ನೋಡಿರಿ
ಅಭಿ Vs ಸಂಜು Vs ಕೆಎಲ್ Vs ಗಿಲ್ – ಏಷ್ಯಾಕಪ್ ಟೂರ್ನಿಗೆ ಓಪನರ್ಸ್ ರೇಸ್
7 ಜನರ ನಡುವೆ ಯಾರಿಗೆ ಸಿಗುತ್ತೆ ಚಾನ್ಸ್?
ಇಂಗ್ಲೆಂಡ್ ಪ್ರವಾಸ ಮುಗಿಸಿ ಭಾರತಕ್ಕೆ ಬಂದಿರೋ ಟೀಂ ಇಂಡಿಯಾ ಮುಂದಿನ ತಿಂಗಳಲ್ಲಿ ಏಷ್ಯಾಕಪ್ನಲ್ಲಿ ಕಣಕ್ಕಿಳಿಯಲಿದೆ. ಸೆಪ್ಟೆಂಬರ್ 9ರಂದು ಆರಂಭವಾಗಲಿರೋ ಟೂರ್ನಿಗೆ ಬಿಸಿಸಿಐ ಇನ್ನಷ್ಟೇ ತಂಡವನ್ನ ಪ್ರಕಟ ಮಾಡಬೇಕಿದೆ. ಟಿ-20ಐ ಮಾದರಿಯಲ್ಲಿ ನಡೆಯಲಿರೋ ಈ ಪಂದ್ಯಾವಳಿಯಲ್ಲಿ ಶುಭ್ಮನ್ ಗಿಲ್ ಮತ್ತು ಯಶಸ್ವಿ ಜೈಸ್ವಾಲ್ ಕಮ್ಬ್ಯಾಕ್ ಮಾಡೋದು ಬಹುತೇಕ ಫಿಕ್ಸ್ ಆಗಿದೆ. ಹಾಗೇನಾದ್ರೂ ಇವ್ರಿಬ್ಬರನ್ನ ತಂಡಕ್ಕೆ ಸೇರಿಸಿಕೊಂಡ್ರೆ ಮ್ಯಾನೇಜ್ಮೆಂಟ್ಗೆ ಹೊಸ ತಲೆನೋವು ಶುರುವಾಗಲಿದೆ. ಟೀಮ್ ಇಂಡಿಯಾ ಪರ ಓಪನರ್ಸ್ ಯಾರು ಎಂಬ ಪ್ರಶ್ನೆ ಕಾಡ್ತಿದೆ.
ಇದನ್ನೂ ಓದಿ : ಸಂಜು ಫಸ್ಟ್.. ಜಿತೇಶ್ ಬ್ಯಾಕ್ ಅಪ್? – ನಾಲ್ವರ ರೇಸ್ ನಲ್ಲಿ ಕೀಪರ್ ಯಾರು?
