ನೀವು ಅಂದುಕೊಂಡಿದ್ದೆಲ್ಲಾ ಆಗಬೇಕಾ? – ಸೋಮವಾರ ಶಿವನೊಂದಿಗೆ ಈ 4 ದೇವರನ್ನು ಪೂಜಿಸಿ

ಸೋಮವಾರವು ಪರಶಿವನ ಆರಾಧನೆಗೆ ಮತ್ತು ಉಪವಾಸ ವ್ರತವನ್ನು ಮಾಡುವುದಕ್ಕೆ ಅತ್ಯಂತ ಸೂಕ್ತವಾದ ದಿನವಾಗಿದೆ.  ಸೋಮವಾರದ ಪೂಜೆಯು ಭಕ್ತರ ಸಕಲ ಕಷ್ಟಗಳನ್ನು ದೂರ ಮಾಡಿ ಅವರಿಗೆ ಉತ್ತಮ ಜೀವನವನ್ನು ನಡೆಸಲು ಸಹಾಯ ಮಾಡುತ್ತದೆ.  ಸೋಮವಾರದ ದಿನದಂದು ಶಿವನನ್ನು ಮಾತ್ರವಲ್ಲ ಶಿವನೊಂದಿಗೆ ನಾವು ಈ ದೇವರನ್ನು ಕೂಡ ಪೂಜಿಸುವುದು ತುಂಬಾ ಮುಖ್ಯವಾಗಿದೆ.  ಸೋಮವಾರದ ದಿನದಂದು ಶಿವನೊಂದಿಗೆ ನಾವು ಯಾವ ದೇವರನ್ನು ಪೂಜಿಸಬೇಕು  ಹಾಗೇ ಯಾವ ವಸ್ತು ಶಿವನ ಪೂಜೆಗೆ ಇಡಬೇಕು ಅನ್ನೋದ್ದನ್ನ ನೋಡೋಣ

ಚಂದ್ರದೇವ

ಚಂದ್ರದೇವನು ಶಿವನ ಶಿರದ ಮೇಲೆ ಆಶ್ರಯವನ್ನು ಪಡೆದುಕೊಂಡವನು. ಚಂದ್ರನು ಮನಸ್ಸಿನ ಸಂಕೇತವಾಗಿದ್ದಾನೆ. ಸೋಮವಾರದ ದಿನದಂದು ನಾವು ಶಿವನನ್ನು ಪೂಜಿಸುವುದರ ಜೊತೆಗೆ ಚಂದ್ರದೇವನನ್ನು ಕೂಡ ಪೂಜಿಸಬೇಕಾಗುತ್ತದೆ. ಯಾವ ವ್ಯಕ್ತಿ ಸೋಮವಾರದ ದಿನದಂದು ಶಿವನೊಂದಿಗೆ ಚಂದ್ರ ದೇವನನ್ನು ಕೂಡ ಪೂಜಿಸುತ್ತಾನೋ ಆ ವ್ಯಕ್ತಿ ತನ್ನ ಜೀವನದುದ್ದಕ್ಕೂ ಮಾನಸಿಕ ಶಾಂತಿಯೊಂದಿಗೆ ತಾಳ್ಮೆಯನ್ನು ಕೂಡ ಕಲಿತುಕೊಳ್ಳುತ್ತಾನೆ.

ಗಂಗಾ ಮಾತೆ

ಗಂಗಾ ಮಾತೆ ಶಿವನ ಜಟೆಯಲ್ಲಿ ನೆಲೆಸಿದವಳು. ಗಂಗೆಯ ಅಹಂಕಾರವನ್ನು ಮುರಿದವನು ಶಿವ. ಗಂಗೆ ಸಂಪೂರ್ಣ ಸೃಷ್ಟಿಯನ್ನು ನಾಶ ಮಾಡಲು ಹೊರಟಾಗ ಶಿವನು ಆಕೆಯನ್ನು ತನ್ನ ಜಟೆಯ ಮೂಲಕ ಹಿಡಿದಿಟ್ಟುಕೊಳ್ಳುತ್ತಾನೆ.ಅಷ್ಟು ಮಾತ್ರವಲ್ಲ ಭೂಮಿಯಲ್ಲಿ ಶಿವನು ಗಂಗೆಗೆ ಪೂಜನೀಯ ಸ್ಥಾನವನ್ನು ಕೂಡ ನೀಡಿದ್ದಾನೆ. ಸೋಮವಾರದ ದಿನದಂದು ನಾವು ಶಿವನನ್ನು ಪೂಜಿಸುವುದು ಎಷ್ಟು ಶುಭವೋ ಗಂಗೆಯನ್ನು ಕೂಡ ಶಿವನೊಂದಿಗೆ ಪೂಜಿಸುವುದು ಅಷ್ಟೇ ಶುಭವಾಗಿದೆ.

