ನೋಡಿರಿ
IPL ಅಭಿಮಾನಿಗಳಿಗೆ ಗುಡ್ನ್ಯೂಸ್! – ದೇಶದ 15 ನಗರಗಳಲ್ಲಿ ಬಿಗ್ ಸ್ಕ್ರೀನ್ಗಳಲ್ಲಿ IPL ಮ್ಯಾಚ್ ಪ್ರಸಾರ!
IPL ಸೀಸನ್ 19 ಆರಂಭಕ್ಕೆ ಕೌಂಟ್ಡೌನ್ ಶುರುವಾಗಿದೆ. ಈ ಸೀಸನ್ ನ ಉದ್ಘಾಟನಾ ಪಂದ್ಯ ಬೆಂಗಳೂರಿನ ಎಂ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಯಲಿದೆ. ಮೈದಾನದಲ್ಲಿ ಪಂದ್ಯ ನೋಡಲು ಕಾಯ್ತಿದ್ದಾರೆ. ಇದೀಗ ಕ್ರಿಕೆಟ್ ಫ್ಯಾನ್ಸ್ಗೆ ಗುಡ್ನ್ಯೂಸ್ ಇದೆ. ಮೈದಾನದಲ್ಲಿ ಮ್ಯಾಚ್ ನೋಡಲು ಅವಕಾಶ ಸಿಕ್ಕಿಲ್ಲ ಅಂದ್ರೂ ಬಿಗ್ ಸ್ಕ್ರೀನ್ನಲ್ಲಿ ಪಂದ್ಯ ವೀಕ್ಷಿಸಬಹುದು.
ಇದನ್ನೂ ಓದಿ: ಮದುವೆ ಮಂಟಪದಲ್ಲಿ ಸುನಿ ರಹಸ್ಯ ಬಯಲು – ಕೇಡಿ ಜೈದೇವ್ ಪಾಲಿಕೆ ಬೆಂಕಿಯಾದ ಭೂಮಿಕಾ
ಐಪಿಎಲ್ ಟೂರ್ನಿಯ ಪಂದ್ಯಗಳನ್ನು ಕ್ರಿಕೆಟ್ ಪ್ರೇಮಿಗಳು ಬೃಹತ್ ಪರದೆಯಲ್ಲಿ ವೀಕ್ಷಿಸಬಹುದಾಗಿದೆ. ದೇಶದ ವಿವಿಧ ನಗರದಲ್ಲಿ ಐಪಿಎಲ್ ಪಂದ್ಯ ದೊಡ್ಡ ಪರದೆಯಲ್ಲಿ ಪ್ರಸಾರ ಮಾಡಲು ಫ್ಯಾನ್ ಪಾರ್ಕ್ ಆಯೋಜನೆ ಮಾಡಲಾಗಿದೆ. ರಾಜ್ಯದಲ್ಲಿ ಮೈಸೂರು ಮತ್ತು ತುಮಕೂರಿನಲ್ಲಿ ಈ ವ್ಯವಸ್ಥೆ ಮಾಡಲಾಗಿದೆ. ದ್ವಿತೀಯ ಹಂತದ ವೇಳಾಪಟ್ಟಿಯಲ್ಲಿ ಇತರ ನಗರಗಳಲ್ಲೂ ಆಯೋಜನೆಗೊಳ್ಳುವ ನಿರೀಕ್ಷೆಯಿದೆ.
ಮೊದಲ ಮೂರು ವಾರಗಳಲ್ಲಿ 11 ರಾಜ್ಯಗಳ 15 ನಗರಗಳಲ್ಲಿ ಅಭಿಮಾನಿಗಳು ಫ್ಯಾನ್ ಪಾರ್ಕ್ ಮೂಲಕ ಪಂದ್ಯಗಳನ್ನು ನೋಡಬಹುದಾಗಿದೆ. ಕಿಡ್ ಜೋನ್ ಪ್ರತ್ಯೇಕ ವಲಯ ಫ್ಯಾನ್ ಪಾರ್ಕ್ನಲ್ಲಿ ಇದ್ದು ಆಹಾರ ಮಳಿಗೆಯೂ ಇದೆ. ಮನರಂಜನಾ ಗೇಮ್ಗಳಿಗೂ ಅವಕಾಶವಿದೆ. ಉಚಿತ ಪ್ರವೇಶ ಇದ್ದು ಪ್ರವೇಶ ದ್ವಾರದಲ್ಲಿ ನೀಡುವ ಕೂಪನ್ನ ಲಕ್ಕಿ ಡ್ರಾ ಮಧ್ಯಂತರ ಅವಧಿಯಲ್ಲಿ ನಡೆಯಲಿದೆ. ಪಂದ್ಯ ಆರಂಭವಾಗುವ ಒಂದು ತಾಸು ಮೊದಲು ಗೇಟ್ ತೆರೆಯಲಾಗುತ್ತದೆ.
