ನೋಡಿರಿ
ಆಧಾರ್ ಕಾರ್ಡ್ ಇನ್ನೂ ಅಪ್ಡೇಟ್ ಮಾಡಿಲ್ವಾ? ಜ. 1 ರಿಂದ ರೂಲ್ಸ್ ಚೇಂಜ್! – ನಿಯಮ ಪಾಲಿಸದಿದ್ದರೆ ಕಾರ್ಡ್ ಬ್ಲಾಕ್!
ಆಧಾರ್ ಕಾರ್ಡ್ ಪ್ರತಿ ಭಾರತೀಯ ನಾಗರಿಕನ ಗುರುತು. ಆಧಾರ್ ಅತಿ ಅವಶ್ಯಕವಾದ ದಾಖಲೆ. ಆಧಾರ್ ಕಾರ್ಡ್ನ ಕೇವಲ ಗುರುತು ಮಾತ್ರ ಎಂದು ಪರಿಗಣಿಸಲಾಗುವುದಿಲ್ಲ. ಇದು ಬಹುಪಾಲು ಸರ್ಕಾರಿ ಯೋಜನೆಗಳು, ಬ್ಯಾಂಕಿಂಗ್ ಸೇವೆಗಳು ಸೇರಿ ಸಾಕಷ್ಟು ಕೆಲಸಗಳಿಗೆ ಪ್ರಮಾಣಪತ್ರವಾಗಿ ಕಾರ್ಯ ನಿರ್ವಹಿಸುವ ಗುರುತಿನ ಚೀಟಿ. ಇದೀಗ ದೇಶದ ಪ್ರಜೆಗಳಿಗೆ ಭಾರತೀಯ ಪ್ರಾಧಿಕಾರ ಆಧಾರ್ ಕಾರ್ಡ್ಗೆ ಸಂಬಂಧಿಸಿದಂತೆ ಕೆಲ ನಿಯಮಗಳನ್ನ ಬದಲಾಯಿಸುತ್ತಿದೆ.
ಇದನ್ನೂ ಓದಿ:ಉಪ್ಪು V/s ಸಕ್ಕರೆ.. ಹಾರ್ಟ್ಗೆ ಯಾವುದು ಡೇಂಜರ್? – ನಿಮ್ಮ ಹೃದಯ ಜೋಪಾನ!
ಹೌದು, UIDAI ಆಧಾರ್ ಕಾರ್ಡ್ಗೆ ಸಂಬಂಧಿಸಿದ ಕೆಲ ನಿಯಮಗಳನ್ನ ಬದಲಾವಣೆ ಮಾಡಲು ಮುಂದಾಗಿದೆ. ಈ ನಿಯಮಗಳು ಡಿಸೆಂಬರ್ 31 ರ ಮಧ್ಯರಾತ್ರಿಯ ನಂತರ, ಅಂದರೆ ಹೊಸ ವರ್ಷ 2026 ರಲ್ಲಿ ಜಾರಿಗೆ ಬರಲಿವೆ. ಹೀಗಾಗಿ ಹತ್ತು ವರ್ಷ ಹಿಂದಿನ ಆಧಾರ್ ಕಾರ್ಡ್ ಹೊಂದಿರುವವರು ತಮ್ಮ ಕಾರ್ಡ್ಗಳನ್ನು ನವೀಕರಿಸುವಂತೆ ಕೋರಲಾಗಿದೆ.
10 ವರ್ಷ ಹಳೆಯ ಆಧಾರ್ ನವೀಕರಣ ಕಡ್ಡಾಯ
ಮಾಧ್ಯಮ ವರದಿಗಳ ಪ್ರಕಾರ, ನೀವು 10 ವರ್ಷಗಳಿಗಿಂತ ಹಳೆಯದಾದ ನಿಮ್ಮ ಆಧಾರ್ ಕಾರ್ಡ್ಗಳನ್ನು ನವೀಕರಿಸದಿದ್ದರೆ, ಅಂದರೆ ಹತ್ತು ವರ್ಷಗಳ ಹಿಂದೆ ಸಕ್ರಿಯಗೊಳಿಸಲಾದವುಗಳನ್ನು ನವೀಕರಿಸುವುದು ಈಗ ಕಡ್ಡಾಯವಾಗಿದೆ. ಹೆಸರು, ಜನ್ಮ ದಿನಾಂಕ, ವಿಳಾಸದಂತಹ ಮಾಹಿತಿಯನ್ನು ನವೀಕರಿಸುವುದು ನಿಮ್ಮ ಆಧಾರ್ ಅನ್ನು ಸಕ್ರಿಯವಾಗಿರಿಸುವುದು ಮಾತ್ರವಲ್ಲದೆ ಪರಿಶೀಲನೆಯ ಸಮಯದಲ್ಲಿ ಯಾವುದೇ ತೊಂದರೆಯನ್ನು ತಪ್ಪಿಸುತ್ತದೆ.
