ನೋಡಿರಿ
RCB ಪಂದ್ಯಗಳಿಗಿಲ್ಲ ಹೇಜಲ್ ವುಡ್? – ಪ್ಲೇಆಫ್ಸ್ ಹಂತದಲ್ಲೇ ತವರಿಗೆ ವಾಪಸ್
ಜೋಶ್ ಇಲ್ಲದ ರೆಡ್ ಆರ್ಮಿ ಹೇಗಿರುತ್ತೆ?
18ನೇ ಸೀಸನ್ನಲ್ಲಿ ಆರ್ಸಿಬಿ ಟೇಬಲ್ ಟಾಪರ್ ಪರ್ಫಾಮೆನ್ಸ್ ನೀಡ್ತಿದೆ ಅಂದ್ರೆ ಅದಕ್ಕೆ ಮುಖ್ಯ ಕಾರಣ ಟೀಂ.. ಬೌಲಿಂಗ್ ಮತ್ತು ಬ್ಯಾಟಿಂಗ್ ಸ್ಕ್ವಾಡ್ ಬಲಿಷ್ಠವಾಗಿ ಇರೋದೇ ಪ್ಲಸ್ ಆಗ್ತಿದೆ. ಅದ್ರಲ್ಲೂ ಜೋಶ್ ಹೇಜಲ್ವುಡ್ ಮ್ಯಾಚ್ ವಿನ್ನಿಂಗ್ ಪರ್ಫಾಮೆನ್ಸ್ನ ಮರೆಯೋಕೆ ಸಾಧ್ಯನೇ ಇಲ್ಲ. ಇನ್ನೇನು ಪಂದ್ಯ ಕೈಜಾರಿತು ಅನ್ನುವಾಗ್ಲೆಲ್ಲಾ ಆಪತ್ಬಾಂಧವನಂತೆ ಬಂದು ಗೆಲ್ಲಿಸಿಕೊಟ್ಟಿದ್ದಾರೆ. ಬಟ್ ಈಗ ಕ್ರೂಶಿಯಲ್ ಟೈಮಲ್ಲೇ ಅವ್ರ ಆಬ್ಸೆನ್ಸ್ ಕಾಡುವ ಆತಂಕ ಶುರುವಾಗಿದೆ.
ಇದನ್ನೂ ಓದಿ : 16ಕ್ಕೆ ಸ್ಟಾರ್ಟ್.. 30ಕ್ಕೆ IPL ಫೈನಲ್? – RCB Vs LSG ನಡುವೆ ಫಸ್ಟ್ ಫೈಟ್
ಭಾರತ ಮತ್ತು ಪಾಕಿಸ್ತಾನ ನಡುವಿನ ವಾರ್ನಿಂದಾಗಿ ಐಪಿಎಲ್ ಟೂರ್ನಿಯನ್ನ ಒಂದು ವಾರ ಪೋಸ್ಟ್ ಪೋನ್ ಮಾಡ್ಲಾಗಿದೆ. ಹೀಗಾಗಿ ಅನೇಕ ವಿದೇಶಿ ಆಟಗಾರರು ಭಾರತವನ್ನು ತೊರೆದು ತಮ್ಮ ತಮ್ಮ ರಾಷ್ಟ್ರಗಳಿಗೆ ವಾಪಸ್ ಆಗಿದ್ದಾರೆ. ಜೋಶ್ ಹೇಜಲ್ವುಡ್ ಕೂಡ ಆಸ್ಟ್ರೇಲಿಯಾಕ್ಕೆ ವಾಪಸ್ ಆಗಿದ್ರು. ಆದ್ರೀಗ ಹೋದವ್ರೆಲ್ಲಾ ವಾಪಸ್ ಬರ್ತಾರಾ ಅನ್ನೋದೇ ಪ್ರಶ್ನೆಯಾಗಿದೆ. ಈ ಸೀಸನ್ನಲ್ಲಿ ಆರ್ಸಿಬಿ ಅದ್ಭುತ ಪ್ರದರ್ಶನ ನೀಡುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಹೇಜಲ್ವುಡ್ ಮುಂದಿನ ಪಂದ್ಯಗಳಿಗೆ ಬರೋದು ಡೌಟ್ ಇದೆ. ಅಲ್ದೇ ಪ್ರಸ್ತುತ ಗಾಯದಿಂದಲೂ ಬಳಲುತ್ತಿದ್ದಾರೆ. ಇದೇ ಕಾರಣಕ್ಕೆ ಮೇ 3ರಂದು ಬೆಂಗಳೂರಿನಲ್ಲಿ ನಡೆದಿದ್ದ ಸಿಎಸ್ಕೆ ವಿರುದ್ಧದ ಪಂದ್ಯದಲ್ಲಿ ಕಣಕ್ಕಿಳಿದಿರಲಿಲ್ಲ. ಅಲ್ದೇ ಜೂನ್ 11 