ಪಡಿಕ್ಕಲ್ ಫೈಯರ್.. ಡೇವಿಡ್ ಡೇಂಜರ್ – ₹11 ಕೋಟಿ ವೀರರೇ ಮ್ಯಾಚ್ ವಿನ್ನರ್ಸ್
SMART ಬಿಡ್ಡಿಂಗ್ ನಲ್ಲೇ ಗೆದ್ದ RCB

2025ರ ಮೆಗಾ ಆಕ್ಷನ್​ನಲ್ಲಿ 27 ಕೋಟಿವರೆಗೆ ಬಿಡ್.. 2026ರ ಐಪಿಎಲ್ ಮಿನಿ ಆಕ್ಷನ್​ನಲ್ಲಿ 25 ಕೋಟಿಯನ್ನೂ ಮೀರಿದ ಬಿಡ್.. ಹೀಗೆ ಐಪಿಎಲ್​ನಲ್ಲಿ ಕೆಲ ಪ್ಲೇಯರ್ಸ್ ತುಂಬಾನೇ ಎಕ್ಸ್​ಪೆನ್ಸಿವ್ ಆಗಿಬಿಟ್ಟಿದ್ದಾರೆ. ಒಂದೊಂದು ಪಂದ್ಯಕ್ಕೂ ಕೋಟಿ ಕೋಟಿ ಸಂಭಾವನೆ ಪಡೀತಿದ್ದಾರೆ.. ಆದ್ರೆ ಆ ಕೋಟಿಗೆ ತಕ್ಕಂತೆ ಪರ್ಫಾಮ್ ಮಾಡ್ತಿದ್ದಾರಾ ಅಂದ್ರೆ ಕೆಲವ್ರು ಓಕೆ ಇನ್ನೂ ಕೆಲವ್ರದ್ದು ಫ್ಲ್ಯಾಪ್ ಶೋ. ಹೀಗೆ ಎದ್ವಾತದ್ವಾ ಹಣ ಸುರಿದ ಫ್ರಾಂಚೈಸಿಗಳು ಕೈಕೈ ಹಿಸುಕಿಕೊಳ್ತಿದ್ರೆ ಆರ್​ಸಿಬಿ ಕಡಿಮೆ ದುಡ್ಡಲ್ಲೇ ಕ್ವಾಲಿಟಿ ಪ್ಲೇಯರ್​ಗಳನ್ನೇ ಪಿಕ್ ಮಾಡಿ ಗೆದ್ದು ಬೀಗ್ತಿದೆ. ಅದ್ರಲ್ಲೂ 11.1 ಕೋಟಿಯಲ್ಲೇ ಈ ಐದು ಪ್ಲೇಯರ್​ಗಳು ಮ್ಯಾಚ್ ವಿನ್ನಿಂಗ್ ಪರ್ಫಾಮೆನ್ಸ್ ನೀಡಿದ್ದಾರೆ.

ಇದನ್ನೂ ಓದಿ : ನಮ್ಮ ಮೆಟ್ರೋ ಹಳದಿ ಮಾರ್ಗದ ಪ್ರಯಾಣಿಕರಿಗೆ ಗುಡ್‌ನ್ಯೂಸ್!‌ – ಇನ್ಮುಂದೆ ಪ್ರತಿ 5 ನಿಮಿಷಕ್ಕೊಂದು ರೈಲು ಸಂಚಾರ!

