ನೋಡಿರಿ
ನಿಮ್ಮ ಮಗು ಅಳುವುದಿಲ್ಲವಾ? – ಸಣ್ಣ ಮಕ್ಕಳು ಅಳದೇ ಇದ್ರೆ ಈ ಸಮಸ್ಯೆ ಫಿಕ್ಸ್!
ಸಣ್ಣ ಮಗು ಅಳುವುದು ಕಾಮನ್. ಆದ್ರೆ ಕೆಲವು ಮಕ್ಕಳು ದಿನವಿಡಿ ಅಳುತ್ತಿರುತ್ತವೆ. ಆದ್ರೆ ಕೆಲ ಮಕ್ಕಳು ಅಳುವುದೇ ಇಲ್ಲ. ಮೊದಲ ಸಲ ತಾಯಂದಿರಾದ ಮಹಿಳೆಯರಿಗೆ ಇದು ತುಂಬಾ ಕಠಿಣ ಸಮಯ. ಯಾಕೆಂದರೆ ಮಗು ಯಾಕೆ ಅಳುವುದಿಲ್ಲ ಅನ್ನೋದು ಗೊತ್ತಾಗಲ್ಲ.
ಇದನ್ನೂ ಓದಿ: ಬಿಹಾರದ ನೂತನ ಮುಖ್ಯಮಂತ್ರಿ ಸಾಮ್ರಾಟ್ ಚೌಧರಿ ಆಯ್ಕೆ!
ಕೆಲವು ಮಕ್ಕಳು ಅತಿಯಾಗಿ ಅಳುತ್ತಿದ್ದರೆ, ಇನ್ನು ಕೆಲವು ಮಕ್ಕಳು ಅಳುವುದನ್ನೇ ಕಡಿಮೆ ಮಾಡಿರುತ್ತವೆ. ಇದು ಕೂಡ ತಾಯಂದಿರಿಗೆ ತಲೆನೋವಾಗಿರುವುದು. ಮಗು ಅಳುತ್ತಿಲ್ಲ ಯಾಕೆ ಎಂದು ಅನೇಕ ತಾಯಂದಿರು ತಲೆ ಕೆಡಿಸಿಕೊಂಡಿರುತ್ತಾರೆ. ಅಷ್ಟಕ್ಕೂ ಮಗು ಅಳದೇ ಇರುವುದಕ್ಕೆ ಕಾರಣವಿದೆ.
ನವಜಾತ ಶಿಶು ಅಳದೇ ಇರಲು ಕಾರಣಗಳು
ಮಗುವಿಗೆ ಕಿವಿ ಕೇಳುವುದಿಲ್ಲವೇ ಅಥವಾ ಬೇರೆ ಏನಾದರೂ ಸಮಸ್ಯೆಗಳು ಇದೆಯಾ ಎಂದು ಪೋಷಕರಿಗೆ ತುಂಬಾ ಅಚ್ಚರಿ ಆಗಬಹುದು. ಆದರೆ ಮಗು ಜನನದ ಬಳಿಕ ಅಳದೇ ಇದ್ದರೆ ಅದರಿಂದ ನೀವು ಗಲಿಬಿಲಿಗೊಳ್ಳಬಹುದು. ಆದರೆ ನಾವು ನಿಮಗೆ ಇಲ್ಲಿ ಉತ್ತರ ನೀಡುತ್ತಿದ್ದೇವೆ. ಜನನದ ವೇಳೆ ಎಲ್ಲಾ ಮಕ್ಕಳು ಅಳುತ್ತವೆ.
ನೈಸರ್ಗಿಕವಾಗಿ ಜನನದ ವೇಳೆ ಅತಿಯಾಗಿ ಮಗುವಿನ ಮೇಲೆ ಕೂಡ ಒತ್ತಡ ಬೀಳುವ ಕಾರಣದಿಂದಾಗಿ ಅಳುವುದು ಸಹಜ. ನವಜಾತ ಶಿಶುಗಳು ಅಳದೇ ಇರಲು ಕೆಲವು ಕಾರಣಗಳು ಇವೆ. ಬೇರೆ ಮಕ್ಕಳಿಗಿಂತ ಈ ಮಕ್ಕಳು ಹೆಚ್ಚು ನಿದ್ರಿಸುತ್ತಿರಬಹುದು ಅಥವಾ ಶಾಂತವಾಗಿರಬಹುದು. ಸಿಸೇರಿಯನ್ ಆದ ಮಕ್ಕಳು ಅಳುವುದಕ್ಕಿಂತ ಹೆಚ್ಚು ಕೆಮ್ಮಬಹುದು. ಇದರ ಬಗ್ಗೆ ವೈದ್ಯರು ಅಥವಾ ನರ್ಸ್ ನೋಡಿಕೊಳ್ಳಬಹುದು. ಆದರೆ ಅಳದೆ ಇರುವುದು ಕೂಡ ಮಕ್ಕಳಲ್ಲಿನ ಆರೋಗ್ಯ ಸಮಸ್ಯೆಯ ಸೂಚನೆಗಳಾಗಿವೆ.
