ನೋಡಿರಿ
ಗಡಿಬಿಡಿಯಲ್ಲಿ ಏನೋ ಮಾಡಲು ಹೋಗಿ ಟೂತ್ ಬ್ರಷ್ ನುಂಗಿದ ಯುವತಿ! – ಸಾವಿನ ಅಂಚಿನಿಂದ ಪಾರಾಗಿದ್ದೇ ರೋಚಕ..
ಸಣ್ಣ ಮಕ್ಕಳು ಆಟವಾಡುತ್ತಿರುವ ವೇಳೆ ಕೈಯಲ್ಲಿರುವ ವಸ್ತುಗಳನ್ನು ನುಂಗುವುದು ಸಾಮಾನ್ಯ. ಗಟ್ಟಿಯಾದ ಆಹಾರಗಳನ್ನು ಸೇವಿಸುವಾಗ ಗಂಟಲಲ್ಲಿ ಸಿಲುಕಿ ಅನೇಕ ಮಕ್ಕಳು ಅಸ್ವಸ್ಥರಾಗಿದ್ದಾರೆ, ಇನ್ನೂ ಕೆಲವು ಮಕ್ಕಳು ಜೀವವನ್ನೇ ಕಳೆದುಕೊಂಡಿದ್ದಾರೆ. ಇದೀಗ ಇಲ್ಲೊಬ್ಬಳು ಆಕಸ್ಮಿಕವಾಗಿ ಹಲ್ಲುಜ್ಜುವ ಬ್ರಷ್ ಅನ್ನು ನುಂಗಿದ್ದು, ಸಾವಿನ ಅಂಚಿನಿಂದ ಪಾರಾಗಿದ್ದಾಳೆ.
ಹೌದು, ಮಹಿಳೆಯೊಬ್ಬಳು ಹಲ್ಲುಜ್ಜುವ ಬ್ರಷ್ ಅನ್ನು ಆಕಸ್ಮಿಕವಾಗಿ ನುಂಗಿದ್ದಾಳೆ, ಬ್ರಷ್ ನುಂಗಿದ ಬಳಿಕ ಆಕೆಗೆ ಉಸಿರುಗಟ್ಟಿ ಸಾವು- ಬದುಕಿನ ಮಧ್ಯೆ ಹೋರಾಡಿ ಕೊನೆಗೂ ಸಾವಿನ ಅಂಚಿನಿಂದ ಪಾರಾಗಿದ್ದಾಳೆ. ಈ ಘಟನೆ ಸ್ಪ್ಯಾನಿಷ್ನಲ್ಲಿ ನಡೆದಿದೆ.
ಇದನ್ನೂ ಓದಿ: ಮೊದಲು ಸ್ನೇಹ, ನಂತರ ಪ್ರೀತಿ, ಮದುವೆಗೆ ಸಾವಿರ ಸವಾಲು- ಸಿನಿಮಾಕ್ಕಿಂತಲೂ ರೋಚಕ ರೇವಂತ್ ರೆಡ್ಡಿ ಲವ್ ಸ್ಟೋರಿ..!
ಅಷ್ಟಕ್ಕೂ ಆಗಿದ್ದೇನು?
