ನೋಡಿರಿ
ಸೆಕೆಂಡ್ ಇನ್ನಿಂಗ್ಸ್‌ನಲ್ಲಿ ಮುಗ್ಗರಿಸಿದ ಭಾರತ – 193ಕ್ಕೆ ಆಲ್‌ಔಟ್‌, ಲಂಕಾಕ್ಕೆ 372 ರನ್‌ ಟಾರ್ಗೆಟ್
ಲಂಕಾ ವಿರುದ್ಧದ ಟೆಸ್ಟ್‌ ಪಂದ್ಯದ 2ನೇ ಇನ್ನಿಂಗ್ಸ್‌ನಲ್ಲಿ ಟೀಂ ಇಂಡಿಯಾ ಮುಗ್ಗರಿಸಿದೆ. ರಿಷಭ್‌ ಪಂತ್‌ ಆಫ್ ಸೆಂಚುರಿ ಬಿಟ್ರೆ, ಬೇರೆ ಯಾರೂ ಚೆನ್ನಾಗಿಯೇ ಆಡಿಲ್ಲ. ದ್ವಿತೀಯ ಇನಿಂಗ್ಸ್‌ನಲ್ಲಿ ಕೇವಲ 193 ರನ್‌ಗಳಿಗೆ ಆಲ್‌ಔಟ್‌ ಆಯಿತು. ಆ ಮೂಲಕ ಎದುರಾಳಿ ಶ್ರೀಲಂಕಾ ತಂಡಕ್ಕೆ 372 ರನ್‌ಗಳ ಸವಾಲುದಾಯಕ ಗುರಿಯನ್ನು ನೀಡಿದೆ.
ಎರಡನೇ ಇನಿಂಗ್ಸ್‌ನಲ್ಲಿ ಟೀಂ ಇಂಡಿಯಾ ಕಡಿಮೆ ಮೊತ್ತಕ್ಕೆ ಆಲ್‌ಔಟ್‌ ಆಗಿದ್ದಾರೆ. ಗಾಲೆ ಇಂಟರ್‌ನ್ಯಾನಷಲ್‌ ಕ್ರೀಡಾಂಗಣದಲ್ಲಿ 178 ರನ್‌ಗಳ ಮುನ್ನಡೆಯೊಂದಿಗೆ ದ್ವಿತೀಯ ಇನಿಂಗ್ಸ್‌ ಆರಂಭಿಸಿದ ಭಾರತ ತಂಡ ದೊಡ್ಡ ಮೊತ್ತವನ್ನು ಕಲೆ ಹಾಕಲು ಶ್ರೀಲಂಕಾ ಬೌಲರ್‌ಗಳು ಅವಕಾಶ ನೀಡಲಿಲ್ಲ. ರಿಷಭ್‌ ಪಂತ್‌ (66 ರನ್‌), ದೇವದತ್‌ ಪಡಿಕ್ಕಲ್‌ (44 ರನ್‌) ಹಾಗೂ ಕೆಎಲ್‌ ರಾಹುಲ್‌ (35 ರನ್‌) ಅವರನ್ನು ಹೊರತುಪಡಿಸಿ ಇನ್ನುಳಿದ ಬ್ಯಾಟ್ಸ್‌ಮನ್‌ಗಳು ವೈಯಕ್ತಿಕಒಂದಕ್ಕಿಗೆ ಸುಸ್ತು ಆದ್ರು.
ಇದನ್ನೂ ಓದಿ: ಪ್ರಯೋಗ ಬಿಡಿ.. ಪರ್ಮನೆಂಟ್ ಮಾಡಿ – ದ್ರಾವಿಡ್ ಜಾಗಕ್ಕೆ ಮತ್ತೊಬ್ಬ ಕನ್ನಡಿಗ
ಪ್ರಥಮ ಇನಿಂಗ್ಸ್‌ನಲ್ಲಿ ಬ್ಯಾಟಿಂಗ್‌ಗೆ ನೆರವು ನೀಡಿದ್ದ ಪಿಚ್‌ ದ್ವಿತೀಯ ಇನಿಂಗ್ಸ್‌ನಲ್ಲಿ ವಿಶೇಷವಾಗಿ ನಾಲ್ಕನೇ ದಿನ ಬ್ಯಾಟಿಂಗ್‌ಗೆ ನೆರವು ನೀಡಲಿಲ್ಲ. ವಿಶೇಷವಾಗಿ ಲಂಕಾ ಬೌಲರ್‌ಗಳು ಮೇಲುಗೈ ಸಾಧಿಸಿದರು. ಆಶಿತಾ ಫೆರ್ನಾಂಡೊ ನಾಲ್ಕು ವಿಕೆಟ್‌ಗಳ ಸಾಧನೆ ಮಾಡಿದರೆ, ಪ್ರಭತ್‌ ಜಯಸೂರ್ಯ ಮೂರು ವಿಕೆಟ್‌ಗಳನ್ನು ಕಬಳಿಸಿದರು. ಇದರ ಫಲವಾಗಿ ಶ್ರೀಲಂಕಾ, ಭಾರತವನ್ನು ಎರಡನೇ ಇನಿಂಗ್ಸ್‌ನಲ್ಲಿ ಬಹುಬೇಗ ಆಲ್‌ಔಟ್‌ ಮಾಡಲು ನೆರವು ನೀಡಿದರು. ಅಲ್ಲದೆ, ಭಾರತದ ಪರ ಯಶಸ್ವಿ ಜೈಸ್ವಾಲ್‌, ನಾಯಕ ಶುಭಮನ್‌ ಗಿಲ್‌, ಧ್ರುವ್‌ ಜುರೆಲ್‌, ರವೀಂದ್ರ ಜಡೇಜಾ ಹಾಗೂ ಮಾನವ್‌ ಸುತಾರ್‌ ಬ್ಯಾಟಿಂಗ್‌ ವೈಫಲ್ಯವನ್ನು ಅನುಭವಿಸಿದರು.
