ಚೆನ್ನೈ ವಿರುದ್ಧ ಕಣಕ್ಕಿಳೀತಾರೆ ಸ್ವಿಂಗ್ ಕಿಂಗ್ ಭುವನೇಶ್ವರ್ – ಪಂದ್ಯಕ್ಕೆ ಟಿಕೆಟ್ ಬೆಲೆ ಎಷ್ಟು?

ಕೆಕೆಆರ್ ವಿರುದ್ಧ ಇನಾಗುರೇಷನ್ ಪಂದ್ಯದಲ್ಲೇ ಗೆದ್ದು ಬೀಗಿರೋ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಟೀಂ ಚೆನ್ನೈ ವಿರುದ್ಧ ತನ್ನ ಎರಡನೇ ಪಂದ್ಯಕ್ಕೆ ರೆಡಿಯಾಗ್ತಿದೆ. ಅತ್ತ ಮುಂಬೈ ತಂಡವನ್ನ ಮಣಿಸಿರೋ ಸಿಎಸ್​ಕೆ ಕೂಡ ಗೆಲುವಿನ ಜರ್ನಿ ಕಂಟಿನ್ಯೂ ಮಾಡೋ ನಿರೀಕ್ಷೆಯಲ್ಲಿದೆ. ಮಾರ್ಚ್ 28 ಅಂದ್ರೆ ಇದೇ ಶುಕ್ರವಾರ ಚೆಪಾಕ್ ಕ್ರೀಡಾಂಗಣದಲ್ಲಿ ಈ ಎರಡೂ ತಂಡಗಳ ನಡುವೆ ಹೈವೋಲ್ಟೇಜ್ ಮ್ಯಾಚ್ ನಡೆಯಲಿದೆ. ಲಾಸ್ಟ್ ಸೀಸನಲ್ಲಿ ಚೆನ್ನೈ ತಂಡವನ್ನು ಮಣಿಸಿ ಪ್ಲೇ ಆಫ್​ಗೆ ಎಂಟ್ರಿ ಪಡೆದಿದ್ದ ಆರ್​ಸಿಬಿ, ಇದೀಗ ಮತ್ತೊಮ್ಮೆ ಚೆನ್ನೈ ವಿರುದ್ಧ ಗೆಲ್ಲೋ ಉತ್ಸಾಹದಲ್ಲಿದೆ. ಈಗಾಗ್ಲೇ ಚೆನ್ನೈ ಫ್ರಾಂಚೈಸಿ ಟಿಕೆಟ್​ಗಳನ್ನೂ ಮಾರಾಟ ಮಾಡ್ತಿದೆ. ಸ್ಟಾರ್ಟಿಂಗ್ ಪ್ರೈಸ್  ₹1,700 ರೂಪಾಯಿ ಫಿಕ್ಸ್ ಮಾಡ್ಲಾಗಿದೆ. ಸಿಎಸ್​ಕೆ ಅಧಿಕೃತ​ ವೆಬ್​ಸೈಟ್​ ಮೂಲಕ ಬುಕ್​ ಮಾಡಿಕೊಳ್ಳಬಹುದು. ಕೆಎಂಕೆ ಟೆರೆಸ್ ಟಿಕೆಟ್ ಬೆಲೆ 7,500 ರೂಪಾಯಿಗಳಿದೆ.

ಇದನ್ನೂ ಓದಿ : CSK ಟೀಂನಿಂದ ಬಾಲ್ ಟ್ಯಾಂಪರಿಂಗ್? – ಸೋಶಿಯಲ್ ಮೀಡಿಯಾದಲ್ಲಿ ಬ್ಯಾನ್ ಟ್ರೆಂಡಿಂಗ್ 