2025ರಲ್ಲಿ ಟಿ20 ಮಾದರಿಯಲ್ಲಿ ಭಾರತದ ಪರ ಯಾವುದೇ ಪಂದ್ಯಗಳನ್ನ ಆಡದ ಶುಭ್ಮನ್ ಗಿಲ್, ಏಷ್ಯಾಕಪ್ನೊಂದಿಗೆ ಕಮ್ಬ್ಯಾಕ್ ಮಾಡಲು ಎದುರು ನೋಡ್ತಿದ್ದಾರೆ. ಇದೇ ಕಮ್ಬ್ಯಾಕ್, ಟೀಮ್ ಇಂಡಿಯಾ ಮ್ಯಾನೇಜ್ಮೆಂಟ್ಗೆ ಮಾತ್ರವಲ್ಲ. ಸೆಲೆಕ್ಷನ್ ಕಮಿಟಿಯೂ ಹೊಸ ಟೆನ್ಶನ್ ತಂದಿಟ್ಟಿದೆ. ಯಾಕಂದ್ರೆ, ಏಷ್ಯಾಕಪ್ನಲ್ಲಿ ಆಡಲು ಒಬ್ಬರಲ್ಲ, ಇಬ್ರಲ್ಲ ಬರೋಬ್ಬರಿ 7 ಓಪನರ್ಸ್ ತುದಿಗಾಲಲ್ಲಿ ನಿಂತಿದ್ದಾರೆ. ಶುಭ್ಮನ್ ಗಿಲ್, ಯಶಸ್ವಿ ಜೈಸ್ವಾಲ್, ಅಭಿಷೇಕ್ ಶರ್ಮಾ, ಸಂಜು ಸ್ಯಾಮ್ಸನ್, ಕೆ.ಎಲ್ ರಾಹುಲ್, ಸಾಯಿ ಸುದರ್ಶನ್ & ಇಶಾನ್ ಕಿಶನ್. ಈ 7 ಮಂದಿಯಲ್ಲಿ ಟೀಮ್ ಇಂಡಿಯಾ ಪರ ಸ್ಥಾನ ಯಾರಿಗೆ ಅನ್ನೋದು ಕುತೂಹಲ ಮೂಡಿಸಿದೆ. ಸೆಲೆಕ್ಷನ್ ಕಮಿಟಿಗೆ ಇದೇ ಬಿಗ್ ಚಾಲೆಂಜ್ ಆಗಿದೆ.
ಯಶಸ್ವಿ ಜೈಸ್ವಾಲ್ ಮತ್ತು ಶುಭ್ಮನ್ ಗಿಲ್ ಈ ಮೊದಲು ಟೀಮ್ ಇಂಡಿಯಾ ಪರ ಟಿ20 ತಂಡದ ಓಪನರ್ಸ್. ಆಗಿದ್ರು. ಆದ್ರೆ, ಏಕದಿನ ಹಾಗೂ ಟೆಸ್ಟ್ ತಂಡದಲ್ಲಿ ಬ್ಯುಸಿಯಾಗಿದ್ದ ಕಾರಣಕ್ಕೆ ಅಭಿಷೇಕ್ ಶರ್ಮಾ ಮತ್ತು ಸಂಜು ಸ್ಯಾಮ್ಸನ್ ಈ ಹಿಂದಿನ ಸರಣಿಗಳಲ್ಲಿ ಟೀಮ್ ಇಂಡಿಯಾದ ಓಪನರ್ಗಳಾಗಿದ್ದರು. ಸಿಕ್ಕ ಅವಕಾಶದಲ್ಲಿ ಅದ್ಬುತ ಪ್ರದರ್ಶನವನ್ನು ನೀಡಿದ್ರು. ಇದೀಗ ಖಾಯಂ ಓಪನರ್ಗಳಾದ ಶುಭ್ಮನ್ ಗಿಲ್, ಯಶಸ್ವಿ ಜೈಸ್ವಾಲ್ ಟಿ20 ತಂಡಕ್ಕೆ ಕಮ್ಬ್ಯಾಕ್ ಮಾಡೋಕೆ ರೆಡಿಯಾಗಿದ್ದಾರೆ. ಹೀಗಾಗಿ ಅಭಿಷೇಕ್, ಸಂಜು ಸ್ಯಾಮ್ಸನ್ ಸ್ಥಾನ ಅಂತತ್ರಕ್ಕೆ ಸಿಲುಕಿದೆ.
