ನೋಡಿರಿ
ಆಸ್ಟ್ರೇಲಿಯಾ VS ಸೌತ್ ಆಫ್ರಿಕಾ – ಸೆಕೆಂಡ್ ಸೆಮಿಫೈನಲ್ನಲ್ಲಿ ಕಾಂಗರೂ ಮತ್ತು ಹರಿಣಗಳ ಕದನ
ಸೆಕೆಂಡ್ ಸೆಮಿಫೈನಲ್.. ಆಸ್ಟ್ರೇಲಿಯಾ VS ಸೌತ್ ಆಫ್ರಿಕಾ.. ಕೊಲ್ಕತ್ತಾದ ಈಡನ್ ಗಾರ್ಡನ್ಸ್ನಲ್ಲಿ ಎರಡೂ ಘಟಾನುಘಟಿ ಟೀಂಗಳು ಮುಖಾಮುಖಿಯಾಗುತ್ತಿವೆ. ಇದು ನಿಜಕ್ಕೂ ರಣರೋಚಕ ಪಂದ್ಯವಾಗೋದ್ರಲ್ಲಿ ಯಾವುದೇ ಡೌಟ್ ಇಲ್ಲ. ದಕ್ಷಿಣ ಆಫ್ರಿಕಾವಂತೂ ಪಾಯಿಂಟ್ಸ್ ಟೇಬಲ್ನಲ್ಲಿ ನಂಬರ್-2 ಪೊಸೀಶನ್ನಲ್ಲಿದೆ. ಇತ್ತ ಆಸ್ಟ್ರೇಲಿಯಾ ಕಳೆದ ಕೆಲ ಮ್ಯಾಚ್ಗಳಲ್ಲಿ ಆಡಿದ್ದನ್ನ ನೋಡಿದ್ರೆ, ಈ ಬಾರಿಯ ವರ್ಲ್ಡ್ಕಪ್ ಗೆಲ್ಲೋ ಮತ್ತೊಂದು ಫೇವರೇಟ್ ಟೀಂ ಎನ್ನಿಸಿಕೊಂಡಿದೆ. ಹೀಗಾಗಿ ಕಾಂಗರೂ ಮತ್ತು ಹರಿಣಗಳ ನಡುವಿನ ಕದನದಲ್ಲಿ ಯಾರು ಗೆಲ್ತಾರೆ ಅನ್ನೋದೆ ಈಗಿನ ಕುತೂಹಲ.
ವರ್ಲ್ಡ್ಕಪ್ ಲೀಗ್ ಸ್ಟೇಜ್ನಲ್ಲಿ ದಕ್ಷಿಣ ಆಫ್ರಿಕಾ ಆಡಿದ 9 ಮ್ಯಾಚ್ಗಳಲ್ಲಿ 7 ಪಂದ್ಯಗಳನ್ನ ಗೆದ್ದುಕೊಂಡಿದೆ. ಆಸ್ಟ್ರೇಲಿಯಾ ಕೂಡ 7 ಮ್ಯಾಚ್ಗಳನ್ನ ಗೆದ್ದಿದೆ. ಆದ್ರೆ ಎರಡೂ ಟೀಂಗಳ ಬಗ್ಗೆ ಕಂಪೇರ್ ಮಾಡಿದ್ರೆ ಆಸ್ಟ್ರೇಲಿಯಾ ದಕ್ಷಿಣ ಆಫ್ರಿಕಾಕ್ಕಿಂತಲೂ ಹೆಚ್ಚು ಫೇವರ್ ಆಗಿದೆ ಅಂತಾನೆ ಹೇಳಬಹುದು. ಯಾಕಂದ್ರೆ ಲೀಗ್ ಸ್ಟೇಜ್ನ ಮೊದಲ ಎರಡು ಮ್ಯಾಚ್ಗಳನ್ನ ಕೂಡ ಆಸ್ಟ್ರೇಲಿಯಾ ಸೋತಿತ್ತು. ಆದ್ರೆ ಅಲ್ಲಿಂದ ಬಳಿಕ ಫೀನಿಕ್ಸ್ನಂತೆ ಮೇಲಕ್ಕೆದ್ದ ಆಸ್ಟ್ರೇಲಿಯಾ ಮತ್ತೆ ಹಿಂದೆ ತಿರುಗಿ ನೋಡಿಯೇ ಇಲ್ಲ. ಆಡಿರುವ ಎಲ್ಲಾ ಮ್ಯಾಚ್ಗಳನ್ನ ಕೂಡ ಗೆಲ್ಲುತ್ತಲೇ ಬಂದಿತ್ತು. ಆದ್ರಲ್ಲೂ ಅಫ್ಘಾನಿಸ್ತಾನ ವಿರುದ್ಧದ ಗೆಲುವಂತೂ ಆಸ್ಟ್ರೇಲಿಯಾ ತಂಡದ ಕಾನ್ಫಿಡೆನ್ಸ್ನ್ನ ಮತ್ತೊಂದು ಲೆವೆಲ್ಗೆ ತೆಗೆದುಕೊಂಡು ಹೋಗಿದೆ. ನಾಕ್ಔಟ್ ಸ್ಟೇಜ್ ಆಸ್ಟ್ರೇಲಿಯಾ ಬಂತು ಅಂದ್ರೆ ಮತ್ತೆ ಅವರನ್ನ ಮಣಿಸೋದು ಅಷ್ಟೊಂದು ಸುಲಭ ಅಲ್ಲ. ಆಸ್ಟ್ರೇಲಿಯಾ ಆಟೋಮೆಟಿಕಲಿ ವರ್ಲ್ಡ್ಕಪ್ ಗೆಲ್ಲೋಕೆ ಫೇವರೇಟ್ ಟೀಂ ಎನ್ನಿಸಿಕೊಂಡು ಬಿಡುತ್ತೆ.
ಇನ್ನು ವರ್ಲ್ಡ್ಕಪ್ ಇತಿಹಾಸದ ಪುಟ ತೆಗೆದು ನೋಡಿದ್ರೂ ಸೆಮಿಫೈನಲ್ನಲ್ಲಿ ಮುಖಾಮುಖಿಯಾದಾಗಲೆಲ್ಲಾ ಪ್ರತಿ ಬಾರಿಯೂ ದಕ್ಷಿಣ ಆಫ್ರಿಕಾವನ್ನ ಆಸ್ಟ್ರೇಲಿಯಾ ಸೋಲಿಸಿದೆ. ಸೌತ್ ಆಫ್ರಿಕಾವನ್ನ ಚೋಕರ್ಸ್ಗಳನ್ನಾಗಿ ಮಾಡಿರೋದ್ರಲ್ಲಿ ಆಸ್ಟ್ರೇಲಿಯಾದ ರೋಲ್ ದೊಡ್ಡಿದಿದೆ. 1999ರ ವರ್ಲ್ಡ್ಕಪ್ನಲ್ಲಿ ಸೆಮಿಫೈನಲ್ನಲ್ಲಿ ದಕ್ಷಿಣ ಆಫ್ರಿಕಾವನ್ನ ಆಸ್ಟ್ರೇಲಿಯಾ ಸೋಲಿಸಿತ್ತು. ಬಳಿಕ 2007ರ ವರ್ಲ್ಡ್ಕಪ್ನಲ್ಲಿ ಮ್ಯಾಚ್ ಟೈ ಆಗಿತ್ತು. ಆದ್ರೆ ರನ್ರೇಟ್ ಆಧಾರದಲ್ಲಿ ಆಸ್ಟ್ರೇಲಿಯಾ ಫೈನಲ್ಗೆ ಎಂಟ್ರಿಯಾಗಿತ್ತು. ಈಗ 3ನೇ ಬಾರಿಗೆ ವರ್ಲ್ಡ್ಕಪ್ ಸೆಮಿಫೈನಲ್ನಲ್ಲಿ ಮದಗಜಗಳು ಮುಖಾಮುಖಿಯಾಗ್ತಿವೆ. ಹೀಗಾಗಿ ಮತ್ತೊಮ್ಮೆ ಆಸ್ಟ್ರೇಲಿಯಾವೇ ಗೆಲ್ಲುವ ಟ್ರೆಂಡ್ ಕಂಟಿನ್ಯೂ ಆಗುತ್ತಾ? ಇಲ್ಲಾ ಸೆಮಿಫೈನಲ್ ಸೋಲಿನ ಸರಪಳಿಯನ್ನ ಸೌತ್ ಆಫ್ರಿಕನ್ಸ್ ಕಳಚಿಕೊಳ್ತಾರಾ ಅನ್ನೋದನ್ನ ಕಾದು ನೋಡಬೇಕಿದೆ.
