ಶನಿ ದೋಷದಿಂದ ಮುಕ್ತರಗಾಬೇಕೇ..? ಇವುಗಳನ್ನು ಗಮನದಲ್ಲಿಟ್ಟುಕೊಳ್ಳಿ..!

ನಿವಾರದ ದಿನದಂದು ನ್ಯಾಯ ದೇವನಾದ ಶನಿಯ ಆರಾಧನೆಯು ನಮಗೆ ಆರ್ಥಿಕ, ಮಾನಸಿಕ ಮತ್ತು ದೈಹಿಕ ಪ್ರಯೋಜನಗಳನ್ನು ನೀಡುತ್ತದೆ. ಸಾಮಾನ್ಯವಾಗಿ ಎಲ್ಲರೂ ಶನಿಯೆಂದರೆ ಹೆದರುತ್ತಾರೆ. ಆದರೆ, ಒಳ್ಳೆಯ ಕಾರ್ಯಗಳನ್ನು ಮಾಡುವವರ ಮೇಲೆ ಶನಿ ದೇವನು ಎಂದಿಗೂ ಕೋಪಿಸಿಕೊಳ್ಳುವುದಿಲ್ಲ. ಯಾವ ವ್ಯಕ್ತಿ ಕೆಡುಕನ್ನು ಅಥವಾ ಕೆಟ್ಟ ಕಾರ್ಯವನ್ನು ಮಾಡುತ್ತಾನೋ ಅವನು ಖಂಡಿತ ಶನಿಯ ದುಷ್ಟರಿಣಾಮಗಳನ್ನು ಎದುರಿಸಬೇಕಾಗುತ್ತದೆ. ಇಂತವರು ಯಾವಾಗಲೂ ಶನಿಯ ವಕ್ರ ದೃಷ್ಟಿಯ ಪ್ರಭಾವವನ್ನು ಎದುರಿಸುತ್ತಾರೆ. ಒಂದು ವೇಳೆ ಶನಿ ದೇವನ ವಕ್ರ ದೃಷ್ಟಿ ನಿಮ್ಮ ಮೇಲೆ ಬಿದ್ದರೆ ನೀವು ಉದ್ಯೋಗ ಮತ್ತು ವ್ಯವಹಾರದಲ್ಲಿ ಸಮಸ್ಯೆಗಳನ್ನು ಎದುರಿಸುತ್ತೀರಿ.

ಇದನ್ನು ಹೊರತುಪಡಿಸಿ ಒಂದು ವೇಳೆ ನಿಮ್ಮ ಜಾತಕದಲ್ಲಿ ಅಥವಾ ಕುಂಡಲಿಯಲ್ಲಿ ಶನಿಯು ಅಶುಭ ಪ್ರಭಾವವನ್ನು ನೀಡುತ್ತಿದ್ದರೆ ಅಥವಾ ಶನಿಯು ನಿಮ್ಮ ಕುಂಡಲಿಯಲ್ಲಿ ದುರ್ಬಲನಾಗಿದ್ದರೆ ನೀವು ವ್ಯಾಪಾರದಲ್ಲಿ ನಷ್ಟವನ್ನು, ಉದ್ಯೋಗದಲ್ಲಿ ಸಮಸ್ಯೆಗಳನ್ನು, ಬಡ್ತಿಯಾಗದಿರುವಂತಹ ಮತ್ತು ಸಾಲದ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ನೀವು ಈ ಸಮಸ್ಯೆಗಳಿಂದ ಮುಕ್ತಿಯನ್ನು ಹೊಂದಬೇಕಾದರೆ ಶನಿ ದೇವನನ್ನು ಪೂಜಿಸುವುದು ತುಂಬಾನೇ ಮುಖ್ಯ. ಶನಿ ಪೂಜೆಯ ಶುಭ ಫಲಗಳನ್ನು ಪಡೆದುಕೊಳ್ಳಲು ಶಾಸ್ತ್ರಗಳಲ್ಲಿ ಹೇಳಲಾದ ಶನಿ ಪೂಜೆ ಸಮಯವನ್ನು, ಪೂಜೆ ವಿಧಿ – ವಿಧಾನವನ್ನು ಅನುಸರಿಸಬೇಕು.

