ನೋಡಿರಿ
ಮುಖಕ್ಕೆ ಈ ಪ್ರಾಡಕ್ಟ್ ಬಳಸುವ ಮುನ್ನ ಎಚ್ಚರ! – ಸ್ಪಲ್ಪ ಯಾಮಾರಿದ್ರೂ ಅಂದವೇ ಹಾಳು!
ಎಲ್ಲರ ಎದುರು ನೋಡಲು ಸ್ಮಾರ್ಟ್ ಆಗಿ ಸುಂದರವಾಗಿ ಕಾಣಬೇಕೆಂಬ ಆಸೆ ಪ್ರತಿಯೊ ಬ್ಬರಿಗೂ ಇದ್ದೇ ಇರುತ್ತದೆ. ಇದಕ್ಕಾಗಿ ಆಗಾಗ ಟಿವಿಯಲ್ಲಿ ತೋರಿಸುವ ಹಲವಾರು ಉತ್ಪನ್ನಗಳನ್ನು, ಹಿಂದೆ -ಮುಂದೆ ಅಲೋಚನೆ ಮಾಡದೇ, ಮುಖಕ್ಕೆ ಹಚ್ಚುತ್ತೇವೆ. ಇದ್ರಲ್ಲಿ ಫೌಂಡೇಶನ್ ಕೂಡ ಒಂದು. ಆದ್ರೆ ಇದನ್ನ ಹಚ್ಚೋಕು ಮುನ್ನ ನಿಮ್ಮ ಚರ್ಮದ ಆರೋಗ್ಯದ ಬಗ್ಗೆ ಎಂದಾದ್ರೂ ಯೋಚನೆ ಮಾಡಿದ್ರಾ? ಸ್ವಲ್ಪ ಎಚ್ಚರ ತಪ್ಪಿದ್ರೂ ನಿಮ್ಮ ಅಂದಕ್ಕೆ ಕುತ್ತು ಬರೋದು ಗ್ಯಾರಂಟಿ!
ಇದನ್ನೂ ಓದಿ: ಬೆಂಗಳೂರಿನಲ್ಲಿ ಉಸಿರಾಡುವುದು ಕಷ್ಟ.. ಕಷ್ಟ! – ಬೆಂಗಳೂರು, ಬೆಳಗಾವಿಯ ವಾಯುಗುಣಮಟ್ಟ ಕಳಪೆ!
ಈಗಂತೂ ಹುಡುಗಿಯರೂ ಮೇಕಪ್ ಮನೆಯಿಂದ ಹೊರಗೆ ಹೋಗೋದೇ ಇಲ್ಲ.. ಏನಿಲ್ಲ ಅಂದ್ರೂ ಫೌಂಡೇಷನ್ ಹಚ್ಚಿ ಒಂದು ಲಿಪ್ಸ್ಟಿಕ್ ಹಚ್ಚಿಕೊಂಡು ಹೋಗ್ತಾರೆ.. ಇದು ಸುಂದರವಾಗಿ ಏನೋ ಕಾಣುತ್ತೆ. ಆದ್ರೆ ಅದ್ರ ಅಡ್ಡಪರಿಣಾಮ ಸಾಕಷ್ಟಿದೆ. ಇದು ಸುಂದರವಾಗಿ ಕಾಣಿಸೋ ಬದಲು ಸೌಂದರ್ಯವನ್ನೇ ಹಾಳು ಮಾಡಬಹುದು!
ಫೌಂಡೇಶನ್ ಬಳಸುವಾಗ ಅದರಲ್ಲಿ ಇರುವ ಸಿಲಿಕೋನ್, ಪ್ಯಾರಬೆನ್ಸ್, ಅಲ್ಕೋಹಾಲ್ ಮುಂತಾದ ರಾಸಾಯನಿಕಗಳು ಚರ್ಮದ ಮೇಲ್ಮೈಯಲ್ಲಿ ಜಮೆಯಾಗಿ ರಂಧ್ರಗಳನ್ನು ಮುಚ್ಚುತ್ತವೆ. ಇದರಿಂದ ಚರ್ಮ ಉಸಿರಾಡಲಾಗದೆ, ಚರ್ಮದ ಅಡುಗಾಗುವಿಕೆಗೆ ಕಾರಣವಾಗುತ್ತದೆ. ಇದರಿಂದ ಅಲರ್ಜಿ, ಉರಿ, ಕೆಂಪುತನ, ಮೊಡವೆ, ಒಣತೆ ಅಥವಾ ಹೆಚ್ಚುವರಿ ಕೊಬ್ಬು ತ್ವಚೆಯಲ್ಲಿ ಕಾಣಿಸಿಕೊಳ್ಳುತ್ತವೆ.