ಈ ಹಿಂದಿನ ವರ್ಲ್ಡ್ಕಪ್ಗಳಲ್ಲಿ ಏನೇ ನಡೆದಿರಬಹುದು. ಆದ್ರೆ ಈ ವಿಶ್ವಕಪ್ನಲ್ಲಿ ಲೀಗ್ ಸ್ಟೇಜ್ನಲ್ಲಿ ಇದೇ ಆಸ್ಟ್ರೇಲಿಯಾವನ್ನ ದಕ್ಷಿಣ ಆಫ್ರಿಕಾ ಸೋಲಿಸಿತ್ತು. 134 ರನ್ಗಳ ಅಂತರದಿಂದ ಆಸ್ಟ್ರೇಲಿಯಾ ವಿರುದ್ಧ ಸೌತ್ ಆಫ್ರಿಕಾ ಗೆಲುವು ದಾಖಲಿಸಿತ್ತು. ಹೀಗಾಗಿ ಕೊಲ್ಕತ್ತಾದಲ್ಲಿ ನಡೆಯೋ ಬ್ಲಾಕ್ಬಾಸ್ಟರ್ ಸೆಮಿಫೈನಲ್ ಮ್ಯಾಚ್ನಲ್ಲಿ ಏನು ಬೇಕಾದ್ರೂ ಆಗಬಹುದು. ಇನ್ನು ಎರಡೂ ಟೀಂಗಳು ಪರಸ್ಪರ ಎದುರಾದಾಗ ವಂಡೇನಲ್ಲಿ ಒಟ್ಟು ಎಷ್ಟು ಮ್ಯಾಚ್ಗಳನ್ನ ಗೆದ್ದಿವೆ? ವರ್ಲ್ಡ್ಕಪ್ನಲ್ಲಿ ಹೆಚ್ಚು ಪಂದ್ಯಗಳನ್ನ ಗೆದ್ದಿರೋದು ಯಾರು? ಇವೆಲ್ಲದರ ಬಗ್ಗೆ ಒಂದಷ್ಟು ಡೇಟಾಗಳನ್ನ ನಿಮ್ ಮುಂದೆ ಇಡ್ತೀನಿ.
- ODIನಲ್ಲಿ ದ.ಆಫ್ರಿಕಾ ವಿರುದ್ಧ ಆಸ್ಟ್ರೇಲಿಯಾ 50 ಪಂದ್ಯಗಳನ್ನ ಗೆದ್ದಿದೆ
- ODIನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ದ.ಆಫ್ರಿಕಾ 55 ಪಂದ್ಯಗಳನ್ನ ಗೆದ್ದಿದೆ
- ಕಳೆದ 10 ವರ್ಷಗಳಲ್ಲಿ ಆಸ್ಟ್ರೇಲಿಯಾ 9 ಬಾರಿ, ದ.ಆಫ್ರಿಕಾ 19 ಬಾರಿ ಗೆದ್ದಿದೆ
- ವಿಶ್ವಕಪ್ನಲ್ಲಿ ಆಸ್ಟ್ರೇಲಿಯಾ 3, ದ.ಆಫ್ರಿಕಾ 3 ಗೆಲುವು, 1 ಮ್ಯಾಚ್ ಟೈ
- ಕಳೆದ 11 ವಂಡೇ ಮ್ಯಾಚ್ಗಳಲ್ಲಿ 9 ಪಂದ್ಯಗಳಲ್ಲಿ ದ.ಆಫ್ರಿಕಾ ಗೆಲುವು
- ಕಳೆದ 4 ಮ್ಯಾಚ್ಗಳಲ್ಲಿ ನಿರಂತರವಾಗಿ ಆಸ್ಟ್ರೇಲಿಯಾವನ್ನ ಸೋಲಿಸಿದೆ
