ಮನುಷ್ಯರಂತೆ ಹಲ್ಲುಗಳಿರುವ ಭಯಾನಕ ಮೀನು!

ಇಲ್ಲೊಬ್ಬ ಪುಟ್ಟ ಬಾಲಕ ಹಿಡಿದಿರುವ ಮೀನನ್ನು ಕಂಡು ಜನ ದಂಗಾಗಿದ್ದಾರೆ. ಅದು ಭಾರೀ ಗಾತ್ರದ ಮೀನಾಗಿರಬೇಕು ಅಥವಾ ಅದರ ಬಣ್ಣ ಮತ್ತು ಆಕಾರದಲ್ಲಿ ಭಿನ್ನತೆ ಇರಬೇಕು ಎಂದು ಊಹಿಸಿತೊಡಗಿದಿರಾ? ನಿಮ್ಮ ಊಹೆ ತಪ್ಪು. ಅದ್ಯಾವುದೂ ಅಲ್ಲ, ಆ ಮೀನು, ಮನುಷ್ಯರಿಗೆ ಇರುವಂತಹ  ಹಲ್ಲುಗಳನ್ನು ಹೊಂದಿದೆ. ಬಾಲಕ ಹಿಡಿದಿರುವ ಮೀನಿನ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್‌ ಆಗಿದೆ.

ಇದನ್ನೂ ಓದಿ: ನೋಡಲು ಹಾವಿನಂತೆ… ಮೈ ತುಂಬಾ ಝೀಬ್ರಾ ಬಣ್ಣ.. ಈ ವಿಷಕಾರಿ ಮೀನು ಸಿಕ್ಕಿದ್ದೆಲ್ಲಿ?

ಚಾರ್ಲಿ ಕ್ಲಿಂಟನ್  ಎಂಬ 11 ವರ್ಷದ ಬಾಲಕ ಕೆರೆಯಲ್ಲಿ ಮೀನಿಗೆ ಗಾಳ ಹಾಕುತ್ತಿರುವ ವೇಳೆ ಮೀನೊಂದು ಸಿಕ್ಕಿದೆ. ಅದನ್ನು ಹಿಡಿದು ನೋಡಿದಾಗ ಆ ಮೀನಿನ ಬಾಯಿಯಲ್ಲಿ ಮನುಷ್ಯ ಹಲ್ಲಿನಂತೆ ಹೋಲುವ ಹಲ್ಲುಗಳು ಪತ್ತೆಯಾಗಿದೆ. ಇದನ್ನು ಕಂಡ ಸ್ಥಳೀಯರು ಅಶ್ಚರ್ಯಚಕಿತರಾಗಿದ್ದಾರೆ.

ಮಾನವನ ಹಲ್ಲಿನ ರೀತಿಯಿರುವ ಮೀನಿನ ಫೋಟೊವನ್ನು ವನ್ಯಜೀವಿ ಸಂರಕ್ಷಣಾ ಇಲಾಖೆ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದೆ. ಪಾಕು ಕುಟುಂಬಕ್ಕೆ ಸೇರಿದ ಈ ಮೀನಿನ ಮೂಲ ದಕ್ಷಿಣ ಆಫ್ರಿಕಾ. ಈ ಮೀನುಗಳು ಸುಮಾರು 3.5 ಅಡಿ ಇದ್ದು 88 ಪೌಂಡ್ ತೂಕ ಇರಲಿದೆ. ಇದು ಸಸ್ಯಾಹಾರಿ ಮೀನಾಗಿದೆ. ಇವು ಮನುಷ್ಯರಿಗೆ ಯಾವುದೇ ಹಾನಿ ಮಾಡುವುದಿಲ್ಲ. ಆದರೆ ಈ ಜಾತಿಯ ಮೀನುಗಳು ಪರಿಸರ ವ್ಯವಸ್ಥೆಗಳಿಗೆ ಹಾನಿ ಉಂಟುಮಾಡುತ್ತವೆ. ಈ ಮೀನುಗಳು ವಿಲಕ್ಷಣ, ಆಕ್ರಮಣಕಾರಿ ಪ್ರಭೇದಗಳಾಗಿವೆ ಎಂದು ಇಲಾಖೆಯು ಮಾಹಿತಿ ನೀಡಿದೆ.