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಈ ಸೀಸನ್​ನ ಸಾಲಿಡ್ ಆಗೇ ಸ್ಟಾರ್ಟ್ ಮಾಡಿದೆ. ಮುಂಬೈ ವಿರುದ್ಧ ಇವತ್ತು ಹೈವೋಲ್ಟೇಜ್ ಮ್ಯಾಚ್ ನಡೆಯಲಿದೆ. ಮೊದಲ ಎರಡು ಪಂದ್ಯಗಳಲ್ಲಿ ಭರ್ಜರಿಯಾಗಿ ಗೆದ್ದಿದ್ದ ಬೆಂಗಳೂರು ಟೀಂ ಮೂರನೇ ಮ್ಯಾಚಲ್ಲಿ ರಾಜಸ್ಥಾನ ವಿರುದ್ಧ ಸೋತಿದೆ. ಆದ್ರೆ ಟಫ್ ಫೈಟ್ ಕೊಟ್ಟೇ ಸೋತಿದೆ. ಇಂಟ್ರೆಸ್ಟಿಂಗ್ ಅಂದ್ರೆ ಆರ್​ಸಿಬಿಯ ಈ ಸಕ್ಸಸ್​ಫುಲ್ ಜರ್ನಿಗೆ ಕಾರಣವೇ ಫ್ರಾಂಚೈಸಿಯ ಸ್ಮಾರ್ಟ್ ಮೂವ್. ಬೇರೆಲ್ಲಾ ತಂಡಗಳ ಮಾಲೀಕರು ಸ್ಟಾರ್ ಪ್ಲೇಯರ್ಸ್ ಅಂತಾ ಇದ್ದಬದ್ದ ದುಡ್ಡನ್ನೆಲ್ಲಾ ಒಬ್ಬೊಬ್ರ ಮೇಲೇ ಇನ್ವೆಸ್ಟ್ ಮಾಡಿದ್ರು. ಆದ್ರೆ ಬೆಂಗಳೂರು ಮಾತ್ರ ಟ್ಯಾಲೆಂಟೆಡ್ ಪ್ಲೇಯರ್​ಗಳ ಮೇಲೆ ಬಿಡ್ ಮಾಡಿತ್ತು. ಅದೂ ಕೂಡ ಕಡಿಮೆ ಮೊತ್ತಕ್ಕೆ. ಅದ್ರಂತೆ ಈಗ 11 ಕೋಟಿಯ ಆಟಗಾರರೇ ಬೆಂಗಳೂರು ಗೆಲುವಿಗೆ ಕಾರಣ ಆಗ್ತಿದ್ದಾರೆ. ಬೇರೆ ಬೇರೆ ತಂಡಗಳ ದುಬಾರಿ ಆಟಗಾರರಿಗಿಂತ ಹತ್ತು ಪಟ್ಟು ಬೆಟರ್ ಪರ್ಫಾಮೆನ್ಸ್ ನೀಡ್ತಿದ್ದಾರೆ.

ಟಿಮ್ ಡೇವಿಡ್ ಮತ್ತು ಪಡಿಕ್ಕಲ್ ಬ್ಯಾಟಿಂಗ್ ಇಂಪ್ಯಾಕ್ಟ್!

ಆರ್​ಸಿಬಿ ಪರ ಮೊದಲ ಎರಡು ಪಂದ್ಯಗಳಲ್ಲಿ ಮ್ಯಾಚ್ ವಿನ್ನಿಂಗ್ ಪರ್ಫಾಮೆನ್ಸ್ ಬಂದಿದ್ದೇ ಇವ್ರಿಂದ. ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ, ಟಿಮ್ ಡೇವಿಡ್ ಮತ್ತು ದೇವದತ್ ಪಡಿಕ್ಕಲ್ ಆರ್‌ಸಿಬಿ ತಂಡದ ಗೆಲುವಿನಲ್ಲಿ ಬಿಗ್ ರೋಲ್ ಪ್ಲೇ ಮಾಡಿದ್ರು. ಇಬ್ಬರೂ ಅರ್ಧಶತಕಗಳನ್ನು ದಾಖಲಿಸಿ ತಂಡವನ್ನು ಅದ್ಭುತ ಸ್ಕೋರ್​ನತ್ತ ಸಾಗಿಸಿದ್ರು. ಪಡಿಕ್ಕಲ್ 29 ಎಸೆತಗಳಲ್ಲಿ 50 ರನ್ ಗಳಿಸಿ ಒಳ್ಳೆ ಸ್ಟಾರ್ಟ್ ಕೊಟ್ಟಿದ್ರು. ಅತ್ತ ಟಿಮ್ ಡೇವಿಡ್ ಕೇವಲ 25 ಎಸೆತಗಳಲ್ಲಿ ಅಜೇಯ 70 ರನ್ ಗಳಿಸುವ ಮೂಲಕ 250 ಸ್ಕೋರ್​ ಆಗುವಂತೆ ಮಾಡಿದ್ರು. ಇಂಟ್ರೆಸ್ಟಿಂಗ್ ಅಂದ್ರೆ ಆರ್​ಸಿಬಿ ಫ್ರಾಂಚೈಸಿ ಟಿಮ್ ಡೇವಿಡ್​ರನ್ನ 2025ರ ಮೆಗಾ ಹರಾಜಿನಲ್ಲಿ 3 ಕೋಟಿಗೆ ಖರೀದಿ ಮಾಡಿದೆ. ಌಂಡ್ ಪಡಿಕ್ಕಲ್ ಗೆ 2 ಕೋಟಿ ರೂಪಾಯಿ ಸಂಭಾವನೆ ನೀಡ್ತಿದೆ. ಇಬ್ಬರೂ ಕೂಡ ಪವರ್ ಹಿಟ್ಟಿಂಗ್ ಬ್ಯಾಟಿಂಗ್​ಗೆ ಹೆಸರಾಗಿದ್ದು ಇಬ್ಬರಿಂದ ಕೊಡ್ತಿರೋದೇ 5 ಕೋಟಿ ಸಂಭಾವನೆ.