ಶನಿ ಪೂಜೆ ಸಮಯ
ಶನಿವಾರವು ಶನಿ ದೇವನ ದಿನ. ಈ ದಿನ ಶನಿ ಪೂಜೆಯನ್ನು ವಿಶೇಷವಾಗಿ ಮಾಡಲಾಗುತ್ತದೆ. ಧರ್ಮ ಗ್ರಂಥಗಳಲ್ಲಿ ಹೇಳಿರುವ ಸಮಯದ ಪ್ರಕಾರ ಶನಿ ದೇವನನ್ನು ನೀವು ಪೂಜಿಸಬೇಕು. ಸೂರ್ಯಾಸ್ತದ ಸಮಯವು ಶನಿ ದೇವನ ಆರಾಧನೆಗೆ ಅತ್ಯಂತ ಮಂಗಳಕರವೆಂದು ಧರ್ಮಗ್ರಂಥಗಳಲ್ಲಿ ಹೇಳಲಾಗಿದೆ. ಸಾಮಾನ್ಯವಾಗಿ ಶನಿ ಪರಮಾತ್ಮನ ಪೂಜೆಯನ್ನು ಸಂಜೆ 6:00 ಗಂಟೆಯ ನಂತರ ವಿಧಿ – ವಿಧಾನಗಳಂತೆ ಮಾಡಬೇಕು. ಈ ಸಮುಯದಲ್ಲಿ ಶನಿ ಪೂಜೆ ಮಾಡುವುದರಿಂದ ಆತನು ತನ್ನ ಭಕ್ತರ ಮೇಲೆ ವಿಶೇಷ ಕಾಳಜಿ ತೋರಿಸುತ್ತಾನೆ.

ಯಾವ ಸಮಯದಲ್ಲಿ ಶನಿ ಪೂಜೆ ಮಾಡಬಾರದು..?

ಸೂರ್ಯಾಸ್ತದ ನಂತರ ಶನಿಯ ಆರಾಧನೆಯನ್ನು ಅತ್ಯುತ್ತಮವೆಂದು ಪರಿಗಣಿಸಲಾಗುತ್ತದೆ. ಧರ್ಮಗ್ರಂಥಗಳಲ್ಲಿ ಶನಿ ದೇವನ ಪೂಜೆಯನ್ನು ಅಂಜೆ ಸಮಯದಲ್ಲಿ ಮಾಡಬೇಕು ಎನ್ನುವುದರ ಹಿಂದೆ ಒಂದು ಕಾರಣವಿದೆ. ಶನಿ ದೇವ ಮತ್ತು ಸೂರ್ಯ ದೇವನು ಅಪ್ಪ-ಮಗ. ಸೂರ್ಯ ದೇವನ ಮಗನೇ ಈ ಶನಿ. ಅಪ್ಪ – ಮಗನಾದರೂ ಒಬ್ಬರನ್ನು ನೋಡಿದರೆ ಒಬ್ಬರಿಗೆ ಆಗುವುದಿಲ್ಲ. ಇಬ್ಬರಲ್ಲೂ ಒಬ್ಬರ ಬಗ್ಗೆ ಒಬ್ಬರಿಗೆ ದ್ವೇಷದ ಭಾವನೆ. ಸೂರ್ಯೋದಯದ ಸಮಯದಲ್ಲಿ, ಸೂರ್ಯನ ಕಿರಣಗಳು ಶನಿಯ ಬೆನ್ನಿನ ಮೇಲೆ ಬೀಳುತ್ತವೆ. ಅಂತಹ ಪರಿಸ್ಥಿತಿಯಲ್ಲಿ, ಶನಿದೇವನು ಈ ಸಮಯದಲ್ಲಿ ಪೂಜೆಯನ್ನು ಸ್ವೀಕರಿಸುವುದಿಲ್ಲ.

