ನೋಡಿರಿ
ಸೀಟ್ಬೆಲ್ಟ್ ಧರಿಸದೇ ಕಾರಿನಲ್ಲಿ ಪ್ರಯಾಣ: ಪ್ರಧಾನಿಗೆ ದಂಡ ಹಾಕಿದ ಪೊಲೀಸರು!
ನಮ್ಮ ದೇಶದಲ್ಲಿ ರಾಜಕಾರಣಿಗಳು ಮಾತ್ರ ಸೀಟ್ ಬೆಲ್ಟ್ ಹಾಕದಿದ್ದರೂ ಪೊಲೀಸರು ಅವರನ್ನು ಕೇಳೋಕೆ ಹೋಗಲ್ಲ. ಆದರೆ ಇಲ್ಲೊಂದು ದೇಶದ ಪ್ರಧಾನಿಗೆ ಸೀಟ್ ಬೆಲ್ಟ್ ಹಾಕದಿದ್ದಕ್ಕೆ ಪೊಲೀಸರು ದಂಡ ವಿಧಿಸಿದ್ದಾರೆ!
ಇದನ್ನೂ ಓದಿ: ಜೆಸಿಂಡಾ ಅರ್ಡೆರ್ನ್ ರಾಜೀನಾಮೆ – ನ್ಯೂಜಿಲೆಂಡ್ ನೂತನ ಪ್ರಧಾನಿಯಾಗಿ ಕ್ರಿಸ್ ಹಿಪ್ಕಿನ್ಸ್ ಆಯ್ಕೆ!
ಹೌದು, ಬ್ರಿಟನ್ ಪ್ರಧಾನಿ ರಿಷಿ ಸುನಕ್ ಲಂಡನ್ನಲ್ಲಿ ಸೀಟ್ ಬೆಲ್ಟ್ ಹಾಕದೆ ಕಾರಿನಲ್ಲಿ ಪ್ರಯಾಣಿಸಿದ್ದಾರೆ. ಇದನ್ನು ಗಮನಿಸಿರುವ ಪೊಲೀಸರು, ಯಾವುದೇ ಮುಲಾಜಿಲ್ಲದೆ ಪ್ರಧಾನಿ ರಿಷಿ ಸುನಕ್ಗೆ ದಂಡ ಕಟ್ಟುವಂತೆ ನೋಟಿಸ್ ನೀಡಿದ್ದಾರೆ.
ರಸ್ತೆ ನಿಯಮ ಪಾಲಿಸದೇ ಇದ್ದಿದ್ದಕ್ಕೆ ಈಗಾಗಲೇ ಪ್ರಧಾನಿ ರಿಷಿ ಸುನಕ್ ದಂಡ ಕಟ್ಟಿದ್ದಾರೆ. ಅಲ್ಲದೇ ‘ನನ್ನಿಂದ ದೊಡ್ಡ ತಪ್ಪಾಗಿದೆ’ ಅಂತಾ ಕ್ಷಮೆಯಾಚಿಸಿದ್ದಾರೆ. ಇದು ರಿಷಿಯವರಿಗೆ ವಿಧಿಸಿದ 2ನೇ ದಂಡವಾಗಿದೆ. ಕಳೆದ ವರ್ಷ ಲಾಕ್ಡೌನ್ ನಿಯಮ ಉಲ್ಲಂಘಿಸಿದ್ದಕ್ಕಾಗಿ ಅಂದಿನ ಪ್ರಧಾನಿ ಬೋರಿಸ್ ಜಾನ್ಸನ್ ಸೇರಿ ರಿಷಿಗೆ ದಂಡ ವಿಧಿಸಲಾಗಿತ್ತು.
