ನೋಡಿರಿ
MIಗೆ ಮಣ್ಣು ಮುಕ್ಕಿಸಿದ PBKS – ಶ್ರೇಯಸ್ ಅಸಲಿ ಆಟ ಈಗ ಶುರು
ಚೊಚ್ಚಲ ಕಪ್ ಗೆಲ್ತಾರಾ ಪಂಜಾಬ್?
ಫೈನಲಿ 18ನೇ ಸೀಸನ್ ಐಪಿಎಲ್ನ ಫೈನಲಿಸ್ಟ್ ತಂಡಗಳು ಕನ್ಪರ್ಮ್ ಆಯ್ತು. 5 ಸಲ ಚಾಂಪಿಯನ್ ಮುಂಬೈ ತಂಡವನ್ನ ಬಗ್ಗು ಬಡಿದು ಪಂಜಾಬ್ ಕಿಂಗ್ಸ್ ಫಿನಾಲೆಗೆ ಲಗ್ಗೆ ಇಟ್ಟಿದೆ. ಮಳೆ ಕಣ್ಣಾಮುಚ್ಚಾಲೆ ಬಳಿಕ 2 ಗಂಟೆ ಲೇಟಾಗಿ ಸ್ಟಾರ್ಟ್ ಆದ್ರೂ ಪಂಜಾಬ್ ಕ್ಯಾಪ್ಟನ್ ಶ್ರೇಯಸ್ ಅಯ್ಯರ್ ಪ್ಲ್ಯಾನ್ ವರ್ಕೌಟ್ ಆಯ್ತು.
ಇದನ್ನೂ ಓದಿ : ಮುಂಬೈ ವಿರುದ್ಧ ಪಂಜಾಬ್ ಕಿಂಗ್ಸ್‌ಗೆ ಜಯ – 11 ವರ್ಷದ ಬಳಿಕ ಫೈನಲ್ಗೆ ಎಂಟ್ರಿ
ಟಾಸ್ ಸೋತು ಬ್ಯಾಟಿಂಗ್ ಆರಂಬಿಸಿದ ಮುಂಬೈ ಪರ ಆರಂಭಿಕಗಾಗಿ ರೋಹಿತ್ ಶರ್ಮಾ ಮತ್ತು ಬೈರ್ಸ್ಟೋವ್ ಇನ್ನಿಂಗ್ಸ್ ಆರಂಭಿಸಿದ್ರು. ಆದ್ರೆ ರೋಹಿತ್ 8 ರನ್ಗಳಿಗೆ ಔಟಾಗಿ ನಿರಾಸೆ ಮೂಡಿಸಿದ್ರು. ಈ ವೇಳೆ ತಿಲಕ್ ವರ್ಮಾ ಕ್ರೀಸ್ಗೆ ಬಂದಿದ್ದು ಬೈರ್ಸ್ಟೋವ್ ಜೊತೆ ಒಳ್ಳೆ ಜೊತೆಯಾಟವಾಡಿದ್ರು. ಪವರ್ ಪ್ಲೇ ವೇಳೆಗೆಲ್ಲಾ 65 ರನ್ಸ್ ಕಂಪ್ಲೀಟ್ ಮಾಡಿದ್ರು. ಬಟ್ ಬೈರ್ಸ್ಟೋವ್ 38 ರನ್ಗೆ ಔಟಾದ್ರು. ಇನ್ನು ತಿಲಕ್ ಹಾಗೇ ಸೂರ್ಯ ತಲಾ 44 ರನ್ಸ್ ಗಳಿಸಿ ವಿಕೆಟ್ ಒಪ್ಪಿಸಿದ್ರು. ನಮನ್ ಧೀರ್ 37 ರನ್ ಗಳಿಸಿದ್ರು. ಸೋ 20 ಓವರ್ ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ ಮುಂಬೈ ತಂಡ 203 ರನ್ ಕಲೆಹಾಕಿತು.