ಈ ಎಲ್ಲಾ ಡೇಟಾಗಳನ್ನ ನೋಡಿದ್ರೆ ಈಗಿನ ಸೌತ್ ಆಫ್ರಿಕಾ ಟೀಂ ಆಸ್ಟ್ರೇಲಿಯಾ ವಿರುದ್ಧ ಟಾಪ್ ಕ್ಲಾಸ್ ಪರ್ಫಾಮೆನ್ಸ್ ನೀಡಿದೆ. ಇತ್ತೀಚಿನ ಪರ್ಫಾಮೆನ್ಸ್ ಪ್ರಕಾರ ಆಸ್ಟ್ರೇಲಿಯಾ ವಿರುದ್ಧ ದಕ್ಷಿಣ ಆಫ್ರಿಕಾ ಫೇವರೇಟ್ ಅಂತಾನೂ ಹೇಳಬಹುದು. ಆದ್ರೆ, ಆಸ್ಟ್ರೇಲಿಯಾ ಟೀಂನದ್ದು ಒಂದು ಸಂಗತಿ ಇದೆ. ಬೇರೆಲ್ಲಾ ಸೀರಿಸ್ಗಳಲ್ಲಿ ಸೋತ್ರೂ ವರ್ಲ್ಡ್ಕಪ್ ಅಂತಾ ಬಂದಾಗ ಆಸ್ಟ್ರೇಲಿಯನ್ಸ್ ಬಿಟ್ಟು ಕೊಡೋದೆ ಇದೆ. ಲಾಸ್ಟ್ ಬಾಲ್ವರೆಗೂ ಫೈಟ್ ಮಾಡ್ತಾರೆ. ವಿಶ್ವಕಪ್ನಲ್ಲಿ ಆಸ್ಟ್ರೇಲಿಯಾ ಯಾವಾಗಲೂ ಕಂಪ್ಲೀಟ್ ಡಿಫರೆಂಟ್ ಟೀಂ ಆಗಿ ಕಾಣಿಸಿಕೊಳ್ಳುತ್ತೆ.
ಹಾಗಿದ್ರೆ ಆಸ್ಟ್ರೇಲಿಯಾ ಮತ್ತು ಸೌತ್ ಆಫ್ರಿಕಾ ನಡುವೆ ಸೆಮಿಫೈನಲ್ ಮ್ಯಾಚ್ ನಡೆಯೋ ಕೊಲ್ಕತ್ತಾದ ಈಡನ್ ಗಾರ್ಡನ್ಸ್ ಪಿಚ್ ಹೇಗಿದೆ ಅನ್ನೋದು ಕೂಡ ಇಲ್ಲಿ ಇಂಪಾರ್ಟೆಂಟ್. ಇಲ್ಲಿ ಟಾಸ್ ಮ್ಯಾಟರ್ ಆಗುತ್ತೆ. ಟಾಸ್ ಗೆದ್ದವರು ಫಸ್ಟ್ ಬ್ಯಾಟಿಂಗ್ ಮಾಡೋದು ಆಲ್ಮೋಸ್ಟ್ ಗ್ಯಾರಂಟಿ. ಯಾಕಂದ್ರೆ ಈ ಗ್ರೌಂಡ್ನಲ್ಲಾಗಿರುವ ಕಳೆದ 13 ಮ್ಯಾಚ್ಗಳಲ್ಲಿ ಫಸ್ಟ್ ಬ್ಯಾಟಿಂಗ್ ಮಾಡಿದ ಟೀಂ 10 ಬಾರಿ ಪಂದ್ಯವನ್ನ ಗೆದ್ದಿದೆ. ಇನ್ನು ಇದು ಬ್ಯಾಟ್ಸ್ಮನ್ಗಳಿಗೆ ಫೇವರ್ ಆಗಿರುವ ಪಿಚ್ ಆಗಿದ್ದು, ಹೈಸ್ಕೋರ್ ಮಾಡಬಹುದು. ಸ್ಪಿನ್ನರ್ಸ್ಗಳಿಗೂ ಒಂದಷ್ಟು ಹೆಲ್ಪ್ ಆಗುವ ಸಾಧ್ಯತೆ ಇದೆ.
