ಕನಸಿನಲ್ಲಿ ನಂದಿ, ತ್ರಿಶೂಲ , ಶಿವಲಿಂಗ ಬಂದ್ರೆ ಏನಾಗುತ್ತೆ? – ಈ ಕನಸುಗಳು ಎಷ್ಟು ಶ್ರೇಷ್ಠ

ಶಿವನನ್ನು ಪೂಜಿಸುವುದರಿಂದ ಮಾತ್ರವಲ್ಲ, ಕನಸಿನಲ್ಲಿ ನಾವು ಅನೇಕ ಬಾರಿ ಶಿವನನ್ನು ಕೂಡ ನೋಡಿರುತ್ತೇವೆ. ಶಿವನಿಗೆ ಸಂಬಂಧಿಸಿದ ಪ್ರತಿಯೊಂದು ಕನಸುಗಳು ಕೂಡ ಅದರದ್ದೇ ಆದ ಅರ್ಥವನ್ನು ಮತ್ತು ಮಹತ್ವವನ್ನು ಒಳಗೊಂಡಿರುತ್ತದೆ. ಕನಸಿನಲ್ಲಿ ನಾವು ಶಿವನನ್ನು ನೋಡುವುದು ಶುಭವೆಂದು ಅನೇಕರು ಹೇಳುತ್ತಾರೆ. ಆದರೆ, ಇದು ಎಷ್ಟರ ಮಟ್ಟಿಗೆ ಸರಿ ಎಂಬುದು ಯಾರಿಗೂ ತಿಳಿದಿಲ್ಲ. ನಿಮ್ಮ ಕನಸಿನಲ್ಲೂ ಶಿವ ಪರಮಾತ್ಮನು ಕಾಣಿಸಿಕೊಂಡಿದ್ದರೆ ಅದು ನಮಗೆ ಮುಂದಿನ ದಿನಗಳ ಬಗ್ಗೆ ಯಾವ ಸೂಚನೆಯನ್ನು ನೀಡುತ್ತದೆ ಎಂಬುದನ್ನು ನಾವಿಲ್ಲಿ ತಿಳಿದುಕೊಳ್ಳಬಹುದು.

ನಂದಿಯ ಕನಸು 

ಕನಸಿನಲ್ಲಿ ನಂದಿಯನ್ನು ನೋಡುವುದು ತುಂಬಾನೇ ಶುಭವೆಂದು ಪರಿಗಣಿಸಲಾಗುತ್ತದೆ. ನಂದಿಯು ಶಿವನ ವಾಹನವಾಗಿದೆ. ಕನಸಿನಲ್ಲಿ ನಾವು ಶಿವನನ್ನು ನೋಡುವುದರಿಂದ ಎಷ್ಟು ಪ್ರಯೋಜನಗಳನ್ನು ಪಡೆದುಕೊಳ್ಳುತ್ತೇವೆಯೋ ನಂದಿಯನ್ನು ನೋಡುವುದರಿಂದಲೂ ಅಷ್ಟೇ ಪ್ರಯೋಜನವನ್ನು ಪಡೆದುಕೊಳ್ಳುತ್ತೇವೆ. ನಾವು ನಮ್ಮ ಕನಸಿನಲ್ಲಿ ನಂದಿಯನ್ನು ನೊಡುವುದು ಶುಭ ಮಾತ್ರವಲ್ಲ, ಯಶಸ್ಸಿನ ಸೂಚನೆಯೂ ಆಗಿದೆ. ಕನಸಿನಲ್ಲಿ ನಾವು ನಂದಿಯನ್ನು ನೋಡಿದರೆ ಯಾವುದೋ ಒಮದು ದೊಡ್ಡ ಯಶಸ್ಸು ನಮ್ಮ ಜೀವನದಲ್ಲಿ ಬರಲಿದೆ ಎಂಬುದಾಗಿದೆ.

ಕನಸಿನಲ್ಲಿ ತ್ರಿಶೂಲ

ತ್ರಿಶೂಲವನ್ನು ಕೂಡ ಶಿವನ ರೂಪವೆಂದು ಪರಿಗಣಿಸಲಾಗುತ್ತದೆ. ತ್ರಿಶೂಲದಲ್ಲೂ ಶಿವನ ಅಸ್ಥಿತ್ವವಿದೆ ಎನ್ನುವ ನಂಬಿಕೆಯಿದೆ. ನಾವು ನಮ್ಮ ಕನಸಿನಲ್ಲಿ ತ್ರಿಶೂಲವನ್ನು ನೋಡುವುದು ಕೂಡ ತುಂಬಾನೇ ಶುಭವೆಂದು ಪರಿಗಣಿಸಲಾಗುತ್ತದೆ. ನಾವು ನಮ್ಮ ಕನಸಿನಲ್ಲಿ ತ್ರಿಶೂಲವನ್ನು ನೋಡಿದರೆ ನಮ್ಮೆಲ್ಲಾ ಕಷ್ಟಗಳು ಪರಿಹಾರವಾಗುವುದು ಎಂಬುದಾಗಿದೆ. ತ್ರಿಶೂಲ ಮಾತ್ರವಲ್ಲ, ಕನಸಿನಲ್ಲಿ ನಾವು ಡಮರುವನ್ನು ನೋಡಿದರೂ ಅದನ್ನು ಮಂಗಳಕರ ಸೂಚನೆಯೆಂದು ಪರಿಗಣಿಸಲಾಗುತ್ತದೆ. ಕನಸಿನಲ್ಲಿ ನಾವು ಶಿವನ ಕೈಯಲ್ಲಿರುವ ಡಮರುಗವನ್ನು ನೋಡಿದರೆ ನಮ್ಮ ಜೀವನದ ಎಲ್ಲಾ ರೀತಿಯ ಅಡೆತಡೆಗಳು ದೂರಾಗಲಿವೆ ಎಂಬುದನ್ನು ಸೂಚಿಸುತ್ತದೆ.

ಕನಸಿನಲ್ಲಿ ಶಿವಲಿಂಗ

ನಾವು ನಮ್ಮ ಕನಸಿನಲ್ಲಿ ಶಿವಲಿಂಗವನ್ನು ನೋಡುವುದು ಕೂಡ ತುಂಬಾನೇ ಶುಭ ಕನಸಾಗಿದೆ. ಕನಸಿನಲ್ಲಿ ಶಿವಲಿಂಗವನ್ನು ನೋಡುವುದು ಎಂದರೆ ಶಿವನ ಆಶೀರ್ವಾದ ನಮ್ಮ ಮೇಲೆ ಇದೆ ಎಂಬುದಾಗಿದೆ. ಕನಸಿನಲ್ಲಿ ಶಿವಲಿಂಗವನ್ನು ನೋಡಿದ ವ್ಯಕ್ತಿಯು ಸಂತೋಷ ಮತ್ತು ಸಮೃದ್ಧಿಯಿಂದ ಕೂಡಿರುತ್ತಾನೆ. ಇಂತಹ ಕನಸು ಬಿದ್ದರೆ ನಿಮ್ಮ ಜೀವನದ ಎಲ್ಲಾ ರೀತಿಯ ಕನಸುಗಳು ನನಸಾಗುತ್ತದೆ ಎಂಬುದಾಗಿದೆ. ಇಂತಹ ಕನಸುಗಳನ್ನು ನೋಡಿದಾಗ ನೀವು ಸಂತುಷ್ಟರಾಗಬೇಕು. ಇದು ನಿಮಗೆ ಶಿವನು ಆಶೀರ್ವದಿಸಿರುವ ಸಂಕೇತವಾಗಿದೆ.