ನೋಡಿರಿ
ಮದುವೆ ನಿಂತ್ರೂ, ಗೆದ್ದಿದ್ದು ಪ್ರೀತಿ.. ಶಾರ್ದೂಲ್ ಗೆ ಹೆಂಡ್ತಿಯೇ ಶಕ್ತಿ! – ಮಿಥಾಲಿ ಉದ್ಯಮ.. ಗೆದ್ದ ಠಾಕೂರ್
ಶಾರ್ದೂಲ್ ಠಾಕೂರ್.. ಐಪಿಎಲ್ 2025 ರ ಹರಾಜು ಪ್ರಕ್ರಿಯೆಯಲ್ಲಿ ನಿರ್ಲಕ್ಷ್ಯಕ್ಕೆ ಒಳಗಾಗಿದ್ರು.. ಹರಾಜು ಟೈಮ್ ನಲ್ಲಿ ಅನ್ಸೋಲ್ಡ್ ಆಗಿದ್ರೂ, ಈ ವರ್ಷದ ಟೂರ್ನಿಯಲ್ಲಿ ಶಾರ್ದೂಲ್ ಗೆ ಆಟ ಆಡಲು ಅವಕಾಶ ಸಿಕ್ಕಿದೆ. ಲಖನೌ ಸೂಪರ್ ಜೈಂಟ್ಸ್ ತಂಡದಲ್ಲಿ ಗಾಯಗೊಂಡ ಆಟಗಾರನ ಸ್ಥಾನದಲ್ಲಿ ರೀಪ್ಲೇಸ್ಮೆಂಟ್ ಆಗಿ ಶಾರ್ದೂಲ್ ಆಟ ಆಡ್ತಿದ್ದಾರೆ. ಬದಲಿ ಆಟಗಾರನಾಗಿ ಕಣಕ್ಕಿಳಿದ್ರೂ ಶಾರ್ದೂಲ್ ಅದ್ಬುತವಾಗಿ ಆಟ ಆಡ್ತಿದ್ದಾರೆ.. ಶಾರ್ದೂಲ್ ಮೈದಾನದಲ್ಲಿ ಆಟ ಆಡ್ತಿದ್ರೆ, ಇತ್ತ ಅವ್ರ ವೈಯಕ್ತಿಕ ಜೀವನ ಕೂಡ ಚರ್ಚೆಯಲ್ಲಿದೆ.. ಗಂಡ ಆಟದಲ್ಲಿ ಸಕ್ಸಸ್ ಕಂಡ್ರೆ, ಹೆಂಡ್ತಿ ತಮ್ಮ ಸ್ವಂತ ಉದ್ಯಮದಿಂದಲೇ ಕೋಟಿ ಕೋಟಿ ಸಂಪಾದನೆ ಮಾಡ್ತಿದ್ದಾರೆ. ಅಷ್ಟಕ್ಕೂ ಶಾರ್ದುಲ್ ಹೆಂಡತಿ ಮಿತಾಲಿ ಬುಸಿನೆಸ್ ಏನು? ವರ್ಷಕ್ಕೆ ಇವರು ಎಷ್ಟು ದುಡಿತಾರೆ.. ಕಡಿಮೆ ಸಮಯದಲ್ಲಿ ಇಷ್ಟೊಂದು ಸಕ್ಸಸ್ ಕಂಡಿದ್ದು ಹೇಗೆ ಅನ್ನೋ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ಆರ್ ಸಿಬಿ ಬಗ್ಗೆ ಮತ್ತೆ ಲೇವಡಿ ಮಾಡಿದ ರಾಯಡು – ಈ ಸಲನೂ ಕಪ್ ಗೆಲ್ಲಲ್ಲವೆಂದು ವ್ಯಂಗ್ಯ
