ್ತ ಚೈತ್ರಾ ಕುಂದಾಪುರ, ‘’ಸೂಪರ್ ಹನುಮಂತಣ್ಣ ನಿನ್ನ ಕ್ಯಾಪ್ಟನ್ಸಿನಲ್ಲೇ ನಾನು ಈ ನಿಯತ್ತು ನೋಡಬೇಕಿತ್ತು. ವೋಟ್‌ ಹಾಕುವ ಜನರಿಗೆ ಯಾವ ನಿಯತ್ತಿನ ಬಗ್ಗೆ ಉತ್ತರ ಕೊಡ್ತೀರಾ ನಾನೂ ನೋಡ್ತೀನಿ. ಜನ ನೋಡ್ತಾರೆ ನಿಯತ್ತನ್ನ’’ ಅಂತ ಚೈತ್ರಾ ಕುಂದಾಪುರ ಗುಡುಗಿದ್ದಾರೆ. ಹಾಗಾದ್ರೆ, ಹನುಮಂತ ಲಮಾಣಿಗೆ ನಿಯತ್ತಿಲ್ವಾ? ಒಬ್ಬ ಕ್ಯಾಪ್ಟನ್ ಆಗಿ ಪ್ರಾಮಾಣಿಕವಾಗಿ ನಿರ್ಧಾರ ಮಾಡಿಲ್ವಾ? ಅನ್ನೋ ಚರ್ಚೆ ಶುರುವಾಗಿದೆ.
ಕಳೆದ ವಾರ ಪ್ಲಾನ್ನಿಂಗ್‌, ಪ್ಲಾಟಿಂಗ್, ಸ್ಟ್ರಾಟೆಜಿ.. ಎಲ್ಲರ ತಲೆಯಲ್ಲೂ ಓಡುತ್ತಿದ್ದಾಗ.. ಪ್ರಾಮಾಣಿಕತೆ ಹಾಗೂ ನಿಯತ್ತಿನಿಂದ ಆಟವಾಡಿ ಕ್ಯಾಪ್ಟನ್ ಪಟ್ಟಕ್ಕೆ ಏರಿದ್ದು ಇದೇ ಹನುಮಂತ ಲಮಾಣಿ. ಈಗ ಇದೇ ಹನುಮಂತನ ಮೇಲೆಯೇ ನಿಯತ್ತಿನ ಬಗ್ಗೆ ಅನುಮಾನ ಶುರುವಾಗಿದೆ. ತನ್ನ ಸಹ ಸ್ಪರ್ಧಿಗಳಿಗೆ ತನ್ನ ನಿಯತ್ತಿನ ಮೇಲೆ ಅನುಮಾನ ಬಂದಿದ್ದನ್ನ ಹನುಮಂತ ಹೇಗೆ ಎದುರಿಸ್ತಾನೆ ಅನ್ನೋದು ಕೂಡಾ ಪ್ರೇಕ್ಷಕರಿಗೆ ಕುತೂಹಲ ಮೂಡಿಸಿದೆ.
ಮತ್ತೊಂದೆಡೆ ಹನುಮಂತನಿಗೆ ಗ್ಯಾಸ್ಟ್ರಿಕ್ ಸಮಸ್ಯೆ ಜೋರಾಗಿಯೇ ಇರ್ಬೇಕೋ ಏನೋ. ಎಲ್ರೂ ಗ್ಯಾಸ್ ಬಿಡ್ತಾರೆ. ಆದ್ರೆ, ಹನುಮಂತು ಮಾತ್ರ ಎಲ್ರೂ ಜೊತೆಯಲ್ಲೇ ಕೂತ್ರೂ ಕ್ಯಾರೇ ಇಲ್ಲದಂಗೆ ಗ್ಯಾಸ್ ಬಿಡೋದು ಕೂಡಾ ಇದೀಗ ಕಾಮಿಡಿಯಾಗಿದೆ. ಜೊತೆಗೆ ಗೌತಮಿ ಬಗ್ಗೆಯೂ ಸೋಶಿಯಲ್ ಮೀಡಿಯಾದಲ್ಲಿ ಡವ್ ರಾಣಿ ಅನ್ನೋ ವಿಚಾರವೇ ಚರ್ಚೆಯಲ್ಲಿದೆ. ನೋಡಲು ಫುಲ್ ಸೈಲೆಂಟ್ ಆಗಿರ್ತಾರೆ. ಆದ್ರೆ, ಸಿಡಿದೆದ್ರೆ ಇವರಷ್ಟು ಸಿಡಿಗುಂಡು ಯಾರಿಲ್ಲ ಅಂತಾನೂ ಫ್ಯಾನ್ಸ್ ಕಾಮೆಂಟ್ ಮಾಡ್ತಿದ್ದಾರೆ. ಅದೇನೇ ಇರಲಿ, ದೊಡ್ಮನೆಯಲ್ಲಿ ಹನುಮಂತನ ನಿಯತ್ತಿನ ಬಗ್ಗೆ ಜೋರಾಗಿಯೇ ಜಗಳ ಆಗಿದೆ. ಇದನ್ನ ಹನುಮಂತ ಕೂಡಾ ಒಂಟಿಯಾಗಿಯೇ ನಿಭಾಯಿಸಿದ್ದಾನೆ. ಹಳ್ಳಿ ಹೈದ ಎರೆಡೆರಡು ಬಾರಿ ಕ್ಯಾಪ್ಟನ್ ಆಗಿ ಇವರ ಜೋರು ಬಾಯಿಗೆ ನಗುತ್ತಾ ನಿಂತಿದ್ದು ನೋಡಿ ಬಿಗ್‌ಬಾಸ್ ವಿನ್ನರ್ ನೀನೇ ಗುರು ಅಂತಾ ಫ್ಯಾನ್ಸ್ ಹೇಳ್ತಿದ್ದಾರೆ. ಹನುಮಂತನ ಆಟಕ್ಕೆ ಮನೆಮಂದಿ ಹೈರಾಣಾಗಿದ್ದನ್ನ ನೋಡೋದೇ ಒಂದು ರೀತಿ ಮಜಾ ಕೊಡ್ತಿರೋದಂತೂ ಸುಳ್ಳಲ್ಲ.