ಜೇಕಬ್ ಡಫಿ ಮತ್ತು ಶೆಫರ್ಡ್ ಬೌಲಿಂಗ್ ಬೊಂಬಾಟ್!

ಇನ್ನು ಈ ಸೀಸನ್​ನಲ್ಲಿ ಆರ್​ಸಿಬಿ ಸೂಪರ್ ಸ್ಟಾರ್ಟ್ ಹಿಂದಿನ ಅತಿದೊಡ್ಡ ಶಕ್ತಿಯೇ ಜೇಕಬ್ ಡಫಿ. ನ್ಯೂಜಿಲೆಂಡ್ ಮೂಲದ ಡಫಿ ಪವರ್ ಪ್ಲೇನಲ್ಲೇ ವಿಕೆಟ್ ಟೇಕರ್ ಎದುರಾಳಿ ಟಾಪ್ ಆರ್ಡರ್ ಬ್ಯಾಟಿಂಗ್​ನ ಕಟ್ಟಿ ಹಾಕ್ತಿದ್ದಾರೆ. 2026ರ ಐಪಿಎಲ್​ಗೂ ಮುನ್ನ ನಡೆದಿದ್ದ ಐಪಿಎಲ್ ಮಿನಿ ಆಕ್ಷನ್​ನಲ್ಲಿ ಆರ್​ಸಿಬಿ ಖರೀದಿ ಮಾಡಿದ್ದ ಜೇಕಬ್ ಡಫಿ ಹೈದರಾಬಾದ್ ವಿರುದ್ಧದ ಆರಂಭಿಕ ಪಂದ್ಯದಲ್ಲಿ ತಮ್ಮ 4 ಓವರ್‌ಗಳ ಸ್ಪೆಲ್‌ನಲ್ಲಿ 22 ರನ್‌ಗಳಿಗೆ 3 ವಿಕೆಟ್‌ಗಳನ್ನು ಪಡೆಯುವ ಮೂಲಕ SRH ಬ್ಯಾಟಿಂಗ್ ಲೈನಪ್​ನೇ ಕಟ್ಟಿಹಾಕಿದ್ರು. ಇನ್ನು ಸಿಎಸ್​ಕೆ ವಿರುದ್ಧದ ಮ್ಯಾಚಲ್ಲಿ ಎಕ್ಸ್​ಪೆನ್ಸಿವ್ ಅನ್ಸಿದ್ರೂ ಇಬ್ಬರು ಓಪನರ್​ಗಳಿಗೆ ಪೆವಿಲಿಯನ್ ದಾರಿ ತೋರಿಸಿತ್ತು. ಇನ್ನು ಆರ್​ಸಿಬಿ ಪರ ಒಂದೂವರೆ ಕೋಟಿ ರೂಪಾಯಿ ಸಂಭಾವನೆ ಪಡೀತಿರೋ ರೊಮಾರಿಯೊ ಶೆಫರ್ಡ್ ಫಸ್ಟ್ ಮ್ಯಾಚಲ್ಲಿ ತಮ್ಮ 4 ಓವರ್‌ಗಳಲ್ಲಿ 3 ವಿಕೆಟ್‌ಗಳನ್ನು ಬೇಟೆಯಾಡಿದ್ರು. ಸೋ ಅಲ್ಲಿಗೆ ಇವ್ರಿಬ್ರು ಸ್ಟಾರ್ ಪ್ಲೇಯರ್ಸ್ ಪಡೀತಾ ಇರೋ ಸಂಭಾವನೆ ಮೂರೂವರೆ ಕೋಟಿ ರೂಪಾಯಿ ಮಾತ್ರ.