ಹೈಜಿಯಾ 21ರ ಹರೆಯದ ಯುವತಿ ಟರ್ಕಿ ಮಾಂಸ ತಿಂದಿದ್ದಳು. ಆದರೆ ಆಕೆಗೆ ಏನಾಯ್ತೋ ಗೊತ್ತಿಲ್ಲ. ಬುಧವಾರ ತನ್ನ ಗಂಟಲಿನಿಂದ ಟರ್ಕಿಯ ಮಾಂಸವನ್ನು ಬಲವಂತವಾಗಿ ಹೊರಹಾಕಲು ಪ್ರಯತ್ನಿಸಿದಳು. ಆದರೆ ಈ ವೇಳೆ ಆಕಸ್ಮಿಕವಾಗಿ ಹಲ್ಲುಜ್ಜುವ ಟೂತ್ ಬ್ರಷ್ ನುಂಗಿದ್ದಾಳೆ. ಹೈಜಿಯಾ ತಂದೆಯನ್ನು ಅನಾರೋಗ್ಯದಿಂದ ಗಾಲಿಕುರ್ಚಿ ಬಿಟ್ಟು ಕೆಳಗೆ ಇಳಿಯಲು ಸಾಧ್ಯವಾಗುವುದಿಲ್ಲ. ಹೀಗಾಗಿ, ಅವಳು ಹಲ್ಲುಜ್ಜುವ ಬ್ರಷ್ ಅನ್ನು ಸೇವಿಸಿದಾಗ ಅವಳು ತನ್ನನ್ನು ತಾನೇ ನೋಡಿಕೊಳ್ಳಬೇಕಾಗಿತ್ತು. ತಂದೆ, ಮಗಳು ನರಳಾಡುತ್ತಿರುವುದನ್ನು ನೋಡುತ್ತಿದ್ದರು ಸಹಾಯ ಮಾಡಲು ಆಗದೇ ಇರುವ ಸ್ಥಿತಿ ಇತ್ತು. ಸ್ವಲ್ಪ ಸಮಯದ ಬಳಿಕ ಆಕೆ ವೈದ್ಯರ ಬಳಿ ಹೋಗಿದ್ದಾಳೆ.
ಆಕೆಯ ಸ್ಥಿತಿಯನ್ನು ಕಂಡ ಆಸ್ಪತ್ರೆಯಲ್ಲಿ ವೈದ್ಯರು ಕೂಡಲೇ ಪರೀಕ್ಷಿಸಿದ್ದಾರೆ. ಬಳಿಕ ಎಕ್ಸರೆ ಮಾಡಿದ್ದಾರೆ. ಆಕೆಯನ್ನು ಪರೀಕ್ಷಿಸಲು ವೈದ್ಯಕೀಯ ತಜ್ಞರು ಸುಮಾರು ಮೂರು ಗಂಟೆಗಳ ಕಾಲ ತೆಗೆದುಕೊಂಡರು. ಸತತ ಪ್ರಯತ್ನದ ಬಳಿಕ ಹಲ್ಲುಜ್ಜುವ ಬ್ರಷ್ ಅನ್ನು ಆಕೆಯ ಗಂಟಲಿನಿಂದ ತೆಗೆದುಹಾಕುವಲ್ಲಿ ಯಶಸ್ವಿಯಾಗಿದ್ದಾರೆ.
ವರದಿಯ ಪ್ರಕಾರ, ಅವರು ಹಲ್ಲುಜ್ಜುವ ಬ್ರಷ್ನ್ನು ಶಸ್ತ್ರಚಿಕಿತ್ಸಾ ಉಪಕರಣದಿಂದ ಲೂಪ್ ಮಾಡುವ ಮೂಲಕ ಮತ್ತು ಅವಳ ಬಾಯಿಯ ಮೂಲಕ ಅದನ್ನು ಹೊರತೆಗೆಯಲು ಸಾಧ್ಯವಾಯಿತು. ಶಸ್ತ್ರಚಿಕಿತ್ಸೆ ವೇಳೆ ಆಕೆಗೆ ಅನಸ್ತೇಷಿಯಾವನ್ನು ನೀಡಿತ್ತು. ಶಸ್ತ್ರಚಿಕಿತ್ಸೆಯಾದ ಕೆಲವು ಹೊತ್ತಿನ ಬಳಿಕ ಎಚ್ಚರಗೊಂಡಿದ್ದಾಳೆ. ಪಾಪ ಆ ಯುವತಿ ಗಡಿಬಿಡಿಯಲ್ಲಿ ಏನೋ ಮಾಡಲು ಹೋಗಿ ಟೂತ್ಬ್ರಷ್ ನುಂಗಿ ಸಾವಿನ ಕದ ತಟ್ಟಿ ಪುನರ್ಜನ್ಮ ಪಡೆದಿದ್ದಾಳೆ.
