ನೋಡಿರಿ
KGF- 2 ದಾಖಲೆ ಉಡೀಸ್ ಮಾಡುತ್ತಾ ಧುರಂಧರ್ ? – ಭಾನುವಾರ ಒಂದೇ ದಿನ 112 ಕೋಟಿ ಕಲೆಕ್ಷನ್!
ರಣವೀರ್ ಸಿಂಗ್ ನಟನೆಯ ಧುರಂಧರ್ 2ನೇ ಭಾನುವಾರ ಕೂಡ ಅದ್ಭುತ ಕಲೆಕ್ಷನ್ ಮಾಡಿ ಅಚ್ಚರಿ ಮೂಡಿಸಿದೆ. ಶೀಘ್ರದಲ್ಲೇ ‘KGF- 2’ ದಾಖಲೆ ಮುರಿಯುವ ಸುಳಿವು ಸಿಕ್ತಿದೆ. ಎರಡನೇ ವಾರಾಂತ್ಯದಲ್ಲಿ ಧುರಂಧರ್ ಬಾಕ್ಸ್ ಆಫೀಸ್ನಲ್ಲಿ ಇತಿಹಾಸ ನಿರ್ಮಿಸಿದ್ದು, ಕೇವಲ ಎರಡು ದಿನಗಳಲ್ಲಿ 100 ಕೋಟಿ ರೂ.ಗೂ ಹೆಚ್ಚು ಗಳಿಸಿದೆ. ಡಿಸೆಂಬರ್ 13 ರಂದು 53 ಕೋಟಿ ರೂ. ಮತ್ತು ಭಾನುವಾರ ಸುಮಾರು 59 ಕೋಟಿ ರೂ. ಗಳಿಸಿದೆ ಎಂದು ವರದಿಯಾಗಿದೆ. ಇದರೊಂದಿಗೆ, ಚಿತ್ರದ ವಾರಾಂತ್ಯದ ಬಾಕ್ಸ್ ಆಫೀಸ್ ಒಟ್ಟು 112 ಕೋಟಿ ರೂ.ಗಳಷ್ಟಿದೆ. ಸಿನಿಮಾದ ಭಾರತದ ಕಲೆಕ್ಷನ್ 350 ಕೋಟಿ ರೂಪಾಯಿ ದಾಟಿದೆ.
ಇದನ್ನೂ ಓದಿ: ಭಾರತದ ಬೌಲಿಂಗ್ ದಾಳಿಗೆ ತತ್ತರಿಸಿದ ಸೌತ್ ಆಫ್ರಿಕಾ – ಭಾರತಕ್ಕೆ 7 ವಿಕೆಟ್ಗಳ ಅಮೋಘ ಜಯ
ಧುರಂಧರ್ ಬಾಕ್ಸ್ ಆಫೀಸ್ನಲ್ಲಿ ತನ್ನ ಕನಸಿನ ಓಟವನ್ನು ಮುಂದುವರೆಸಿದ್ದು, ಇಲ್ಲಿಯವರೆಗೆ ಒಟ್ಟು 351 ಕೋಟಿ ರೂ. ಗಳಿಕೆ ಮಾಡಿದೆ. ಈ ಚಿತ್ರವು ಮೊದಲ ವಾರಾಂತ್ಯದಲ್ಲಿ 103 ಕೋಟಿ ರೂ.ಗಳೊಂದಿಗೆ ಬಲವಾಗಿ ತೆರೆಕಂಡಿತು – ಶುಕ್ರವಾರ 28 ಕೋಟಿ ರೂ., ಶನಿವಾರ 32 ಕೋಟಿ ರೂ. ಮತ್ತು ಭಾನುವಾರ 43 ಕೋಟಿ ರೂ ಕಲೆಕ್ಷನ್ ಮಾಡಿದೆ.
ವಾರದ ದಿನಗಳಲ್ಲಿಯೂ ಈ ಗಳಿಕೆ ಮುಂದುವರೆದಿದೆ. ಸೋಮವಾರ 23.25 ಕೋಟಿ ರೂ.ಗಳನ್ನು ಸೇರಿಸಿದರೆ, ಮಂಗಳವಾರ 27 ಕೋಟಿ ರೂ.ಗಳನ್ನು ತಂದು ಒಟ್ಟು 150 ಕೋಟಿ ರೂ.ಗಳನ್ನು ದಾಟಿದೆ. ಬುಧವಾರ ಮತ್ತು ಗುರುವಾರ ತಲಾ 27 ಕೋಟಿ ರೂ.ಗಳೊಂದಿಗೆ ವೇಗವನ್ನು ಕಾಯ್ದುಕೊಂಡಿದ್ದು, ಒಟ್ಟು ಗಳಿಕೆ 207.25 ಕೋಟಿ ರೂ.ಗಳಿಗೆ ತಲುಪಿದೆ. ಧುರಂಧರ್ 300 ಕೋಟಿ ರೂ. ಕ್ಲಬ್ಗೆ ಹೆಜ್ಜೆ ಹಾಕುತ್ತಿದೆ – 2025 ರ ಮೂರನೇ ಚಿತ್ರ ತ್ರಿಶತಕದ ದಾಖಲೆ ಬರೆದಿದೆ. ಧುರಂಧರ್ 300 ಕೋಟಿ ರೂ. ಮೈಲಿಗಲ್ಲನ್ನು ದಾಟಿ, 2025 ರ ಮೂರನೇ ಚಿತ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
