ನೋಡಿರಿ
ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿಗೆ ಬಿಸಿಸಿಐ ಶಾಕ್ – ರೆಸ್ಟ್ ತಗೊಂಡು ತಪ್ಪು ಮಾಡಿದ್ರಾ ಆಟಗಾರರು?
ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ.. ಇಬ್ಬರ ಟಿ-20 ಕ್ರಿಕೆಟ್ ಭವಿಷ್ಯದ ಬಗ್ಗೆ ಇನ್ನೂ ಕೂಡ ಯಾವುದೇ ಕ್ಲ್ಯಾರಿಟಿ ಸಿಗ್ತಾ ಇಲ್ಲ. 2024ರ ಟಿ-20 ವರ್ಲ್ಡ್ಕಪ್ನಲ್ಲಿ ಇಬ್ಬರು ಆಡ್ತಾರೆ ಅನ್ನೋದು ಇನ್ನೂ ಗ್ಯಾರಂಟಿ ಇಲ್ಲ. ಇತ್ತೀಚೆಗಷ್ಟೇ ನಡೆದ ಬಿಸಿಸಿಐ ಮೀಟಿಂಗ್ನಲ್ಲಿ ರೋಹಿತ್ ಶರ್ಮಾ ಟಿ20 ವಿಶ್ವಕಪ್ನಲ್ಲಿ ಆಡಲೇಬೇಕು. ರೋಹಿತ್ ಶರ್ಮಾರೆ ಕ್ಯಾಪ್ಟನ್ ಆಗಬಹುದು ಅನ್ನೋ ಧಾಟಿಯಲ್ಲಿ ಚರ್ಚೆಯಾಗಿತ್ತು. ಆದ್ರೆ ವಿರಾಟ್ ಕೊಹ್ಲಿ ವಿಚಾರದಲ್ಲಿ ಬಿಸಿಸಿಐ ಯಾವುದೇ ಫೈನಲ್ ಡಿಸೀಶನ್ ತೆಗೆದುಕೊಂಡಿರಲಿಲ್ಲ. ಆದ್ರೆ, ಈಗ ನೋಡಿದ್ರೆ ರೋಹಿತ್ ಶರ್ಮಾ ಕೂಡ ಟಿ-20 ವರ್ಲ್ಡ್ಕಪ್ನಲ್ಲಿ ಆಡಿಯೇ ಆಡ್ತಾರೆ ಅನ್ನೋದು ಗ್ಯಾರಂಟಿ ಇಲ್ಲ.
ಇದನ್ನೂ ಓದಿ:
ಒಂದು ವಿಚಾರವಂತೂ ಸ್ಪಷ್ಟ. ಕಳೆದ ಒಂದು ವರ್ಷಗಳಿಂದ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಟೀಂ ಇಂಡಿಯಾ ಪರ ಒಂದೇ ಒಂದು ಟಿ-20 ಮ್ಯಾಚ್ನ್ನ ಆಡದೆ ಇರೋದು ಈಗ ಇಬ್ಬರ ಕೆರಿಯರ್ಗೂ ಎಫೆಕ್ಟ್ ಆಗ್ತಿದೆ. ಯಾಕಂದ್ರೆ ಟ20 ಫಾರ್ಮೆಟ್ನಲ್ಲಿ ಇಬ್ಬರೂ ಯಾವ ಫಾರ್ಮ್ನಲ್ಲಿದ್ದಾರೆ ಅನ್ನೋದು ಇನ್ನೂ ಗೊತ್ತಿಲ್ಲ. ವಂಡೇ ವರ್ಲ್ಡ್ಕಪ್ನಲ್ಲಿ ನೀಡಿದ ಪರ್ಫಾಮೆನ್ಸ್ ಆಧಾರದ ಮೇಲೆ ಟಿ20ಗೆ ಯಾರನ್ನ ಕೂಡ ಸೆಲೆಕ್ಟ್ ಮಾಡೋದಿಲ್ಲ. ಈಗ ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ20 ಸೀರಿಸ್ನಲ್ಲೂ ರೋಹಿತ್ ಮತ್ತು ಕೊಹ್ಲಿ ಅಡ್ತಾ ಇಲ್ಲ. ಆ್ಯಕ್ಚುವಲಿ ಈಗ ಸೌತ್ ಆಫ್ರಿಕಾ ವಿರುದ್ಧದ ಟಿ-20 ಸೀರಿಸ್ನಲ್ಲಿ ಟೀಂ ಇಂಡಿಯಾವನ್ನ ಲೀಡ್ ಮಾಡುವಂತೆ ಬಿಸಿಸಿಐ ರೋಹಿತ್ ಶರ್ಮಾರನ್ನ ಕೇಳಿಕೊಂಡಿತ್ತು. ಆದ್ರೆ, ರೋಹಿತ್ ರೆಸ್ಟ್ ಪಡೆಯೋಕೆ ತೀರ್ಮಾನಿಸಿದ್ರಿಂದ ಈಗ ಟಿ-20 ವರ್ಲ್ಡ್ಕಪ್ಗೆ ಸೆಲೆಕ್ಟ್ ಮಾಡೋ ವಿಚಾರದಲ್ಲೂ ರೋಹಿತ್ ಬಗ್ಗೆಯೂ ಬಿಸಿಸಿಐ ಸ್ವಲ್ಪ ಯೋಚನೆ ಮಾಡ್ತಿದೆ. ಸೌತ್ ಆಫ್ರಿಕಾ ಸೀರಿಸ್ ಬಳಿಕ ವರ್ಲ್ಡ್ಕಪ್ಗೂ ಮುನ್ನ ಟೀಂ ಇಂಡಿಯಾ ಆಡಲಿರೋ ಏಕೈಕ ಟಿ-20 ಸೀರಿಸ್ ಅಂದ್ರೆ ಅದು ಅಫ್ಘಾನಿಸ್ತಾನದ ವಿರುದ್ಧ. ಅಲ್ಲೂ ರೋಹಿತ್ ಮತ್ತು ಕೊಹ್ಲಿ ಆಡ್ತಾರಾ ಗೊತ್ತಿಲ್ಲ. ಜನವರಿಯಲ್ಲಿ ಅಫ್ಘಾನ್ ಸೀರಿಸ್ಗೆ ಸ್ಕ್ವಾಡ್ ಅನೌನ್ಸ್ಮೆಂಟ್ ಆಗಲಿದೆ. ಹೀಗಾಗಿಯೇ ಇಬ್ಬರೂ ಸೀನಿಯರ್ ಕ್ರಿಕೆಟರ್ಸ್ಗಳ ವಿಚಾರವಾಗಿ ಬಿಸಿಸಿಐ ಗಂಭೀರ ಚಿಂತನೆ ನಡೆಸ್ತಿದೆ.
ಇನ್ನು ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿಯನ್ನ ಟಿ-20 ವರ್ಲ್ಡ್ಕಪ್ಗೆ ಸೆಲೆಕ್ಟ್ ಮಾಡೋ ಬಗ್ಗೆ ಬಿಸಿಸಿಐ ಪ್ಲ್ಯಾನ್-ಬಿ ಕೂಡ ರೆಡಿ ಮಾಡಿಕೊಂಡಿದೆ. ವಿಶ್ವಕಪ್ಗೂ ಮುನ್ನ ಐಪಿಎಲ್ ಟೂರ್ನಿ ನಡೆಯುತ್ತೆ. ಹೀಗಾಗಿ ಐಪಿಎಲ್ ಪರ್ಫಾಮೆನ್ಸ್ನ್ನ ಕೂಡ ಬಿಸಿಸಿಐ ಗಂಭೀರವಾಗಿ ಪರಿಗಣಿಸಲಿದೆ. ಟಿ-20 ವರ್ಲ್ಡ್ಕಪ್ಗೆ ತಂಡಕ್ಕೆ ಸೇರ್ಪಡೆಯಾಗಲು ರೇಸ್ನಲ್ಲಿರುವ ಪ್ಲೇಯರ್ಸ್ಗಳ ಪರ್ಫಾಮೆನ್ಸ್ನ್ನ ಬಿಸಿಸಿಐ ಸೂಕ್ಷ್ಮವಾಗಿ ಅಬ್ಸರ್ವ್ ಮಾಡಲಿದೆ. ಎಸ್ಪೆಷಲಿ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಯಾವ ರೀತಿ ಬ್ಯಾಟಿಂಗ್ ಮಾಡ್ತಾರೆ ಅನ್ನೋದ್ರ ಮೇಲೆಯೇ ಬಿಸಿಸಿಐ ನಿಗಾ ಇರುತ್ತೆ. ಹೀಗಾಗಿ ಟಿ20 ವರ್ಲ್ಡ್ಕಪ್ನಲ್ಲಿ ಆಡಬೇಕು ಅಂತಾ ರೋಹಿತ್ ಮತ್ತು ವಿರಾಟ್ ಕೊಹ್ಲಿ ಇಂಟೆನ್ಷನ್ ಇಟ್ಟುಕೊಂಡಿದ್ರೆ, ಇಬ್ಬರೂ ಐಪಿಎಲ್ನಲ್ಲಿ ಬೆಸ್ಟ್ ಪರ್ಫಾಮೆನ್ಸ್ ನೀಡಲೇಬೇಕು. ಒಂದು ವೇಳೆ ಐಪಿಎಲ್ನಲ್ಲಿ ಫೇಲ್ ಆದ್ರೆ, ವರ್ಲ್ಡ್ಕಪ್ ರೇಸ್ನಿಂದ ರೋಹಿತ್ ಮತ್ತು ಕೊಹ್ಲಿ ಔಟಾಗುವ ಸಾಧ್ಯತೆ ಹೆಚ್ಚಿದೆ.
