‘ಪ್ಯಾಂಟ್ ಬಿಚ್ಚು ಅಂತಾ ನಾವ್ ಹೇಳಿದ್ವಾ’ – ಡಿಕೆಶಿ & ರಮೇಶ್ ಜಾರಕಿಹೊಳಿ ನಡುವೆ ‘ಸಿಡಿ’ ಫೈಟ್!

‘ಡಿ.ಕೆ ಶಿವಕುಮಾರ್ ನನ್ನ ವೈಯಕ್ತಿಕ ಜೀವನ ಹಾಳು ಮಾಡಿದ್ದಾನೆ. ಅದನ್ನ ಗಟ್ಟಿಯಾಗಿ ನಿಂತು ಎದುರಿಸಿ ಹೊರ ಬಂದಿದ್ದೇನೆ. ಸಿಡಿ ಕೇಸ್ ಸಿಬಿಐಗೆ ಕೊಡಿಸುತ್ತೇನೆ. ಸಿಡಿಯಲ್ಲಿ ಮಹಾನಾಯಕನ ಕೈವಾಡ ಇದೆ ಅನ್ನೋದಕ್ಕೆ ಸಾಕ್ಷಿಗಳು ಇವೆ ಎಂದು ಮಾಜಿ ಸಚಿವ ರಮೇಶ್ ಜಾರಕಿಹೊಳಿ ಗಂಭೀರ ಆರೋಪ ಮಾಡಿದ್ದಾರೆ.

ಇದನ್ನೂ ಓದಿ : ಹಣದ ಆಮಿಷ.. ಕುಕ್ಕರ್ ಕಾಳಗ – ರಾಜ್ಯ ರಾಜಕೀಯದಲ್ಲಿ ಗಿಫ್ಟ್ ಪಾಲಿಟಿಕ್ಸ್..!

ಬೆಳಗಾವಿಯಲ್ಲಿ ಸುದ್ದಿಗೋಷ್ಠಿ ನಡೆಸಿದ ರಮೇಶ್ ಜಾರಕಿಹೊಳಿ ’40 ಕೋಟಿ ಖರ್ಚು ಮಾಡಿ ರಮೇಶ್ ಜಾರಕಿಹೊಳಿಯನ್ನ ಸಿಡಿ ಕೇಸ್​ನಲ್ಲಿ ಸಿಲುಕಿಸಿದ್ದೇನೆ ಎಂದು ಡಿಕೆ ಶಿವಕುಮಾರ್ ಮಾತನಾಡಿರುವ ಸಂಭಾಷಣೆ ನನಗೆ ಸಿಕ್ಕಿದೆ. ಸಿಡಿ ಕೇಸ್​ನ ಇಬ್ಬರು ಪ್ರಮುಖ ಆರೋಪಿಗಳು ಶಿರಾ ಮತ್ತು ದೇವನಹಳ್ಳಿ ಮೂಲದವರು. ದೇವನಹಳ್ಳಿ ಮೂಲದವನ ಮನೆ ಮೇಲೆ ದಾಳಿ ನಡೆಸಿದಾಗ ಆತನ ಮನೆಯಲ್ಲಿ 90ರಿಂದ 110 ಸಿಡಿಗಳು ಸಿಕ್ಕಿವೆ. ಆತನ ಮನೆ ಮೇಲೆ ದಾಳಿ ಮಾಡಲು ಹೋದ ಅಧಿಕಾರಿಯ ಸಿಡಿಯೂ ಅದರಲ್ಲಿದೆ’ ಎಂದಿದ್ದಾರೆ.

ಸಿಡಿ ಕೇಸ್ ಸಂಬಂಧ ಮುಂದಿನ ವಾರ ದೆಹಲಿಗೆ ತೆರಳಿ ಅಮಿತ್ ಶಾರನ್ನ ಭೇಟಿಯಾಗುತ್ತೇನೆ. ತನಿಖೆಯನ್ನ ಸಿಬಿಐಗೆ ಕೊಟ್ಟು ಮಹಾನಾಯಕನ ಬಣ್ಣ ಪೂರ್ತಿ ಕಳಚಬೇಕು, ಅವನಿಗೆ ಬುದ್ಧಿ ಕಲಿಸಬೇಕು ಎಂದು ವಾಗ್ದಾಳಿ ನಡೆಸಿದ್ದಾರೆ. ಹಾಗೇ ಇಂಥ ನೂರು ಸಿಡಿ ಬಂದ್ರೂ ನಾನು ಹೆದರಲ್ಲ. ಡಿಕೆಶಿಗೆ ನನ್ನ ಕಂಡ್ರೆ ಭಯ ಇದೆ. ನಾನೊಬ್ಬನೇ ಅವನನ್ನ ಎದುರಿಸುವ ವ್ಯಕ್ತಿ ಅನ್ನೋ ಭಯ ಇದೆ. ಇಂಥಾ ನೂರು ಸಿಡಿ ಬಂದ್ರೂ ನಾನು ಹೆದರಲ್ಲ. ಇನ್ನೂ ನೂರು ಸಿಡಿ ಹೊರಬರಲಿ ಎಂದು ರಮೇಶ್ ಜಾರಕಿಹೊಳಿ ಆಕ್ರೋಶ ಹೊರ ಹಾಕಿದ್ದಾರೆ.

ರಮೇಶ್ ಜಾರಕಿಹೊಳಿ ಆರೋಪಕ್ಕೆ ತಿರುಗೇಟು ಕೊಟ್ಟಿರೋ ಡಿಕೆಶಿ ‘ಅವನು ನಮ್ಮ ಕಾಂಗ್ರೆಸ್ ಪಾರ್ಟಿಯನ್ನೇ ಹಾಳು ಮಾಡಿದ್ದಾನೆ. ನಮ್ಮ ಸರ್ಕಾರ ತೆಗೆದಿದ್ದೇ ನಾನು ಅಂತಾ ಹೇಳಿದ್ನಲ್ಲ ಇದಕ್ಕೆಲ್ಲಾ ಏನು ಉತ್ತರ. ಅವನಿಗೆ ಪ್ಯಾಂಟ್ ಬಿಚ್ಚು ಅಂತಾ ಹೇಳಿದ್ವಾ. ನಾನು ಹೇಳಿಕೊಟ್ಟಿದ್ದೆನಾ ನಿನಗೆ ಪ್ಯಾಂಟ್ ಬಿಚ್ಚು ಅಂತಾ. ಇದು ರಾಜಕಾರಣ. ಅವನಿಗೆ ಲಂಚ ಹೊಡಿ ಅಂತಾ ಹೇಳಿದ್ವಾ? 6 ಸಾವಿರ ರೂಪಾಯಿ ವೋಟ್​ಗೆ ಕೊಡು ಅಂದಿದ್ವಾ? ಯಾವ ತನಿಖೆ ಬೇಕಾದ್ರೂ ನಡೆಸಲಿ ಏನ್ ಬೇಕಾದ್ರೂ ಮಾಡಿಕೊಳ್ಳಲಿ ಎಂದಿದ್ದಾರೆ. ಬೇಕಿದ್ರೆ ಸಿಡಿ ಕೇಸ್​ನ ಸಿಬಿಐಗೆ ಕೊಡೋಕೆ ಹೇಳಿ ಎಂದು ಟಾಂಗ್ ಕೊಟ್ಟಿದ್ದಾರೆ.