ನೋಡಿರಿ
‘ಸುಭಾಷ್ಚಂದ್ರ ಬೋಸ್ ಎಡಪಂಥೀಯ.. BJP, RSS ನೇತಾಜಿ ಮನೋಭಾವವನ್ನು ಪ್ರತಿನಿಧಿಸಲ್ಲ’- ಅನಿತಾ ಬೋಸ್
ಜನವರಿ 23ರಂದು ಕೋಲ್ಕತ್ತಾದಲ್ಲಿ ನೇತಾಜಿ ಸುಭಾಷ್ಚಂದ್ರ ಬೋಸ್ ಹುಟ್ಟುಹಬ್ಬವನ್ನ ಅದ್ಧೂರಿಯಾಗಿ ಆಚರಿಸಲು ಆರ್ಎಸ್ಎಸ್ ನಿರ್ಧರಿಸಿದೆ. ಇದರ ಬೆನ್ನಲ್ಲೇ ಸುಭಾಷ್ಚಂದ್ರ ಬೋಸ್ರ ಪುತ್ರಿ ಅನಿತಾ ಬೋಸ್ ಮಹತ್ವದ ಹೇಳಿಕೆಯೊಂದನ್ನ ನೀಡಿದ್ದಾರೆ.
ಇದನ್ನೂ ಓದಿ: ಮೋದಿ ಕುರಿತ ವಿಮರ್ಶಾತ್ಮಕ ಸಾಕ್ಷ್ಯಚಿತ್ರ – ಟ್ವಿಟರ್, ಯೂಟ್ಯೂಬ್ ಪ್ರಸಾರಕ್ಕೆ ಕೇಂದ್ರ ನಿರ್ಬಂಧ!
ನೇತಾಜಿ ಎಡಪಂಥೀಯ ಸಿದ್ಧಾಂತವನ್ನು ಅನುಕರಿಸಿದ್ದರು. ನೇತಾಜಿಯ ಮೌಲ್ಯಗಳನ್ನ ಬಿಜೆಪಿ ಮತ್ತು ಆರ್ಎಸ್ಎಸ್ ಪ್ರತಿನಿಧಿಸಲ್ಲ ಎಂದಿದ್ದಾರೆ. ಸುಭಾಷ್ಚಂದ್ರಬೋಸ್ ಹಿಂದೂ ದೇವರನ್ನ ಪೂಜಿಸುತ್ತಿದ್ದರಾದರೂ ಎಲ್ಲಾ ಧರ್ಮಗಳನ್ನು ಕೂಡ ಗೌರವಿಸುತ್ತಿದ್ದರು. ಎಲ್ಲಾ ಧರ್ಮದವರ ಜೊತೆಗೆ ನೇತಾಜಿ ಬೆರೆಯುತ್ತಿದ್ದರು. ನೇತಾಜಿ ಬಲಪಂಥೀಯ ಅಂತಾ ನೀವು ಬಿಂಬಿಸೋಕೆ ಹೊರಟ್ಟಿದ್ದರೆ, ಅವರು ಎಡಪಂಥೀಯ ವ್ಯಕ್ತಿ ಅನ್ನೋದು ತಿಳಿದಿರಲಿ ಅಂತಾ ಸುಭಾಷ್ಚಂದ್ರ ಬೋಸ್ ಪುತ್ರಿ ಅನಿತಾ ಬೋಸ್ ಹೇಳಿದ್ದಾರೆ.
ಅಷ್ಟೇ ಅಲ್ಲ, ಕೆಲ ಸಂಘಟನೆಗಳು ಹುಟ್ಟುಹಬ್ಬವನ್ನು ಆಚರಿಸುವ ಮೂಲಕ ನೇತಾಜಿ ಪರಂಪರೆಯನ್ನು ದುರ್ಬಳಕೆ ಮಾಡಿಕೊಳ್ಳುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ. ಇನ್ನು ಆರ್ಎಸ್ಎಸ್ನ್ನ ನೇತಾಜಿ ಟೀಕೆ ಮಾಡಿರುವ ಸಾಧ್ಯತೆಯೂ ಇದೆ. ಹಾಗಂತಾ ಎಲ್ಲೂ ಕೂಡ ಅಂಥಾ ಯಾವುದೇ ಹೇಳಿಕೆಗಳನ್ನು ನಾನು ಓದಿಲ್ಲ. ಆದರೆ ಅವರು ಪಾಲಿಸುತ್ತಿದ್ದ ಸಿದ್ಧಾಂತಕ್ಕೂ ಆರ್ಎಸ್ಎಸ್ ಅನುಸರಿಸೋ ಸಿದ್ಧಾಂತಕ್ಕೂ ಸಾಕಷ್ಟು ವ್ಯತ್ಯಾಸ ಇದೆ ಅಂತಾ ನೇತಾಜಿ ಪುತ್ರಿ ಅನಿತಾ ಬೋಸ್ ಹೇಳಿದ್ದಾರೆ.