ಆರ್​ಸಿಬಿ ಬೌಲಿಂಗ್ ಟೀಂ ಮುನ್ನಡೆಸೋ ಜವಾಬ್ದಾರಿ ಹೊತ್ತಿರುವಂತ ಭುವನೇಶ್ವರ್ ಕುಮಾರ್ ಕೆಕೆಆರ್ ವಿರುದ್ಧದ ಪಂದ್ಯದಲ್ಲಿ ಕಣಕ್ಕಿಳಿದಿರಲಿಲ್ಲ. ಬಟ್ ಈಗ ಅದೇ ಸ್ವಿಂಗ್​ ಕಿಂಗ್​ ಭುವನೇಶ್ವರ್​ ಕುಮಾರ್​ ಚೆನ್ನೈ ವಿರುದ್ಧದ ಪಂದ್ಯದಲ್ಲಿ ಆಡಲು ಸಜ್ಜಾಗಿದ್ದಾರೆ. ಪ್ರಾಕ್ಟೀಸ್ ಟೈಮಲ್ಲಿ ಸಣ್ಣ ಗಾಯಕ್ಕೆ ತುತ್ತಾಗಿದ್ದ ಭುವಿ ​​ಮೊದಲ ಪಂದ್ಯದಿಂದ ಹೊರಗುಳಿದಿದ್ದರು. ಇದೀಗ ಕಂಪ್ಲೀಟ್ ಫಿಟ್ ಆಗಿದ್ದು ಪ್ರಾಕ್ಟೀಸ್ ಕೂಡ ಶುರು ಮಾಡಿದ್ದಾರೆ.  ತಂಡದ ಪ್ರಮುಖ ಬೌಲರ್​ ಆಗಿರುವ ಭುವನೇಶ್ವರ್​ಗೆ, ಜೋಶ್​ ಹೇಜಲ್​ವುಡ್​ ಮತ್ತು ಯಶ್​ ದಯಾಳ್​ ​ಪೇಸರ್​ಗಳಾಗಿ ಸಾಥ್ ನೀಡಲಿದ್ದಾರೆ. ಭುವಿ ತಂಡಕ್ಕೆ ಎಂಟ್ರಿ ಕೊಟ್ಟರೆ ರಸಿಕ್ ದಾರ್​ ಸಲಾಮ್​ ಹೊರಗುಳಿಯಲಿದ್ದಾರೆ. ಈ ಒಂದು ಬದಲಾವಣೆ ಹೊರತು ಪಡಿಸಿ ಉಳಿದಂತೆ ಮೊದಲ ಪಂದ್ಯದಲ್ಲಿ ಆಡಿರುವ ತಂಡವೆ ಇಲ್ಲಿ ಕಣಕ್ಕಿಳಿಯುವ ಸಾಧ್ಯತೆ ಹೆಚ್ಚಿದೆ. ಐಪಿಎಲ್​ನಲ್ಲಿ ಈ ವರೆಗೂ ಭುವನೇಶ್ವರ್​ ಕುಮಾರ್​ 176 ಪಂದ್ಯಗಳನ್ನು ಆಡಿದ್ದಾರೆ. ಈ ಅವಧಿಯಲ್ಲಿ ಒಟ್ಟು 181 ವಿಕೆಟ್​ಗಳನ್ನು ಪಡೆದಿದ್ದಾರೆ. 19 ರನ್​ಗಳಿಗೆ 5 ವಿಕೆಟ್​ ಪಡೆದಿರುವುದು ಇವರ ಬೆಸ್ಟ್​ ಸ್ಪೆಲ್​ ಆಗಿದೆ.

ಬೆಂಗಳೂರು ಮತ್ತು ಚೆನ್ನೈ ಮ್ಯಾಚ್ ಅಂದ್ರೆ ಅದ್ರ ಕ್ರೇಜ್ ನೆಕ್ಸ್​ಟ್ ಲೆವೆಲ್​ನಲ್ಲೇ ಇರುತ್ತೆ. ಐಪಿಎಲ್​ನಲ್ಲಿ ಈ ತಂಡಗಳ ನಡುವೆ ಇದುವರೆಗೆ 33 ಪಂದ್ಯಗಳ ನಡೆದಿವೆ. ಇದರಲ್ಲಿ ಚೆನ್ನೈ ತಂಡ ಹೆಚ್ಚಿನ ಪಂದ್ಯ ಗೆದ್ದು ಆರ್​ಸಿಬಿ ಮೇಲೆ ಪ್ರಾಬಲ್ಯ ಮೆರೆದಿದೆ. ಚೆನ್ನೈ ಒಟ್ಟು 21 ಬಾರಿ ಆರ್​ಸಿಬಿ ವಿರುದ್ಧ ಗೆಲವು ಸಾಧಿಸಿದೆ. ಆರ್​ಸಿಬಿ ತಂಡ ಗೆಲುವಿನ ಲೆಕ್ಕಾಚಾರದಲ್ಲಿ ಹಿಂದೆ ಬಿದ್ದಿದ್ದು 11 ಪಂದ್ಯಗಳಲ್ಲಿ ಮಾತ್ರ ಸಿಎಸ್​ಕೆ ವಿರುದ್ಧ ಗೆಲ್ಲಲು ಸಾಧ್ಯವಾಗಿದೆ. ಒಂದು ಪಂದ್ಯ ಫಲಿತಾಂಶ ಕಾಣದೆ ರದ್ದಾಗಿದೆ. ಬಟ್ ಈ ಸಲ ಹೊಸ ಕ್ಯಾಪ್ಟನ್, ಹೊಸ ಟೀಂ ಜೊತೆ ಫಸ್ಟ್ ಮ್ಯಾಚಲ್ಲೇ ಗೆದ್ದಿರೋ ಆರ್​ಸಿಬಿ ಸಿಕ್ಕಾಪಟ್ಟೆ ಸ್ಟ್ರಾಂಗ್ ಆಗಿ ಕಾಣ್ತಿದೆ.