ನೋಡಿರಿ
ಗೋಲ್ಡನ್ ಬೂಟ್ ರೇಸ್ನಲ್ಲಿ ಮೆಸ್ಸಿ, ಎಂಬಾಪೆ ಸ್ಪರ್ಧೆ – ಮೆಸ್ಸಿಗೆ ಗೋಲ್ಡನ್ ಬೂಟ್ ಗ್ಯಾರಂಟಿ !?
ಫಿಫಾ ವಿಶ್ವಕಪ್ ಫೈನಲ್ಗೆ ಸ್ಪೇನ್ ಮತ್ತು ಅರ್ಜೆಂಟೀನಾ ತಂಡಗಳು ಎಂಟ್ರಿಯಾಗಿವೆ. ಅರ್ಜೆಂಟೀನಾ ಪರ ಗೋಲು ಗಳಿಸುವ ಉತ್ಸಾಹದಲ್ಲಿದ್ದಾರೆ ಫುಟ್ಬಾಲ್ ದಿಗ್ಗಜ ಲಿಯೋನಲ್ ಮೆಸ್ಸಿ. ಆದರೆ, ಮೆಸ್ಸಿಗಿಂತ ಒಂದು ಗೋಲ್ ಜಾಸ್ತಿ ಹೊಡೆದ ಎಂಬಾಪೆ ರೇಸ್ನಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ.
ಇದನ್ನೂ ಓದಿ:ಇಂಗ್ಲೆಂಡ್ ವಿರುದ್ಧ ಮೆಸ್ಸಿ ಪಡೆಗೆ ರೋಚಕ ಗೆಲುವು – 2026 ವಿಶ್ವಕಪ್ ಫೈನಲ್ ತಲುಪಿದ ಅರ್ಜೆಂಟೀನಾ
ವಿಶ್ವದೆಲ್ಲೆಡೆ ಫಿಫಾ ಫೀವರ್ ಜೋರಾಗಿದೆ. ಫೈನಲ್ನಲ್ಲಿ ಅರ್ಜೆಂಟೀನಾ ಮತ್ತು ಸ್ಪೇನ್ ತಂಡಗಳು ಮುಖಾಮುಖಿಯಾಗಲಿವೆ. ಈ ಫೈನಲ್ ಫೈಟ್ಗೆ ಕೌಂಟ್ಡೌನ್ ಶುರುವಾಗಿದ್ದು, ಅಭಿಮಾನಿಗಳ ಕಣ್ಣು ಲಿಯೋನಲ್ ಮೆಸ್ಸಿ ಮೇಲಿದೆ. ಯಾಕೆಂದರೆ ಈ ಬಾರಿ ಗೋಲ್ಡನ್ ಬೂಟ್ ಮೆಸ್ಸಿಗೆ ಸಿಗೋದು ಅನ್ನೋ ಲೆಕ್ಕಾಚಾರ ಜೋರಾಗಿಯೇ ಸಾಗಿದೆ. ಆದರೆ, ಅಚ್ಚರಿಯೆಂಬಂತೆ ಈ ಬಾರಿ ಫ್ರಾನ್ಸ್ನ ಸ್ಟಾರ್ ಆಟಗಾರ ಎಂಬಾಪೆ 8 ಗೋಲುಗಳೊಂದಿಗೆ ಗೋಲ್ಡನ್ ಬೂಟ್ ರೇಸ್ನಲ್ಲಿ ಮುಂಚೂಣಿಯಲ್ಲಿದ್ದಾರೆ.
ವಿಶ್ವಕಪ್ ಕೈತಪ್ಪಿರುವ ನಿರಾಶೆಯಲ್ಲಿರುವ ಫ್ರಾನ್ಸ್ ಈಗ 3ನೇ ಸ್ಥಾನಕ್ಕಾಗಿ ಇಂಗ್ಲೆಂಡ್ ವಿರುದ್ಧ ಸೆಣಸಲಿದೆ. ಫಿಫಾ ವಿಶ್ವಕಪ್ ಫೈನಲ್ಗೇರದಿದ್ದರೂ ಕೀಲಿಯನ್ ಎಂಬಾಪೆ ಈಗಲೂ ಗೋಲ್ಡನ್ ಬೂಟ್ ರೇಸ್ನಲ್ಲಿ ಮುಂಚೂಣಿಯಲ್ಲಿದ್ದಾರೆ. ಅವರು 8 ಗೋಲು ಬಾರಿಸಿದ್ದು, 3 ಬಾರಿ ಗೋಲು ಗಳಿಸಲು ನೆರವು ನೀಡಿದ್ದಾರೆ. ಇಂಗ್ಲೆಂಡ್ ವಿರುದ್ಧ ಸೆಮಿಫೈನಲ್ಗೂ ಮುನ್ನ ಲಿಯೋನಲ್ ಮೆಸ್ಸಿ 8 ಗೋಲು ಗಳಿಸಿದ್ದು, 2 ಅಸಿಸ್ಟ್ ನೀಡಿದ್ದಾರೆ. ಅವರು ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದ್ದಾರೆ. ಇವರಿಬ್ಬರೂ ಟೂರ್ನಿಯಲ್ಲಿ ಇನ್ನೊಂದು ಪಂದ್ಯಗಳನ್ನಾಡಲಿದ್ದಾರೆ.
ಈ ಬಾರಿ ವಿಶ್ವಕಪ್ನ ಶ್ರೇಷ್ಠ ಆಟಗಾರ ಎಂದೇ ಹೊರಹೊಮ್ಮಿರುವ ಎಂಬಾಪೆಗೂ ಗೋಲ್ಡನ್ ಬೂಟ್ ಸಿಗುವ ಸಾಧ್ಯತೆಯೂ ಹೆಚ್ಚಾಗಿದೆ. ಆದರೆ, ಈ ಬಾರಿ ಗೋಲ್ಡನ್ ಬೂಟ್ ಪಡೆಯೋದು ಮೆಸ್ಸಿ ಅನ್ನೋ ಲೆಕ್ಕಾಚಾರ ಕೂಡಾ ಜೋರಾಗಿಯೇ ಸಾಗಿದೆ.