ನಂದಿ

ನಂದಿಯು ಶಿವನ ವಾಹನ. ಅಷ್ಟು ಮಾತ್ರವಲ್ಲ ನಂದಿ ಎಂದರೆ ಶಿವನಿಗೆ ಅತ್ಯಂತ ಪ್ರೀತಿ. ಸೋಮವಾರದ ದಿನದಂದು ಶಿವಭಕ್ತರು ದೇವಸ್ಥಾನಕ್ಕೆ ಹೋದಾಗ ಅಲ್ಲಿರುವ ಶಿವನನ್ನು ಪೂಜಿಸಿದ ನಂತರ ಶಿವನ ಮುಂದೇ ಕುಳಿತಿರುವ ನಂದಿಯನ್ನು ಕೂಡ ಪೂಜಿಸಬೇಕು. ನಂದಿಯ ಕಿವಿಯಲ್ಲಿ ನಿಮ್ಮ ಇಷ್ಟಾರ್ಥಗಳನ್ನು ಈಡೇರಿಸುವಂತೆ ಬೇಡಿಕೊಳ್ಳಬೇಕು. ಈ ರೀತಿ ಬೇಡಿಕೊಳ್ಳುವುದರಿಂದ ನಂದಿಯು ಶಿವನಿಗೆ ನಿಮ್ಮ ಬೇಡಿಕೆಯನ್ನು ಹೇಳುತ್ತಾನೆ.

ಪಾರ್ವತಿ ದೇವಿ 

ಪಾರ್ವತಿ ದೇವಿಯು ಶಿವನ ಪತ್ನಿ ಆಗಿದ್ದಾಳೆ. ಸೋಮವಾರದ ದಿನದಂದು ಶಿವನೊಂದಿಗೆ ಆತನ ಪತ್ನಿಯಾದ ಪಾರ್ವತಿ ದೇವಿಯನ್ನು ಕೂಡ ಪೂಜಿಸುವುದು ತುಂಬಾನೇ ಶುಭವಾಗಿದೆ. ಶ್ರಾವಣ ಮಾಸದ ಸೋಮವಾರದಂದು ವಿವಾಹಿತ ಮಹಿಳೆಯರು ಶಿವ ಪಾರ್ವತಿಯನ್ನು ಜೊತೆಯಾಗಿ ಪೂಜಿಸುವುದರಿಂದ ಸುಖವಾದ ದಾಂಪತ್ಯ ಜೀವನವನ್ನು ಹೊಂದುತ್ತಾರೆ. ಅವಿವಾಹಿತ ಹುಡುಗಿಯರು ಸೋಮವಾರದ ದಿನದಂದು ಶಿವ ಮತ್ತು ಪಾರ್ವತಿ ದೇವಿಯನ್ನು ಜೊತೆಯಾಗಿ ಪೂಜಿಸುವುದರಿಂದ ಸದ್ಗುಣ ಶೀಲ ಪತಿಯನ್ನು ಪಡೆಯುತ್ತಾರೆ.