ಒಬ್ಬ ಸಕ್ಸಸ್ ಫುಲ್ ಗಂಡಿನ ಹಿಂದೆ ಒಬ್ಬಳು ಹೆಣ್ಣಿರುತ್ತಾಳೆ ಅಂತಾರೆ.. ಆದ್ರೆ ಇದು, ಗಂಡನ ಸಕ್ಸಸ್ ಜೊತೆಗೆ ಹೆಂಡತಿಯೂ ಸಕ್ಸಸ್ ಪಡೆದಿರುವ ಇಂಟ್ರೆಸ್ಟಿಂಗ್ ಸ್ಟೋರಿ.. ಗಂಡ ಮೈದಾನದಲ್ಲಿ ಬೆವರು ಸುರಿಸುತ್ತಿದ್ದರೆ, ಹೆಂಡತಿ ಬೇಕರಿಯಲ್ಲಿ ಬೆವರು ಹರಿಸುತ್ತಿದ್ದರು.. ಇವರಿಬ್ಬರ ಪರಿಶ್ರಮದಿಂದಲೇ ಈಗ ಕೋಟಿಗಟ್ಟಲೆ ಸಂಪಾದನೆ ಮಾಡ್ತಿದ್ದಾರೆ.. ಯೆಸ್ ಇದು ಬೇರೆ ಯಾರು ಅಲ್ಲ.. ಎಲ್ಎಸ್ಜಿ ಆಟಗಾರ ಶಾರ್ದೂಲ್ ಠಾಕೂರ್ ದಂಪತಿ ಸ್ಟೋರಿ.. ಅಂದ್ಹಾಗೆ ಶಾರ್ದುಲ್ ಹಾಗೂ ಮಿಥಾಲಿ ಪಾರುಲ್ಕರ್ ಬಾಲ್ಯ ಸ್ನೇಹಿತರು.. ಬರುಬರುತ್ತಾ ಅವ್ರ ಸ್ನೇಹ ಪ್ರೀತಿಗೆ ತಿರುಗಿತು.. ಅಷ್ಟೊತ್ತಿಗಾಗಲೇ ಶಾರ್ದುಲ್ ಠಾಕೂರ್ ಕ್ರಿಕೆಟ್ನಲ್ಲಿ ಒಳ್ಳೆಯ ಹೆಸರು ಮಾಡಲು ಆರಂಭಿಸಿದ್ದರು.. ಕೆಲ ವರ್ಷಗಳಿಂದ ಡೇಟಿಂಗ್ ಮಾಡ್ತಿದ್ದ ಜೋಡಿ ಮದುವೆಯಾಗಲು ನಿರ್ಧರಿಸ್ತಾರೆ.. ಬಳಿಕ ತಮ್ಮ ಪ್ರೀತಿ ವಿಚಾರವನ್ನ ಮನೆಯವರ ಮುಂದೆ ಹೇಳಿಕೊಳ್ತಾರೆ.. ಇಬ್ರ ಮನೆಯಲ್ಲೂ ಗ್ರೀನ್ ಸಿಗ್ನಲ್ ಸಿಗುತ್ತೆ.. 2021 ರಲ್ಲಿ ಈ ಜೋಡಿ ಮುಂಬೈನಲ್ಲಿ ನಿಶ್ಚಿತಾರ್ಥ ಮಾಡಿಕೊಳ್ಳುತ್ತೆ.. 2022ರ ಟಿ20 ವಲ್ಡ್ ಕಪ್ ಮುಗಿದ ಕೂಡಲೇ ಮಿಥಾಲಿ ಹಾಗೂ ಶಾರ್ದೂಲ್ ಮದುವೆ ಆಗಲು ಮುಂದಾಗಿದ್ರು.. ಮದುವೆ ಡೇಟ್ ಕೂಡ ಫಿಕ್ಸ್ ಆಗಿತ್ತು.. ಆದ್ರೆ ಕಾರಣಾಂತರಗಳಿಂದ ಮದುವೆ ಮುಂದೂಡಿಕೆ ಆಯ್ತು.. ಬಳಿಕ 2023ರ ಫೆ 27 ರಂದು ಈ ಜೋಡಿ ಹಸೆಮಣೆ ಏರಿದ್ರು.. ಮಿತಾಲಿ ಮದುವೆ ನಂತರವೂ ಇಂಡಿಪೆಂಡೆಂಟ್ ಆಗಿರಲು ಬಯಸಿದ್ರು.. ಹೀಗಾಗೇ ಅವ್ರು ಸ್ವಂತ ಉದ್ಯಮ ಶುರು ಮಾಡಿದ್ರು..