ರಿಂದ ಲಾರ್ಡ್ಸ್‌ನಲ್ಲಿ ನಡೆಯಲಿರುವ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಫೈನಲ್ ಪಂದ್ಯವನ್ನ ಆಡಬೇಕಾಗಿದೆ. ಈ ಪಂದ್ಯಕ್ಕೂ ಮುನ್ನ ಆಸ್ಟ್ರೇಲಿಯಾ ಮಂಡಳಿಯು ಯುಕೆಯಲ್ಲಿ ಕಂಡೀಷನಿಂಗ್ ಶಿಬಿರವನ್ನು ನಡೆಸಲಿದ್ದು, ಹೇಜಲ್ವುಡ್ ಈ ಶಿಬಿರದ ಭಾಗವಾಗಲಿದ್ದಾರೆ. ಆದ್ದರಿಂದ, ಐಪಿಎಲ್ ರೀ ಸ್ಟಾರ್ಟ್ ಆದ್ರೆ ವಾಪಸ್ ಬರೋದು ಡೌಟ್ ಎನ್ನಲಾಗ್ತಿದೆ. ಬಂದ್ರೂ ಕೂಡ ಅಂತಿಮ ಹಂತದ ಪಂದ್ಯಗಳನ್ನ ಮಿಸ್ ಮಾಡಿಕೊಳ್ಳಬಹುದು.
ಈ ಸೀಸನ್ನಲ್ಲಿ ಆರ್ಸಿಬಿಯ ಅತಿದೊಡ್ಡ ಸ್ಟ್ರೆಂಥ್ ಅಂದ್ರೆ ಅದು ಹೇಜಲ್ವುಡ್. ಪವರ್‌ಪ್ಲೇ ಆಗಿರಲಿ ಅಥವಾ ಡೆತ್ ಓವರ್‌ಗಳಾಗಿರಲಿ ಅವ್ರ ಬೌಲಿಂಗ್ ಕಂಟ್ರೋಲ್ ನೆಕ್ಸ್ಟ್ ಲೆವೆಲ್ನಲ್ಲಿತ್ತು. ರನ್‌ಗಳಿಗೆ ಕಡಿವಾಣ ಹಾಕೋದ್ರ ಜೊತೆಜೊತೆಗೆ ವಿಕೆಟ್‌ಗಳನ್ನೂ ಬೇಟೆಯಾಡ್ತಿದ್ರು. ಸದ್ಯ ಆರ್ಸಿಬಿ ಪರ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಕೂಡ ಅವ್ರೇ ಆಗಿದ್ದಾರೆ.
ಆರ್ ಸಿಬಿ ಸ್ಟ್ರೆಂಥ್ ಹೇಜಲ್ ವುಡ್!
ಆರ್ ಸಿಬಿ ಪರ ಅತೀ ಹೆಚ್ಚು ವಿಕೆಟ್ ಗಳನ್ನ ಬೇಟೆಯಾಡಿರುವ ಬೌಲರ್
10 ಪಂದ್ಯ, 36.5 ಓವರ್, ಒಟ್ಟು 311 ರನ್, 18 ವಿಕೆಟ್ ಗಳ ಬೇಟೆ
ಆರ್ಸಿಬಿ ತಂಡದ ಯಾವುದೇ ವೇಗಿ 10 ವಿಕೆಟ್ಗಳ ಮೇಲೆ ಪಡೆದಿಲ್ಲ
ಆರ್ ಸಿಬಿ ಪರ ಅತ್ಯಧಿಕ ಡಾಟ್ ಬಾಲ್ ಎಸೆದ ಬೌಲರ್ ಕೂಡ ಜೋಶ್
36.5 ಓವರ್ಗಳಲ್ಲಿ ಒಟ್ಟು 103 ಡಾಟ್ ಬಾಲ್ಗಳನ್ನು ಎಸೆದಿದ್ದಾರೆ
ಯಾವುದೇ ಬೌಲರ್ ಈ ಬಾರಿ 100 ಡಾಟ್ ಬಾಲ್ ಎಸೆದಿಲ್ಲ
ಪರ್ಪಲ್ ಕ್ಯಾಪ್ ರೇಸ್ನಲ್ಲಿ ಮೂರನೇ ಸ್ಥಾನ, ಪ್ರಸಿದ್ಧ್ ಕೃಷ್ಣ ಫಸ್ಟ್ ಪ್ಲೇಸ್
ನೂರ್ ಅಹ್ಮದ್ ಸೆಕೆಂಡ್ ಪ್ಲೇಸ್, 18 ವಿಕೆಟ್ ಪಡೆದು ಹೇಜಲ್ವುಡ್ 3ನೇ ಸ್ಥಾನ
