ಪ್ರಜ್ವಲ್ ರೇವಣ್ಣ ಅಶ್ಲೀಲ ವಿಡಿಯೋಗಳು ವೈರಲ್ – ಬಿಜೆಪಿ, ಕಾಂಗ್ರೆಸ್‌ ಲೀಡರ್‌ಗಳಿಗೆ ಕಂಟಕ!

ಇನ್ನೂ ಮಹತ್ವದ ವಿಚಾರ ಎಂದೆ ಈ ಚಾರ್ಜ್​​ಶೀಟ್​​ನಲ್ಲಿ ಕೆಲ ಪ್ರಭಾವಿಗಳ ಹೆಸರು ಉಲ್ಲೇಖವಾಗಿದೆ. ಬಿಜೆಪಿ ಮತ್ತು ಕಾಂಗ್ರೆಸ್​ ಕಾರ್ಯಕರ್ತರ ಹೆಸರು, ಸಚಿವರ ಆಪ್ತರ ಹೆಸರುಗಳು ಉಲ್ಲೇಖವಾಗಿದೆ. ಇದರಿಂದಾಗಿ ಈ ಪ್ರಕರಣದಲ್ಲಿ ಮತ್ತಷ್ಟು ದೊಡ್ಡ ಬೆಳವಣಿಗೆಯಾಗುವ ಸಾಧ್ಯತೆಗಳು ದಟ್ಟವಾಗಿದೆ. ಜೊತೆಗೆ ಪ್ರಭಾವಿಗಳಿಗೆ ಕಂಟಕ ಎದರಾಗುವ ಸಾಧ್ಯತೆ ಕೂಡ ಇದೆ.

 ಚಾರ್ಜ್ ಶೀಟ್‌ನಲ್ಲಿ ಮುಖ್ಯ ಆರೋಪಿಗಳು ಎಂದರೆ ಎ1 ನವೀನ್, ಎ2 ಪ್ರಜ್ವಲ್ ರೇವಣ್ಣ ಅವರ ಕಾರು ಚಾಲಕ ಕಾರ್ತಿಕ್ ಎನ್, ಎ3 ಚೇತನ್ ಬಿಸಿ, ಎ4 ಚೇತನ್ ವೈ ಎಸ್, ಎ5 ಲಿಖಿತ್ ಗೌಡ ಇವರೊಂದಿಗೆ ಇನ್ನೂ ಹಲವು ಮಂದಿ ಸೇರಿ ಒಟ್ಟು 39 ಆರೋಪಿಗಳ ವಿರುದ್ಧ ದೋಷಾರೋಪಣೆ ಮಾಡಲಾಗಿದೆ. ಇವರಲ್ಲಿ ಬಿಜೆಪಿ ಮತ್ತು ಕಾಂಗ್ರೆಸ್ ಎರಡೂ ಪಕ್ಷದ ಕಾರ್ಯಕರ್ತರ ಹೆಸರುಗಳು ಸೇರಿವೆ. ಬಿಜೆಪಿ ನಾಯಕ ಪ್ರೀತಂಗೌಡ ಮತ್ತು ಸಂಸದ ಶ್ರೇಯಸ್ ಅವರ ಅತ್ಯಾಪ್ತರ ವಿರುದ್ಧವೂ ಆರೋಪಗಳು ಸಾಬೀತಾಗಿವೆ ಎಂದು ತನಿಖಾ ತಂಡ ತಿಳಿಸಿದೆ.