ಶನಿ ದೇವನ ಪೂಜೆ ನಿಯಮಗಳು

ನೀವು ಶನಿ ದೇವನನ್ನು ಪೂಜಿಸುವಾಗ ನಿಮ್ಮ ಮುಖ ಪಶ್ಚಿಮದತ್ತ ಇರಬೇಕು.
ಶನಿ ದೇವನು ಕಪ್ಪು ಮತ್ತು ನೀಲಿ ಬಣ್ಣದ ಬಟ್ಟೆಯನ್ನು ಹೆಚ್ಚು ಇಷ್ಟಪಡುತ್ತಾನೆ. ಈ ಕಾರಣಕ್ಕಾಗಿ, ಶನಿ ದೇವನನ್ನು ಪೂಜಿಸುವಾಗ ಈ ಬಣ್ಣದ ಬಟ್ಟೆಯನ್ನು ಧರಿಸುವುದು ಉತ್ತಮ. ಆದರೆ, ಕೆಂಪು ಬಣ್ಣದ ಬಟ್ಟೆಯನ್ನು ದರಿಸಬೇಡಿ.
ಶನಿ ದೇವನನ್ನು ಪೂಜಿಸುವಾಗ ನೀವು ಅವನ ಕಣ್ಣುಗಳನ್ನು ನೋಡಬಾರದು. ಇದರಿಂದ ಶನಿ ದೋಷ ಉಂಟಾಗಬಹುದು

ಶನಿವಾರದ ಪರಿಹಾರ

ಶನಿ ದೇವನ ಆಶೀರ್ವಾದವನ್ನು ಪಡೆಯಲು ಅಥವಾ ಶನಿ ದೋಷದಿಂದ ಮುಕ್ತಿಯನ್ನು ಹೊಂದಲು ನೀವು ಉದ್ದು, ಕಬ್ಬಿಣ, ಕಪ್ಪು ಎಳ್ಳು, ನೀಲಿಮಣಿ ರತ್ನ, ಕಪ್ಪು ಬಟ್ಟೆ ಇತ್ಯಾದಿಗಳನ್ನು ಹೆಚ್ಚಾಗಿ ಬಳಸಬೇಕು. ಇದು ಶನಿ ದೋಷ, ಶನಿ ಧೈಯ್ಯಾದಂತಹ ಅಶುಭ ಪರಿಣಾಮಗಳಿಂದ ಮುಕ್ತಿಯನ್ನು ನೀಡುತ್ತದೆ.
ಜೀವನದಲ್ಲಿ ಶಾಂತಿ, ಸಾಧನೆ ಮತ್ತು ಸಮೃದ್ಧಿಗಾಗಿ ಮಂಗಳಕರ ಶನಿ ಯಂತ್ರವನ್ನು ಪೂಜಿಸಿ.
ಶನಿ ದೋಷದಿಂದ ಮುಕ್ತಿಯನ್ನು ಪಡೆದುಕೊಳ್ಳಲು 7 ಮುಖಿ ರುದ್ರಾಕ್ಷಿಯನ್ನು ಧರಿಸುವುದು ಪ್ರಯೋಜನಕಾರಿ. ಆದರೆ, ಇದನ್ನು ವಿಧಿ – ವಿಧಾನಗಳ ಪ್ರಕಾರ ಧರಿಸಬೇಕು. ಏಳು ಮುಖಿ ರುದ್ರಾಕ್ಷಿಯನ್ನು ನೀವು ಧರಿಸುವಾಗ ಓಂ ಹೂಂ ನಮಃ ಎನ್ನುವ ಮಂತ್ರವನ್ನು ಪಠಿಸಬೇಕು