ಆದ್ರೆ ಆಸ್ಟ್ರೇಲಿಯಾ-ದಕ್ಷಿಣ ಆಫ್ರಿಕಾ ಮಧ್ಯೆ ಸೇಫ್ ಆಗಿ ಸೆಮಿಫೈನಲ್ ಮ್ಯಾಚ್ ನಡೆಯುತ್ತೆ ಅನ್ನೋದೆ ಗ್ಯಾರಂಟಿ ಇಲ್ಲ. ಯಾಕಂದ್ರೆ ಕಳೆದ ಕೆಲ ದಿನಗಳಿಂದ ಕೊಲ್ಕತ್ತಾದಲ್ಲಿ ಯಾವಾಗಲೂ ಮಳೆಯಾಗ್ತಿದೆ. ಸೌತ್ ಆಫ್ರಿಕಾ-ಆಸ್ಟ್ರೇಲಿಯಾ ಸೆಮಿಫೈನಲ್ ದಿನದಂದು ಕೂಡ ಮಳೆಯಾಗಬಹುದು ಅಂತಾ ಹವಾಮಾನ ವರದಿ ಬಂದಿದೆ. ಒಂದು ವೇಳೆ ಮಳೆ ಬಂದ್ರೆ ರಿಸರ್ವ್ ಡೇನಂದು ಅಂದ್ರೆ ನವೆಂಬರ್ 17ಕ್ಕೆ ಮ್ಯಾಚ್ ನಡೆಯುತ್ತೆ. ಆ ದಿನವೂ ಬಳೆ ಬಂದು ಮ್ಯಾಚ್ ಕ್ಯಾನ್ಸಲ್ ಆದ್ರೆ ದಕ್ಷಿಣ ಆಫ್ರಿಕಾ ಫೈನಲ್ಗೆ ಎಂಟ್ರಿಯಾಗುತ್ತೆ. ಯಾಕಂದ್ರೆ ಪಾಯಿಂಟ್ಸ್ ಟೇಬಲ್ನಲ್ಲಿ ಸೌತ್ ಆಫ್ರಿಕಾ 2ನೇ ಸ್ಥಾನದಲ್ಲಿದೆ. ರನ್ರೇಟ್ನಲ್ಲೂ ಆಸ್ಟ್ರೇಲಿಯಾಕ್ಕಿಂತ ಮುಂದಿದೆ. ವರ್ಲ್ಡ್ಕಪ್ನಲ್ಲಿ ಯಾವತ್ತೂ ಲಕ್ ಅನ್ನೋದು ದಕ್ಷಿಣ ಆಫ್ರಿಕಾ ಟೀಂಗೆ ಸಾಥ್ ಕೊಟ್ಟೇ ಇಲ್ಲ. ಈ ಬಾರಿ ಏನಾಗುತ್ತೋ ನೋಡಬೇಕು.
ಅಂತೂ ಆಸ್ಟ್ರೇಲಿಯಾ VS ಸೌತ್ ಆಫ್ರಿಕಾ ನಡುವಿನ ಸೆಕೆಂಡ್ ಸೆಮಿಫೈನಲ್ ಅತ್ಯಂತ ಹೈವೋಲ್ಟೇಜ್ ಮ್ಯಾಚ್ ಆಗೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ. ಗೆದ್ದವರು ನವೆಂಬರ್ 19ರಂದು ಅಹ್ಮದಾಬಾದ್ನ ನರೇಂದ್ರ ಮೋದಿ ಸ್ಟೇಡಿಯಂ ವರ್ಲ್ಡ್ಕಪ್ಗಾಗಿ ಹೋರಾಡಲಿದ್ದಾರೆ.
