ಸಿಡಿದ ಸಿದ್ದು.. ಬೊಮ್ಮಾಯಿ ಗುದ್ದು.. ಸದನದಲ್ಲಿ ಸಮರ..

ಬೆಳಗಾವಿಯಲ್ಲಿ ನಡೀತಿರೋ ಚಳಿಗಾಲದ ಅಧಿವೇಶನದ ಮೂರನೇ ದಿನವಾದ ಇಂದು ವಿಧಾನಸಭೆಯಲ್ಲಿ ದೊಡ್ಡ ಹೈಡ್ರಾಮವೇ ನಡೆದಿದೆ. ಪ್ರಶ್ನೋತ್ತರ ಕಲಾಪದ ವೇಳೆ ರಾಜ್ಯದಲ್ಲಿ ಬಸ್ ಸಂಚಾರದ ಬಗ್ಗೆ ಚರ್ಚೆ ನಡೀತಿತ್ತು. ಈ ವೇಳೆ ಸಾರಿಗೆ ಸಚಿವ ಶ್ರೀರಾಮುಲು ವಿಪಕ್ಷ ನಾಯಕರ ಪ್ರಶ್ನೆಗಳಿಗೆ ಉತ್ತರ ಕೊಡೋಕೆ ಮುಂದಾದ್ರು. ಇದೇ ಸಂದರ್ಭದಲ್ಲಿ ಕುಣಿಗಲ್​​ನ ಕಾಂಗ್ರೆಸ್​ ಶಾಸಕ ರಂಗನಾಥ್ ಗಲಾಟೆ ಮಾಡುತ್ತಾ ಸದನದ ಬಾವಿಗಿಳಿದ್ರು. ಆಗ ಸಚಿವ ಗೋವಿಂದ ಕಾರಜೋಳ, ಗೆಟ್​ ಲಾಸ್ಟ್​ ..ಹೋಗಿ ನಿನ್ನೆ ಸೀಟ್​​ನಲ್ಲಿ ಕುಳಿತುಕೋ. ಸಚಿವನಾಗಿದ್ದಾಗ ನೀನು ಏನೂ ಕೆಲಸ ಮಾಡಿಲ್ಲ ಅಂತಾ ಏಕವಚನದಲ್ಲೇ ಗದರಿದ್ರು. ಈ ವೇಳೆ ರೊಚ್ಚಿಗೆದ್ದ ಸಿದ್ದರಾಮಯ್ಯ ಶಾಸಕರಿಗೆ ವಿರುದ್ಧ ಈ ರೀತಿ ಗದರೋದು ಸರಿ ಅಲ್ಲ. ಬೊಮ್ಮಾಯಿಯವರೇ ನೀವು ಕೂಡ ಒಬ್ಬ ಶಾಸಕರು. ನಿಮಗೆ ಈಗ ಬಗ್ಗೆ ಗೊತ್ತಿರಬೇಕು ಅಂದ್ರು. ಈ ವೇಳೆ ಸಿಎಂ, ನೀವು ಮೈಕ್ ಕಿತ್ತಿದ್ದನ್ನ, ಮೇಜಿನ ಮೇಲೆ ಹತ್ತಿದ್ದನ್ನ ನೋಡಿದ್ದೇವೆ ಅಂತಾ ಸಿದ್ದರಾಮಯ್ಯಗೆ ಕೌಂಟರ್ ಕೊಟ್ರು. ಈ ವೇಳೆ ಮತ್ತಷ್ಟು ಕಾಂಗ್ರೆಸಿಗರು ಸದನದ ಬಾವಿಗಿಳಿದು ಧರಣಿ ಮುಂದುವರಿಸಿದ್ರು. ಈ ವೇಳೆ ಗಲಾಟೆ ಮಾಡಿದವರನ್ನ, ಬಾವಿಗೆ ಇಳಿದವರನ್ನ ಅಮಾನತು ಮಾಡುವಂತೆ ಮಾಧುಸ್ವಾಮಿ ಆಗ್ರಹಿಸಿದ್ರು. ಎರಡೂ ಬಾರಿ ಕಲಾಪ ಕೂಡ ಮುಂದೂಡಿಕೆಯಾಯ್ತು. ಮಧ್ಯಾಹ್ನದ ಬಳಿಕ ಆಕ್ಷೇಪಾರ್ಹ ಪದಗಳನ್ನ ಬಳಸದಂತೆ. ಗೌರವಯುತವಾಗಿ ಮಾತನಾಡುವಂತೆ ಎರಡೂ ಪಕ್ಷಗಳು ರಾಜಿ ಸಂಧಾನ ಮಾಡಿಕೊಂಡ್ರು.