ಮಗು ಅಳದೇ ಇದ್ದರೆ ಮತ್ತು ವೈದ್ಯರು ಎಲ್ಲವೂ ಸರಿಯಾಗಿಯೇ ಇದೆ ಎಂದು ಹೇಳಿದರೆ ಆಗ ಮಗು ಈಗಲೂ ಅಳಲು ಕಲಿಯುತ್ತಿದೆ ಎಂದು ನೀವು ತಿಳಿಯಬೇಕು. ನವಜಾತ ಶಿಶುಗಳಲ್ಲಿ ಕೆಲವು ಮಕ್ಕಳು ತಮ್ಮ ಭಾವನೆಗಳನ್ನು ವ್ಯಕ್ತಪಡಿಸಲು ತುಂಬಾ ಕಷ್ಟಪಡಬಹುದು. ಆದರೆ ಮಗು ಅಳದೆ ಇದ್ದರೆ, ಆಗ ಎಲ್ಲವೂ ಸರಿಯಾಗಿದೆ ಎಂದು ನೀವು ತಿಳಿಯಬಾರದು.
ನವಜಾತ ಶಿಶು ಅಳದೇ ಇದ್ದರೆ ಏನು ಮಾಡಬೇಕು?
ಯಾವುದೇ ರೀತಿಯ ಅಸಹಜತೆಗಳು ಇರುವುದನ್ನು ತಳ್ಳಿ ಹಾಕಲು ಆಗದೇ ಇರುವ ಕಾರಣದಿಂದಾಗಿ ನರರೋಗ ತಜ್ಞರು ಕೆಲವು ಪರೀಕ್ಷೆಗಳನ್ನು ಮಾಡುವರು. ಅವುಗಳು ಈ ರೀತಿಯಾಗಿ ಇದೆ.
ಹೃದಯ ಬಡಿತ, ಚರ್ಮದ ಬಣ್ಣ, ಉಸಿರಾಟ, ಪ್ರತಿಫಲನ, ಮಾಂಸಖಂಡದ ಬಣ್ಣ.
ವರದಿಯ ಬಳಿಕ ವೈದ್ಯರು ಮಗುವಿಗೆ ಆಮ್ಲಜನಕ ನೀಡಬೇಕೇ ಅಥವಾ ಬೇಡವೇ ಎಂದು ನಿರ್ಧರಿಸುವರು. ನವಜಾತ ಶಿಶುವು ತಕ್ಷಣವೇ ಅಳದೇ ಇದ್ದರೆ ಆಗ ನೀವು ಆರಾಮವಾಗಿದ್ದುಕೊಂಡು ಎಲ್ಲವನ್ನು ಪರೀಕ್ಷೆ ಮಾಡಲು ಅನುವು ಮಾಡಿಕೊಡಿ.
ಮಗುವಿನ ಭಾವನೆ ತಿಳಿಯುವುದು ಹೇಗೆ ಮತ್ತು ಇದಕ್ಕೆ ಏನು ಮಾಡಬೇಕು?
ಮಗು ಅಳದೇ ಇದ್ದರೆ ಆಗ ನೀವು ಮಗುವಿನ ಚಲನೆ ಮತ್ತು ಸಂಜ್ಞೆಗಳನ್ನು ಬೇಗನೆ ತಿಳಿಯಬೇಕು. ಮಗುವಿನ ಬೇಡಿಕೆಗಳು ಏನು ಮತ್ತು ಅದರ ನಿದ್ರೆಯ ಸಮಯ, ಹಾಲಿನ ಸಮಯ ಮತ್ತು ಮೂತ್ರ ವಿಸರ್ಜನೆ ವೇಳೆ ಡೈಪರ್ ಬದಲಾಯಿಸುವ ಬಗ್ಗೆ ಗಮನ ನೀಡಬೇಕು. ಮಗುವಿನೊಂದಿಗೆ ತಾಯಿಯು ತುಂಬಾ ಆಳವಾಗಿ ಸಂಬಂಧ ಬೆಸೆದುಕೊಂಡಿರುವ ಕಾರಣದಿಂದಾಗಿ ಆಕೆಗೆ ಇದೆಲ್ಲವೂ ಅರ್ಥವಾಗುವುದು.
ಮಗು ಅಳದೇ ಇದ್ದರೆ ಅಥವಾ ಕಣ್ಣೀರು ಸುರಿಸದೆ ಇದ್ದರೆ ಆಗ ನೀವು ಈ ಸಂಜ್ಞೆಗಳಿಂದ ಗುರುತಿಸಲು ಪ್ರಯತ್ನಿಸಿ. ಆದರೂ ಮಗು ಅಳದೇ ಇರುವುದು ಅಸಾಮಾನ್ಯ ಎಂದು ನಿಮಗೆ ಅನಿಸಿದರೆ ಆಗ ನೀವು ವೈದ್ಯರನ್ನು ಭೇಟಿ ಮಾಡುವುದು ಒಳ್ಳೆಯದು.