ಹೌದು ಜೈಸ್ವಾಲ್ ಮತ್ತು ಗಿಲ್ ರೀ ಎಂಟ್ರಿ ಕೊಟ್ರೆ ಸಂಜು ಸ್ಯಾಮ್ಸನ್ ಅವ್ರೇ ಸ್ಥಾನ ಬಿಟ್ಟುಕೊಡ್ಬೇಕಾಗುತ್ತೆ. ಈ ಹಿಂದೆ ಶುಭ್ಮನ್ ಗಿಲ್ ಹಾಗೂ ಅಭಿಷೇಕ್ ಶರ್ಮಾ ಇನ್ನಿಂಗ್ಸ್ ಓಪನ್ ಮಾಡಿದ್ದಿದೆ. ಅಗ್ರೆಸ್ಸಿವ್ ಇಂಟೆಂಟ್ನಲ್ಲಿ ಬ್ಯಾಟ್ ಬೀಸಿದ್ದೂ ಇದೆ. ಸದ್ಯ ನಂಬರ್ 1 ಟಿ20 ಬ್ಯಾಟರ್ ಆಗಿರುವ ಅಭಿಷೇಕ್ ಶರ್ಮಾರನ್ನ ತಂಡದಿಂದ ಹೊರಗಿಡೋದು ಕಷ್ಟ.. ಹೀಗಾಗಿ ಅಭಿ ಜೊತೆ ಗಿಲ್ ಅಥವಾ ಜೈಸ್ವಾಲ್ ಓಪನರ್ಗಳಾಗಿ ಆಡೋ ಸಾಧ್ಯತೆ ಹೆಚ್ಚಿದೆ. ಪರಿಣಾಮ ಸಂಜು ಸ್ಯಾಮ್ಸನ್ಗೆ ಆರಂಭಿಕನ ಸ್ಥಾನ ಬಿಟ್ಟುಕೊಡಬೇಕಾದ ಅನಿವಾರ್ಯತೆ ಎದುರಾಗಿದೆ.
ಸದ್ಯದ ಡವಲಪ್ಮೆಂಟ್ಸ್ಗಳನ್ನ ನೋಡಿದ್ರೆ ಶುಭ್ಮನ್ ಗಿಲ್, ಯಶಸ್ವಿ ಜೈಸ್ವಾಲ್, ಅಭಿಷೇಕ್ ಶರ್ಮಾ, ಸಂಜು ಸ್ಯಾಮ್ಸನ್ ಈ ನಾಲ್ವರೇ ತಂಡದ ಫಸ್ಟ್ ಚಾಯ್ಸ್ ಓಪನರ್ಸ್ ಎನಿಸಿದ್ದಾರೆ. ಅದ್ರ ಜೊತೆಗೆ ಐಪಿಎಲ್ನಲ್ಲಿ ಸದ್ದು ಮಾಡಿದ್ದ ಸಾಯಿ ಸುದರ್ಶನ್, ಕೆ.ಎಲ್.ರಾಹುಲ್, ಇಶಾನ್ ಕಿಶನ್ ಕೂಡ ಆಕಾಂಕ್ಷಿ ಆಗಿದ್ದಾರೆ. ರಾಹುಲ್ ಮತ್ತು ಕಿಶನ್ ಟಿ-20ಐ ಕ್ರಿಕೆಟ್ನಲ್ಲಿ ಕಮ್ಬ್ಯಾಕ್ ಎದುರು ನೋಡ್ತಿದ್ರೆ, ಯಂಗ್ಗನ್ ಸಾಯಿ ಸುದರ್ಶನ್ ಎರಡನೇ ಅವಕಾಶದ ನಿರೀಕ್ಷೆಯಲ್ಲಿದ್ದಾರೆ. ಈ ಮೂಲಕ 2 ಸ್ಥಾನಗಳ ಮೇಲೆ 7 ಆಟಗಾರರ ಕಣ್ಣಿದೆ. ಇವ್ರ ಪೈಕಿ ಯಾವೊಬ್ಬ ಆಟಗಾರನನ್ನೂ ಸುಲಭಕ್ಕೆ ಸೈಡ್ಲೈನ್ ಮಾಡುವಂತಿಲ್ಲ. ಹೀಗಾಗೇ ಏಷ್ಯಾಕಪ್ಗೆ ಓಪನರ್ಸ್ ಆಯ್ಕೆ ಸೆಲೆಕ್ಷನ್ ಕಮಿಟಿಗೆ ಕಗ್ಗಂಟು ಆಗೋದ್ರಲ್ಲಿ ಡೌಟೇ ಇಲ್ಲ.
