ಇಂದು ಎಲ್ಲೆಡೆ ಮಕರ ಸಂಕ್ರಾಂತಿ ಸಂಭ್ರಮ, ಸಡಗರ – ಇವತ್ತು ಅಪ್ಪಿತಪ್ಪಿ ಈ ತಪ್ಪು ಮಾಡಬೇಡಿ

ಇನ್ನೊಂದು ಮಹತ್ವದ ಸಂಗತಿಯೆಂದರೆ ಸಂಕ್ರಮಣದಂದು ಬಂದಿರುವ ಶಟ್ಟಿಲ ಏಕಾದಶಿ ಸೇರಿ ಯಾವುದೇ ಏಕಾದಶಿಯಂದು ತುಳಸಿ ಗಿಡಕ್ಕೆ ನೀರು ಸುರಿಯುವುದು ನಿಷಿದ್ಧ. ಏಕಾದಶಿಯಂದು ತುಳಸಿ ದೇವಿಯು ವಿಷ್ಣುವಿಗಾಗಿ ಉಪವಾಸ ಆಚರಿಸುತ್ತಾಳೆ. ಅವಳು ನೀರನ್ನೂ ಕುಡಿಯುವುದಿಲ್ಲ. ಅಂಥದ್ದರಲ್ಲಿ ನಾವು ನೀರು ಹಾಕಬಾರದು. ಏಕಾದಶಿಯಂದು ತುಳಸಿಗೆ ನೀರು ಅರ್ಪಿಸಿದರೆ ನಮ್ಮ ಪುಣ್ಯದ ಫಲ ಕಡಿಮೆಯಾಗುತ್ತದೆ. ಇನ್ನು ಭಾನುವಾರ ಮತ್ತು ಗ್ರಹಣ ಕಾಲದಲ್ಲಿಯೂ ತುಳಸಿ ಗಿಡಕ್ಕೆ ನೀರು ಅರ್ಪಿಸಬಾರದು.

ಏಕಾದಶಿಯಂದು ತುಳಸಿ ಗಿಡಗಳನ್ನ ಅಶುದ್ಧವಾದ ಕೈಗಳಿಂದ ಮುಟ್ಟಬಾರದು. ಹೀಗೆ ಮಾಡಿದರೆ ಲಕ್ಷ್ಮೀ ದೇವಿಗೆ ಕೋಪ ಬರುತ್ತದೆ. ಹಾಗೇ, ಆ ದಿನ ಸಂಜೆ ಹೊತ್ತು ತುಳಸಿ ಗಿಡದ ಎದುರು ದೀಪ ಹಚ್ಚಿಡಿ. ಮಕರ ಸಂಕ್ರಾಂತಿ ಹಬ್ಬ ಮತ್ತು ಶಟ್ಟಿಲ ಏಕಾದಶಿ ಒಟ್ಟಿಗೇ ಬಂದಿರುವುದರಿಂದ ನೀವು ಪೂಜೆ-ಪ್ರಾರ್ಥನೆಗಳನ್ನ ಜಾಸ್ತಿ ಮಾಡಬೇಕು. ಈ ದಿನ ದಾನಗಳನ್ನ ಮಾಡಬೇಕು. ಉಳಿದ ದಿನ ಪೂಜೆ ಮಾಡಿದಾಗ ಸಿಗುವ ಪುಣ್ಯದ ಹತ್ತರಷ್ಟು ಹೆಚ್ಚು ಪುಣ್ಯ ಈ ದಿನದ ಪೂಜೆಯಿಂದ ಸಿಗುತ್ತದೆ ಎಂಬ ನಂಬಿಕೆಯೂ ಇದೆ. ಮಕರ ಸಂಕ್ರಾಂತಿ ಹಬ್ಬದ ದಿನ ನೀವು ಸೂರ್ಯನನ್ನೂ ಪೂಜಿಸಬೇಕು.