ಈಗಾಗಲೇ ಹಲವು ಮಾಜಿ ಕ್ರಿಕೆಟರ್ಸ್ ಮತ್ತು ಕ್ರಿಕೆಟ್ ಎಕ್ಸ್ಪರ್ಟ್ಗಳೆಲ್ಲಾ ಟಿ-20 ವರ್ಲ್ಡ್ಕಪ್ನಲ್ಲಿ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಇಬ್ಬರೂ ಆಡಲೇಬೇಕು. ತಂಡ ಬ್ಯಾಲೆನ್ಸ್ ಆಗಬೇಕು ಅನ್ನೋದಾದ್ರೆ ಇವರಿಬ್ಬರೂ ಸೀನಿಯರ್ ಕ್ರಿಕೆಟರ್ಸ್ ಇರಲೇಬೇಕು ಅಂತಾ ಹೇಳ್ತಾ ಇದ್ದಾರೆ. ಆದ್ರೆ ಟೀಂ ಇಂಡಿಯಾದ ಮಾಜಿ ಕ್ರಿಕೆಟರ್ ಗೌತಮ್ ಗಂಭೀರ್ ಒಂದು ಇಂಪಾರ್ಟೆಂಟ್ ಸ್ಟೇಟ್ಮೆಂಟ್ ಕೊಟ್ಟಿದ್ದಾರೆ. ಗಂಭೀರ್ ಪ್ರಕಾರವೂ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿಯನ್ನ ಟಿ-20 ವರ್ಲ್ಡ್ಕಪ್ ಪಿಕ್ ಮಾಡಬೇಕು. ಬಟ್..ಫಾರ್ಮ್ನಲ್ಲಿ ಇದ್ರೆ ಮಾತ್ರ. ಗಂಭೀರ್ ಹೇಳೋ ಪ್ರಕಾರ ಇಲ್ಲಿ ಎಕ್ಸ್ಪೀರಿಯನ್ಸ್ ಮತ್ತು ಈ ಹಿಂದಿನ ಟ್ರ್ಯಾಕ್ ರೆಕಾರ್ಡ್ಗಿಂತ ಹೆಚ್ಚಾಗಿ ಕರೆಂಟ್ ಫಾರ್ಮ್ ತುಂಬಾ ಮುಖ್ಯ. ರೋಹಿತ್ ಮತ್ತು ಕೊಹ್ಲಿ ಐಪಿಎಲ್ನಲ್ಲಿ ಒಳ್ಳೆಯ ಪರ್ಫಾಮೆನ್ಸ್ ನೀಡಿದ್ರು ಅಂದ್ರೆ. ಫುಲ್ ಫಾರ್ಮ್ನಲ್ಲಿ ಇದ್ದಾರೆ ಅಂದ್ರೆ ಇಬ್ಬರನ್ನೂ ಟಿ20 ವರ್ಲ್ಡ್ಕಪ್ಗೆ ಸೆಲೆಕ್ಟ್ ಮಾಡಲೇಬೇಕು ಅಂತಾ ಗೌತಮ್ ಗಂಭೀರ್ ಹೇಳಿದ್ದಾರೆ.
ರೋಹಿತ್ ಮತ್ತು ಕೊಹ್ಲಿ ಕಥೆ ಒಂದ್ಕಡೆಯಾದ್ರೆ, ಇನ್ನು ಇಂಜ್ಯೂರಿಗೆ ಒಳಗಾಗಿರೋ ಹಾರ್ದಿಕ್ ಪಾಂಡ್ಯ ಅಫ್ಘಾನಿಸ್ತಾನ ವಿರುದ್ಧದ ಟಿ-20 ಸೀರಿಸ್ಗೆ ಕಮ್ಬ್ಯಾಕ್ ಮಾಡುವ ಸಾಧ್ಯತೆ ಇದೆ ಅಂತಾ ಬಿಸಿಸಿಐ ಮಾಹಿತಿ ನೀಡಿದೆ. ಹೀಗಾಗಿ ಹಾರ್ದಿಕ್ ಕಮ್ಬ್ಯಾಕ್ ಕೂಡ ಟೀಂ ಇಂಡಿಯಾಗೆ ತುಂಬಾ ಕ್ರೂಶಿಯಲ್ ಆಗಲಿದೆ. ಯಾಕಂದ್ರೆ, ಒಂದು ವೇಳೆ ರೋಹಿತ್ ಶರ್ಮಾ ಟಿ-20 ವರ್ಲ್ಡ್ಕಪ್ನಲ್ಲಿ ಆಡಲ್ಲ ಅಂದ್ರೆ ಹಾರ್ದಿಕ್ ಪಾಂಡ್ಯಾ ಟೀಂನ್ನ ಲೀಡ್ ಮಾಡಬೇಕಾಗಬಹುದು.