ಬಿಲ್ವಪತ್ರೆ ಜೊತೆ ಪೂಜೆ ಸಲ್ಲಿಸಿ

ಶಿವನಿಗೆ ಅತ್ಯಂತ ಪ್ರಿಯವಾದ ವಸ್ತುಗಳಲ್ಲಿ ಬಿಲ್ವಪತ್ರೆ ಕೂಡ ಒಂದು. ಶಿವನ ಬಿಲ್ವಪತ್ರೆ ಇಲ್ಲದೆ ಪೂಜೆಯನ್ನು ಸ್ವೀಕರಿಸಲಾರ. ಶಿವನನ್ನು ಪೂಜಿಸುವಾಗ ನಾವು ಯಾವುದೇ ವಸ್ತುಗಳನ್ನು ಬಳಸದೇ ಇದ್ದರೂ ಕೂಡ ಬಿಲ್ವಪತ್ರೆಯನ್ನು ಕಡ್ಡಾಯವಾಗಿ ಬಳಸಬೇಕು. ಶಿವನನ್ನು ಪೂಜಿಸುವಾಗ ನಾವು ಆತನಿಗೆ ಬಿಲ್ವಪತ್ರೆಯನ್ನು ಅರ್ಪಿಸುವುದರಿಂದ ಸುಲಭವಾಗಿ ಮತ್ತು ಸರಳವಾಗಿ ಆತನ ಆಶೀರ್ವಾದವನ್ನು ಪಡೆದುಕೊಳ್ಳಬಹುದಾಗಿದೆ. ಸೋಮವಾರದ ದಿನದಂದು ಶಿವಲಿಂಗಕ್ಕೆ ಅಭಿಷೇಕವನ್ನು ಮಾಡಿದ ನಂತರ ಶಿವಲಿಂಗದ ಮೇಲೆ ಮೂರು ದಳವುಳ್ಳ ಬಿಲ್ವಪತ್ರೆಯನ್ನು ಇಡಬೇಕು. ಇದರೊಂದಿಗೆ ಬಿಲ್ವಪತ್ರೆ ಮರವನ್ನು ಕೂಡ ಪೂಜಿಸಬಹುದು. ಸೋಮವಾರದ ದಿನದಂದು ಬಿಲ್ವಪತ್ರೆ ಮರಕ್ಕೆ ನೀರನ್ನು ಅರ್ಪಿಸಿ ಅದರ ಬಳಿ ಧೂಪ ದೀಪವನ್ನು ಹಚ್ಚಿಟ್ಟು ಬರಬೇಕು.ಶಿವನಿಗೆ ಅತ್ಯಂತ ಪ್ರಿಯವಾದ ವಸ್ತುಗಳಲ್ಲಿ ಬಿಲ್ವಪತ್ರೆ ಕೂಡ ಒಂದು. ಶಿವನ ಬಿಲ್ವಪತ್ರೆ ಇಲ್ಲದೆ ಪೂಜೆಯನ್ನು ಸ್ವೀಕರಿಸಲಾರ. ಶಿವನನ್ನು ಪೂಜಿಸುವಾಗ ನಾವು ಯಾವುದೇ ವಸ್ತುಗಳನ್ನು ಬಳಸದೇ ಇದ್ದರೂ ಕೂಡ ಬಿಲ್ವಪತ್ರೆಯನ್ನು ಕಡ್ಡಾಯವಾಗಿ ಬಳಸಬೇಕು. ಶಿವನನ್ನು ಪೂಜಿಸುವಾಗ ನಾವು ಆತನಿಗೆ ಬಿಲ್ವಪತ್ರೆಯನ್ನು ಅರ್ಪಿಸುವುದರಿಂದ ಸುಲಭವಾಗಿ ಮತ್ತು ಸರಳವಾಗಿ ಆತನ ಆಶೀರ್ವಾದವನ್ನು ಪಡೆದುಕೊಳ್ಳಬಹುದಾಗಿದೆ. ಸೋಮವಾರದ ದಿನದಂದು ಶಿವಲಿಂಗಕ್ಕೆ ಅಭಿಷೇಕವನ್ನು ಮಾಡಿದ ನಂತರ ಶಿವಲಿಂಗದ ಮೇಲೆ ಮೂರು ದಳವುಳ್ಳ ಬಿಲ್ವಪತ್ರೆಯನ್ನು ಇಡಬೇಕು. ಇದರೊಂದಿಗೆ ಬಿಲ್ವಪತ್ರೆ ಮರವನ್ನು ಕೂಡ ಪೂಜಿಸಬಹುದು. ಸೋಮವಾರದ ದಿನದಂದು ಬಿಲ್ವಪತ್ರೆ ಮರಕ್ಕೆ ನೀರನ್ನು ಅರ್ಪಿಸಿ ಅದರ ಬಳಿ ಧೂಪ ದೀಪವನ್ನು ಹಚ್ಚಿಟ್ಟು ಬರಬೇಕು.