ನಾಲ್ಕನೇ ಹೆಂಡತಿ ಜೊತೆ ನಟನ ಹನಿಮೂನ್ – ನರೇಶ್ ಜೊತೆ ದುಬೈನಲ್ಲಿ ಪವಿತ್ರಾ ಲೋಕೇಶ್ ಜಾಲಿಮೂಡ್

ತೆಲುಗು ನಟ ನರೇಶ್ ಮತ್ತು ನಟಿ ಪವಿತ್ರಾ ಲೋಕೇಶ್ ಮದುವೆ ವಿಡಿಯೋ ರೀಲಾ ರಿಯಲ್ಲಾ ಅನ್ನೋ ಗೊಂದಲ ಅಭಿಮಾನಿಗಳಲ್ಲಿತ್ತು. ಮದುವೆ ವಿಡಿಯೋವನ್ನು ತೆಲುಗು ನಟ ನರೇಶ್ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಶೇರ್ ಮಾಡಿದ್ದರು. “ಒಂದು ಪವಿತ್ರ ಬಂಧ, ಎರಡು ಮನಸ್ಸು, ಮೂರು ಗಂಟು, ಏಳು ಹೆಜ್ಜೆ.. ನಿಮ್ಮೆಲ್ಲರ ಆಶೀರ್ವಾದವನ್ನು ಬಯಸುತ್ತೇವೆ..” ಎಂದು ಬರೆದು ಪೋಸ್ಟ್ ಮಾಡಿದ್ದರು. ನಾಲ್ಕನೇ ಮದುವೆಯಾಗಿರುವ ನರೇಶ್ ಬಗ್ಗೆ ನೆಗೆಟಿವ್ ಪಾಸಿಟಿವ್ ಎರಡೂ ರೀತಿಯಲ್ಲೂ ಸಾಕಷ್ಟು ಮೆಸೇಜ್‌ಗಳು ಬಂದಿತ್ತು. ಇದೀಗ ಪವಿತ್ರಾ ಲೋಕೇಶ್ ಮತ್ತು ನರೇಶ್ ಮದುವೆಯಾಗಿದ್ದು ನಿಜ. ಇಬ್ಬರೂ ಹನಿಮೂನ್‌ಗಾಗಿ ದುಬೈಗೆ ಹಾರಿದ್ದೂ ನಿಜ ಎನ್ನಲಾಗ್ತಿದೆ.

ಇದನ್ನೂ ಓದಿ:  ನಾಲ್ಕನೇ ಮದುವೆಯಾದ ನರೇಶ್ – ಪವಿತ್ರಾ ಲೋಕೇಶ್ ಜೊತೆ ಸಪ್ತಪದಿ ತುಳಿದ ತೆಲುಗು ನಟ

ನಾಲ್ಕನೆ ಮದುವೆಯಾಗಿರುವ ನರೇಶ್ , ಪವಿತ್ರಾಲೋಕೇಶ್ ಅವರ ಜೊತೆ ದುಬೈನಲ್ಲಿ ಕೈ ಕೈ ಹಿಡಿದುಕೊಂಡು ತಿರುಗಾಡುತ್ತಿರುವ ಫೋಟೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದಾರೆ. ದುಬೈನಲ್ಲಿ ಹನಿಮೂನ್ ಆಚರಿಸಿಕೊಳ್ಳುತ್ತಿರುವ ಜೋಡಿ ಜಾಲಿ ರೈಡ್ ಮಾಡುತ್ತಿರುವ ಫೋಟೋ ಹರಿದಾಡುತ್ತಿದೆ.

ಅಂದಹಾಗೆ ನರೇಶ್ ಅವರಿಗೆ ಇದು ನಾಲ್ಕನೇ ಮದುವೆಯಾದರೂ ಕೂಡಾ ಮೂರನೇ ಹೆಂಡತಿಗೆ ಇನ್ನೂ ವಿಚ್ಛೇದನ ನೀಡಿಲ್ಲ. ನರೇಶ್ ಹಾಗೂ ಪವಿತ್ರಾ ಲೋಕೇಶ್ ಸಂಬಂಧದ ಬಗ್ಗೆ ನರೇಶ್ ಮೂರನೇ ಪತ್ನಿ ರಮ್ಯಾ ವಿರೋಧಿಸಿದ್ದರು. ಪವಿತ್ರಾ ಲೋಕೇಶ್, ನಟರೊಬ್ಬರ ಜೊತೆ ಲಿವ್ ಇನ್ ರಿಲೇಶನ್ ಶಿಪ್‌ಲ್ಲಿದ್ದರು. ಹೀಗಾಗಿ ವಿಚ್ಛೇದನ ಪಡೆಯುವ ವಿಷಯವೇ ಇಲ್ಲ ಎಂದು ಈ ಹಿಂದೆಯೇ ಹೇಳಿದ್ದರು. ನರೇಶ್ ಹಾಗೂ ರಮ್ಯಾ ದಂಪತಿಗೆ ಓರ್ವ ಮಗನಿದ್ದಾನೆ. ಪವಿತ್ರಾಗೂ ಕೂಡ ಇಬ್ಬರು ಮಕ್ಕಳಿದ್ದಾರೆ.