ಗಂಡ ವೇಗದ ಬೌಲರ್.. ಕ್ರಿಕೆಟ್ ನಿಂದಲೇ ಕೋಟಿ ಕೋಟಿ ದುಡ್ಡು ಬರುತ್ತೆ.. ಇದ್ರಲ್ಲೇ ಮಿತಾಲಿ ಆರಾಮವಾಗಿ ಜೀವನ ಮಾಡ್ಬೋದಿತ್ತು.. ಆದ್ರೆ ಮಿತಾಲಿ ಎಲ್ಲರಂತಲ್ಲ.. ಮಿತಾಲಿ ತನ್ನ ಜೀವನ ರೂಪಿಸುವ ವಿಚಾರದಲ್ಲಿ ಕೇವಲ ತನ್ನ ಹುಡುಗನನ್ನು ನೋಡಿ ಸುಮ್ಮನೆ ಕೂರಲಿಲ್ಲ.. ಬದಲಿಗೆ ತನ್ನ ಕೆರಿಯರ್ ಅನ್ನು ತಾನೇ ರೂಪಿಸುವ ಕಡೆಗೂ ಗಮನಹರಿಸಿದ್ರು.. ಬಿಕಾಂ ಪದವಿ ಮುಗಿಸಿದ ನಂತರ ಕಂಪನಿ ಸೆಕ್ರೆಟರಿ ಕೋರ್ಸ್ ಮಾಡಿದ್ರು. ಈ ಮೂಲಕ ಬ್ಯುಸಿನೆಸ್ ಕಡೆಗೆ ಹೆಚ್ಚು ಫೋಕಸ್ ಮಾಡಿದ ಮಿತಾಲಿ ಪರುಲ್ಕರ್, ಕೆಲ ಸಮಯ ಕಾರ್ಪೋರೇಟ್ ಕಂಪನಿಯಲ್ಲಿ ಕೆಲಸ ಮಾಡಿದ್ದರು.. ನಂತರ ಸ್ವಂತ ಉದ್ದಿಮೆಯ ಕಡೆಗೆ ಗಮನಹರಿಸಿದ್ರು ಮಿತಾಲಿ.. ಹೀಗಾಗಿ ಆಕೆ ಆಯ್ಕೆ ಮಾಡಿಕೊಂಡಿದ್ದು ತನ್ನ ಆಸಕ್ತಿಯ ಬೇಕಿಂಗ್ ಕ್ಷೇತ್ರವನ್ನು.. ಅಡುಗೆ ಮತ್ತು ಬೇಕಿಂಗ್ ಕೆಲಸವನ್ನು ಇಷ್ಟ ಪಡುತ್ತಿದ್ದ ಮಿಥಾಲಿ, ಮುಂಬೈ ಸಮೀಪದ ಥಾಣೆಯಲ್ಲಿ All JAZZ Backeryಯನ್ನು ಶುರು ಮಾಡಿದ್ರು.. ಹಾಗಂತ ಅವರ ಹಾದಿಯೇನೂ ಸುಲಭದ್ದಾಗಿರಲಿಲ್ಲ.. ಕೆಲಸದವರ ಜೊತೆಗೆ ಮಾಲೀಕರು ಕೈ ಜೋಡಿಸಿದರೇನೇ ಉದ್ಯಮ ಬೇಗನೆ ಬೆಳೆಯುತ್ತದೆ.. ಅದೇ ಕೆಲಸವನ್ನು ಮಿತಾಲಿ ಮಾಡಿದ್ರು.. ಬೇಕರಿಯ ಕಿಚನ್ನಲ್ಲಿ ಅವರೂ ಬೆವರು ಸುರಿಸಿದ್ದರು.. ನೋಡ ನೋಡುತ್ತಿದ್ದಂತೆ ಅದರ ಆಲ್ ಜಾಝ್ ಬೇಕರಿಯ ಟೇಸ್ಟ್ಗೆ ಥಾಣೆಯ ಮಂದಿ ಫಿದಾ ಆದ್ರು.. ಇದೇ ಕಾರಣಕ್ಕಾಗಿ ಅವರು ಸೋಷಿಯಲ್ ಮೀಡಿಯಾದಲ್ಲೂ ಆ್ಯಕ್ಟೀವ್ ಆಗಿ, ತಮ್ಮ ಬೇಕರಿಯ ಐಟಂಗಳನ್ನು ಪೋಸ್ಟ್ ಮಾಡ್ತಿದ್ದರು.. ಇದು ಹೊಸ ಹೊಸ ಗ್ರಾಹಕರನ್ನು ಸೆಳೆಯಲು ನೆರವಾಯಿತು.. ಅವರು ಅನುಸರಿಸಿದ ಸೋಷಿಯಲ್ ಮೀಡಿಯ ಮಾರ್ಕೆಟಿಂಗ್ ಸ್ಟ್ರಾಟಜಿ ಬೇಗನೆ ಕೈಹಿಡಿಯಿತು.. ಇದರಿಂದಾಗಿ ಥಾಣೆಯಲ್ಲಿ ಒಂದು ಒಳ್ಳೆಯ ಬೇಕರಿ ಎಂಬ ಖ್ಯಾತಿಗೂ ಮಿತಾಲಿಯವರ ಆಲ್ ಜಾಝ್ ಬೇಕರಿ ಪಾತ್ರವಾಯಿತು.. ಹೆಸರು ಬಂದ್ಮೇಲೆ ದುಡ್ಡು ಬರದೇ ಇರುತ್ತಾ ಹೇಳಿ.. ಈಗ ಮಿತಾಲಿಯವರ ಬೇಕರಿ ಬರೋಬ್ಬರಿ ಎರಡರಿಂದ ಮೂರು ಕೋಟಿ ರುಪಾಯಿಗಳನ್ನು ವಾರ್ಷಿಕವಾಗಿ ಸಂಪಾದನೆ ಮಾಡುತ್ತಿದೆ.. ಖ್ಯಾತ ಕ್ರಿಕೆಟಿಗನ ಪ್ರೇಯಸಿಯಾಗಿ, ಕೇವಲ ಅವರ ಜೊತೆ ಡೇಟಿಂಗ್ ಮಾಡ್ತಾ, ತನ್ನ ಹುಡುಗನ ಹಿಂದೆ ಸುತ್ತುತ್ತಾ ಟೈಂ ವೇಸ್ಟ್ ಮಾಡಲಿಲ್ಲ.. ಬದಲಿಗೆ ತನ್ನ ಕಾಲ ಮೇಲೆ ತಾನು ನಿಲ್ಲಬೇಕು ಎಂಬ ಹಠ ಅವರಲ್ಲಿತ್ತು.. ಇದರೊಂದಿಗೇ ಈಗ ಇಡೀ ಜಗತ್ತು ತನ್ನೆಡೆಗೆ ಹೆಮ್ಮೆಯಿಂದ ನೋಡುವಂತೆ ಮಾಡಿದ್ದಾರೆ ಶಾರ್ದುಲ್ ಠಾಕೂರ್ ಅವರ ಹೆಮ್ಮೆಯ ಮಡದಿ ಮಿತಾಲಿ.