ಇಂಡಿಯನ್ ಪ್ರೀಮಿಯರ್ ಲೀಗ್ ಇತಿಹಾಸದಲ್ಲಿ 200 ರನ್ಗಳಿಸಿ ಒಮ್ಮೆಯೂ ಸೋಲದ ತಂಡವಾಗಿದ್ದ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಕೊನೆಗೂ ಸೋಲುಣಿಸುವಲ್ಲಿ ಪಂಜಾಬ್ ಕಿಂಗ್ಸ್ ತಂಡ ಯಶಸ್ವಿಯಾಗಿದೆ. ಅದು ಕೂಡ 19 ಓವರ್ಗಳಲ್ಲಿ 203 ರನ್ಗಳನ್ನು ಚೇಸ್ ಮಾಡಿ ಫಿನಾಲೆಗೆ ಗ್ರ್ಯಾಂಡ್ ಆಗಿ ಎಂಟ್ರಿ ಕೊಟ್ಟಿದೆ. ಆರಂಭದಲ್ಲಿ ವಿಕೆಟ್ಸ್ ಕಳ್ಕೊಂಡ್ರು ನಾಯಕ ಶ್ರೇಯಸ್ ಅಯ್ಯರ್ ಸಿಡಿಲಬ್ಬರದ ಬ್ಯಾಟಿಂಗ್ ಪ್ರದರ್ಶಿಸಿದರು. 41 ಎಸೆತಗಳನ್ನು ಎದುರಿಸಿದ ಅಯ್ಯರ್ 8 ಭರ್ಜರಿ ಸಿಕ್ಸ್ ಹಾಗೂ 5 ಫೋರ್ಗಳೊಂದಿಗೆ ಅಜೇಯ 87 ರನ್ ಬಾರಿಸಿದರು. ನೇಹಾಲ್ ವದೇರಾ ಕೂಡ 48 ರನ್ ಬಾರಿಸಿದ್ರು. ಈ ಮೂಲಕ ಪಂಜಾಬ್ ಕಿಂಗ್ಸ್ 19 ಓವರ್ಗಳಲ್ಲಿ 207 ರನ್ಗಳಿಸಿ 5 ವಿಕೆಟ್ಗಳ ವಿಕ್ಟರಿಯೊಂದಿಗೆ ಫೈನಲ್ ತಲುಪಿದೆ. ಅದೂ ಕೂಡ 11 ವರ್ಷಗಳ ಬಳಿಕ. ಪಂಜಾಬ್ ಪಡೆ ಕೊನೆಯ ಬಾರಿ ಫೈನಲ್ ಆಡಿದ್ದು 2014 ರಲ್ಲಿ. ಇದೀಗ ದಶಕದ ಬಳಿಕ ಮತ್ತೊಮ್ಮೆ ಅಂತಿಮ ಪಂದ್ಯವಾಡಲು ಪಂಜಾಬ್ ಕಿಂಗ್ಸ್ ಸಜ್ಜಾಗಿದೆ.
ಈ ಸೀಸನ್ನ ಬ್ಯೂಟಿ ಅಂದ್ರೆ ಇದೇ ನೋಡಿ. 2008ರಿಂದಲೂ ಐಪಿಎಲ್ ಆಡ್ತಿರೋ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಆಗ್ಲಿ ಅಥವಾ ಪಂಜಾಬ್ ಆಗ್ಲಿ ಒಮ್ಮೆಯೂ ಟ್ರೋಫಿ ಗೆದ್ದಿಲ್ಲ. ಆದ್ರೀಗ ಉಭಯ ತಂಡಗಳು ಫಿನಾಲೆಗೆ ಲಗ್ಗೆ ಇಟ್ಟಿವೆ. ಸೋ ಜೂನ್ 3 ರಂದು ಅಹಮದಾಬಾದ್ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಈ ಎರಡು ತಂಡಗಳಲ್ಲಿ ಯಾರೇ ಗೆದ್ರೂ ಇತಿಹಾಸ ಸೃಷ್ಟಿಯಾಗುತ್ತೆ. ಇನ್ನೊಂದು ಅಚ್ಚರಿಯ ವಿಷ್ಯ ಅಂದ್ರೆ ಕ್ವಾಲಿಫೈಯರ್ 1ನಲ್ಲೇ ಈ ಉಭಯ ತಂಡಗಳು ಮುಖಾಮುಖಿಯಾಗಿದ್ವು. ಬಟ್ ಪಂದ್ಯದಲ್ಲಿ ಕಂಪ್ಲೀಟ್ ಡಾಮಿನೇಟ್ ಮಾಡಿದ್ದ ಆರ್ಸಿಬಿ ಗೆದ್ದು ಸೀದಾ ಫೈನಲ್ ಟಿಕೆಟ್ ಪಡೆದಿತ್ತು. ಇದೀಗ ಕ್ವಾಲಿಫೈಯರ್ 2ನಲ್ಲಿ ಮುಂಬೈ ತಂಡವನ್ನ ಮಣಿಸಿ ಪಂಜಾಬ್ ಫೈನಲ್ಗೆ ಲಗ್ಗೆ ಇಟ್ಟಿದೆ.