ಹೆಚ್ಚಾಗಿ ನೀರಾರಿತ ಅಥವಾ ನೀರುಸಾಧಿತ ಫೌಂಡೇಶನ್ ಬಳಸುವುದು ತ್ವಚೆಗೆ ಕಡಿಮೆ ಹಾನಿಕಾರಕ. ಆದರೆ ಡ್ರೈ ಟೈಪ್ ಫೌಂಡೇಶನ್ಗಳನ್ನು ನಿರಂತರವಾಗಿ ಬಳಸಿದರೆ, ಒಣ ತ್ವಚೆಗೆ ಕಡಿಮೆ ಹೈಡ್ರೇಶನ್ ಸಿಗುವುದರಿಂದ ತ್ವಚೆಗೆ ಉರಿ ಅನುಭವವಾಗಬಹುದು.
ಫೌಂಡೇಶನ್ ಬಳಕೆಯು ಚರ್ಮದ ಮೈಕ್ರೋಬಯೋಮ್ ಎಂಬ ನೈಸರ್ಗಿಕ ಬ್ಯಾಕ್ಟೀರಿಯಾ ಸಮತೋಲನವನ್ನು ಹಾನಿಗೊಳಿಸಬಹುದು. ಇದು ದೀರ್ಘಕಾಲವಾಗಿ ಸ್ಕಿನ್ ಇಮ್ಯೂನಿಟಿಗೆ ಬಾಧೆ ಉಂಟುಮಾಡಬಹುದು. ಆದ್ದರಿಂದ ಫೌಂಡೇಶನ್ನೊಂದಿಗೆ ನಿಖರವಾದ ಚರ್ಮದ ಆರೈಕೆ ಹಾಗೂ ನಿಯಮಿತ ವಿಶ್ರಾಂತಿಯು ಆರೋಗ್ಯಕರ ತ್ವಚೆಯ ಪರಿಪೋಷಣೆಗೆ ಮುಖ್ಯವಾಗಿದೆ.
ಸೌಂದರ್ಯ ಕಾಪಾಡಿಕೊಳ್ಳಬೇಕಾದ್ರೆ ಏನು ಮಾಡಬೇಕು?
ಯಾವ ಫೌಂಡೇಶನ್ ನಿಮ್ಮ ಚರ್ಮಕ್ಕೆ ಸೂಕ್ತವಾಗುತ್ತದೆ ಎಂಬುದನ್ನು ತಿಳಿದು ಮಾತ್ರ ಬಳಕೆ ಮಾಡಬೇಕು.
ಪ್ರತಿನಿತ್ಯ ಫೌಂಡೇಶನ್ ಬಳಸದೇ ಚರ್ಮಕ್ಕೆ ವಿಶ್ರಾಂತಿ ನೀಡಬೇಕು.
ದಿನಾಂತ್ಯದಲ್ಲಿ ಫೌಂಡೇಶನ್ ಸಂಪೂರ್ಣವಾಗಿ ತೆಗೆಯಬೇಕು. ಅದಕ್ಕಾಗಿ ಮೈಲ್ಡ್ ಕ್ಲೆನ್ಸರ್ ಅಥವಾ ಮೇಕಪ್ ರಿಮೂವರ್ ಬಳಸಬೇಕು.
ಚರ್ಮಕ್ಕೆ ವಾರಕ್ಕೆ ಕನಿಷ್ಠ ಎರಡು ಬಾರಿ ಕ್ಲೆನ್ಸಿಂಗ್ ಮತ್ತು ಎಕ್ಸ್ಫೋಲಿಯೇಷನ್ ಮಾಡುವ ಮೂಲಕ ಮುಖದ ಮೇಲಿನ ರಂಧ್ರಗಳನ್ನು ತೆರೆಯಿರಿ.