ಆಧಾರ್ ಕಾರ್ಡ್ ಹೊಸ ವಿನ್ಯಾಸ
ಡಿಜಿಟಲ್ ವಂಚನೆಗಳು ಮತ್ತು ಡೇಟಾ ದುರುಪಯೋಗದ ಘಟನೆಗಳಲ್ಲಿ ಪ್ರಸ್ತುತ ಹೆಚ್ಚಳವನ್ನು ಗಮನದಲ್ಲಿಟ್ಟುಕೊಂಡು, ಯುಐಡಿಎಐ ಈಗಾಗಲೇ ಡಿಸೆಂಬರ್ 1, 2025 ರಿಂದ ಆಧಾರ್ನ ಹೊಸ ವಿನ್ಯಾಸವನ್ನು ಘೋಷಿಸಿದೆ. ಈ ಹೊಸ ಕಾರ್ಡ್ ನಿಮ್ಮ ಫೋಟೋ ಮತ್ತು ಸುರಕ್ಷಿತ ಕ್ಯೂಆರ್ ಕೋಡ್ ಅನ್ನು ಮಾತ್ರ ಹೊಂದಿರುತ್ತದೆ. ನಿಮ್ಮ ಹೆಸರು ಮತ್ತು ಆಧಾರ್ ಸಂಖ್ಯೆ ಇರುವುದಿಲ್ಲ. ಜೂನ್ 14, 2026 ರೊಳಗೆ ಎಲ್ಲಾ ಕಾರ್ಡ್ ವಿನ್ಯಾಸಗಳನ್ನು ನವೀಕರಿಸಲು ಯುಐಡಿಎಐ ಮುಂದಾಗಿದೆ.
ಫೋಟೋಕಾಪಿ ಬಳಕೆಯ ಮೇಲಿನ ನಿರ್ಬಂಧಗಳು
ಹೊಸ ಯುಐಡಿಎಐ ನಿಯಮಗಳ ಪ್ರಕಾರ, ಗುರುತಿನ ಚೀಟಿಗಾಗಿ ಆಧಾರ್ ಕಾರ್ಡ್ನ ಭೌತಿಕ ಪ್ರತಿಗಳು (ಜೆರಾಕ್ಸ್) ಇನ್ನು ಮುಂದೆ ಅಗತ್ಯವಿಲ್ಲ. ಗುರುತಿನ ಪರಿಶೀಲನೆಗಾಗಿ QR ಕೋಡ್ ಸ್ಕ್ಯಾನಿಂಗ್, ಆಫ್ಲೈನ್ ಆಧಾರ್ XML ಮತ್ತು ಮಾಸ್ಕ್ಡ್ ಆಧಾರ್ಗೆ ಹೆಚ್ಚಿನ ಆದ್ಯತೆ ನೀಡಲಾಗುವುದು. ಡಿಜಿಟಲ್ ಪರಿಶೀಲನೆಯನ್ನು ಪ್ರಾಥಮಿಕ ಆಯ್ಕೆಯನ್ನಾಗಿ ಮಾಡಲಾಗುತ್ತಿದೆ. ಮುಖ ದೃಢೀಕರಣವನ್ನು ಕಾನೂನುಬದ್ಧ ಗುರುತನ್ನಾಗಿ ಮಾಡಲಾಗುವುದು.
ಆಧಾರ್-ಪ್ಯಾನ್ ಲಿಂಕ್ ಮಾಡುವ ಗಡುವು
ಆಧಾರ್-ಪ್ಯಾನ್ ಲಿಂಕ್ ಮಾಡುವ ಕೊನೆಯ ದಿನಾಂಕ ಡಿಸೆಂಬರ್ 31, 2025. ಈ ದಿನಾಂಕದೊಳಗೆ ಪ್ಯಾನ್ ಅನ್ನು ಆಧಾರ್ನೊಂದಿಗೆ ಲಿಂಕ್ ಮಾಡದಿದ್ದರೆ, ಅದು ಜನವರಿ 1, 2026 ರಿಂದ ನಿಷ್ಕ್ರಿಯವಾಗುತ್ತದೆ. ಇದು ಆದಾಯ ತೆರಿಗೆ ರಿಟರ್ನ್ಸ್, ಮರುಪಾವತಿ ಮತ್ತು ಇತರ ಹಣಕಾಸು ವಹಿವಾಟುಗಳನ್ನು ಸಲ್ಲಿಸುವುದನ್ನು ಕಷ್ಟಕರವಾಗಿಸುತ್ತದೆ.