ಇಂಗ್ಲೆಂಡ್ ನ ಸ್ಟಾರ್ ಬ್ಯಾಟರ್ ಬೆಥೆಲ್ ಗೆ 2.60 ಕೋಟಿ!

ಇನ್ನು ಇಷ್ಟೇ ಅಲ್ಲದೆ ಆರ್​ಸಿಬಿಯ ಮತ್ತೊಂದು ಪವರ್​ಫುಲ್ ಬಿಡ್ಡಿಂಗ್ ಅಂದ್ರೆ ಇಂಗ್ಲೆಂಡ್​ನ ಸ್ಟಾರ್ ಬ್ಯಾಟರ್ ಜಾಕೋಬ್ ಬೆಥೆಲ್ ಕೂಡ ಕೇವಲ 2.60 ಕೋಟಿ ರೂ.ಗೆ ಆರ್​ಸಿಬಿ ಪಾಲಾಗಿದ್ದರು. ಟಿ-20 ವಿಶ್ವಕಪ್​ನಲ್ಲಿ ಅಬ್ಬರಿಸಿದ್ದ ಬೆಥೆಲ್​ಗೆ ಆರ್​ಸಿಬಿ ಪರ ಬ್ಯಾಟಿಂಗ್​ ಆಡಿಸೋಕೆ ಸಾಧ್ಯವಾಗ್ತಿಲ್ಲ. ಆದ್ರೆ ಫೀಲ್ಡಿಂಗ್​ನಲ್ಲಿ ಅವಕಾಶ ನೀಡಲಾಗ್ತಿದೆ. ಆಲ್ರೆಡಿ ತಂಡದ ಪರ ಅದ್ಭುತವಾಗಿ ಫೀಳ್ಡಿಂಗ್ ಮಾಡ್ತಾ ಕ್ರೂಶಿಯಲ್ ಕ್ಯಾಚ್​ಗಳನ್ನೂ ಹಿಡಿದು ಸೈ ಎನಿಸಿಕೊಳ್ತಿದ್ದಾರೆ. ಪ್ಲೇಯಿಂಗ್ 11ನಲ್ಲಿ ಅವಕಾಶ ಸಿಕ್ರೆ ಬೌಲರ್​ಗಳನ್ನ ಬೆಂಡೆತ್ತೋಕೆ ರೆಡಿ ಇದ್ದಾರೆ. ಬಟ್ ಫ್ರಾಂಚೈಸಿಗೆ ಬೆಥೆಲ್​ರನ್ನ ಆಡ್ಸೋಕೇ ಸ್ಲಾಟ್ ಸಿಗ್ತಿಲ್ಲ ಅಷ್ಟೇ. ಸೋ ಅಲ್ಲಿಗೆ ಈ ಐವರೂ ಕೂಡ ಸೂಪರ್ ಸ್ಟ್ರಾಂಗ್ ಪ್ಲೇಯರ್​ಗಳೇ. ಬಟ್ ಎಲ್ಲರನ್ನೂ ಸೇರಿಸಿ ಫ್ರಾಂಚೈಸಿ ಕೊಡ್ತಿರೋದು 11.1 ಕೋಟಿ ಮಾತ್ರ. ಸಮ್​ಟೈಮ್ಸ್ ಇವ್ರು ತಗೊಳ್ಳೋ ಸಂಭಾವನೆಯನ್ನೂ ಮೀರಿದ ಪರ್ಫಾಮೆನ್ಸ್ ನೀಡ್ತಿದ್ದಾರೆ ಅನ್ನಿಸದೆ ಇರಲ್ಲ. ಇದನ್ನ ನೋಡಿದಾಗ್ಲೇ ಗೊತ್ತಾಗುತ್ತೆ ಬೆಂಗಳೂರು ಟೀಮ್​ನ ಸಕ್ಸಸ್ ಏನು ಅನ್ನೋದು.