ಫ್ಯಾನ್ ಪಾರ್ಕ್ನಲ್ಲಿ ಪ್ರಸಾರಗೊಳ್ಳುವ ಪಂದ್ಯಗಳು.. ಎಲ್ಲಿ ಮತ್ತು ಯಾವಾಗ?
ಮಾರ್ಚ್ 28 ಮತ್ತು 29,
- ರೋಹ್ಟಕ್, ಹರಿಯಾಣ – ಛೋಟು ರಾಮ್ ಪಾಲಿಟೆಕ್ನಿಕ್ ಮೈದಾನ
- ಭೋಪಾಲ್, ಮಧ್ಯಪ್ರದೇಶ – ಸರ್ಕಾರ ಎಂವಿಎಂ ಕಾಲೇಜು ಮೈದಾನ
- ನಾಗ್ಪುರ, ಮಹಾರಾಷ್ಟ್ರ – ಮೆಕೋಸಾಬಾಗ್ ಮೆಥೋಡಿಸ್ಟ್ ಹೈಸ್ಕೂಲ್ ಆಟದ ಮೈದಾನ
- ತುಮಕೂರು, ಕರ್ನಾಟಕ – ಸರ್ಕಾರಿ ಜೂನಿಯರ್ ಕಾಲೇಜು ಕ್ಷೇತ್ರ
- ಕೃಷ್ಣನಗರ, ಪಶ್ಚಿಮ ಬಂಗಾಳ – ಡಿಎಲ್ ರಾಯ್ ಕ್ರೀಡಾಂಗಣ
ಏಪ್ರಿಲ್ 4 ಮತ್ತು 5
- ಮಥುರಾ, ಉತ್ತರ ಪ್ರದೇಶ – ಅಮರನಾಥ ವಿದ್ಯಾ ಆಶ್ರಮ
- ಜೋಧಪುರ, ರಾಜಸ್ಥಾನ – ಬರ್ಕತುಲ್ಲಾ ಖಾನ್ ಕ್ರೀಡಾಂಗಣ
- ನಿಜಾಮಾಬಾದ್, ತೆಲಂಗಾಣ – ಮಹಿಳಾ ಶೈಕ್ಷಣಿಕ ಸೊಸೈಟಿ ಮೈದಾನಗಳು
- ಮೈಸೂರು, ಕರ್ನಾಟಕ – ಎಸ್ಬಿಆರ್ಆರ್ ಮಹಾಜನ ಪ್ರಥಮ ದರ್ಜೆ ಕಾಲೇಜು
- ಭುವನೇಶ್ವರ್, ಒಡಿಶಾ – KITS ವಿಶ್ವವಿದ್ಯಾಲಯ ಕ್ರೀಡಾಂಗಣ
ಏಪ್ರಿಲ್ 11 ಮತ್ತು 12
- ಮೀರತ್, ಉತ್ತರ ಪ್ರದೇಶ – ಭೈನಸಾಲಿ ಮೈದಾನ
- ನಾಡಿಯಾಡ್, ಗುಜರಾತ್ – ರಾಧೆ ಫಾರ್ಮ್
- ರತ್ನಗಿರಿ, ಮಹಾರಾಷ್ಟ್ರ – ಸ್ವರ್ಗೀಯ ಪ್ರಮೋದ್ ಮಹಾಜನ್ ಕ್ರೀಡಾ ಸಂಕುಲ
- ಕೊಯಮತ್ತೂರು, ತಮಿಳುನಾಡು – ಹಿಂದೂಸ್ತಾನ್ ಕಾಲೇಜ್ ಆಫ್ ಆರ್ಟ್ಸ್ & ಸೈನ್ಸ್
- ರೂರ್ಕೆಲಾ, ಒಡಿಶಾ – ಸೆಕ್ಟರ್ 17 ಗ್ರೌಂಡ್
