ನೋಡಿರಿ
ಭಾರತದ ವಿರುದ್ಧ ಸೋಲು ಸಹಿಸದ ಪಿಸಿಬಿ – ಪಾಕಿಸ್ತಾನ ಆಟಗಾರರಿಗೆ ತಲಾ 50 ಲಕ್ಷ ರೂಪಾಯಿ ದಂಡ..!
ಟಿ20 ವಿಶ್ವಕಪ್ನಲ್ಲಿ ಸೋತ ಪಾಕಿಸ್ತಾನ ಕ್ರಿಕೆಟಿಗರಿಗೆ ಆಘಾತ ಎದುರಾಗಿದೆ. ಅದರಲ್ಲೂ ಭಾರತದ ವಿರುದ್ಧ ಸೋತ ಪಾಕಿಸ್ತಾನ ತಂಡದ ಆಟಗಾರರಿಗೆ ಮನಸೋ ಇಚ್ಛೆ ದಂಡ ವಿಧಿಸಲಾಗಿದೆ. ಸೋತರೆ ತಂಡಕ್ಕೆ ಬೆಲೆಯಿಲ್ಲ ಅನ್ನೋದನ್ನ ಪಿಸಿಬಿ ತೋರಿಸಿಕೊಟ್ಟಿರುವುದು ಭಾರೀ ಚರ್ಚೆಗೆ ಕಾರಣವಾಗಿದೆ.
ಇದನ್ನೂ ಓದಿ:ಫೀಲ್ಡಿಂಗ್ ಮರೆತ ಟೀಂ ಇಂಡಿಯಾ – ಕ್ಯಾಚ್ ಜೊತೆ ಟ್ರೋಫಿನೂ ಬಿಡ್ತಾರಾ?
ಪಾಕಿಸ್ತಾನ ಕ್ರಿಕೆಟ್ ತಂಡದ ಆಟಗಾರರು ರಾಷ್ಟ್ರಕ್ಕೋಸ್ಕರವೇ ಕ್ರಿಕೆಟ್ ಆಡಿದ್ದು. ಆದರೆ, ಅದರ ಪರಿಣಾಮ ಮಾತ್ರ ಇಷ್ಟು ಕಠಿಣವಾಗಿರುತ್ತೆ ಅಂತಾ ಸ್ವತಃ ಆಟಗಾರರು ಕೂಡಾ ಊಹಿಸಿರಲು ಸಾಧ್ಯವೇ ಇಲ್ಲ. ಯಾಕೆಂದರೆ, ಭಾರತ ವಿರುದ್ಧ ಸೋತ ಪಾಕಿಸ್ತಾನ ಆಟಗಾರರ ವಿರುದ್ಧ ಪಾಕ್ ಕ್ರಿಕೆಟ್ ಮಂಡಳಿ ಅಸಹ್ಯಕರ ನಿರ್ಧಾರವನ್ನು ತೆಗೆದುಕೊಂಡಿದೆ. ಸೂಪರ್-8 ಹಂತದಲ್ಲಿ ಟಿ20 ವಿಶ್ವಕಪ್ ಟೂರ್ನಿಯಿಂದ ಹೊರಬಿದ್ದ ಆಟಗಾರರಿಗೆ ಭಾರೀ ದಂಡ ವಿಧಿಸಿದೆ. ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ತಂಡದ ಕಳಪೆ ಪ್ರದರ್ಶನದ ವಿರುದ್ಧ ಕಠಿಣ ಕ್ರಮ ಕೈಗೊಂಡಿದೆ. ಪ್ರತಿಯೊಬ್ಬ ಆಟಗಾರನ ಮೇಲೂ ದಂಡ ವಿಧಿಸಲು ನಿರ್ಧರಿಸಿದೆ. ತಂಡವು ಟೂರ್ನಿಯಿಂದ ಹೊರಬಿದ್ದ ನಂತರ ಈ ಶಿಕ್ಷೆಯನ್ನು ನೀಡಲಾಗಿದೆ. ಸತತ ನಾಲ್ಕನೇ ಐಸಿಸಿ ಟೂರ್ನಿ ಆಗಿದ್ದು, ಪಾಕಿಸ್ತಾನ ಸೆಮಿಫೈನಲ್ ತಲುಪಲು ವಿಫಲವಾಗಿದೆ. ಇದು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಕ್ರಮ ಕೈಗೊಳ್ಳಲು ಕಾರಣವಾಗಿದೆ.
ವರದಿಗಳ ಪ್ರಕಾರ, ಪಿಸಿಬಿ ತಂಡದ ಪ್ರತಿಯೊಬ್ಬ ಆಟಗಾರನಿಗೆ 50 ಲಕ್ಷ ಪಾಕಿಸ್ತಾನಿ ರೂಪಾಯಿ (ಸುಮಾರು 16 ಲಕ್ಷ ರೂಪಾಯಿ) ದಂಡ ವಿಧಿಸಿದೆ. ಈ ದಂಡವು ವಿಶ್ವಕಪ್ನಲ್ಲಿ ಭಾಗವಹಿಸುವ ತಂಡದ ಎಲ್ಲಾ ಸದಸ್ಯರಿಗೆ ಅನ್ವಯಿಸಲಿದೆ. ಪಾಕಿಸ್ತಾನ ತಂಡವು ಈಗಾಗಲೇ ಟೀಕೆಗಳನ್ನು ಎದುರಿಸುತ್ತಿರುವುದರಿಂದ ಪಿಸಿಬಿ ವಿಧಿಸಿರುವ ಶಿಕ್ಷೆ ಮತ್ತು ಮೊತ್ತವು ಆಟಗಾರರಿಗೆ ದೊಡ್ಡ ಸಮಸ್ಯೆಯಾಗಲಿದೆ. ಪಿಸಿಬಿ ಸ್ವತಃ ದಂಡವನ್ನು ಸಂಗ್ರಹಿಸುತ್ತದೆ. ಅಂದರೆ ಆಟಗಾರರು ಅದನ್ನು ತಮ್ಮ ಸಂಬಳ, ಪಂದ್ಯ ಶುಲ್ಕ ಅಥವಾ ಇತರ ಪಾವತಿಗಳಿಂದ ಕಡಿತಗೊಳಿಸಬೇಕಾಗುತ್ತದೆ. ಈ ಕ್ರಮವು ಪಿಸಿಬಿಯ ಹೊಸ ನೀತಿಯ ಭಾಗವಾಗಿದೆ. ಅಲ್ಲಿ ಕಾರ್ಯಕ್ಷಮತೆಯನ್ನು ನೇರವಾಗಿ ಹಣಕಾಸಿನ ನಿಯಮಗಳಿಗೆ ಲಿಂಕ್ ಮಾಡಲಾಗುತ್ತದೆ. ಕಳಪೆ ಪ್ರದರ್ಶನಕ್ಕಾಗಿ ಪಾಕಿಸ್ತಾನ ಕ್ರಿಕೆಟ್ಗೆ ದಂಡ ವಿಧಿಸಲಾಗುತ್ತಿರುವುದು ಇದೇ ಮೊದಲಲ್ಲ. ಆದರೆ ದಂಡದ ಮೊತ್ತವು ಹೆಚ್ಚಿನ ಗಮನ ಸೆಳೆಯುತ್ತಿದೆ. ಕಳಪೆ ಪ್ರದರ್ಶನಕ್ಕಾಗಿ ಆಟಗಾರರ ಮೇಲೆ ಮಂಡಳಿಯು ಇಷ್ಟೊಂದು ದಂಡ ವಿಧಿಸುವುದು ಅಪರೂಪ.
